आज दिनभर के खबर ल अपन गुरतुर छत्तीसगढ़ी भाखा म पढ़व

प्रदेश म लाॅकडाउन ल छै अगस्त तक बढ़ा दे गेहे। एखर बर जम्मों जिला कलेक्टर मन ल निर्देश दे गेहे । कलेक्टर मन ह अपन जिला के कोरोना संक्रमित क्षेत्र मन म स्थ्तिि के आधार म लाॅकडाउन बढ़ा सकथे।

मुख्यमंत्री भूपेश बघेल के अध्यक्षता म आज मुख्यमंत्री निवास म राज्य मंत्रिमंडल के बइठका म ये फैसला ले गीस। बइठका के बाद कृषिमंत्री रविंद्र चैबे ह बताइन कि जउन जिला म कोरोना के संक्रमण जादा हे उंहा लाॅकडाउन बढ़ाय जाही।

जानबा के मुताबिक प्रदेश म करीबन एक महीना ले कोरोना मरीज के संख्या सरलग बाढ़त हे । एला रोके बर बाईस जुलाई ले प्रदेश के आने आने जिला मन म लाॅकडाउन घोषित करे गे रीहिस।

प्रदेश म कोरोना मरीज मनके संख्या सरलग बाढ़त हे। काली इतवार के देर रतिहा प्रदेश म कोरोना के चार सौ उनतीस नवा मरीज मिलीस। जेमा ले एक सौ निन्यानबे मरीज रायपुर म पाये गेहे।

उंहें दुर्ग म काली रतिहा तक चैरासी, बिलासपुर म बाईस, बलौदाबाजार म अठारा, अउ राजनंादगंाव जिला म उन्नीस झिन नवा कोरोना संक्रमित मरीज पाय गेहे। एखर अलावा कंाकेर, जांजगीर चंापा, सूरजपुर, बालोद अउ कबीरधाम जिला मन म घलो कोरोना के कुल तेईस नवा मरीज मिले हे।

त ओति बीजापुर अउ दंतेवाड़ा म काली रतिहा कोरोना के ग्यारा-ग्यारा नवा मरीज मिले हे। बेमेतरा, मुंगेली, महासमुंद, कोरिया, कोरबा, अउ धमतरी म घलो कुल ग्यारा कोरोना संक्रमित मरीज के पहिचान करे गेहे। काली देर रात तक प्रदेश म कोरोना संक्रमण ले चैवालिस झिन मनखे के मउत होगे हे।

राजधानी रायपुर के जीएसटी कार्यालय म कोरोना संक्रमित मरीज मिले के तुरते बादेच पाछू बीस जुलाई ले आॅफिस ल बंद कर दे गेहे। जानबा के मुताबिक जीएसटी आॅफिस म कोरोना संक्रमित मरीज के संपर्क म आय सात झिन आने लोगन मनके घलो कोरोना टेस्ट कराय गेहे। ए बेरा आॅफिस के अधिकारी अउ कर्मचारी मन ह अपन कामकाज ल घर ले करत हवय।

प्रदेश के जम्मों स्कूली लईका मन ल मध्यान्ह भोजन योजना के तहत पैंतालिस दिन के सूखा राशन दे जाही। ये राशन लईका के पालक मन ल स्कूल बुलाके या फेर घर पहुंचा के दे जाही।

स्कूल शिक्षा मंत्री डॅाक्टर पे्रमसाय सिंह टेकाम ह कीहिन हे कि कोरोना संकट काल म स्कूल के बंद रेहे के दउरान चैदा जून ले दस अगस्त तक पैंतालिस दिन के मध्यान्ह भोजन देके बारे म जम्मों अधिकारी मन ल निर्देश जारी कर देहे। खाद्य सुरक्षा भत्ता के रूप म पढ़ईया लईका मन ल सूखा चाउंर अउ कुकिंग कास्ट के पइसा ले अन्य जीनिस दाल, तेल, अउ सूखा सागभाजी दे जाही। उंहें कक्षा पहिली ले दसवीं तक के जम्मों पात्र पढ़ईया छात्र मन ल मुफत म पुस्तक दे जाही। पाठ्यपुस्तक छात्र मन ल मिले के बारे म आॅनलाईन माॅनिटरिंग घलो करे जाही।

प्रदेश म महात्मा गांधी राष्ट्रीय ग्रामीण रोजगार गारंटी योजना – मनरेगा के काम म माइलोगिन मनके भागीदारी आधा ले जादा हवय। चालू वित्तीय वर्ष के शुरूआती चार महीना म ए योजना के तहत चैबीस लाख अठाईस हजार ले जादा माइलोगिन मन ल काम मिले हे। ए दउरान नौ करोड़ सतरा लाख सत्यासी हजार मानव दिवस रोजगार चलाये गीस एमा माइलोगिन मन ह चार करोड़ पैंसठ लाख पच्यासी हजार मन ह काम करीन।

ए बछर मनरेगा के काम म माइलोगिन मनके भागीदारी पचास दशमलव सात पंाच प्रतिशत हवय जउन ह पाछू चार बछर के तुलना म सबले जादा हे। मनरेगा के तहत माइलोगिन मन ल रोजगार देके मामला म दुर्ग जिला ह पहिली जगा बनाय हे।

देश आज पूर्व राष्ट्रपति अउ भारतरत्न डॅाक्टर एपीजे अब्दुल कलाम के पुण्यतिथि के मउका म ओमन ल सुरता करत हे। केंद्रीय सूचना अउ प्रसारण मंत्री प्रकाश जावडे़कर ह डॅाक्टर कलाम ल श्रद्धंाजलि अर्पित करीन। मिसाइल मैन के रूप म जाने जात डॅाक्टर कलाम के शिलांग म सत्ताईस जुलाई दू हजार पंद्रा के निधन होगे रीहिस।

