राज्य स्थापना दिवस
छत्तीसगढ़ राज्य के इक्कीसवां स्थापना दिवस काली एक नवंबर के मनाय जाही। बछर दू हजार म मध्यप्रदेश ले अलग होके छत्तीसगढ़ राज्य बनाय गे रिहीस। कोरोना संक्रमण ल देखत राज्य स्थापना दिवस के मउका म ए बखत राज्योत्सव के बड़े कारीकरम नइ होही। काली मुख्यमंत्री के निवास म सिरिफ वर्चुअल रूप म अलंकरण समारोह करे जाही।
इही बीच, राज्यपाल अनुसुईया उइके अउ मुख्यमंत्री भूपेश बघेल ह प्रदेसवासी मन ल राज्य स्थापना दिवस के बधाई दीन हे। मुख्यमंत्री ह किहीन कि राज्य सरकार छत्तीसगढ़ ल आगू बढ़ाय बर ‘‘गढ़बो नवा छत्तीसगढ़‘‘ के संकलप ल लेके चलत हे।
फोर्टिफाइड चावल
प्रदेस म काली ले आयरन अउ विटामिन वाले फोर्टिफाइड चावल बांटे के योजना सुरू होही। मुख्यमंत्री भूपेश बघेल ह छत्तीसगढ़ राज्य स्थापना दिवस के मउका म ए योजना के सुरूवात करही। भोजन म जरूरी पौष्टिक तत्व के पूर्ति अउ कुपोषण ल रोके बर ए योजना प्रदेस के कोंडागांव जिला म पायलट प्रोजेक्ट के रूप म सुरू करे जाही। एखर बर पांच करोड़ अस्सी लाख रूपिया के बजट के प्रावधान करे गेहे। हितग्राही मन ल फोर्टिफाइड चाउर उचित मूल्य के दुकान मन ले दे जाही।
खबर के मुताबिक फोर्टिफाइड चाउर म आयरन, विटामिन-बी-बारह अउ फोलिक एसिड वाले राईस करनेल के मिश्रण होते, जउन ह लोगन के खुराक म जरूरी पौष्टिक तत्व ल पूरा करे के संग कुपोसन अउ एनीमिया ल रोके म मददगार साबित होही।
उहें, मुख्यमंत्री काली राज्योत्सव के मउका म राखे गे कारीकरम म प्रदेस के अट्ठारह लाख ले जादा किसान मनके खाता म राजीव गांधी किसान न्याय योजना के रूप म तीसरा किश्त के रूप म डेढ़ हजार करोड़ रूपिया के रासि के आॅनलाइन भुगतान करही।
शिक्षाकर्मी-संविलियन
प्रदेस के सिक्षाकर्मी मन ल राज्य सरकार ह राज्योत्सव म सौगात देहे। लोक सिक्षक संचालनालय डहार ले पंचायत अउ नगरीय निकाय संवर्ग के आठ हजार दू सौ छब्बीस व्याख्याता मनके एक नवंबर ले स्कूल सिक्षा विभाग संविलियन के आदेस जारी कर दे गेहे। प्रदेस म दू बछर के सेवा अवधि पूरा करइया कुल सोलह हजार दू सौ अठहत्तर सिक्षक मनके संविलियन के आदेस घलो जारी करे जाही।
वल्लभभाई पटेल
देस ह आज लौह पुरूष सरदार वल्लभ भाई पटेल के एक सौ पैंतालीसवां जयंती मनावत हे। ए दिन ल देसभर म राष्ट्रीय एकता दिवस के रूप म घलो मनाय जाथे।
प्रधानमंत्री नरेन्द्र मोदी ह सरदार पटेल के जयंती म गुजरात के नर्मदा जिला म केवड़िया म विश्व के सबले ऊंचा मूर्ति ‘‘स्टेच्यू आॅफ यूनिटी‘‘ म फूल चढ़ाईन। ए मउका म प्रधानमंत्री ह लोक सेवा प्रांेबेशनर मन ले आह्वान करीन कि ओमन लोगन संग अपन आप ल जोड़य अउ जिम्मेदार बनय।
