प्रधानमंत्री नरेंद्र मोदी ह देशवासी मन ल तंदुरूस्ती के एक ठन मंत्र दीन। जेखर नाम हे – फिटनेस की डोज, आधा घंटा रोज। ओमन लोगन ले फिट अउ स्वस्थ रेहे बर ए मंत्र ल अपन जीवन म अपनाय बर कीहिन।
प्रधानमंत्री ह आज राष्ट्रव्यापी आॅनलाईन फिट इंडिया संवाद के दउरान फिटनेस एक्सपर्ट अउ लोगन ल तंदुरूस्त रेहे बर प्रोत्साहित करइया जाने माने लोगन मनले गोठबात करीन। ए मउका म ओमन ह फिट इंडिया एज – अप्रोप्रिएट फिटनेस प्रोटोकाल के घलो शुरूआत करीन। ओमन कीहिन कि योग, ध्यान, व्यायाम, सैर, दौड़, स्वस्थ खानपान अउ तैराकी जइसन गतिविधि हमर प्राकृतिक चेतना के हिस्सा बनत हे।
राष्ट्रपति-एनएसएस पुरस्कार
राष्ट्रपति रामनाथ कोविंद ह आज वीडियो कॅान्फे्रसिंग के माध्यम ले बछर दू हजार अठारा-उन्नीस बर राष्ट्रीय सेवा योजना – एनएसएस पुरस्कार दीन। ए पुरस्कार बयालिस विजेता मन ल तीन आने आने श्रेणी विश्वविद्यालय एनएसएस इकाई अउ उंखर कार्यक्रम अधिकारी संग एनएसएस स्वयंसेवक ल प्रदान करे गीस। छत्तीसगढ़ ले सत्येंद्र साहू अउ राकेश कुमार ल घलो ए पुरस्कार ले सम्मानित करे गीस।
ए मउका म राष्ट्रपति ह कीहिन कि राष्ट्रीय सेवा योजना के लक्ष्य शिक्षा देना हरय। संगेसंग कोरोना वैश्विक महामारी ले लड़ाई म घलो एनएसएस स्वयंसेवक ह समाज म सुरक्षित दूरी अउ मास्क के उपयोग के बारे म जागरूकता बगरईन।
सीरो सर्विलेंस
प्रदेश म कोरोना संक्रमण ले निपटे बर प्रभावी रणनीति तियार करे बर राज्य म सीरो सर्विलेंस के कार्य करे जात हे। एखर तहत सात जिला म सैंपल लेके काम पूरा होगे हे। भारतीय आयुर्विज्ञान अनुसंधान परिषद-आईसीएमआर के टीम, आम लोगन अउ उच्च जोखिम वाले वर्ग म कोरोना संक्रमण के खिलाफ रोग प्रतिरोधक क्षमता के पता लगाय बर दस जिला ले पांच-पांच सौ सैंपल ले जावत हे। एमा आम लोगन मनके दू सौ चालीस अ जादा जोखिम वाले समूह के दू सौ साठ सैंपल सामिल हे। अभी तक सात जिला ले साढ़े तीन हजार सैंपल ले जा चुके हे।
सीरो सर्विलेंस बर चयनित दस जिला के दू-दू विकासखंड के तीन-तीन क्लसर्टस ले सैंपल ले जात हे। एमा ग्रामीण अउ शहरी दूनों इलाका ल शामिल करे गेहे। आईसीएमआर के टीम ह पहिला अउ दूसरा चरण म रायपुर, दुर्ग, राजनांदगंाव, बलौदाबाजार, भाठापारा, बिलासपुर, मुंगेली अउ जांजगीर चंापा जिला म सैंपल इकट्ठा करे गेहे। सैंपल लेके तीसरा चरण म ए टीम ह कोरबा, जशपुर, बलरामपुर – रामानुजगंज जिला म सैंपल इकट्ठा करत हे।
लाॅकडाउन-कृषिमंत्री निर्देश
प्रदेश के कृषिमंत्री रविंद्र चैबे ह लाॅकडाउन वाले जिला म खाद अउ कीटनाशक दवा के दुकान मन ल हरदिन तीन घंटा खोले के निर्देश देहे। संगेसंग कृषिमंत्री ह कीटप्रकेाप ले प्रभावी क्षेत्र अउ गांव ल पहिचान करके धान के फसल ल बचाय के निर्देश घलो अधिकारी मन ल दीन।
एति कृषिमंत्री के निर्देश म बिलासपुर जिला म सबो खाद अउ कीटनाशक दवा दुकान बीहनिया आठ बजे ले ग्यारा बजे तक खोले के छूट दे गेहे। इही दउरान कीटनाशक दवा खरीदे बर किसान मन ल अपन संग ऋण पुस्तिका रखना जरूरी होही।
नागरकर अपील
एम्स रायपुर के निदेशक डॅाक्टर एम.नीतिन नागरकर ह लोगन ले लाॅकडाउन के बेरा म अपन घर म रेहे के अउ सरकार डहार ले जारी दिशा निर्देश के पालन करे के अपील करे हे।
ओमन कीहिन कि प्रदेश म कोरोना संक्रमित मरीज मनके संख्या चिंताजनक हे। डॅाक्टर नागरकर ह कीहिन कि लोगन ल अपन जिम्मेदारी समझना होही। ओमन कीहिन कि सावधानी वर्तमान बेरा म कोरोना वायरस के दवा हरय। एखर ले संक्रमण के चक्र घलो टूटही।
मुख्यमंत्री विद्युत स्लैब छूुट
मुख्यमंत्री भूपेश बघेल ह छत्तीसगढ़ राज्य विद्युत वितरण कंपनी लिमिटेड के अधिकारी मन ल उपभोक्ता के संग्रहित विद्युत खपत बर एकमुश्त बिजली बिल जारी नइ करे के निर्देश दे गेहे।
