माता कौशल्या महोत्सव
रईपुर के चंदखुरी म काली ले माता कौशल्या महोत्सव सुरू होगे हे। तीन दिन वाले ए महोत्सव के सुभारंभ संस्कृति मंत्री अमरजीत भगत ह करीन। कारीकरम म बोलत ओमन ह किहीन कि राज्य सरकार ह सांस्कृतिक धरोहर मन ल सहेज के एला आगू बढ़ाय बर जउन काम करत हे, ओखर ले प्रदेस ल देस-दुनिया म नवा चिन्हारी मिलत हे। ए मउका म ओमन अपन क्षेत्र म सुघ्घर काम करत मानस मंडली के माईलोगिन मन ल माता कौशल्या अलंकरण देके घोसना करीन। ओमन किहीन कि रामकथा ले जुड़े मानस मंडली मनके उत्साह बाढ़य। एखर बर मानस प्रतियोगिता राखे जात हे।
महोत्सव के दूसर दिन आज नामी लोकगीत गायिका मैथिली ठाकुर अउ कविता पौडवाल अपन प्रस्तुति दीहीं। संगे वाराणसी ले आए व्योमेश शुक्ला डहार ले श्रीराम के शक्ति पूजा के प्रस्तुति महोत्सव के मंच ले करे जाही। महोत्सव के आखिरी दिन नामी गायक पद्मश्री कैलाश खेर के मनमोहक प्रस्तुति होही।
राष्ट्रीय पंचायतीराज दिवस
काली राष्ट्रीय पंचायतीराज दिवस मनाय जाही। ए उपलक्ष्य म मुख्यमंत्री भूपेश बघेल ह प्रदेस के पंचायत राज प्रतिनिधि मन ल सुभकामना दीन हे। मुख्यमंत्री ह अपन संदेस म किहीन हे कि संविधान के तिहत्तरवां संसोधन के अधिनियम के चिन्हारी रूप म भारत म चौबीस अप्रैल ल राष्ट्रीय पंचायती राज दिवस के रूप म मनाय जाथे। ए संसोधन अधिनियम ले स्थानीय स्तर म लोकतंत्र के स्थापना बर पंचायती राज संस्थान ल संवैधानिक स्थिति दे गीस अउ ओमन ल देस म गांव-गंवई म विकास के काम सौंपे गीस। श्री बघेल ह किहीन कि पंचायती राज संस्था मन जतके सशक्त होही, लोकतंत्र घलो ह वतके मजबूत होही। ओमन किहीन कि छत्तीसगढ़ म पंचायती राज संस्था मन जमीनी स्तर म अपन नेतृत्व क्षमता अउ भागीदारी साबित करे हे।
दीक्षांत समारोह
दुर्ग के हेमचंद यादव विश्वविद्यालय म पहलइया दीक्षांत समारोह काली चौबीस अप्रैल के राखे गेहे। समारोह के तैयारी करीबन पूरा होगे हे। ए दीक्षांत समारोह म एक सौ छब्बीस झिन पढ़ईया नोनी-बाबू मन ल गोल्ड मेडल अउ तेरह झिन रिसर्च करइया मन ल पीएचडी के डिग्री दे जाही।
मन की बात-विशेष श्रृंखला
अब सुनव आकाशवाणी के लोकप्रिय कार्यक्रम प्रधानमंत्री के ‘‘मन की बात‘‘ म आधारित बिसेस श्रृंखला। आज के कड़ी के बिसय हरय – ग्रामीणों को संबल।
लोग आवाज और सीधा संवाद यानी आपकी हम सबकी मन की बात, जी हां ऐसे ही करोड़ों लोगों से जुड़ जाते हैं, हमारे प्रधानमंत्री हर महीने मन की बात प्रोग्राम के साथ। आकाशवाणी पर यह सिलसिला इस महीने यानी अप्रैल में 100वीं कड़ी के साथ जारी रहेगा। इसी विशेष मौके पर मन की बात कार्यक्रम से प्रधानमंत्री के चुनिंदा संबोधनों को फिर प्रस्तुत किया जा रहा है। इस विशेष कार्यक्रम की 79वीं कड़ी में पेश है प्रधानमंत्री का वो विचार जिसमें उन्होंने हैंडलूम के उत्पादों का इस्तेमाल करने की लोगों से अपील की है। भारत को एक दौर में दुनिया सोने की चिड़िया कहती थी। भारत की यह स्थिति यहां के किसानों की मेहनत और दस्तकारों के काबिलियत के जरिए थी। भारत के हैंडलूम की दुनिया भर में मांग और पहचान थी। लेकिन वक्त और मशीनीकरण की वजह से हालात बदल गए। लेकिन अब भी भारत में बड़ी संख्या में दस्तकारों और बुनकरों की रोजी का साधन उनका शिल्प और हैंडलूम है। इन शिल्पकारों और दस्तकारों की सहुलियत के लिए प्रधानमंत्री अक्सर लोगों से हैंडलूम और दस्तकारी के इस्तेमाल की अपील करते रहे हैं। 25 जुलाई 2021 को प्रसारित मन की बात कार्यक्रम में उन्होंने कहा कि हैंडलूम को लेकर किए जाने वाले छोटे-छोटे प्रयास बुनकरों की जिंदगी में नई उम्मीद जगाते हैं।
