जल जीवन मिशन
मुख्यमंत्री भूपेश बघेल ह आज वीडियो कॅान्फे्रसिंग ले जल जीवन मिशन म सोला ठिन जिला बर दू सौ अड़तीस करोड़ रूपिया ले जादा के विकास काम अउ भूमि पूजन करीन।
ये मउका म मुख्यमंत्री ह रायगढ़, कंाकेर, बीजापुर, दुर्ग, राजनंादगंाव अउ रायपुर जिला के हितग्राही मन संग गोठबात करीन। कार्यक्रम म लोक स्वास्थ्य यांत्रिकी मंत्री गुरू रूद्रकुमार, कृषि मंत्री रविंद्र चैबे, अउ वन मंत्री मोहम्मद अकबर संग आने मंत्री अउ बड़का अधिकारी मौजूद रीहिन।
एखर पहिली मुख्यमंत्री ह काली वीडियो कॅान्फ्रेसिंग ले बस्तर, बीजापुर, अउ सुकमा जिला म छै सौ बंयालिस करोड़ रूपिया के विकास काम अउ भुंइया पूजन करीन।
कार्यक्रम के बेरा मुख्यमंत्री ह बस्तर पपीता प्रोजेक्ट घलो शुरू करीन।
कोरोना टीकाकरण
भारत ह अब तक उनतीस करोड़ दस लाख ले जादा कोविड टीका लगाके एक बड़े उपलब्धि पाय हे। केंद्रीय स्वास्थ्य मंत्रालय ह बताइन कि पाछू चैबीस घंटा म छियांसी लाख सोला हजार टीका लगाय गेहे, जउन एक रिकार्ड हवय।
एति छत्तीसगढ़ म घलो कोरोना टीकाकरण अभियान जोरदरहा चलत हे। काली प्रदेश म इंकानवे हजार ले जादा लोगन ल टीका लगाये गीस, एमा ले करीबन सतहत्तर हजार ले जादा लोगन ल पहिली टीका अउ तेरा हजार ले जादा लोगन ल दूसर टीका लग गेहे। । राज्य म अभी तक सतहत्तर लाख ले जादा लोगन ल टीका लग गेहे।
महासमुंद जिला म बागबहरा विकासखंड के दाबबाली पंचायत के धामनतोरी गांव म जम्मों झन ल टीका लग गेहे। ये काम म विशेष योगदान बर जिला कलेक्टर डोमन सिंह ह गांव पहुंच के इंहा के सरपंच महेश्वरी पटेल ल सम्मानित करीन। उंहें इही जिला म कोविड टीकाकरण बर एक सौ तिरपन ठन केंद्र बनाय गेहे। टीका के सरलग पूर्ति अउ लोगन के जागरूक होय के सेती टीकाकरण म तेजी आय हे।
ओति कोंडागांव जिला म आज ले सघन कोविड टीकाकरण अभियान शुरू करे गेहे। जिला कलेक्टर पुष्पेंद्र कुमार मीणा ह बताइन कि राज्य सरकार के निर्देश म टीकाकरण केंद्र म पचास प्रतिशत आॅनलाईन अउ पचास प्रतिशत तुरते रजिस्ट्रेशन ले टीका लगाये जाही।
एति जांजगीर चंापा के जिला कलेक्टर जितेंद्र कुमार शुक्ला ह कीहिन कि टीकाकरण अभियान सबले जादा प्राथमिकता के काम हवय। अधिकारी मनके बइठका म ओमन निर्देश दीन कि जिला के जम्मों पात्र हितग्राही मनके लक्ष्य के मुताबिक बेरा म टीका लगय।
कोरोना समाचार
प्रदेश म कोरोना संक्रमण के दर कमती होवत हे । राज्य म संक्रमण दर एक दशमलव दू प्रतिशत रहिगे हे। काली प्रदेश म उनतालिस हजार ले जादा के नमूना के जांच करे गीस। जेमा चार सौ छियानबे नवा मरीज मिले हे। उंहें ग्यारा सौ ले जादा स्वस्थ होगे। कोरोना संक्रमण ले काली आठ झन के मउत होगे।
राजनांदगंाव जिला के शहरी क्षेत्र के संगेसंग गांव गंवई म घलो कोरोना के मामला कमती होय हे। काली जिला के छै ठिन ब्लाॅक म एको नवा मरीज नइ मिले हे। जिला म संक्रमण ले स्वस्थ होय के दर अंठानबे प्रतिशत ले जादा होगे हे।
नर्सिंग पाठ्यक्रम परीक्षा
रायपुर के पंडित दीनदयाल उपाध्याय स्मृति स्वास्थ्य विज्ञान अउ आयुष विश्वविद्यालय कोति ले नर्सिंग के जम्मों पाठ्यक्रम के परीक्षा तारीख के घोषणा कर दे गेहे। स्वास्थ्य मंत्री टी.एस. सिंहदेव ह काली रायपुर म एक ठिन बइठका लेके सबो शासकीय मेडिकल काॅलेज के व्यवस्था के समीक्षा करीन।
ट्रेन परिचालन
दक्षिणपूर्व मध्य रेलवे कोति ले यात्री मनके सुविधा ल देखत रायपुर ले कोरबा के बीच हप्ता म चार दिन स्पेशल ट्रेन चलाये जाही। ये यात्री गाड़ी रायपुर ले हर बुधवार, बिरस्पत, शुक्रवार अउ शनिचर के चलही।
