उत्कृष्ट थाना सम्मान
छत्तीसगढ़ के सूरजपुर जिला के झिलमिली थाना ल उत्कृष्ट थाना सम्मान के तहत देसभर म चैथा स्थान मिले हे। ए सम्मान केन्द्रीय गृह मंत्रालय डहार ले देसभर के आने-आने थाना म कराय गे सर्वें के आधार म दे जाथे।
ए मउका म मुख्यमंत्री भूपेश बघेल ह थाना के अधिकारी-करमचारी समेत पुलिस विभाग ल बधाई अउ सुभकामना दीन हे। ओमन कहिन हे कि झिलमिली थाना ल उत्कृष्टता के मामला म देस म चैथा स्थान मिलना हम सबो मन बर गरब के बिसय हे।
खबर के मुताबिक केन्द्रीय गृह मंत्रालय डहार ले उत्कृष्ट थाना ल लेके देसभर म सर्वें कराय गे रिहीस, जेमा थाना के रैंकिंग, साफ-सफाई, रंग-रोगन, कैम्प सुरक्षा प्रबंध, रिकार्ड संधारण अउ अपराध के समाधान ए जम्मों आधार म झिलमिली थाना ल देस म चैथा स्थान मिलीस।
मुख्यमंत्री-केन्द्रीय मंत्री पत्र
छत्तीसगढ़ के मुख्यमंत्री भूपेश बघेल ह केन्द्रीय खाद्य मंत्री पीयूष गोयल ल पत्र लिखके प्रदेस म समर्थन मूल्य म खरीदे जात धान के कस्टम मीलिंग बेरा म कराय जाय के अनुरोध करीन। ओमन ह पत्र म केन्द्रीय पुल के तहत छब्बीस लाख मीटरिक टन उसना चाउर अउ चैदह लाख मीटरिक टन अरवा चाउर उपार्जन के अनुमति देके मांग घलो करीन हे। श्री बघेल ह कहिन हे कि भारतीय खाद्य निगम डहार ले पूर्व खरीफ बछर म उसना के संगेसंग अरवा चाउर खरीदे जात रिहीस।
धान खरीदी
प्रदेस म किसनहा मन ले समर्थन मूल्य म धान खरीदे जात हे। दू दिन म सत्तर हजार किसनहा मन ले दू लाख उनतीस हजार मीटरिक टन ले जादा के धान खरीदे गीस। महासमुंद जिला म काली सबले जादा पच्चीस हजार अड़सठ मीटरिक टन धान अउ सबले कम दंतेवाड़ा जिला म चैव्वन मीटरिक टन धान खरीदे गीस।
राज्य के सीमावर्ती जिला म धान के अवैध परिवहन ल रोके बर सरलग निगरानी करे जात हे। धमतरी जिला म काली संयुक्त जांच दल ह कोंडगांव के रहइया एक झिन मनखे ले तिरानवे कट्टा अवैध धान जब्त करीन हे, जेखर खिलाफ छत्तीसगढ़ कृषि उपज मंडी अधिनियम के तहत जुर्म दर्ज करके कार्रवाई करे जात हे।
मुख्य सचिव-समीक्षा
मुख्य सचिव अमिताभ जैन ह आज वन विभाग डहार ले संचालित आने-आने योजना के क्रियान्वयन के समीक्षा करीन। नवा रईपुर म बुलाय गे ए बइठका म योजना के क्रियान्वयन, ओला लागू करे म आय वाले चुनौती अउ उपलब्ध बजट के संगेसंग हितग्राही मन ल मिलत लाभ के बारे म गोठबात करे गीस।
बइठका म मुख्य सचिव ह राज्य के लघु वनोपज संग्राहक मनके आय म बढ़ोतरी बर जरूरी कदम उठाय के निरदेस अधिकारी मन ल दीन। ओमन ह लघु वनोपज के गुणवत्तायुक्त प्रसंस्करण अउ विपणन करे बर घलो किहीन। श्री जैन ह बाड़ी विकास के तहत लगाय जात साग-भाजी के आपूर्ति स्थानीय स्तर म संचालित होवत स्कूल अउ आंगनबाड़ी केन्द्र म गरम खाना के संग कराय जाय के निरदेस दीन हे।
