कोविड टीकाकरण
भारत कोरोना महामारी ले लड़ई म सरलग कीर्तिमान बनावत हे। एक नवा उपलब्धि म भारत ह विश्व म पहिली देश बने के गौरव पाय हे। जिहंा सबले तेजी ले चालीस लाख ले जादा लोगन ल कोरोना के टीका लग गेहे।
एति छत्तीसगढ़ के सबो जिला के प्राथमिक स्वास्थ्य केंद्र मन म कोरोना के टीकाकरण कार्यक्रम शुरू होगे हे। राजनंादगंाव जिला म केंद्र अउ राज्यसरकार कोति ले टीकाकरण के रोजे माॅनिटरिंग होवत हे। जिला के मुख्य चिकित्सा अउ स्वास्थ्य अधिकारी डॅाक्टर मिथिलेश चैधरी ह अपील करीन हे कि सबो पंजीयन होय अधिकारी अउ कर्मचारी तय दिन म स्वास्थ्य केंद्र म आके टीका लगवावयं। अइसने महासमुंद जिला म जिला अस्पताल समेत इक्कीस ठिन स्वास्थ्य केंद्र म आजले कोरोना के टीकाकरण शुरू होय हे। जिला टीकाकरण अधिकारी डॅाक्टर अरविंद गुप्ता ह बताइन कि एके दिन म आने आने स्वास्थ्य केंद्र म करीबन चार सौ पचहत्तर स्वास्थ्य कर्मचारी मन ल टीका लगाय गेहे।
इही बीच प्रदेश म काली कोरोना संक्रमित तीन सौ तीस झिन नवा मरीज के पहिचान करे गेहे। प्रदेश म अभी चार हजार एक सौ तिहत्तर सक्रिय मामला हवय।
भारत कोरोना महामारी ले लड़ई म सरलग कीर्तिमान बनावत हे। एक नवा उपलब्धि म भारत ह विश्व म पहिली देश बने के गौरव पाय हे। जिहंा सबले तेजी ले चालीस लाख ले जादा लोगन ल कोरोना के टीका लग गेहे।
एति छत्तीसगढ़ के सबो जिला के प्राथमिक स्वास्थ्य केंद्र मन म कोरोना के टीकाकरण कार्यक्रम शुरू होगे हे। राजनंादगंाव जिला म केंद्र अउ राज्यसरकार कोति ले टीकाकरण के रोजे माॅनिटरिंग होवत हे। जिला के मुख्य चिकित्सा अउ स्वास्थ्य अधिकारी डॅाक्टर मिथिलेश चैधरी ह अपील करीन हे कि सबो पंजीयन होय अधिकारी अउ कर्मचारी तय दिन म स्वास्थ्य केंद्र म आके टीका लगवावयं। अइसने महासमुंद जिला म जिला अस्पताल समेत इक्कीस ठिन स्वास्थ्य केंद्र म आजले कोरोना के टीकाकरण शुरू होय हे। जिला टीकाकरण अधिकारी डॅाक्टर अरविंद गुप्ता ह बताइन कि एके दिन म आने आने स्वास्थ्य केंद्र म करीबन चार सौ पचहत्तर स्वास्थ्य कर्मचारी मन ल टीका लगाय गेहे।
इही बीच प्रदेश म काली कोरोना संक्रमित तीन सौ तीस झिन नवा मरीज के पहिचान करे गेहे। प्रदेश म अभी चार हजार एक सौ तिहत्तर सक्रिय मामला हवय।
न्यायालय सुनवाई
बिलासपुर उच्च न्यायालय के अधीन जिला न्यायालय म अब नियमित रूप ले सुनवाई होही। ए संबंध म अधिसूचना जारी करे गेहे। अधिसूचना म केहे गेहे कि राज्य के सबो न्यायालय म अब कोरोना बर जारी दिशा निर्देश के पालन करत नियमित सुनवाई होही। ये बेरा म न्यायालय परिसर म सेनिटाइजर अउ दू गज के दूरी के पालन करना जरूरी रीही।