उंहें कोरबा ले हरएक बिरस्पत शुक्रवार, शनिचर अउ इतवार के चलाये जाही। ये गाड़ी पांच अउ छै जुलाई ले शुरू होही। एति तीन जुलाई ले बिलासपुर-रीवा एक्सपे्रस स्पेशल ट्रेन शुरू करे जात हे।
उंहें गेवरा-इतवारी एक्सपे्रस पैसेंजर स्पेशल अउ इतवारी-बिलासपुर स्पेशल ट्रेन के अवई जवई घलो शुरू कर दे गेहे। दक्षिणपूर्व मध्य रेलवे के मुख्य जनसंपर्क अधिकारी साकेत रंजन ह ये जानकारी दीन।
इही बीच रेल प्रशासन ह रथयात्रा ल देखत दक्षिण पूर्व मध्य रेलवे क्षेत्र ले होके निकलइया बारा जोड़ी ट्रेन ल खुरदा रोड रेलवे स्टेशन तक चलाये के फैसला लेहे।
पीआईबी योग वेबिनार
अंतर्राष्ट्रीय योग दिवस के मउका म योग और कोरोना संक्रमण से बचाव बिसय म आज एक वेबिनार राखे गीस। केंद्रीय सूचना अउ प्रसारण मंत्रालय के पीआईबी रायपुर अउ प्रादेशिक लोक संपर्क कार्यालय रायपुर कोति ले लोक संपर्क कार्यालय अंबिकापुर के मदद ले एक वेबिनार राखे गीस। जेमा राज्य के प्रिंट इलेक्टाªॅनिक अउ आॅनलाइन मीडिया संवाददाता के संग सूचना अउ प्रसारण मंत्रालय के अधिकारी सामिल होइन।
श्यामाप्रसाद मुखर्जी भाजपा कार्यक्रम
भारतीय जनसंघ के संस्थापक अउ शिक्षाविद् डॅाक्टर श्यामाप्रसाद मुखर्जी के बलिदान दिवस के मउका म काली प्रदेश म कतकोन कार्यक्रम राखे जाही। राजधानी रायपुर म भाजपा कोति ले गोष्ठी अउ पौधा रोपण के कार्यक्रम हवय। जेमा संघरे बर भाजपा के राष्ट्रीय महामंत्री दुष्यंत कुमार गौतम काली रायपुर पहुंचही।
लोकवाणी
मुख्यमंत्री भूपेश बघेल ये बखत लोकवाणी म प्रदेश के लोगन ले विकास का नया दौर विसय म गोठबात करही। ए संबध्ंा म श्रोता मन आकाशवाणी रायपुर के दूरभाष नंबर – शून्य सात सात एक दू चार तीन शून्य पांच शून्य एक, पांच शून्य दू अउ पांच शून्य तीन म अठाईस, उनतीस अउ तीस जून के मंझनियंा तीन ले चार बजे के बीच फोन करके अपन सवाल रिकार्ड करा सकत हे।
मुख्यमंत्री के मासिक रेडियो वार्ता लोकवाणी के प्रसारण ग्यारा जुलाई के होही। एला छत्तीसगढ़ स्थित आकाशवाणी के जम्मों केंद्र एफ.एम. रेडियो अउ क्षेत्रीय समाचार चैनल ले बीहनिया साढ़े दस बजे ले ग्यारा बजे तक प्रसारित करे जाही।
माओवादी समाचार
माओवादी मनके तेलंगाना राज्य सचिव हरिभूषण के दिल के दौरा पड़े ले मउत होगे। तेलंगाना के कोत्तागुड़म जिला के पुलिस अधीक्षक सुनील दत्त ह एखर पुष्टि करीन हे। ओमन बताइन कि सुकमा जिला के जब्बागट्टा क्षेत्र म हरिभूषण के मउत होइस। पुलिस अधीक्षक ह बताइन कि हरिभूषण कोरोना संक्रमित रीहिस।
उंहें दंतेवाड़ा जिला म एक इनामी जनमिलिशिया कमांडर समेत तीन झिन माओवादी मन ह पुलिस के आगू आत्मसमर्पण करीन हे। पुलिस कोति ले चलाये जात लोनवर्राटू अभियान ले प्रभावित होके ये मन समाज के मुख्यधारा म सामिल होय के फैसला लीन। ये जम्मों माओवादी अरनपुर थाना क्षेत्र म सक्रिय रीहिन।
पंडो जनजाति-घटना
बलरामपुर जिला के त्रिकुंडा थाना क्षेत्र के चेरागांव म आदिवासी पंडो जनजाति के आठ झिन संग मारपीट करे के मामला म पुलिस ह सरपंच पति समेत दस झिन आरोपी ल गिरप्तार करे हे। बताये जात हे कि सरपंच पति की मौजूदगी म जन चैपाल लगाये गीस, जिहंा आरोपी मन ह मछली चोरी के आरोप म पंडो जनजाति के तीन झिन नाबालिग समेत आठ झिन संग मारपीट करीन। ये बेरा म आरोपी मन ह पंडो जनजाति के मनखे मन ल पेड़ ले बांधे रीहिन।
मौसम
मौसम विभाग ह अवइया चैबीस घंटा म प्रदेश के एक दू जगा म गरज चमक संग भारी बरसा होय अउ गाज गिरे के चेतावनी देहे।
रायपुर के मौसम विज्ञान केंद्र के मुताबिक उपरी हवा के चक्रवाती घेरा उत्तर पश्चिमी बिहार अउ पूर्वी उत्तर प्रदेश के उपर हवय। उंहें एक ठिन द्रोणिका घलो सक्रिय हे, जेखर प्रभाव ले बरसा होवत हे।