ऐति, छत्तीसगढ़ म घलो सरदार पटेल के जयंती ल राष्ट्रीय एकता दिवस के रूप म मनाय गीस। राज्यपाल अनुसुईया उइके अउ मुख्यमंत्री भूपेश बघेल ह सरदार पटेल के जयंती अउ पूर्व प्रधानमंत्री इंदिरागांधी के पुण्यतिथि म ओमन ल अपन श्रद्धांजलि दीन हे।
राष्ट्रीय एकता दिवस के मउका म गृह मंत्री ताम्रध्वज साहू ह माना के छत्तीसगढ़ सशस्त्र बल के चैथा वाहिनी म राष्ट्रीय एकता दिवस परेड के सलामी लीन। उहें, छत्तीसगढ़ विधानसभा सचिवालय म प्रमुख सचिव चंद्रशेखर गंगराड़े ह अधिकारी अउ करमचारी मन ल सपथ देवाईन। ए मउका म सरदार पटेल के जयंती अउ इंदिरा गांधी के पुण्यतिथि म उंखर चित्र म फूल चढ़ाय गीस।
कांग्रेस-किसान अधिकार दिवस
प्रदेस कांग्रेस कमेटी डहार ले लौह पुरूष सरदार वल्लभभाई पटेल के जयंती अउ पूर्व प्रधाममंत्री इंदिरा गांधी के पुण्यतिथि ल आज किसान अधिकार दिवस के रूप म मनाय जावत हे। ए कड़ी म कांग्रेस डहार ले राज्य के सबो जिला मुख्यालय म सत्याग्रह करे गीस। सत्याग्रह म सामिल होके कांग्रेस पदाधिकारी मन ह केन्द्र सरकार ले कृषि संसोधन विधेयक ल वापिस लेके मांग करीन हे।
धमतरी जिला म घलो कांग्रेस कार्यकर्ता मन ह सत्याग्रह करीन अउ केन्द्र ले नवा कृषि कानून ल वापस ले जाय के मांग करीन।
कोरोना समाचार/जागरूकता
राजनांदगांव के ग्राम टेडेसरा म दू दिन पहिली राखे गे संभाग स्तरीय बइठका म सामिल जिला के एक एनआईसी अधिकारी के कोरोना जांच रिपोर्ट पाॅजिटिव आय हे। जिला म काली सात सौ पैंतीस लोगन के कोरोना जांच करे गीस, जेमा इकहत्तर झन कोरोना संक्रमित पाय गीन।
इही बीच, छत्तीसगढ़ के लोक कलाकार शिवकुमार तिवारी ह लोगन ले कोरोना संक्रमण ले बचाव बर जरूरी सावधानी राखे के अपील करीन हे।
ई-मेगा विधिक सेवा शिविर
छत्तीसगढ़ राज्य विधिक सेवा प्राधिकरण-बिलासपुर डहार ले आज प्रदेस के पहिली ई-मेगा विधिक सेवा सिविर आयोजित करे गीस। आने-आने विभाग के सहयोग ले ए सिविर राज्य के तेईस जिला अउ चैसठ विकासखंड म आयोजित करे गीस। सिविर के सुरूवातेच म चार लाख चालीस हजार ले जादा हितग्राही मन ल एक सौ ग्यारह करोड़ रूपिया के फायदा पहुंचाय गीस।
राज्य विधिक सेवा प्राधिकरण के कार्यकारी अध्यक्ष अउ उच्च न्यायालय के न्यायाधीश प्रशांत मिश्रा ह आज ई-मेगा सिविर के वर्चुअल उद्घाटन करीन। ए मउका म ओमन किहीन कि वंचित मन ल आर्थिक अउ सामाजिक न्याय देवाय बर ई-मेगा विधिक सेवा सिविर एक ठिन नवा प्रयास हे। ओमन किहीन कि कोरोना संकट काल म विधिक साक्षरता के काम ई-प्लेटफाॅर्म म होवत हे। राज्य म पहला ई-लोक अदालत होय के बाद ई-मेगा सिविर के बारे म सोचे गीस। आम लोगन तक योजना ल पहुंचाय बर ए सिविर बने माध्यम हे।
ए मउका म सद्भावना श्रृंखला घलो बनाय गीस। एमा यू-ट्यूब के माध्यम ले जनचेतना चैनल चला के आने-आने कानून के जानकारी ले जुड़े वीडियो डाले जावत हे। इही कड़ी ल आगू बढ़ावत दृष्टिहीन, मूकबधिर अउ निःसक्त मन बर सद्भावना विधिक श्रृंखला आज ले सुरू करे गेहे।
