लाॅकडाउन
प्रदेश म बाढ़त कोरोना संक्रमण ल देखत आज राज्य के पांच ठिन अउ जिला मन म लाॅकडाउन लगाय के आदेस जारी कर दे गेहे। ए जिला मन ह बिलासपुर, जांजगीर-चांपा, गरियाबंद, महासमुंद अउ सरगुजा। एखर सेती अब तक प्रदेस के सोलह जिला मन म पूरी-पूरा लाॅकडाउन लगाय के आदेस जारी करे जा चुके हे। जशपुर, कोरिया अउ बलौदाबाजार जिला म आज ले लाॅकडाउन लागू होगे हे। जबकि धमतरी अउ कोरबा जिला म काली बारह अप्रैल ले, त उहें, रायगढ़ जिला म चैदह अप्रैल ल लाॅकडाउन लगही। रईपुर, दुरूग, राजनांदगांव, बेमेतरा अउ बालोद जिला म लाॅकडाउन पहिली ले चालू हे। बिलासपुर जिला म चैदह ले इक्कीस अप्रैल तक संपूर्ण लाॅकडाउन रइही। उहें, जांजगीर-चांपा जिला म तेरह अप्रैल के संझा छह बजे ले तेईस अप्रैल के रतिहा बारह बजे तक लाॅकडाउन लगाय जाही। लाॅकडाउन के दउरान जिला के जम्मों सीमा पूरी-पूरा सील रइही। केवल मेडिकल दुकान मन ल निर्धारित समय-सीमा म खोले जाही। दूनों जिला मन म दूध पार्लर अउ वितरण बिहनिया छह ले आठ बजे तक अउ संझा पांच ले साढ़े छह बजे तक करे जा सकही।
गरियाबंद जिला म घलो तेरह ले तेईस अप्रैल तक संपूर्ण लाॅकडाउन लगाय के निर्णय ले गेहे। ए दउरान सब्बो बैंक अउ धार्मिक स्थल पूरी-पूरा बंद रइही। दूध पार्लर अउ न्यूज पेपर हाॅकर ल बिहनिया छह ले आठ बजे तक वितरण के अनुमति दे गेहे। ऐति, महासमुंद जिला म चैदह अप्रैल के बिहनिया छह बजे ले बाईस अप्रैल के मध्य रात्रि तक लाॅकडाउन प्रभावसील रइही। लाॅकडाउन अवधि म जिला म सब्जी, फल अउ किराना दुकान घलो बंद रइही। घर-घर जाके दूध बटइया विक्रेता मन ल बिहनिया छह ले आठ बजे तक अउ संझा पांच ले सात बजे तक प्रतिबंध ले मुक्त रखे गेहे।
कोरोना समाचार
प्रदेस म काली चैदह हजार ले जादा नवा कोविड मरीज मनके पुष्टि होईस। एखरे संग राज्य म कोविड संक्रमित लोगन मनके संख्या चार लाख तैंतीस हजार ले जादा होगे हे। राज्य म ए समय छियासी हजार कोविड मरीज मनके इलाज आने-आने अस्पताल या होम आइसोलेशन म चलत हे। इही बीच, कोरोना संक्रमित लोगन मनके विभिन्न स्तर म उपचार बर राज्य सरकार डहार ले करे जात प्रयास के कारण प्रदेस के कतकोन अस्पताल मन म उपलब्ध बिस्तर मनके संख्या छह हजार नौ सौ छिहत्तर होगे हे। एला बढ़ाके अब उन्नीस हजार चार सौ बहत्तर करना प्रस्तावित हवय। ऐति, राजनांदगांव प्रेस क्लब डहार ले कोरोना संक्रमित पुरूष मरीज मनके इलाज बर निःशुल्क कोविड केयर सेंटर के व्यवस्था करे गेहे। उहें, दुरूग जिला म पुलिस प्रसासन डहार ले कोविड हेल्प डेस्क बनाय गेहे। एखर माध्यम ले जिला के पुलिस अधिकारी-करमचारी अउ ओमन के परिजन मन ल तुरते चिकित्सा सुविधा उपलब्ध कराय जाही। एखर बर मोबाइल अउ वाट्सऐप नंबर जारी करे गेहे। रईपुर जिला के अपर कलेक्टर अउ नोडल अधिकारी पदमिनी भोई ह बतईन कि कान्टेक्ट ट्रेसिंग के माध्यम ले कोरोना संक्रमण के फैलाव ल बहुत हद तक रोके जा सकथे।