रक्षा मंत्री-अपील
केन्द्रीय रक्षा मंत्री राजनाथ सिंह ह देसवासी मन ल ससस्त्र सेना झंडा दिवस कोस म स्वैच्छिक योगदान के अपील करीन हे। नई दिल्ली म एखर खातिर कोस इकट्ठा करे ले जुड़े कारीकरम म श्री सिंह कहिन कि हमर सुरक्षा बल देस के संप्रभुता के रक्षा खातिर वीरता ले लड़थे। श्री सिंह ह कहिन कि हमर पूर्व सैनिक मनके पुनर्वास अउ कल्याण, सहीद सैनिक मनके परिजन अउ हमर निःशक्त सैनिक मनके जिम्मेदारी सबो नागरिक मनके हे।
ई-लोक अदालत
प्रदेसभर म ई-नेशनल लोक अदालत के आयोजन बारह दिसंबर के करे जाही। एमा पक्षकार अउ अधिवक्ता न्यायालय आये बिना ही अपन मामला के आपसी राजीनामा के आधार म निराकरण करवा सकत हे। ई-नेशनल लोक अदालत के माध्यम ले न्यायालय म लंबित सिविल वाद, मोटर दुर्घटना दावा प्रकरण, चेक बाउंस ले संबंधित मामला, पारिवारिक मामला अउ आपराधिक मामला के निराकरण आपसी राजीनामा के आधार म करे जाही। कोरोना महामारी के सेती राजीनामा योग्य लंबित मामला के निराकरण अउ पक्षकार मन ल तुरते न्याय दिलाय के बात ल ध्यान म राखत हुए नेशनल लोक अदालत के आयोजन करे जात हे।
लोक अदालत के माध्यम ले उही मामला के निराकरण होही, जेखर राजीनामा आवेदन ग्यारह दिसंबर तक संबंधित न्यायालय म जमा कराय गे होही। सबो पक्षकार अउ अधिवक्ता जउन मन राजीनामा आवेदन संबंधित न्यायालय म जमा कराय हे, ओमन अपन घर म ही वीडियो कान्फ्रेंसिंग ले न्यायालय ले जुड़ के अपन मामला के सुनवाई म सामिल हो सकत हे।
अंतर्राष्ट्रीय दिव्यांगजन दिवस
आज अंतर्राष्ट्रीय दिव्यांगजन दिवस हरय। ए बछर के थीम हरय ‘‘कोविड संक्रमण के बाद दिव्यांगजनों के लिए समावेशी, सुलभ और टिकाऊ दुनिया का निर्माण।‘‘ ए मउका म उप राष्ट्रपति एम. वेंकैया नायडू ह कहिन कि हमन ल दिव्यांगजन मनके प्रति सहानुभूति अउ आदर रखना चाही। उहें, प्रधानमंत्री नरेन्द्र मोदी ह कहिन कि दिव्यांगजन मनके सहज भाव अउ धैर्य हमन ल प्रेरणा देथे। एक ठिन ट्वीट म श्री मोदी ह कहिन कि सुगम्य भारत अभियान के तहत करे गे पहल ले हमर दिव्यांग भाई-बहिनी मन म सकारात्मक बदलाव आय हे।
छत्तीसगढ़ के मुख्यमंत्री भूपेश बघेल अउ समाज कल्याण मंत्री अनिला भेंडिया ह घलो दिव्यांगजन मन ल सुभकामना दीन हे। श्री बघेल ह कहिन कि दिव्यांग मन मुख्यधारा के हिस्सा हे। ए दिवस तभे सार्थक हो सकत हे जब सबो दिव्यांग मन आने मनखे के सामान आर्थिक अउ सामाजिक स्थिति पा सकय। उहें, श्रीमती भेंडिया ह कहिन कि निःसक्तजन मन ल विकास के सामान अवसर देवाय बर राज्य सरकार संकल्पित हे।