साथियो, हमारे देश के ग्रामीण और आदिवासी इलाकों में, हैंडलूम, कमाई का बहुत बड़ा साधन है। ये ऐसा क्षेत्र है जिससे लाखों महिलाएं, लाखों बुनकर, लाखों शिल्पी जुड़े हुए हैं। आपके छोटे-छोटे प्रयास, बुनकरों में एक नई उम्मीद जगाएँगे। आप, स्वयं कुछ-न-कुछ खरीदें, और अपनी बात दूसरों को भी बताएं, और, जब हम आज़ादी के 75 साल मना रहे हैं, तब तो, इतना करना हमारी ज़िम्मेवारी बनती ही है भाइयो।
कर्मा जयंती-महोत्सव
मुख्यमंत्री भूपेश बघेल ह किहीन कि कर्मा माता ह सेवा, त्याग, भक्ति अउ समर्पण के देवी हरय। ए बात श्री बघेल ह काली दुरूग जिला के कुम्हारी म राखे गे मां कर्मा जयंती महोत्सव म किहीन। ओमन यहू किहीन कि कर्मा माता ह अपन जम्मां जीवन ल सामाजिक अउ धार्मिक काम म समर्पित करे रिहीन। कारीकरम म मुख्यमंत्री ह कुम्हारी बाजार चउक के नाव माता कर्मा चउक के नाम म करे के घोसना करीन।
योग प्रशिक्षण शिविर
छत्तीसगढ़ योग आयोग डहार ले लोगन मन ल योग ले परिचित कराय अउ योग के फायदा हरेक मनखे तक पठोय के उद्देश्य ले काली ले तीस अप्रैल तक संभाग स्तरीय आवासीय योग प्रशिक्षण सिविर राखे जाही। सिविर के पहलइया चरण म रईपुर संभाग के प्रसिक्षण कारीकरम रईपुर म होही, जेमा करीबन दू सौ झिन भाग लीहीं।
उहें, अवइया पच्चीस अप्रैल के योग आयोग के छठवां स्थापना दिवस के मउका म रईपुर के सुभाष स्टेडियम म एक दिन वाले सामूहिक विशेष योगाभ्यास कारीकरम राखे जाही।
मनरेगा-वृक्षारोपण
महात्मा गांधी राष्ट्रीय ग्रामीण रोजगार गारंटी योजना-मनरेगा के चलत राम वनगमन पथ के दूनों किनारी म वृक्षारोपण के काम होही। एखर बर निरदेस मुख्य सचिव अमिताभ जैन ह मंत्रालय म पंचायत अउ ग्रामीण विकास, इलेक्ट्रॉनिक अउ सूचना प्रौद्योगिकी विभाग के समीक्षा बइठका म दीन। ओमन किहीन कि ए काम म गंवई जघा म जरूरतमंद मनखे मन ल मनरेगा के तहत रोजगार दे जाय।
सेना भर्ती-परीक्षा
भारतीय सेना म अग्निवीर सैनिक बने बर छत्तीसगढ़ के जवान लइका मन भारी उत्साह देखावत हें अग्निवीर सैनिक मनके भर्ती बर ऑनलाइन परीक्षा बीते सत्रह अप्रैल ले सुरू होगे हे, जउन ह छब्बीस अप्रैल तक चलही। ए दउरान हरेक दिन तीन पाली म परीक्षा ले जावत हे। परीक्षा म सामिल होवइया उम्मीदवार मन भारतीय सेना के वेबसाइट ले अपन प्रवेस पत्र डाउनलोड कर सकत हे। राज्य म ऑनलाइन परीक्षा बर रईपुर, भिलाई अउ बिलासपुर म केन्द्र बनाय गेहे।
ट्रेन परिचालन
दक्षिण पूर्व मध्य रेलवे के बिलासपुर-कटनी-बिलासपुर स्टेसन म आज ले सबो यात्री गाड़ी मनके परिचालन सुरू कर दे गेहे। फेर, रैक नइ होय के सेती काली चौबीस अप्रैल के अंबिकापुर-जबलपुर एक्सप्रेस अउ चिरमिरी-कटनी पैंसेजर स्पेशल ह रद्द रइही।
इहां ए बतादन कि बिलासपुर-कटनी रेलखंड म पाछु उन्नीस अप्रैल के सिंहपुर स्टेसन म होय रेल दुर्घटना के सेती ट्रेन मनके अवई-जवई प्रभावित होय रिहीस।
अउ अब पेस हे मौसम के हाल…
मौसम विभाग ह प्रदेस म अवइया अट्ठारह घंटा बर अलर्ट जारी करे हे। एमा प्रदेस के दस ठिन जिला – कोरिया, सूरजपुर, बलरामपुर, सरगुजा, जशपुर, सुकमा, बीजापुर, बस्तर, नारायणपुर अउ दंतेवाड़ा बर ऑरेंज अलर्ट, उहें आठ ठिन जिला – बिलासपुर, पेंड्रा, मुंगेली, कबीरधाम, रायगढ़, कोरबा, कांकेर अउ कोंडागांव बर यलो अलर्ट जारी करे गेहे। मौसम विभाग के मुताबिक राज्य के कोनों-कोनों इलाका म गरजई-चमकई के संगे आंधी-तूफान अउ गाज घलो गिर सकत हे।