उंहे सिविल कोर्ट अउ आने अदालत म हप्ता के कुछएक दिन म ही सुनवाई होही।
बिलासपुर उच्च न्यायालय के अधीन जिला न्यायालय म अब नियमित रूप ले सुनवाई होही। ए संबंध म अधिसूचना जारी करे गेहे। अधिसूचना म केहे गेहे कि राज्य के सबो न्यायालय म अब कोरोना बर जारी दिशा निर्देश के पालन करत नियमित सुनवाई होही। ये बेरा म न्यायालय परिसर म सेनिटाइजर अउ दू गज के दूरी के पालन करना जरूरी रीही।
उंहे सिविल कोर्ट अउ आने अदालत म हप्ता के कुछएक दिन म ही सुनवाई होही।
नगरीय निकाय मतदाता सूची
प्रदेश के नगरीय निकाय के मतदाता सूची बर अब संबंधित विधानसभा के मतदाता सूची म नाव दरज होना जरूरी होही। राज्य निर्वाचन आयोग ह निर्वाचक नामावली बनाय बर कार्यक्रम जारी करे हे। एखर मुताबिक अब वही मतदाता मनके नाव दरज होही जिखर नाव एक जनवरी दू हजार इक्कीस के स्थिति म वो विधानसभा क्षेत्र के मतदाता सूची म सामिल हवय।
छत्तीसगढ़ नगरपालिका निर्वाचन नियम उन्नीस सौ चैरानबे म करे गे सुधार के मुताबिक जउन मतदाता मनके नाव एक जनवरी दू हजार इक्कीस के स्थिति म निर्वाचक नामावली म दरज नइ हे । अइसन लोगन ले नाव जोड़े संबंधी कोनो भी किसम के अर्जी तय तारीख सत्ताईस फरवरी के बाद नइ ले जाही। नाव दरज होय के बाद विधानसभा के रजिस्ट्रीकरण अधिकारी कोति ले जारी आदेश के प्रमाणित प्रति संग तय प्रारूप म अर्जी देबर होही। आयोग ह दावा आपत्ति बर चार ठिन प्रारूप तय करे हे। .
राज्य निर्वाचन आयोग कोति ले अपील करे गेहे कि लोगन मन तय समय म नाव जुड़वा लेवयं । अभी सत्ताईस फरवरी तक पहिली निर्वाचक नामावली तियार करे जात हे, एखर प्रकाशन एक मार्च के करे जाही।
प्रदेश के नगरीय निकाय के मतदाता सूची बर अब संबंधित विधानसभा के मतदाता सूची म नाव दरज होना जरूरी होही। राज्य निर्वाचन आयोग ह निर्वाचक नामावली बनाय बर कार्यक्रम जारी करे हे। एखर मुताबिक अब वही मतदाता मनके नाव दरज होही जिखर नाव एक जनवरी दू हजार इक्कीस के स्थिति म वो विधानसभा क्षेत्र के मतदाता सूची म सामिल हवय।
छत्तीसगढ़ नगरपालिका निर्वाचन नियम उन्नीस सौ चैरानबे म करे गे सुधार के मुताबिक जउन मतदाता मनके नाव एक जनवरी दू हजार इक्कीस के स्थिति म निर्वाचक नामावली म दरज नइ हे । अइसन लोगन ले नाव जोड़े संबंधी कोनो भी किसम के अर्जी तय तारीख सत्ताईस फरवरी के बाद नइ ले जाही। नाव दरज होय के बाद विधानसभा के रजिस्ट्रीकरण अधिकारी कोति ले जारी आदेश के प्रमाणित प्रति संग तय प्रारूप म अर्जी देबर होही। आयोग ह दावा आपत्ति बर चार ठिन प्रारूप तय करे हे। .