मरवाही उपचुनाव
मरवाही विधानसभा उपचुनाव बर प्रचार अभियान अपन चरम म पहुंच गे हवय। ए उपचुनाव बर तीन नवंबर के मतदान होही। मुख्यमंत्री भूपेश बघेल ह आज लेदरी म कांग्रेस प्रत्यासी के समर्थन म प्रचार करीन। उहें, भाजपा के राष्ट्रीय उपाध्यक्ष अउ पूर्व मुख्यमंत्री डाॅक्टर रमन सिंह संघरा पार्टी के पदाधिकारी मन घलो भाजपा प्रत्यासी के पक्ष म प्रचार करत हे।
इही बीच, जनता कांग्रेस छत्तीसगढ़ के प्रदेस अध्यक्ष अमित जोगी ह घोसना करीन हे कि उंखर पार्टी मरवाही उपचुनाव म भाजपा प्रत्यासी के समर्थन करही।
मुख्यमंत्री श्री बघेल ह जनता कांग्रेस छत्तीसगढ़ डहार ले भाजपा ल समर्थन दे जाय म किहीन हे कि मरवाही उपचुनाव म कांग्रेस अब अउ जादा मत ले जीत हासिल करही। उहें, पूर्व मुख्यमंत्री डाॅक्टर रमन सिंह ह किहीन हे कि मरवाही उपचुनाव म जनता कांग्रेस छत्तीसगढ़ के समर्थन मिले ले भाजपा ल फायदा होही। ओमन ह राज्य सरकार उपर प्रदेस के जनता ले वादाखिलाफी करे के आरोप लगाईन हे।
इही बीच, मरवाही उपचुनाव के एक दिन पहिली दू नवंबर अउ तीन नवंबर के प्रिंट मीडिया म प्रकासित होवइया राजनीतिक विज्ञापन के पूर्व प्रमाणीकरण कराना जरूरी हे। भारत निर्वाचन आयोग ह राजनीतिक दल अउ प्रत्यासी मन बर राजनीतिक विज्ञापन जारी करे के संबंध म दिसा-निरदेस जारी करीन हे।
हमर ग्राम सभा
पंचायत अउ ग्रामीण विकास मंत्री टी.एस. सिंहदेव काली रतिहा साढ़े सात बजे आकाशवाणी रईपुर ले प्रसारित बिसेस कारीकरम ‘‘हमर ग्राम सभा‘‘ वन अधिकार अधिनियम के जानकारी दीही। ए दउरान ओमन ह पत्र, एसएमएस अउ वाट्सऐप के माध्यम ले श्रोता मन डहार ले पूछे गे सवाल के जवाब घलो दीहीं। ए कारीकरम ल मीडियम वेब नौ सौ इक्यासी किलोहटर््स म सुने जा सकत हे। ए कारीकरम ल प्रदेस के सबो आकाशवाणी केन्द्र मन ह एके संघरा रिले करही।
माओवादी-कैम्प ध्वस्त
बीजापुर जिला म सुरक्षा बल ह एक ठिन माओवादी कैम्प ल ध्वस्त करे हे। मिले जानकारी के अनुसार सीआरपीएफ, जिला पुलिस बल अउ सीएएफ के संयुक्त टीम ह पामेड़ थाना क्षेत्र म तलाशी अभियान म निकले रिहीस। इही दउरान सुरक्षा बल ल सेन्ड्रमबोर के जंगल म पन्द्रह फीट ऊंचा माओवादी स्मारक बने के जानकारी मिले रिहीस, जेला जवान मन ह ध्वस्त कर दीन।
संक्षिप्त समाचार
अउ अब थोरकुन समाचार सार म-
– सुकमा जिला के दोरनापाल म सीआरपीएफ के दू सौ तेईसवां बटालियन म पदस्थ एक झिन जवान ह अपन सर्विस राइफल ल खुद ल गोली मार के आत्महत्या कर लीस।
छत्तीसगढ़ राज्य के इक्कीसवां स्थापना दिवस काली एक नवंबर के मनाय जाही। बछर दू हजार म मध्यप्रदेश ले अलग होके छत्तीसगढ़ राज्य बनाय गे रिहीस। कोरोना संक्रमण ल देखत राज्य स्थापना दिवस के मउका म ए बखत राज्योत्सव के बड़े कारीकरम नइ होही। काली मुख्यमंत्री के निवास म सिरिफ वर्चुअल रूप म अलंकरण समारोह करे जाही।
