प्रधानमंत्री संवाद 01
प्रधानमंत्री नरेंद्र मोदी ह कीहिन कि डिजीटल इंडिया कार्यक्रम के छै बछर म देश ह प्रौद्योगिकी ल अपनाय म तेजी ले प्रगति करे हे। डिजीटल इंडिया ह लोगन मनके जिनगी बदल देहे। डिजिटल इंडिया के छै बछर पूरा होय के मउका म एक ठिन कार्यक्रम ल संबोधित करत प्रधानमंत्री ह कीहिन हे कि डिजिटल इंडिया के मदद ले न्यूनतम सरकार अउ अधिकतम शासन के सपना पूरा होही।
श्री मोदी ह कीहिन हे कि डिजिटल इंडिया, आत्मनिर्भर भारत के एक ठिन साधना हे अउ ये इक्कसवीं सदी म भारत ल मजबूत बनाये के एक ठिन नारा बन गेहे।
प्रधानमंत्री ह कीहिन हे कि डिजिटल इंडिया ह ये कइसे संभव करे हे एखर बने उदाहरण हे - डीजी लाॅकर । स्कूल के सर्टिफिकेट, काॅलेज के डिग्री, ड्राइविंग लाइसंेस, पासपोर्ट, आधारकार्ड या दूसर दस्तावेज ल संभालके रखना लोगन मन म बड़ चिंता रहय। कई घंाव बाढ़, भूकंप, सुनामी म, अउ कहूं आगी लगे के सेती ले लोगन मनके जरूरी पहिचान पत्र नष्ट हो जात रीहिस हे। फेर अब दसवीं, बारहवीं, काॅलेज, यूनिवर्सिटी के मार्कशीट ल लेके दूसर जम्मों दस्तावेज मन ल सीधा डीजी लाॅकर म संभाल के राखे जा सकथे।
श्री मोदी ह कीहिन हे कि डिजिटल इंडिया ह देश के आने आने जगा म स्वास्थ्य सुविधा दे म विशेष भुमिका निभाय हे। आॅनलाइन शिक्षा ले लेके अउ चिकित्सा बर विकसित प्लेटफॅार्म करोड़ों भारतीय मन ल फायदा देवत हे।
कोविड के दउरान डिजिटल इंडिया के लाभ के बात करत प्रधानमंत्री ह कीहिन कि दूर-दराज के लोगन मन ल विशेष रूप ले महामारी के दउरान ई-संजीवनी के फायदा मिले हे। प्रधानमंत्री डिजीटल इंडिया 02
प्रधानमंत्री नरेंद्र मोदी ह काली वीडियो काॅन्फे्रंस के माध्यम ले डिजीटल इंडिया के लाभार्थी मनके संग गोठबात करहीं। इलेक्टॅªानिक्स अउ सूचना प्रौद्योगिकी मंत्रालय डिजीटल इंडिया के छै बछर पूरा होय के मउका म ए कार्यक्रम करत हे। प्रधानमंत्री ह एक जुलाई दू हजार पंद्रा के डिजीटल इंडिया के शुभारंभ करे रीहिन। डिजीटल इंडिया ह नवा भारत बर सफलता के एक ठिन सबले बड़का कार्यक्रम हरय, जेमा कतकोन प्रकार के सेवा दे जाथे।रोका छेका अभियान
मुख्यमंत्री भूपेश बघेल ह आज पशु मनके रोका-छेका अभियान के वर्चुअल शुभारंभ करीन। ए मउका म ओमन गौठान के प्रबंधन बर करीबन चैबीस करोड़ रूपिया के मदद राशि देके घोषणा के संग राज्य के एक हजार एक सौ पैंतीस स्वावलंबी गौठान मन ल दस हजार रूपिया हर एक गौठान के हिसाब ले एक करोड़ तेरा लाख ले जादा के राशि देबर कीहिन। ओमन किसान मनले अपील करीन कि आज ले जम्मों गांव मन म रोका-छेका अभियान शुरू करंय।
मुख्यमंत्री ह कीहिन हे कि फसल ल खुला म चरइया पशु मन ल बचाय बर रोका-छेका अभियान विशेष हे। आज ले पूरा प्रदेश म एक संगरा रोका-छेका अभियान के संचालन करके पशुपालक अपन पशु मन ल खुला म चरई बर छोड़े के बजाय ओमन ल गौठान म भेजे, जिहंा चारा-पानी के व्यवस्था करे गेहे। ओमन कीहिन कि गांव मन म रोका-छेका अभियान बर चरवाहा मन ल पशु ल एक जगा रोकय अउ ओमन ल गौठान मन म इकट्ठा करे के जिम्मेदारी दे जाय। जम्मों गांव मन म एके संगरा रोका-छेका करे जाय, जेखर ले फसल म नुकसान नइ होवय।