प्रदेश के मुख्यमंत्री भूपेश बघेल ह घलो डॅाक्टर कलाम के पुण्यतिथि के मउका म ओमन ल श्रद्धंाजलि दे हवय।

केंद्रीय रिजर्व पुलिस बल सीआरपीएफ ह आज अपन बयासीवंा स्थापना दिवस मनावत हे। प्रधानमंत्री नरेंद्र मोदी ह अपन ट्वीट संदेस म केहे हवय कि सीआरपीएफ देश के सुरक्षा म अगवा हवय। केंद्रीय सूचना अउ प्रसारण मंत्री ह घलो राष्ट्र के सुरक्षा के प्रति सीआरपीएफ जवान के हिम्मत अउ बलिदान ल नमन करे हे।

नारायणपुर जिला म आज माओवादी मनके संग होय मुठभेड़ म छत्तीसगढ़ सशस्त्र बल – सीएएफ के एक झिन जवान शहीद होगे हे। उंहें मुठभेड़ म माओवादी मनके घायल होय के खबर मिले हे। अतिरिक्त पुलिस अधीक्षक जयंत वैष्णव ह घटना के पुष्टि करत बताइन कि करियामेटा कैम्प ले सुरक्षा बल मनके जवान ह सर्चिंग म निकले रीहिन इही दउरान सीएएफ कैंप के तीर पहिली ले घात लगाके बइठे माओवादी मन ह सुरक्षा बल मन उपर फायरिंग शुरू कर दीन। जवान मन डहार ले घलो जवाबी कार्रवाई करे गीस। करीबन आधा घंटा तक चले ए मुठभेड़ म एक झिन जवान ह शहीद होगे । जानबा के मुताबिक शहीद जवान जितेन्द्र बाकड़े बीजापुर जिला के मांझीगुड़ा के रहइया हरय। ओमन नारायणपुर जिला के कर्रेमेटा कैम्प म पदस्थ रीहिन। शहीद जवान के पार्थिव शरीर ल उंखर गांव भेज दे गेहे।

महासमुंद जिला के सिरपुर म हाथी मनके दल ह ए समय घुमत हे। अउ खडे़ फसल मन ल नुकसान पहुंचावत हे। काली हाथी मनके दल ह सिरपुर म वन विभाग के डिपो के बड़का दरवाजा ल तोड़ दीस वन विभाग के कर्मचारी मन ह हाथी के दल ल जंगल कोति भगाय म लगे हे।

राजनंादगंाव म अवैध रूप ले व्हाईटनर अउ सोल्यूशन बेचइया करीबन बीस दुकान मन उपर पुलिस ह छापामार कार्रवाई करीन। नगर पुलिस अधीक्षक ह बताइन कि ए दूनों जीनिस के परयोग गलत तरीका ले नशा करे बर करे जाथे। व्हाईटनर के काम पुताई ले पहिली पेंट म मिलाये बर करे जाथे, त उंहें सोल्यूशन के परयोग गाड़ी के पंचर बनाये म करे जाथे।

शहर म सरलग सोल्यूशन अउ व्हाइटनर के गलत ढंग ले बेचे के शिकायत मिलत रीहिस जेखर बाद पुलिस ह छापामार कार्रवाई शुरू करे हे।

प्रदेश म अवइया दू दिन म एक घांव फेर बने बरसा होय के संभावना बताय गेहे। मौसम विभाग के मुताबिक ए बेरा एक ठिन द्रोणिका ह राजस्थान ले लेके मेघालय के बीच बने हवय। जेखर प्रभाव ले छत्तीसगढ़ म घलो अवइया दू दिन म कतकोन जगा म बरसा हो सकथे। पाछू चैबीस घंटा के दउरान बस्तर क्षेत्र के कोनो कोनो जगा म हल्का ले मध्यम बरसा होय हे।

– अंबिकापुर म पाछू साल चोरी के आरोपी के पुलिस हिरासत म होय मउत के मामला म थानेदार के संगेसंग पांच झिन पुलिसकर्मी मन ल निलंबित कर दे गे रीहिस। ए मामला म पुलिस निदेशक डी.एम. अवस्थी ह जम्मों पुलिस कर्मी मन ल बहाल करे के निर्देश दे हवय।

– राजनंादगंाव जिला के गांव गवतरी मन म लो-वोल्टेज अउ बिजली ले जुड़े आने समस्या ल लेके भाजपा ह आज जिला प्रशासन ल ज्ञापन सौंपीन।

– बलरामपुर जिला के डिगनगर गांव म एक झिन मनखे के हत्या के मामला आगू आय हे। पुलिस ह अज्ञात आरोपी के खिलाफ मामला दरज करके जांच शुरू कर दे हे।

– अंबिकापुर के बाबूपारा जगा म चैंतीस साल के एक झिन मनखे ह काली रतिहा अपन लाइसेंस वाले रिवाल्वर ले खुदे अपन उपर गोली चलाके आत्महत्या कर लीन । जानबा के मुताबिक मृतक ह अंबिकापुर के स्थानीय कंाग्रेसी नेता के बेटा हरय।

अउ

– बेमेतरा जिला के नवागढ़ रद्दा म आज दू ठिन फटफटी के टक्कर म तीन झिन लोगन मन गंभीर रूप ले घायल होगे।