राज्य निर्वाचन आयोग कोति ले अपील करे गेहे कि लोगन मन तय समय म नाव जुड़वा लेवयं । अभी सत्ताईस फरवरी तक पहिली निर्वाचक नामावली तियार करे जात हे, एखर प्रकाशन एक मार्च के करे जाही।
केंद्रीय मंत्री प्रशंसा
केंद्रीय सूचना अउप्रसारण मंत्री प्रकाश जावडेकर ह छत्तीसगढ़ राज्य महिला आयोग कोति ले माइलोगन मन ल न्याय अउ उंखर अधिकार के रक्षा बर करे गे काम के प्रशंसा करीन।
नई दिल्ली म राष्ट्रीय महिला आयोग कोति ले राखे गे देश के सबो राज्य के जिला आयोग अध्यक्ष मनके सम्मान समारोह म बोलत श्री जावडेकर ह कीहिन कि जउन किसम ले छत्तीसगढ़ म माइलोगन मनके सम्मान के रक्षा बर तुरते कार्रवाई होवत हे, वोहा सराहनीय हवय। कार्यक्रम म राष्ट्रीय महिला आयोग के अध्यक्ष रेखा शर्मा ह कीहिन कि कोरोना तालाबंदी के बेरा घलो आयोग कोति ले जनसुनवाई करे गेहे। जेखर ले माइलोगन मन ल फायदा मिलीस।
केंद्रीय सूचना अउप्रसारण मंत्री प्रकाश जावडेकर ह छत्तीसगढ़ राज्य महिला आयोग कोति ले माइलोगन मन ल न्याय अउ उंखर अधिकार के रक्षा बर करे गे काम के प्रशंसा करीन।
नई दिल्ली म राष्ट्रीय महिला आयोग कोति ले राखे गे देश के सबो राज्य के जिला आयोग अध्यक्ष मनके सम्मान समारोह म बोलत श्री जावडेकर ह कीहिन कि जउन किसम ले छत्तीसगढ़ म माइलोगन मनके सम्मान के रक्षा बर तुरते कार्रवाई होवत हे, वोहा सराहनीय हवय। कार्यक्रम म राष्ट्रीय महिला आयोग के अध्यक्ष रेखा शर्मा ह कीहिन कि कोरोना तालाबंदी के बेरा घलो आयोग कोति ले जनसुनवाई करे गेहे। जेखर ले माइलोगन मन ल फायदा मिलीस।
लोकसेवा आयोग परीक्षा
छत्तीसगढ़ लोक सेवा आयोग कोति ले पाछू दस महीना म आने आने विभाग बर दू हजार चार सौ अस्सी पद बर परीक्षा होय हे। आयोग ले मिले जानकारी के मुताबिक कोरोना प्रोटोकाल के पालन करत आने राज्य के तुलना म जादा परीक्षा लेके आयोग ह बड़े उपलब्धि हासिल करे हे। आयोग कोति ले दू हजार चार सौ अस्सी पद बर अभ्यर्थी मन ल चुनके जून महीना तक अनुशंसा पत्र भेजे के लक्ष्य रीहिस, जउन पूरा होवइया हे।
अइसने व्यवहार न्यायाधीश के उनतालिस ठिन पद बर लिखित परीक्षा इक्कीस सितंबर के होय रीहिस। जेखर नतीजा महीना भर म आगे। इही बीच भारतीय जनता युवा मोर्चा ह लोक सेवा आयोग उपर सहायक प्राध्यापक भर्ती परीक्षा म गड़बड़ी करे के आरोप लगाइन हे।
भारतीय जनता युवा मोर्चा के प्रदेश अध्यक्ष अमित साहू, प्रदेश मंत्री विजय शर्मा, अउ भाजपा नेता ओ.पी. चैधरी ह आज रायपुर म पत्रकार मन संग गोठबात करत कीहीन कि पीएससी ह एक सौ पांच प्रश्न ल विलोपित करे हे। अइसने सहायक संचालक कृषि के भर्ती परीक्षा म एक सौ पचास म चैदा ठिन प्रश्न विलोपित करे गेहे। ओमन सहायक प्राध्यापक के जम्मों खाली पद बर इही विज्ञापन प्रक्रिया म भर्ती करे के मांग करीन हे। संगेसंग ये जम्मों प्रकरण के न्यायिक जांच कराय के मांग करीन। ये संबंध म काली जिला कलेक्टर ल मुख्यमंत्री के नाव ज्ञापन सौपें जाही।
