कोरोना टीका-01
देसभर म आज ले पैंतालीस बछर ले जादा उमर वाले लोगन के टीकाकरण सुरू होगे हे। खबर के मुताबिक टीकाकरण के प्रक्रिया ल सरल बनाय बर गंभीर बीमारी के सर्त ल हटा दे गेहे।पैंतालीस साल या उंखर ले जादा उमर के सबो लोगन टीकाकरण के बुकिंग बर को-विन पोर्टल के माध्यम ले आॅनलाइन पंजीयन करा सकथे। एखर अलावा टीकाकरण केन्द्र म घलो पंजीयन के सुविधा होही। एखर बर तीन बजे के बाद लोगन मन ल अपन पहिचान पत्र के संग नजदीकी टीकाकरण केन्द्र म जाना होही। कोन्हों भी अस्पताल टीकाकरण के ए दिसा-निरदेस के पालन नइ करही, त टोल फ्री नंबर 1 0 7 5 म सिकायत दर्ज कराय जा सकथे।ऐति, छत्तीसगढ़ म आज ले कोरोना टीकाकरण अभियान के तीसरा चरण सुरू होगे हे। टीकाकरण बर पैंतालीस बछर ले उपर के लोगन मन ल अब डाॅक्टरी सर्टिफिकेट देके के जरूरत नइ होही। ए चरण म राज्य म पैंतालीस बछर ले जादा उमर के अंठावन लाख छियासठ हजार ले जादा लोगन ल कोरोना के टीका लगाय जाही।इही बीच, मुख्यमंत्री भूपेश बघेल ह प्रदेस म कोरोना संक्रमण के बाढ़त मामला देखत जम्मों पात्र लोगन ले कोरोना के टीका लगवाय के अपील करीन हे। ओमन टीका लगवाय के बाद सरकार डहार ले कोरोना ले बचाव संबंधी दिसा-निरदेस के पालन करे के आग्रह घलो कारीन। श्री बघेल ह किहीन कि प्रदेस म पर्याप्त संख्या म टीका हवय। जम्मों जिला म लोगन मनके टीकाकरण बर सुविधा देवाय गेहे। मुख्यमंत्री ह जम्मों सामाजिक प्रमुख, समाजसेवी, धार्मिक अउ व्यापारिक संस्था के संगेसंग समाज के प्रबुद्ध लोगन ले आम लोगन मन ल जादा ले जादा संख्या म टीका लगवाय खातिर जागरूक करे के अपील करीन हे।
कोरोना टीका-02
उहें, प्रदेस के स्वास्थ्य मंत्री टी.एस. सिंहदेव ह काली राज्य स्तरीय कोविड-नाइंटीन कमांड एंड कंट्रोल सेंटर म कोरोना टीकाकरण अउ कोरोना संक्रमण ल रोके बर करे जावत कामकाज के समीक्षा करीन। ओमन रोजाना चालीस हजार सैंपल के जांच के निरदेस दीन। श्री सिंहदेव ह कोविड अस्पताल म आॅक्सीजन सुविधा वाले बिस्तर के संख्या बढ़ाय के संगेसंग लोगन मन के टीका लगवाय बर जरूरी व्यवस्था करे के निरदेस दीन। स्वास्थ्य मंत्री ह कोरबा महासमुंद, कांकेर अउ कोरिया म बनाय गे चार ठिन नवा वायरोलाॅजी लैब के कामकाज के घलो समीक्षा करीन।इही बीच, राज्य म काली एक लाख बाईस हजार ले जादा लोगन मन ल कोरोना के टीका लगाय गीस, जउन ह एक ठिन रिकाॅर्ड हरय। राष्ट्रीय स्वास्थ्य मिशन के संचालक अउ राज्य कोविड टीकाकरण के नोडल अधिकारी डाॅक्टर प्रियंका शुक्ला ह बतईन कि आज ले पैंतालीस बछर ले जादा उमर के लोगन मन ल टीका लगाय जावत हे। ओमन पात्र लोगन मन ल खुदे अपन परिवार वाले मन संग जाके टीका लगवाय के अपील करीन।खबर के मुताबिक कोरोना टीका के पहिली डोज लगवाय के छह ले आठ हफ्ता के बीच दूसर डोज लगवाना जरूरी हवय। दूसर लगवाय के दू हफ्ता बाद सरीर म रोग प्रतिरोधक क्षमता बनथे।
कोरोना टीका-03
ऐति, दुरूग जिला म पैंतालीस बछर ले जादा उमर वाले तीन लाख अस्सी हजार लोगन मन ल टीका लगाय जाय के लक्ष्य राखे गेहे। ए लक्ष्य खातिर जिला म दू सौ बैसठ टीकाकरण केन्द्र बनाय गेहे। उहें, ए अभियान म स्वास्थ्य विभाग समेत निजी अस्पताल के कुल तेरह सौ दस अधिकारी अउ करमचारी मनके मदद ले जाही। ए दउरान पन्द्रह हजार लोगन मन ल हर दिन टीका लगाय जाही।ओति, कोरबा जिला म कलेक्टर किरण कौशल ह कोरोना टीकाकरण काम म तेजी लाय के निरदेस देहे। ओमन अवइया एक हफ्ता के भीतर ग्रामवार अउ पंचायतवार पैंतालीस बछर ले जादा उमर के लोगन मनके चिन्हारी करके टीकाकरण के दिन अउ जगह निर्धारित करत रोस्टर बनाय के निरदेस अधिकारी मन ल दीन हे।
टीकाकरण-बचाव
रईपुर के पंडित जवाहरलाल नेहरू चिकित्सा महाविद्यालय के काॅर्डियोलाॅजी एडवांस एंड कार्डियक इंस्टीट्यूट के विभागाध्यक्ष डाॅक्टर स्मित श्रीवास्तव ह किहीन हे कि कोरोना टीका ए बीमारी ले होवइया मउत ल रोके म सत-प्रतिसत प्रभावी हवय। ओमन किहीन कि टीका लगाय के बाद कहूं कोनों ल संक्रमण होथे, त ओ ह गंभीर नइ होही।रायपुर-राष्ट्रीय पुरस्कारकेन्द्रीय पंचायती राज मंत्रालय ह
राष्ट्रीय पंचायत पुरस्कार
आधार/पैन-तिथि
लघु बचत योजना-ब्याज दर
जमीन गाइडलाइन-छूट
कोरोना-सहायता राशि
इसरो-परीक्षा
माओवादी गिरफ्तार
पत्रकार-निधन
मनरेगा-राशि स्वीकृति