अंतर्राष्ट्रीय दिव्यांगजन दिवस के मउका म आज प्रदेस म आने-आने कारीकरम आयोजित कराय जात हे। रईपुर के माना स्थित दिव्यांग पुनर्वास केन्द्र म आज राज्य स्तरीय पुरस्कार अउ सम्मान समारोह के आयोजन करे गीस। ए अवसर म समाज कल्याण मंत्री अनिला भेंडिया अउ कृषि मंत्री रविन्द्र चैबे ह दिव्यांगजन मन ल अत्याधुनिक कृत्रिम अंग अउ सहायक उपकरण उपलब्ध करइया सहायक केन्द्र के नवा भवन के लोकार्पण करीन। ए बेरा म दिव्यांग कल्याण के क्षेत्र म अच्छा काम करे वाले संस्था अउ दिव्यांग करमचारी मन ल सम्मानित करे गीस।
उहें, मुंगेली जिला म घलो आज दिव्यांगजन मन ल ट्रायसिकल, श्रवण यंत्र, स्मार्ट कैन, व्हीलचेयर अउ बैसाखी बांटे गीस।
ललित सुरजन-निधन
वरिष्ठ पत्रकार अउ देशबंधु के प्रधान संपादक ललित सुरजन के काली निधन होगे। ओमन लंबा बेरा ले बीमार रिहीन।
राज्यपाल अनसुईया उइके अउ मुख्यमंत्री भूपेश बघेल ह पत्रकार श्री सुरजन के निधन म दुख जताईन हे। राज्यपाल ह अपन सोक संदेस म कहिन हे कि श्री सुरजन के देस-प्रदेस के पत्रकारिता अउ साहित्य जगत म महत्वपूर्ण योगदान रिहीस। श्री सुरजन ह अपन लेखनी के माध्यम ले समाज के दलित अउ सोसित मनके आवाज उठाईस।
उहें, मुख्यमंत्री ह कहिन कि छत्तीसगढ़ ह अपन एक सपूत ल खो दीस हे। साम्प्रदायिकता अउ कूपमंडूकता के खिलाफ देसबंधु के माध्यम ले जउन लौ उंखर पिता मायाराम सुरजन ह जलाय रिहीन, ओला श्री सुरजन ह बखूबी आगू बढ़ाईन।
दुर्घटना
प्रदेस म पाछु चैबीस घंटा म आने-आने सड़क हादसा म एक झिन लइका समेत छह लोगन मनके मउत होगे। उहें, चार मनखे मन घायल होगे।
रायगढ़ जिला के पुसौर धान खरीदी केन्द्र के आगू पाछु रतिहा एक ठिन टरक ह चारपहिया गाड़ी ल ठोकर मार दीस। ए हादसा म तीन झिन के मउका म ही मउत होगे। जबकि दू लोगन मन गंभीर रूप ले घायल होय हे। ए सबो मन ओड़िसा के बरगड़ ले बिहाव म सामिल होय बर रायगढ़ आय रिहीन।
ओति, कोंडागांव जिला के मसोरा गांव म घलो पाछु रतिहा चारपहिया गाड़ी के टक्कर ले मोटर साइकिल सवार एक मनखे के मउत होगे। उहें, दू लोगन मन घायल होगे, जउन मन ल कोंडागांव केे अस्पताल म भर्ती कराय गेहे।
ऐति, दुरूग जिला के नेहरू चउक म ट्रक के चपेट म आय ले मोटर साइकिल सवार एक झिन जवान लइका के मउत होगे।
उहें, राजनांदगांव जिला के अंबागढ़ चैकी के जोरातराई म खेती के काम म लगे ट्रेक्टर ले दबके एक लइका के मउत होगे। घटना के बाद ग्रामीण मन ह मुआवजा के मांग लेके मुख्य मार्ग म चक्काजाम करीन अउ प्रसासनिक अधिकारी मनके समझाईश के बाद सबो ग्रामीण मन ल सांत होईन।