पहाड़ी कोरवा भाजपा
भारतीय जनता पार्टी के प्रदेश अध्यक्ष विष्णुदेव साय ह कीहिन हे कि कोरबा जिला के कोरवा जनजाति परिवार संग होय अत्याचार के मामला म भाजपा प्रदेशभर म धरना प्रदर्शन करही। श्री साय ह राज्य सरकार उपर आरोप लगाइन कि आदिवासी मन संग अन्याय अउ अत्याचार करे जावत हे। फेर राज्य सरकार कोति ले ओमन ल न्याय देवाय खातिर कोनो किसम के परयास नइ होवत हे। ओमन गृहमंत्री ताम्रध्वज साहू उपर मामला के अनदेखी करे के आरोप लगाइन खबर के मुताबिक कोरबा के लेमरू जंगल म सरंक्षित पहाड़ी कोरवा जनजाति परिवार के एक नोनी संग दुष्कर्म के बाद हत्या कर देगे रीहिस। उंहें ओखर पिता अउ बहिनी के घलो हत्या होय रीहिस। श्री साय ह आरोप लगाइन कि ये माम ला म अब तक आरोपी मनके खिलाफ कार्रवाई नइ करे गेहे अउ नही पीड़ित परिवार ल आर्थिक मदद देगे हे। ओमन पीड़ित परिवार ल आर्थिक मदद देके मंाग करीन हे।
भारतीय जनता पार्टी के प्रदेश अध्यक्ष विष्णुदेव साय ह कीहिन हे कि कोरबा जिला के कोरवा जनजाति परिवार संग होय अत्याचार के मामला म भाजपा प्रदेशभर म धरना प्रदर्शन करही। श्री साय ह राज्य सरकार उपर आरोप लगाइन कि आदिवासी मन संग अन्याय अउ अत्याचार करे जावत हे। फेर राज्य सरकार कोति ले ओमन ल न्याय देवाय खातिर कोनो किसम के परयास नइ होवत हे। ओमन गृहमंत्री ताम्रध्वज साहू उपर मामला के अनदेखी करे के आरोप लगाइन खबर के मुताबिक कोरबा के लेमरू जंगल म सरंक्षित पहाड़ी कोरवा जनजाति परिवार के एक नोनी संग दुष्कर्म के बाद हत्या कर देगे रीहिस। उंहें ओखर पिता अउ बहिनी के घलो हत्या होय रीहिस। श्री साय ह आरोप लगाइन कि ये माम ला म अब तक आरोपी मनके खिलाफ कार्रवाई नइ करे गेहे अउ नही पीड़ित परिवार ल आर्थिक मदद देगे हे। ओमन पीड़ित परिवार ल आर्थिक मदद देके मंाग करीन हे।
दुर्घटना
कोंडागांव जिला म पाछू रतिहा होय आने आने रद्दा दुर्घटना म तीन झनके मउत होगे अउ दू झिन गंभीर रूप ले घायल होगे हे। पाछू रतिहा राष्ट्रीय राजमार्ग क्रमांक तीस म जोबा गंाव तीर चैपहिया गाड़ी ह एक ठिन बस ले टकरा गीस। ये हादसा म चैपहिया गाड़ी म बइठे महातारी अउ बेटा के मउत होगे अउ पिता ह गंभीर रूप ले घायल हावय। ये सबो सुकमा के रहवइया एके परिवार के हरय।
इही जिला के गांव केरावाही तीर काली रद्दा दुर्घटना म फटफटी सवार एक मनखे के अज्ञात गाड़ी के ठोकर ले मउत होगे अउ एक झिन गंभीर रूप ले घायल हे, जउन ल जिला अस्पताल म भर्ती कराय गेहे।
कोंडागांव जिला म पाछू रतिहा होय आने आने रद्दा दुर्घटना म तीन झनके मउत होगे अउ दू झिन गंभीर रूप ले घायल होगे हे। पाछू रतिहा राष्ट्रीय राजमार्ग क्रमांक तीस म जोबा गंाव तीर चैपहिया गाड़ी ह एक ठिन बस ले टकरा गीस। ये हादसा म चैपहिया गाड़ी म बइठे महातारी अउ बेटा के मउत होगे अउ पिता ह गंभीर रूप ले घायल हावय। ये सबो सुकमा के रहवइया एके परिवार के हरय।
