गृहमंत्री बैठक
गृह मंत्री ताम्रध्वज साहू ह कीहिन कि अपराध मनके रोकथाम बर पुलिस एक्शन म दिखे। ओमन कीहिन कि हर थाना क्षेत्र म अपराध मनके रोकथाम बर जरूरी रूप ले रात्रि कालिन गश्त करे जाय। मेडिकल अउ आबकारी अधिकारी मनले समन्वय कर नशीला पदार्थ अउ अवैध शराब बिक्री उपर सख्त कार्रवाई करे जाय। श्री साहू ह आज अपन रायपुर स्थित निवास कार्यालय म वीडियो काॅन्फे्रसिंग के माध्यम ले कानून व्यवस्था अउ अपराध मनके रोकथाम के समीक्षा करत रीहिन। गृहमंत्री श्री साहू ह पुलिस अधीक्षक मनले कीहिन कि अपराध मन म लगाम लगाय बर गुण्डा-बदमाश मन ल चिन्हित करे, पेट्रोलिंग बढ़ाय, चैक चैराहा म सीसीटीवी कैमरा के संख्या बढ़ाय जाय। होटल मन म बाहिर ले अवइया लोगन मन उपर निगरानी राखे जाय। अपराधी मनके सूचना देवइया मनके नाव गोपनीय राखे जाय। ओमन कीहिन कि शहर के व्यस्ततम इलाका मन म अउ प्रमुख व्यावसायिक प्रतिष्ठान अउ दुकान मन म सीसीटीवी कैमरा लगाय बर पे्ररित करे जाय।
गृहमंत्री साहू ह कीहिन कि पुलिस के काम आम जनता ल हलाकान करना नइ होना चाही। ओमन कीहिन कि अपराध मन ल रोके बर सूचना प्रणाली मजबूत राखे जाय।
कोरोना समाचार/जागरूकता
छत्तीसगढ़ म कोरोना संक्रमण के मामला फेर बाढ़त हे। शनिवार के आने आने जिला मनले दू हजार दो सौ चैबीस नवा कोरोना पाॅजीटिव मरीज मनके पहिचान होय हे। स्वास्थ्य विभाग के अनुसार एक हजार दू सौ सतहत्तर मरीज स्वस्थ होय हे।
ए समय राज्य म कोरोना के सक्रिय मरीज मनके संख्या बीस हजार छै सौ उनसठ हे। ए बीच प्रदेश के स्वास्थ्य मंत्री टी.एस. सिंहदेव ह जनता ले अपील करे हे कि कोरोना वायरस ले बचाव बर ओमन सजग रहय अउ सोशल डिस्टेसिंग समेत आने नियम के पालन करय। ओमन कीहिन कि दुनिया भर के कतकोन देश मन म वायरस के रोकथाम बर प्रयास करे जात हे। देश म घलो कतको राज्य मन म वायरस के मामला बाढ़े हे। फेर छत्तीसगढ़ म स्थिति नियंत्रण म हे।
इही बीच पूर्व अंतर्राष्ट्रीय महिला हाॅकी खिलाड़ी अउ पद्मश्री अउ अर्जुन पुरस्कार ले सम्मानित सबा अंजुम ह घलो लोगन मनले कोरोना ले बचाव बर जरूरी सावधानी बरते के अपील करीन।
राजस्व मंडल ई-लोकार्पण
बिलासपुर म राजस्व मंडल के नवा भवन बनके तियार होगे हे। ए भवन के निर्माण छै करोड़ ग्यारह लाख रूपिया के लागत ले होय हे। मुख्यमंत्री भूपेश बघेल ह काली अपन निवास कार्यालय म नवा भवन के ई-लोकार्पण करीन।
ए मउका म ओमन कीहिन कि व्यवस्थित कार्यालय के मिले ले अब राजस्व मंडल के काम म तेजी आही। ओमन बताइन कि राज्य के बीस हजार गांव मे ले उन्नीस हजार ले जादा गांव मन के डिजिटल नक्शा सीट भुइंया अउ भू अभिलेख, भू नक्शा साफ्टवेयर के माध्यम ले आॅनलाईन करे गेहे। दस नगरीय क्षेत्र मन म नवा राजस्व अभिलेख तियार कर ले गेहे। नजूल अउ परिवर्तित अभिलेख मनके डिजिटाइजेशन पूरा कर ले गेहे। जीयो रेफरेंस्ड मैप तियार करे के कार्रवाई करे जात हे।
ए अवसर म राजस्व मंत्री जयसिंह अग्रवाल ह कीहिन कि प्रदेश म राजस्व न्यायालय के कार्यप्रणाली ल आधुनिक बनाय के संगेसंग ई कोड के व्यवस्था करे गेहे। ई कोड के माध्यम ले प्रकरण मनके निराकरण म पारदर्शिता अउ तेजी आही।
महिला आयोग सुनवाई