इही बीच, राज्यपाल अनुसुईया उइके अउ मुख्यमंत्री भूपेश बघेल ह प्रदेसवासी मन ल राज्य स्थापना दिवस के बधाई दीन हे। मुख्यमंत्री ह किहीन कि राज्य सरकार छत्तीसगढ़ ल आगू बढ़ाय बर ‘‘गढ़बो नवा छत्तीसगढ़‘‘ के संकलप ल लेके चलत हे।
फोर्टिफाइड चावल
प्रदेस म काली ले आयरन अउ विटामिन वाले फोर्टिफाइड चावल बांटे के योजना सुरू होही। मुख्यमंत्री भूपेश बघेल ह छत्तीसगढ़ राज्य स्थापना दिवस के मउका म ए योजना के सुरूवात करही। भोजन म जरूरी पौष्टिक तत्व के पूर्ति अउ कुपोषण ल रोके बर ए योजना प्रदेस के कोंडागांव जिला म पायलट प्रोजेक्ट के रूप म सुरू करे जाही। एखर बर पांच करोड़ अस्सी लाख रूपिया के बजट के प्रावधान करे गेहे। हितग्राही मन ल फोर्टिफाइड चाउर उचित मूल्य के दुकान मन ले दे जाही।
खबर के मुताबिक फोर्टिफाइड चाउर म आयरन, विटामिन-बी-बारह अउ फोलिक एसिड वाले राईस करनेल के मिश्रण होते, जउन ह लोगन के खुराक म जरूरी पौष्टिक तत्व ल पूरा करे के संग कुपोसन अउ एनीमिया ल रोके म मददगार साबित होही।
उहें, मुख्यमंत्री काली राज्योत्सव के मउका म राखे गे कारीकरम म प्रदेस के अट्ठारह लाख ले जादा किसान मनके खाता म राजीव गांधी किसान न्याय योजना के रूप म तीसरा किश्त के रूप म डेढ़ हजार करोड़ रूपिया के रासि के आॅनलाइन भुगतान करही।
शिक्षाकर्मी-संविलियन
प्रदेस के सिक्षाकर्मी मन ल राज्य सरकार ह राज्योत्सव म सौगात देहे। लोक सिक्षक संचालनालय डहार ले पंचायत अउ नगरीय निकाय संवर्ग के आठ हजार दू सौ छब्बीस व्याख्याता मनके एक नवंबर ले स्कूल सिक्षा विभाग संविलियन के आदेस जारी कर दे गेहे। प्रदेस म दू बछर के सेवा अवधि पूरा करइया कुल सोलह हजार दू सौ अठहत्तर सिक्षक मनके संविलियन के आदेस घलो जारी करे जाही।
वल्लभभाई पटेल
देस ह आज लौह पुरूष सरदार वल्लभ भाई पटेल के एक सौ पैंतालीसवां जयंती मनावत हे। ए दिन ल देसभर म राष्ट्रीय एकता दिवस के रूप म घलो मनाय जाथे।
प्रधानमंत्री नरेन्द्र मोदी ह सरदार पटेल के जयंती म गुजरात के नर्मदा जिला म केवड़िया म विश्व के सबले ऊंचा मूर्ति ‘‘स्टेच्यू आॅफ यूनिटी‘‘ म फूल चढ़ाईन। ए मउका म प्रधानमंत्री ह लोक सेवा प्रांेबेशनर मन ले आह्वान करीन कि ओमन लोगन संग अपन आप ल जोड़य अउ जिम्मेदार बनय।
ऐति, छत्तीसगढ़ म घलो सरदार पटेल के जयंती ल राष्ट्रीय एकता दिवस के रूप म मनाय गीस। राज्यपाल अनुसुईया उइके अउ मुख्यमंत्री भूपेश बघेल ह सरदार पटेल के जयंती अउ पूर्व प्रधानमंत्री इंदिरागांधी के पुण्यतिथि म ओमन ल अपन श्रद्धांजलि दीन हे।