इही जिला के गांव केरावाही तीर काली रद्दा दुर्घटना म फटफटी सवार एक मनखे के अज्ञात गाड़ी के ठोकर ले मउत होगे अउ एक झिन गंभीर रूप ले घायल हे, जउन ल जिला अस्पताल म भर्ती कराय गेहे।
सिरपुर महोत्सव
महासमुंद जिला के अंतर्राष्ट्रीय पर्यटन स्थल सिरपुर म दू दिवसीय सिरपुर महोत्सव के आयोजन सत्ताईस अउ अठाईस फरवरी के करे जाही। ये संबंध म कलेक्टर डोमन सिंह ह अधिकारी मनके बइठका लेके तियारी के समीक्षा करीन।
सिरपुर महोत्सव म आने आने विभाग के विकास काम के स्टाॅल लगाये जाही। संगेसंग स्व सहायता समूह कोति ले अपन उत्पाद के प्रदर्शनी लगाय जाही। महोत्सव म पुरातत्व अउ पर्यटन विभाग कोति ले सिरपुर के एतिहासिक जगा ले जुड़े प्रदर्शनी अउ घुमइया मन बर सूचना केंद्र बनाय जाही। संगेसंग ये जगा के जानकारी देबर गाईड के बेवस्था घलो रीही।
महासमुंद जिला के अंतर्राष्ट्रीय पर्यटन स्थल सिरपुर म दू दिवसीय सिरपुर महोत्सव के आयोजन सत्ताईस अउ अठाईस फरवरी के करे जाही। ये संबंध म कलेक्टर डोमन सिंह ह अधिकारी मनके बइठका लेके तियारी के समीक्षा करीन।
सिरपुर महोत्सव म आने आने विभाग के विकास काम के स्टाॅल लगाये जाही। संगेसंग स्व सहायता समूह कोति ले अपन उत्पाद के प्रदर्शनी लगाय जाही। महोत्सव म पुरातत्व अउ पर्यटन विभाग कोति ले सिरपुर के एतिहासिक जगा ले जुड़े प्रदर्शनी अउ घुमइया मन बर सूचना केंद्र बनाय जाही। संगेसंग ये जगा के जानकारी देबर गाईड के बेवस्था घलो रीही।
हीरा तस्कर-गिरप्तार
गरियाबंद जिला पुलिस ह हीरा तस्करी के मामला म एक झिन मनखे ल पिथौरा ले गिरप्तार करे हे। इंखर तीर ले दू सौ इक्कीस नग हीरा अउ फटफटी बरामद करे हे। पकड़े गे हीरा के कीमत करीबन बाईस लाख रूपिया हवय।
पुलिस ले मिले जानकारी के मुताबिक हीरा तस्करी करइया ये मनखे बागबहरा क्षेत्र के तुमगांव के रहइया हरय। जउन ह छुरा म हीरा बेचे खातिर घुमत रीहिस हे। गरियाबंद जिला म हीरा तस्करी के ये सबले बड़े मामला हवय । पुलिस ह सूचना मिलतेच घेराबंदी करके ओला गिरप्तार करे हे।
पुलिस अधीक्षक ह हीरा तस्कर ल पकड़इया टीम ल दस हजार रूपिया इनाम देके घोषणा करे हे।
गरियाबंद जिला पुलिस ह हीरा तस्करी के मामला म एक झिन मनखे ल पिथौरा ले गिरप्तार करे हे। इंखर तीर ले दू सौ इक्कीस नग हीरा अउ फटफटी बरामद करे हे। पकड़े गे हीरा के कीमत करीबन बाईस लाख रूपिया हवय।
पुलिस ले मिले जानकारी के मुताबिक हीरा तस्करी करइया ये मनखे बागबहरा क्षेत्र के तुमगांव के रहइया हरय। जउन ह छुरा म हीरा बेचे खातिर घुमत रीहिस हे। गरियाबंद जिला म हीरा तस्करी के ये सबले बड़े मामला हवय । पुलिस ह सूचना मिलतेच घेराबंदी करके ओला गिरप्तार करे हे।
पुलिस अधीक्षक ह हीरा तस्कर ल पकड़इया टीम ल दस हजार रूपिया इनाम देके घोषणा करे हे।