आॅक्सीजन गैस-अस्पताल
छत्तीसगढ़ म बनइया आॅक्सीजन के अस्सी प्रतिशत अब ले मेडिकल आॅक्सीजन गैस के रूप म राज्य के अस्पताल मन ल दे जाही। प्रदेस म कोरोना संक्रमण के स्थिति अउ अस्पताल मन म आॅक्सीजन के जरूरत ल देखत स्वास्थ्य विभाग ह महामारी अधिनियम के तहत ए संबंध म अधिसूचना जारी कर देहे। आदेस म ए घलो केहे गेहे कि एकदम जरूरी स्थिति म उद्योग मन ल दे जाने वाला बीस प्रतिशत आॅक्सीजन घलो अस्पताल मन ल दे जाही।
टीका उत्सव
चार दिन के टीका उत्सव आज ले देसभर म सुरू होगे। एखर उद्देश्य जादा ले जादा लोगन मन ल कोविड टीका लगाना हे। आज समाज सुधारक ज्योतिबा फुले के जयंती म सुरू होय टीका उत्सव भारतीय संविधान के निर्माता डाॅक्टर भीमराव अंबेडकर के जयंती चैदह अप्रैल के संपन्न होही। प्रधानमंत्री नरेन्द्र मोदी ह देस म चार दिन के बिसेस टीकाकरण अभियान के सुभारंभ करत जम्मों देसवासी मन ले चार सिद्धांत के पालन करे के अपील करीन हे। ए चार सिद्धांत हे इच वन वैक्सीनेट वन यानि जे मन कम पढे-लिखे हे, सियान हे अउ खुदे जाके टीका नइ लगवा सकय ओमन के मदद करे जाय। इच वन ट्रीट वन यानि जे मन के पास साधन नइ हे, जानकारी के अभाव हे, ओमन के कोरोना के इलाज म सहायता करे जाय। इच वन सेव-वन यानि मैं खुदे मास्क पहिरव, जेखर ले खुद ल भी सुरक्षित करहूं अउ सुधर ल भी सुरक्षित करहूं, ए बात उपर बल दे जाय अउ चैथा अउ जरूरी बात कि कोनों ल कोरोना होय के स्थित म माइक्रो कंटेनमेंट जोन बनाय के नेतृत्व समाज के लोगन मन करय। प्रधानमंत्री ह किहीन कि टीका उत्सव कोरोना महामारी के खिलाफ दूसर बड़े युद्ध के सुरूवात हवय।
केन्द्रीय टीम-दौरा
केन्द्रीय स्वास्थ्य मंत्रालय डहार ले छत्तीसगढ़ म भेजे गे टीम ह ए बतईन कि रईपुर अउ जशपुर जिला मन म कंटेनमेंट जोन बर निर्धारित मापदंड के सही तरीका ले पालन नइ करे जात हे। एखर अलावा कोरबा, दुरूग अउ बालोद जिला म आरटी-पीसीआर जांच सुविधा के अभाव के सेती जांच म बहुत जादा समय लगत हे। केन्द्रीय दल ह ए सुझाव दीस कि छत्तीसगढ़ ल मोबाइल जांच लैब के माध्यम ले आरटी-पीसीआर टेस्ट सुविधा ल बढ़ाना चाही। केन्द्रीय दल ह बतईन कि रईपुर, बालोद, दुरूग अउ महासमुंद जिला के अस्पताल मन म मरीज के भर्ती दर बहुत जादा हे। ए जिला के अस्पताल मन म सुविधा बढ़ाय के संगेसंग दूसर व्यवस्था घलो करना चाही।
केन्द्रीय टीम-दौरा