राष्ट्रीय एकता दिवस के मउका म गृह मंत्री ताम्रध्वज साहू ह माना के छत्तीसगढ़ सशस्त्र बल के चैथा वाहिनी म राष्ट्रीय एकता दिवस परेड के सलामी लीन। उहें, छत्तीसगढ़ विधानसभा सचिवालय म प्रमुख सचिव चंद्रशेखर गंगराड़े ह अधिकारी अउ करमचारी मन ल सपथ देवाईन। ए मउका म सरदार पटेल के जयंती अउ इंदिरा गांधी के पुण्यतिथि म उंखर चित्र म फूल चढ़ाय गीस।
कांग्रेस-किसान अधिकार दिवस
प्रदेस कांग्रेस कमेटी डहार ले लौह पुरूष सरदार वल्लभभाई पटेल के जयंती अउ पूर्व प्रधाममंत्री इंदिरा गांधी के पुण्यतिथि ल आज किसान अधिकार दिवस के रूप म मनाय जावत हे। ए कड़ी म कांग्रेस डहार ले राज्य के सबो जिला मुख्यालय म सत्याग्रह करे गीस। सत्याग्रह म सामिल होके कांग्रेस पदाधिकारी मन ह केन्द्र सरकार ले कृषि संसोधन विधेयक ल वापिस लेके मांग करीन हे।
धमतरी जिला म घलो कांग्रेस कार्यकर्ता मन ह सत्याग्रह करीन अउ केन्द्र ले नवा कृषि कानून ल वापस ले जाय के मांग करीन।
कोरोना समाचार/जागरूकता
राजनांदगांव के ग्राम टेडेसरा म दू दिन पहिली राखे गे संभाग स्तरीय बइठका म सामिल जिला के एक एनआईसी अधिकारी के कोरोना जांच रिपोर्ट पाॅजिटिव आय हे। जिला म काली सात सौ पैंतीस लोगन के कोरोना जांच करे गीस, जेमा इकहत्तर झन कोरोना संक्रमित पाय गीन।
इही बीच, छत्तीसगढ़ के लोक कलाकार शिवकुमार तिवारी ह लोगन ले कोरोना संक्रमण ले बचाव बर जरूरी सावधानी राखे के अपील करीन हे।
ई-मेगा विधिक सेवा शिविर
छत्तीसगढ़ राज्य विधिक सेवा प्राधिकरण-बिलासपुर डहार ले आज प्रदेस के पहिली ई-मेगा विधिक सेवा सिविर आयोजित करे गीस। आने-आने विभाग के सहयोग ले ए सिविर राज्य के तेईस जिला अउ चैसठ विकासखंड म आयोजित करे गीस। सिविर के सुरूवातेच म चार लाख चालीस हजार ले जादा हितग्राही मन ल एक सौ ग्यारह करोड़ रूपिया के फायदा पहुंचाय गीस।
राज्य विधिक सेवा प्राधिकरण के कार्यकारी अध्यक्ष अउ उच्च न्यायालय के न्यायाधीश प्रशांत मिश्रा ह आज ई-मेगा सिविर के वर्चुअल उद्घाटन करीन। ए मउका म ओमन किहीन कि वंचित मन ल आर्थिक अउ सामाजिक न्याय देवाय बर ई-मेगा विधिक सेवा सिविर एक ठिन नवा प्रयास हे। ओमन किहीन कि कोरोना संकट काल म विधिक साक्षरता के काम ई-प्लेटफाॅर्म म होवत हे। राज्य म पहला ई-लोक अदालत होय के बाद ई-मेगा सिविर के बारे म सोचे गीस। आम लोगन तक योजना ल पहुंचाय बर ए सिविर बने माध्यम हे।
ए मउका म सद्भावना श्रृंखला घलो बनाय गीस। एमा यू-ट्यूब के माध्यम ले जनचेतना चैनल चला के आने-आने कानून के जानकारी ले जुड़े वीडियो डाले जावत हे। इही कड़ी ल आगू बढ़ावत दृष्टिहीन, मूकबधिर अउ निःसक्त मन बर सद्भावना विधिक श्रृंखला आज ले सुरू करे गेहे।
मरवाही उपचुनाव