राज्य महिला आयोग के अध्यक्ष डॅाक्टर किरणमयी नायक काली सरगुजा संभाग के आने आने जिला मन म माइलोगिन मनके उत्पीड़न ले जुड़े प्रकरण मनके सुनवई करही। तेईस नवंबर के सरगुजा के जिला पंचायत सभाकक्ष म, चैबीस नवंबर के सूरजपुर कलेक्टर सभाकक्ष म, पच्चीस नवंबर के कलेक्टर सभाकक्ष कोरिया म अउ सत्ताईस नवंबर के कलेक्टर सभाकक्ष म जिला मनले मिले महिला उत्पीड़न ले जुड़े प्रकरण मनके सुनवई होही।
मतदाता संक्षिप्त पुनरीक्षण
भारत निर्वाचन आयोग के निर्देश के अनुसार राज्य म अब फोटोयुक्त निर्वाचक नामावली के विशेष संक्षिप्त पुनरीक्षण के काम करे जात हे। छत्तीसगढ़ मुख्य निर्वाचन पदाधिकारी ह बताइन कि एक जनवरी दू हजार इक्कीस के स्थिति म मतदाता सूची के पुनरीक्षण करे जात हे।
मतदाता सूची के आखरी प्रकाशन अवइया बछर म पंद्रा जनवरी के करे जाही। ए विशेष संक्षिप्त पुनरीक्षण कार्यक्रम के तहत नवा मतदाता मन अपन नाम जुड़वा सकत हे। पंद्रा दिसंबर तक दावा या आपत्ति प्रस्तुत करे जा सकथे। मिले दावा आपत्ति मनके निराकरण पांच जनवरी दू हजार इक्कीस तक करे जाही। संशोधन अउ नवा नाम जोड़े के बाद पंद्रा जनवरी दू हजार इक्कीस के अंतिम रूप ले पुनरीक्षित फोटोयुक्त निर्वाचन नामावली प्रकाशित करे जाही। अइसे युवा जउन एक जनवरी दू हजार इक्कीस के अठारा साल के उमर पूरा करत हे। वोमन अपन नाम जोड़वाय बर आवेदन कर सकथे। एखर बर भारत निर्वाचन आयोग के वेबसाइट नेशनल वोटर सर्विस पोर्टल म जाके आॅनलाईन आवेदन करे जा सकथे।
नसबंदी जागरूकता रथ
परिवार नियोजन म पुरूष मनके भागीदारी बढ़ाय बर राजनांदगांव मेडिकल काॅलेज अउ जिला अस्पताल म काली ले पुरूष नसबंदी पखवाड़ा शुरू करे गेहे। पहिली दिन पुरूष नसबंदी के विषय म जन जागरूकता बर अस्पताल परिसर म बैनर, पोस्टर लगाय गीस। एखर माध्यम ले परिवार नियोजन म पुरूष मन ल घलो भागीदारी निभाय बर प्रेरित करे जात हे। एखर अलावा जागरूकता रथ घलो निकाले जाही।
ए दउरान स्वास्थ्य विभाग डहार ले चार दिसंबर तक आने आने पे्ररक कार्यक्रम आयोजित करे जाही। पुरूष नसबंदी पखवाड़ा ल दू चरण म मनाये जात हे। पहिली चरण म सत्तईस नवंबर तक मोबिलाइजेशन सप्ताह मनाये जाही। अउ दूसर चरण म अठाईस नवंबर ले चार दिसंबर तक सेवा वितरण सप्ताह मनाये जाही।
डीआरएम निरीक्षण
नागपुर मंडल के डीआरएम मनिन्दर उत्पल ह आज राजनांदगंाव रेलवे स्टेशन के निरीक्षण करके बुनियादी सुविधा के जायजा लीन। डीआरएम ह स्टेशन परिसर म रेल यात्री मन ल मिलइया सुविधा मन ल निरीक्षण के बेरा परखीन अउ अधिकारी मन ल एला दुरूस्त करे के निर्देश दीन। ओमन सफाई व्यवस्था के सराहना करीन अउ निर्माण कार्य म देरी ल लेके नाराज घलो होइन।
हाथी आतंक
महासमुंद जिला म जंगली हाथी मनके उत्पात जारी हे। काली रतिहा सिरगिड़ी गांव म एक खलिहान म हाथी उत्पात मचाइस, उंहें आज जीवतरा गांव म ट्रेक्टर ट्राॅली म राखे धान ल हाथी मन निशाना बनाइन। सूचना मिले म वन विभाग के टीम ह मउका म पहुंचीन अउ हाथी मन ल जंगल डहार खदेड़ीन। वन विभाग ह केशवा, बकमा, धनसुली, परसदा, बीजराडीह, धरमपुर, अउ तमोरा गांव म मुनादी कराके अलर्ट घोषित कर देहे। संगेसंग ग्रामीण मन ल सावधान रेहे के सलाह देहे।
माओवादी आईईडी
दंतेवाड़ा जिला म सुरक्षा बल मन ह आज गश्त के बेरा पांच किलो के आईईडी बरामद करीन हे। सीआरपीएफ बटालियन के जवान मन ह कोंडा सावली कैम्प के तीर म बुद्धिपारा सड़क म ये आईईडी बम बरामद करे हे जेला बम निरोधक दस्ता ह निष्क्रिय कर दीस। ये आईईडी माओवादी मन ह सुरक्षा बल मन ल नुकसान पहुंचाय बर लगाय रीहिस।