मुख्यमंत्री ह प्रदेश के स्वावलंबी गौठान के समिति अउ ग्रामवासी मन ल रोका-छेका अभियान बर बधाई अउ शुभकामना दीन हे। मुख्यमंत्री ह महिला स्व सहायता समूह के सदस्य मनले गोठबात कर उंखर काम के बड़ई करीन। वजन त्यौहार
प्रदेश म पांच बछर ले कमती उमर के लईका मन म पोषण के पता लगाये बर सात ले सोला जुलाई तक वजन तिहार मनाये जाही। ये दउरान राज्य के जम्मों आंगनबाड़ी केंद्र मन म इलेक्ट्रॅानिक मशीन ले लईका मनके वजन करे जाही। नोनी मनके हिमाग्लोबिन टेस्ट कराये के संगेसंग उंखर बीएमआई यानि बाॅडी माॅस इंडेक्स टेस्ट घलो कराय जाही। जेखर ले नोनी मनके फैट, प्रोटीन अउ आने आने घटक के पता लगाके एनीमिया के जांच करे जाही। एखर बर आंगनबाड़ी केंद्र मन म अवइया ग्यारा ले अठारा बछर के जम्मों किशोरी बालिका मन ल ए अभियान म शामिल करे जाही।
खबर के मुताबिक महिला अउ बाल विकास विभाग डहार ले आयोजित ए वजन तिहार के उद्देश्य प्रदेश म कुपोषण के दर ल कम करना हे।
उंहें प्रदेश म डायरिया के रोकथाम बर आज ले गहन डायरिया नियंत्रण पखवाडा शुरू करे गेहे। ये पखवाड़ा पंद्रा जुलाई तक चलही। ए दउरान जम्मों स्वास्थ्य केंद्र मन म ओआरएस-जिंक कार्नर के स्थापना के संग लोगन मन ल डायरिया के बारे म जागरू करे बर कई ठिन कार्यक्रम राखे जाही। चिकित्सक दिवस
आज राष्ट्रीय चिकित्सक दिवस आय। राष्ट्र ल स्वस्थ राखे म चिकित्सक के भूमिका ल महत्व देबर हरएक बछर एक जुलाई के डॅाक्टर्स डे मनाये जाथे। केंद्र सरकार ह बंगाल के पूर्व मुख्यमंत्री डॅाक्टर बी.सी. राॅय के योगदान के प्रति सम्मान व्यक्त करे बर उन्नीस सौ इंक्यानबे म डॅाक्टर्स डे के शुरूआत करे रीहिन। डॅाक्टर राॅय ह भारतीय आयुर्विज्ञान परिषद अउ भारतीय चिकित्सा संघ के स्थापना म बड़का भूमिका निभाये रीहिन। ओमन ल चार फरवरी उन्नीस सौ इकसठ म भारत रत्न ले सम्मानित करे गे रीहिस।
एति छत्तीसगढ़ म घलो अस्पताल अउ आने आने चिकित्सा संस्थान मन म राष्ट्रीय चिकित्सक दिवस म कतकोन कार्यक्रम करे जावत हे। ए कड़ी म रायपुर के बावन झिन डॅाक्टर मन डहार ले एक पहल करे गेहे। ए डॅाक्टर मन ह एक हेल्पलाइन नंबर जारी करे हे, जेमा फोन करके मरीज मन ह अपन बीमारी ले जुड़े मदद ले सकथे। ये सुविधा मुफत म दे जात हे। डॅाक्टर मन डहार ले बनाए गे ए टीम म बावन डॅाक्टर के संग नर्सिंग स्टाॅफ, आॅपरेटर अउ ड्रायवर घलो सामिल हे। ए काम डॅाक्टर मन ह निशुल्क करत हे, अउ बाकि जम्मों स्टाफ ल तनखा दे जाथे।एसीबी छापा
एंटी करप्शन ब्यूरो-एसीबी ह आय ले जादा संपत्ति के मामला म प्रदेश के अतिरिक्त पुलिस महानिदेशक जी.पी. सिंह के निवास समेत दस ठिन ठिकाना म आज छापामार कार्रवाई करे हे। एसीबी के टीम ह आज बीहनिया छै बजे ले जी.पी. सिंह के घर म दबिश दीन। पुलिस ह फोन रिकाॅर्डिंग ले ये कार्रवाई करके उंखर कम्पयूटर घलो जब्र कर लीन। पुलिस ह उंखर घर अउ आने आने ठिकाना ले मिले दस्तावेज के जांच करत हे।मौसम
प्रदेश म अवइया चैबीस घंटा के दउरान कुछएक जगा म हल्का ले मध्यम बरसा होय के अउ गरज-चमक के संग छीटां पड़े के संभावना हे। मौसम विभाग के अनुसार एक ठिन द्रोणिका पश्चिमी उत्तर प्रदेश ले असम तक बने हुए हे। एखर असर ले प्रदेश के एक दू जगा म गरज चमक के संग गाज गिरे के आशंका हे।