मरवाही विधानसभा उपचुनाव बर प्रचार अभियान अपन चरम म पहुंच गे हवय। ए उपचुनाव बर तीन नवंबर के मतदान होही। मुख्यमंत्री भूपेश बघेल ह आज लेदरी म कांग्रेस प्रत्यासी के समर्थन म प्रचार करीन। उहें, भाजपा के राष्ट्रीय उपाध्यक्ष अउ पूर्व मुख्यमंत्री डाॅक्टर रमन सिंह संघरा पार्टी के पदाधिकारी मन घलो भाजपा प्रत्यासी के पक्ष म प्रचार करत हे।
इही बीच, जनता कांग्रेस छत्तीसगढ़ के प्रदेस अध्यक्ष अमित जोगी ह घोसना करीन हे कि उंखर पार्टी मरवाही उपचुनाव म भाजपा प्रत्यासी के समर्थन करही।
मुख्यमंत्री श्री बघेल ह जनता कांग्रेस छत्तीसगढ़ डहार ले भाजपा ल समर्थन दे जाय म किहीन हे कि मरवाही उपचुनाव म कांग्रेस अब अउ जादा मत ले जीत हासिल करही। उहें, पूर्व मुख्यमंत्री डाॅक्टर रमन सिंह ह किहीन हे कि मरवाही उपचुनाव म जनता कांग्रेस छत्तीसगढ़ के समर्थन मिले ले भाजपा ल फायदा होही। ओमन ह राज्य सरकार उपर प्रदेस के जनता ले वादाखिलाफी करे के आरोप लगाईन हे।
इही बीच, मरवाही उपचुनाव के एक दिन पहिली दू नवंबर अउ तीन नवंबर के प्रिंट मीडिया म प्रकासित होवइया राजनीतिक विज्ञापन के पूर्व प्रमाणीकरण कराना जरूरी हे। भारत निर्वाचन आयोग ह राजनीतिक दल अउ प्रत्यासी मन बर राजनीतिक विज्ञापन जारी करे के संबंध म दिसा-निरदेस जारी करीन हे।
हमर ग्राम सभा
पंचायत अउ ग्रामीण विकास मंत्री टी.एस. सिंहदेव काली रतिहा साढ़े सात बजे आकाशवाणी रईपुर ले प्रसारित बिसेस कारीकरम ‘‘हमर ग्राम सभा‘‘ वन अधिकार अधिनियम के जानकारी दीही। ए दउरान ओमन ह पत्र, एसएमएस अउ वाट्सऐप के माध्यम ले श्रोता मन डहार ले पूछे गे सवाल के जवाब घलो दीहीं। ए कारीकरम ल मीडियम वेब नौ सौ इक्यासी किलोहटर््स म सुने जा सकत हे। ए कारीकरम ल प्रदेस के सबो आकाशवाणी केन्द्र मन ह एके संघरा रिले करही।
माओवादी-कैम्प ध्वस्त
बीजापुर जिला म सुरक्षा बल ह एक ठिन माओवादी कैम्प ल ध्वस्त करे हे। मिले जानकारी के अनुसार सीआरपीएफ, जिला पुलिस बल अउ सीएएफ के संयुक्त टीम ह पामेड़ थाना क्षेत्र म तलाशी अभियान म निकले रिहीस। इही दउरान सुरक्षा बल ल सेन्ड्रमबोर के जंगल म पन्द्रह फीट ऊंचा माओवादी स्मारक बने के जानकारी मिले रिहीस, जेला जवान मन ह ध्वस्त कर दीन।
संक्षिप्त समाचार
अउ अब थोरकुन समाचार सार म-
– सुकमा जिला के दोरनापाल म सीआरपीएफ के दू सौ तेईसवां बटालियन म पदस्थ एक झिन जवान ह अपन सर्विस राइफल ल खुद ल गोली मार के आत्महत्या कर लीस।
– बालोद जिला के सिवनी म एक झिन नोनी ल सिरगरेट ले दागे के मामला म आरोपी पुलिस आरक्षक ल पुलिस महानिदेसक ह सेवा ले बर्खास्त करे के निरदेस जारी करीन हे। उहें, आरोपी आरक्षक ल गिरफ्तार घलो कर ले गेहे।
अउ
– दुरूग पुलिस नसा के खिलाफ बड़े कार्रवाई करत तीन सौ नग कफ सिरफ अउ चार हजार ले जादा नसीला दवई के संग तीन झिन आरोपी मन ल गिरफ्तार करे हे।