श्री बघेल ह कीहिन कि विद्युत बिल जारी करत बेरा उपभोक्ता ल अनिवार्य रूप ले स्लैब छूट के फायदा अउ वास्तवितक बिजली बिल के राशि के भुगतान के सुविधा किश्त म करे जाय।
खबर के मुताबिक नारायणपुर जिला के कतकोन गांव ले मीटर रीडिंग स्पाॅट बिलिंग के संबंध म शिकायत मिले रहिस। जेखर बाद स्पाॅट बिलिंग ल संशोधित करे के प्रक्रिया विभाग डहार ले करे जात हे।
एति कंाकेर विद्युत वितरण कंपनी के अधीक्षण अभियंता ह कहिन कि स्पाॅट बिंिलंग म ग्रामीण मन ल स्लैब छूट के फायदा देत संशोधित बिल जारी करे जाही।
माओवादी गिरप्तार
सुकमा जिला म पुलिस ह तीन झिन माओवादी मन ल गिरप्तार करे हे। संगेसंग माओवादी मनके सामान आपूर्ति करइया एक झिन आने मनखे ल घलो हिरासत म ले गेहे।
खबर के मुताबिक पुलिस के एक ठिन दल तलाशी अभियान म निकले रीहिस। इही दउरान केरलापाल इलाका म घेराबंदी करके तीन झिन माओवादी ल पकड़े गीस। एखर मन उपर ग्रामीण के हत्या संग कतकोन आने माओवादी घटना म सामिल होय के आरोप हे।
उंहें माओवादी मन ल रसद अउ आने आवश्यक सामान आपूर्ति करे के आरोप म एक झन आने मनखे ल घलो गिरप्तार करे गेहे।
एति राजनंादगंाव जिला म माओवादी मन ह सड़क निर्माण काम म लगे पांच गाड़ी आगी लगा दीन। खबर के मुताबिक मोहला थाना क्षेत्र के पारडी ले परेवीडीह क्षेत्र म सड़क निर्माण काम चलत रीहिस। इही बीच दस ले पंद्रा के संख्या म पहुंचे माओवादी मन निर्माण काम म लगे पांच ठिन गाड़ी म आगी लगा दीन।
गृहमंत्री कौशिक बयान
प्रदेश के गृहमंत्री ताम्रध्वज साहू ह कीहिन कि माओवादी मन डहार ले निर्दोष ग्रामीण के हत्या अउ उंखर संग करे जात मारपीट उंखर संगठन के खतम होय के कारण बने हे। ओमन कीहिन कि राज्य सरकार बीते कुछएक महीना ले बस्तर संभाग म माओवादी मनके खिलाफ सरलग अभियान चलावत रीहिन। ए अभियान म कतकोन माओवादी मन ल मारे गेहे संगेसंग माओवादी शिविर मन ल घलो तोड़े गेहे। ओमन कीहिन कि बस्तर संभाग म कराए जात विकास के काम ले ग्रामीण मनके विश्वास पुलिस प्रशासन के प्रति अउ बाढ़ गेहे।
ओति छत्तीसगढ़ विधानसभा म नेता प्रतिपक्ष धरमलाल कौशिक ह राज्य सरकार उपर माओवादी समस्या ल लेके लापरवाही करे के आरोप लगाय हे। ओमन कीहिन कि राज्य सरकार के विरोध प्रदर्शन के नीति ल छोड़के माओवादी मनके खिलाफ कारगर कदम उठाय के जरूरत हे।
सुपोषण अभियान
मुख्यमंत्री सुपोषण अभियान के मदद ले प्रदेश म पाछू एक साल के भीतर कुपोषित लइका के संख्या म करीबन चैदा प्रतिशत के कमी आय हे। राष्ट्रीय परिवार सर्वेक्षण के आंकड़ा के मुताबिक पाछू बछर मार्च महीना म प्रदेश म नौ लाख सत्तर हजार लइका कुपोषित रीहिस। एमा ले अधिकांश लइका आदिवासी अउ दूरस्थ वनांचल के रहइया हरय।
सुपोषण अभियान म ए इलाका म लइका मन ल आंगनबाड़ी केंद्र म दे जात पूरक पोषण आहार के संग पौष्टिक आहार दे गीस हे। एखर अच्छा परिणाम सामने आय हे। पाछू मार्च महीना तक सड़सठ हजार ले जादा लइका कुपोषण ले मुक्त हो चुके हे।
खबर के मुताबिक महात्मा गांधी के एक सौ पचासवंा जयंती ले पूरा प्रदेश म मुख्यमंत्री सुपोषण अभियान के शुरूआत करे गेहे। अभियान ल सफल बनाय बर एमा जन समुदाय के घलो सहयोग ले गेहे।
मौसम
अब पेस हे मौसम के हाल-
अवइया चैबीस घंटा के दउरान प्रदेश के कतकोन जगा म हल्का ले मध्यम बरसा होय अउ गरज चमक के संग बौछार पड़े के संभावना हे। मौसम विभाग ले मिले जानकारी के मुताबिक निम्न दाब क्षेत्र पूर्वी उत्तर प्रदेश अउ ओखर तीर तखार म हे।
उंहें एक ठिन मानसून द्रोणिका घलो सीमावर्ती राज्य के उपर स्थित हे जेखर सेती प्रदेश के एक दू ठिन जगा म गरज चमक के संग आकाशीय बिजली गिरे अउ बलरामपुर, जशपुर जिला के संग ओखर ले लगे जिला म भारी बरसा होय के संभावना हे।