छत्तीसगढ़ के सूरजपुर जिला के झिलमिली थाना ल उत्कृष्ट थाना सम्मान के तहत देसभर म चैथा स्थान मिले हे। ए सम्मान केन्द्रीय गृह मंत्रालय डहार ले देसभर के आने-आने थाना म कराय गे सर्वें के आधार म दे जाथे।
ए मउका म मुख्यमंत्री भूपेश बघेल ह थाना के अधिकारी-करमचारी समेत पुलिस विभाग ल बधाई अउ सुभकामना दीन हे। ओमन कहिन हे कि झिलमिली थाना ल उत्कृष्टता के मामला म देस म चैथा स्थान मिलना हम सबो मन बर गरब के बिसय हे।
खबर के मुताबिक केन्द्रीय गृह मंत्रालय डहार ले उत्कृष्ट थाना ल लेके देसभर म सर्वें कराय गे रिहीस, जेमा थाना के रैंकिंग, साफ-सफाई, रंग-रोगन, कैम्प सुरक्षा प्रबंध, रिकार्ड संधारण अउ अपराध के समाधान ए जम्मों आधार म झिलमिली थाना ल देस म चैथा स्थान मिलीस।
मुख्यमंत्री-केन्द्रीय मंत्री पत्र
छत्तीसगढ़ के मुख्यमंत्री भूपेश बघेल ह केन्द्रीय खाद्य मंत्री पीयूष गोयल ल पत्र लिखके प्रदेस म समर्थन मूल्य म खरीदे जात धान के कस्टम मीलिंग बेरा म कराय जाय के अनुरोध करीन। ओमन ह पत्र म केन्द्रीय पुल के तहत छब्बीस लाख मीटरिक टन उसना चाउर अउ चैदह लाख मीटरिक टन अरवा चाउर उपार्जन के अनुमति देके मांग घलो करीन हे। श्री बघेल ह कहिन हे कि भारतीय खाद्य निगम डहार ले पूर्व खरीफ बछर म उसना के संगेसंग अरवा चाउर खरीदे जात रिहीस।
धान खरीदी
प्रदेस म किसनहा मन ले समर्थन मूल्य म धान खरीदे जात हे। दू दिन म सत्तर हजार किसनहा मन ले दू लाख उनतीस हजार मीटरिक टन ले जादा के धान खरीदे गीस। महासमुंद जिला म काली सबले जादा पच्चीस हजार अड़सठ मीटरिक टन धान अउ सबले कम दंतेवाड़ा जिला म चैव्वन मीटरिक टन धान खरीदे गीस।
राज्य के सीमावर्ती जिला म धान के अवैध परिवहन ल रोके बर सरलग निगरानी करे जात हे। धमतरी जिला म काली संयुक्त जांच दल ह कोंडगांव के रहइया एक झिन मनखे ले तिरानवे कट्टा अवैध धान जब्त करीन हे, जेखर खिलाफ छत्तीसगढ़ कृषि उपज मंडी अधिनियम के तहत जुर्म दर्ज करके कार्रवाई करे जात हे।
मुख्य सचिव-समीक्षा
मुख्य सचिव अमिताभ जैन ह आज वन विभाग डहार ले संचालित आने-आने योजना के क्रियान्वयन के समीक्षा करीन। नवा रईपुर म बुलाय गे ए बइठका म योजना के क्रियान्वयन, ओला लागू करे म आय वाले चुनौती अउ उपलब्ध बजट के संगेसंग हितग्राही मन ल मिलत लाभ के बारे म गोठबात करे गीस।
बइठका म मुख्य सचिव ह राज्य के लघु वनोपज संग्राहक मनके आय म बढ़ोतरी बर जरूरी कदम उठाय के निरदेस अधिकारी मन ल दीन। ओमन ह लघु वनोपज के गुणवत्तायुक्त प्रसंस्करण अउ विपणन करे बर घलो किहीन। श्री जैन ह बाड़ी विकास के तहत लगाय जात साग-भाजी के आपूर्ति स्थानीय स्तर म संचालित होवत स्कूल अउ आंगनबाड़ी केन्द्र म गरम खाना के संग कराय जाय के निरदेस दीन हे।