केन्द्रीय स्वास्थ्य मंत्रालय डहार ले छत्तीसगढ़ म भेजे गे टीम ह ए बतईन कि रईपुर अउ जशपुर जिला मन म कंटेनमेंट जोन बर निर्धारित मापदंड के सही तरीका ले पालन नइ करे जात हे। एखर अलावा कोरबा, दुरूग अउ बालोद जिला म आरटी-पीसीआर जांच सुविधा के अभाव के सेती जांच म बहुत जादा समय लगत हे। केन्द्रीय दल ह ए सुझाव दीस कि छत्तीसगढ़ ल मोबाइल जांच लैब के माध्यम ले आरटी-पीसीआर टेस्ट सुविधा ल बढ़ाना चाही। केन्द्रीय दल ह बतईन कि रईपुर, बालोद, दुरूग अउ महासमुंद जिला के अस्पताल मन म मरीज के भर्ती दर बहुत जादा हे। ए जिला के अस्पताल मन म सुविधा बढ़ाय के संगेसंग दूसर व्यवस्था घलो करना चाही।
लोकवाणी
मुख्यमंत्री भूपेश बघेल ह आज प्रसारित मासिक रेडियोवार्ता ‘‘लोकवाणी‘‘ के सत्रहवां कड़ी म किहीन कि छत्तीसगढ़ के बजट न्याय के अवधारणा आगू बढ़ाने वाला हवय। एमा कोरोना काल के सबक, ग्लोबल इंसानियत अउ लोकल संसाधन ले स्थानीय लोगन मनके ससक्तिकरण उपर जोर दे गेहे। मुख्यमंत्री ह ‘‘नया बजट-नये लक्ष्य‘‘ बिसय उपर श्रोता मनके सवाल के जवाब देवत किहीन कि छत्तीसगढ़ म ए बछर सब्बो वर्ग के मनखे मनके हित ल ध्यान म राखत बजट पेस करे गेहे। मुख्यमंत्री ह यहू किहीन कि कोरोना के दूसरइया लहर ले निपटे बर संयम, धीरज, सावधानी अउ कड़ा सुरक्षा उपाय मनके जरूरत हे। ओमन लोगन मन ले अपील करीन हे कि जतका संभव हो घरे म रहय। कोरोना ले बचाव बर टीकाकरण एक सुरक्षित उपाय हे अउ पात्रता अनुसार जम्मों ल टीका लगवाना चाही।
माओवादी-मुठभेड़
दंतेवाड़ा जिला के कटेकल्याण थाना क्षेत्र के गादम अउ जंगमपाल के जंगल म सुरक्षा बल के संग होय मुठभेड़ म एक झिन माओवादी मारे गेहे। जिला के पुलिस अधीक्षक अभिषेक पल्लव ह घटना के पुष्टि करत बतईन कि मृत माओवादी के सव बरामद कर ले गेहे। एखर उपर एक लाख रूपिया के इनाम घोसित रिहीस। घटनास्थल ले एक भरमार बंदूक, एक पिस्टल, दू किलो के आईईडी अउ दूसर सामान बरामद करे गेहे। उहें, बीजापुर जिला के नैमेड थाना क्षेत्र म माओवादी मन ह वाटर फिल्टर प्लांट के निर्माण कार्य म लगे दू वाहन म आगी लगा दीन।
मौसम
मध्यप्रदेश अउ छत्तीसगढ़ के सीमा म बिलासपुर ले एक सौ बाईस किलोमीटर पश्चिम, उत्तर पश्चिम दिसा म भूकंप के झटका महसूस करे गीस। एखर तीव्रता रिएक्टर स्केल म तीन दशमलव सात मापे गेहे। मौसम विज्ञानी एच.पी. चन्द्रा ह बतईन कि भूकंप के तीव्रता कमजोर होय के सेती दस ले बीस किलोमीटर के दायरा म कच्चा अउ कमजोर मकान मन ल नुकसान हो सकत हे। इही बीच, प्रदेस के मौसम म आय बदलाव ले अवइया चैबीस घंटा के दउरान एक-दू स्थान मन म गरज-चमक के संग हल्का बरसा होय के संभावना हे। उहें, कुछेक स्थान मन म अंधड़ के संग करा गिरे के घलो संभावना हे।