रक्षा मंत्री-अपील
केन्द्रीय रक्षा मंत्री राजनाथ सिंह ह देसवासी मन ल ससस्त्र सेना झंडा दिवस कोस म स्वैच्छिक योगदान के अपील करीन हे। नई दिल्ली म एखर खातिर कोस इकट्ठा करे ले जुड़े कारीकरम म श्री सिंह कहिन कि हमर सुरक्षा बल देस के संप्रभुता के रक्षा खातिर वीरता ले लड़थे। श्री सिंह ह कहिन कि हमर पूर्व सैनिक मनके पुनर्वास अउ कल्याण, सहीद सैनिक मनके परिजन अउ हमर निःशक्त सैनिक मनके जिम्मेदारी सबो नागरिक मनके हे।
ई-लोक अदालत
प्रदेसभर म ई-नेशनल लोक अदालत के आयोजन बारह दिसंबर के करे जाही। एमा पक्षकार अउ अधिवक्ता न्यायालय आये बिना ही अपन मामला के आपसी राजीनामा के आधार म निराकरण करवा सकत हे। ई-नेशनल लोक अदालत के माध्यम ले न्यायालय म लंबित सिविल वाद, मोटर दुर्घटना दावा प्रकरण, चेक बाउंस ले संबंधित मामला, पारिवारिक मामला अउ आपराधिक मामला के निराकरण आपसी राजीनामा के आधार म करे जाही। कोरोना महामारी के सेती राजीनामा योग्य लंबित मामला के निराकरण अउ पक्षकार मन ल तुरते न्याय दिलाय के बात ल ध्यान म राखत हुए नेशनल लोक अदालत के आयोजन करे जात हे।
लोक अदालत के माध्यम ले उही मामला के निराकरण होही, जेखर राजीनामा आवेदन ग्यारह दिसंबर तक संबंधित न्यायालय म जमा कराय गे होही। सबो पक्षकार अउ अधिवक्ता जउन मन राजीनामा आवेदन संबंधित न्यायालय म जमा कराय हे, ओमन अपन घर म ही वीडियो कान्फ्रेंसिंग ले न्यायालय ले जुड़ के अपन मामला के सुनवाई म सामिल हो सकत हे।
अंतर्राष्ट्रीय दिव्यांगजन दिवस
आज अंतर्राष्ट्रीय दिव्यांगजन दिवस हरय। ए बछर के थीम हरय ‘‘कोविड संक्रमण के बाद दिव्यांगजनों के लिए समावेशी, सुलभ और टिकाऊ दुनिया का निर्माण।‘‘ ए मउका म उप राष्ट्रपति एम. वेंकैया नायडू ह कहिन कि हमन ल दिव्यांगजन मनके प्रति सहानुभूति अउ आदर रखना चाही। उहें, प्रधानमंत्री नरेन्द्र मोदी ह कहिन कि दिव्यांगजन मनके सहज भाव अउ धैर्य हमन ल प्रेरणा देथे। एक ठिन ट्वीट म श्री मोदी ह कहिन कि सुगम्य भारत अभियान के तहत करे गे पहल ले हमर दिव्यांग भाई-बहिनी मन म सकारात्मक बदलाव आय हे।
छत्तीसगढ़ के मुख्यमंत्री भूपेश बघेल अउ समाज कल्याण मंत्री अनिला भेंडिया ह घलो दिव्यांगजन मन ल सुभकामना दीन हे। श्री बघेल ह कहिन कि दिव्यांग मन मुख्यधारा के हिस्सा हे। ए दिवस तभे सार्थक हो सकत हे जब सबो दिव्यांग मन आने मनखे के सामान आर्थिक अउ सामाजिक स्थिति पा सकय। उहें, श्रीमती भेंडिया ह कहिन कि निःसक्तजन मन ल विकास के सामान अवसर देवाय बर राज्य सरकार संकल्पित हे।
अंतर्राष्ट्रीय दिव्यांगजन दिवस के मउका म आज प्रदेस म आने-आने कारीकरम आयोजित कराय जात हे। रईपुर के माना स्थित दिव्यांग पुनर्वास केन्द्र म आज राज्य स्तरीय पुरस्कार अउ सम्मान समारोह के आयोजन करे गीस। ए अवसर म समाज कल्याण मंत्री अनिला भेंडिया अउ कृषि मंत्री रविन्द्र चैबे ह दिव्यांगजन मन ल अत्याधुनिक कृत्रिम अंग अउ सहायक उपकरण उपलब्ध करइया सहायक केन्द्र के नवा भवन के लोकार्पण करीन। ए बेरा म दिव्यांग कल्याण के क्षेत्र म अच्छा काम करे वाले संस्था अउ दिव्यांग करमचारी मन ल सम्मानित करे गीस।
उहें, मुंगेली जिला म घलो आज दिव्यांगजन मन ल ट्रायसिकल, श्रवण यंत्र, स्मार्ट कैन, व्हीलचेयर अउ बैसाखी बांटे गीस।
ललित सुरजन-निधन
वरिष्ठ पत्रकार अउ देशबंधु के प्रधान संपादक ललित सुरजन के काली निधन होगे। ओमन लंबा बेरा ले बीमार रिहीन।
राज्यपाल अनसुईया उइके अउ मुख्यमंत्री भूपेश बघेल ह पत्रकार श्री सुरजन के निधन म दुख जताईन हे। राज्यपाल ह अपन सोक संदेस म कहिन हे कि श्री सुरजन के देस-प्रदेस के पत्रकारिता अउ साहित्य जगत म महत्वपूर्ण योगदान रिहीस। श्री सुरजन ह अपन लेखनी के माध्यम ले समाज के दलित अउ सोसित मनके आवाज उठाईस।
उहें, मुख्यमंत्री ह कहिन कि छत्तीसगढ़ ह अपन एक सपूत ल खो दीस हे। साम्प्रदायिकता अउ कूपमंडूकता के खिलाफ देसबंधु के माध्यम ले जउन लौ उंखर पिता मायाराम सुरजन ह जलाय रिहीन, ओला श्री सुरजन ह बखूबी आगू बढ़ाईन।
दुर्घटना
प्रदेस म पाछु चैबीस घंटा म आने-आने सड़क हादसा म एक झिन लइका समेत छह लोगन मनके मउत होगे। उहें, चार मनखे मन घायल होगे।
रायगढ़ जिला के पुसौर धान खरीदी केन्द्र के आगू पाछु रतिहा एक ठिन टरक ह चारपहिया गाड़ी ल ठोकर मार दीस। ए हादसा म तीन झिन के मउका म ही मउत होगे। जबकि दू लोगन मन गंभीर रूप ले घायल होय हे। ए सबो मन ओड़िसा के बरगड़ ले बिहाव म सामिल होय बर रायगढ़ आय रिहीन।
ओति, कोंडागांव जिला के मसोरा गांव म घलो पाछु रतिहा चारपहिया गाड़ी के टक्कर ले मोटर साइकिल सवार एक मनखे के मउत होगे। उहें, दू लोगन मन घायल होगे, जउन मन ल कोंडागांव केे अस्पताल म भर्ती कराय गेहे।
ऐति, दुरूग जिला के नेहरू चउक म ट्रक के चपेट म आय ले मोटर साइकिल सवार एक झिन जवान लइका के मउत होगे।
उहें, राजनांदगांव जिला के अंबागढ़ चैकी के जोरातराई म खेती के काम म लगे ट्रेक्टर ले दबके एक लइका के मउत होगे। घटना के बाद ग्रामीण मन ह मुआवजा के मांग लेके मुख्य मार्ग म चक्काजाम करीन अउ प्रसासनिक अधिकारी मनके समझाईश के बाद सबो ग्रामीण मन ल सांत होईन।