मरवाही उपचुनाव
मरवाही विधानसभा उपचुनाव बर आज वोट डारे गीस। निर्वाचन आयोग के मुताबिक संझा पांच बजे तक मिले सुरूवाती आंकड़ा के मुताबिक करीबन बहत्तर प्रतिसत मतदान होय हे। ए उपचुनाव बर आठ झिन उम्मीदवार मनके भाग्य ईवीएम म कैद होगे हे। मतगणना दस नवंबर के होही अउ इही दिन रिजल्ट के घोषणा करे जाही।
आज बिहनिया वोट डारे के पहिली उम्मीदवार के प्रतिनिधि मनके मौजूदगी म माॅकपोल कराय गीस। उहें, निर्वाचन आयोग के निरदेस के मुताबिक कोरोना संक्रमण ल ध्यान म राखत मतदान केन्द्र मन म बिना मास्क अउ हाथ ल सैनिटाईज करे बगैर मतदाता मन ल वोट डारन नइ दे गीस। मरवाही उपचुनाव बर आज बिहनिया आठ बजे मतदान सुरू होईस, जउन ह संझा छह बजे तक चलीस। वोटिंग के दउरान आज कई ठिन मतदान केन्द्र मनके बाहिर मतदाता मनके लंबा लाईन देखे गीस। दिनभर मतदाता मन म वोट डारे ल लेके बड़ उत्साह नजर आईस। मतदान केन्द्र मन म माईलोगिन, युवा मनके संगेसंग बड़ संख्या म सियान अउ दिव्यांग मन घलो वोट डारे बर पहुंचीस। फेर, बिहनिया मतदान सुरू होय के बाद कुछेक मतदान केन्द्र म ईवीएम खराब होय के सेती कुछेक बेरा बर वोटिंग के काम म बाधा आईस।
मरवाही विधानसभा क्षेत्र म मतदान बर दू सौ छियासी मतदान केन्द्र बनाय गे रिहीस। ए केन्द्र मन म आज वोटिंग के आखरी एक घंटा म कोरोना प्रभावित मतदाता मन ल वोट डारे के सुविधा दे गे रिहीस हे। उहें सांतिपूर्ण मतदान करवाय बर जम्मों मतदान केन्द्र मन म सुरक्षा के कड़ा बेवस्था करे गे रिहीस। मतदान केन्द्र मन म सीएएफ अउ सीआरपीएफ के जवान मनके तैनाती के संग वेबकास्टिंग के बेवस्था घलो करे गे रिहीस।
हाईकोर्ट-पीएससी जांच
उच्च न्यायालय ह छत्तीसगढ़ लोक सेवा आयोग-सीजी पीएससी के प्रारंभिक परीक्षा के तीन प्रश्न के जांच करे के आदेस देहे। अदालत ह निरदेस देहे कि तीन महीना म जांच पूरा करके नवा मेरिट सूची जारी करे जाय। संगेसंग तीन महीना के भीतर मुख्य परीक्षा के आयोजन घलो करे जाय। ए मामला म पच्चीस याचिका होईकोर्ट म दायर करे गे रिहीस। याचिककर्ता मन ह केहे हे कि प्रारंभिक परीक्षा के प्रश्न पत्र म सामिल कई ठिन प्रश्न के उत्तर या प्रश्न गलत रिहीन, जेखर चलत मुख्य परीक्षा म रोक लगाय अउ गलत प्रश्न देय के मामला म कार्रवाई करे के मांग करे गेहे।
खबर के मुताबिक प्रारंभिक परीक्षा फरवरी महीना म होय रिहीस अउ एखर रिजल्ट जून म आय रिहीस। ए मामला म याचिका दायर होय के बाद कोर्ट ह पाछु अट्ठारह अक्टूबर के होवइया पीएससी के मुख्य परीक्षा म रोक लगा दे रिहीस।
धान खरीदी-विरोध प्रदर्शन
प्रदेस म समर्थन मूल्य म धान खरीदी के काम एक नवंबर ले सुरू करे के मांग ल लेके आज राजनांदगांव जिला के जम्मों ब्लाॅक मुख्यालय मन म भारतीय जनता पार्टी के पदाधिकारी अउ कार्यकर्ता मन विरोध-प्रदर्सन करीन। ए दउरान भाजपा कार्यकर्ता मन ह मुख्यमंत्री के नाव ज्ञापन जिला प्रसासन ल सौंपीन। राजनांदगांव सहर म महावीर चैक ले कलेक्ट्रेट तक भाजपा कार्यकर्ता मन ह पैदल मार्च करीन।
जिला भाजपा अध्यक्ष मधुसूदन यादव ह किहीन कि एक नवंबर ले धान खरीदी सुरू नइ करे जाही त एखर विरोध म आंदोलन करे जाही।
किशोर न्यास-समिति गठन
राज्य सरकार ह किशोर न्याय बोर्ड अउ बाल कल्याण समिति के गठन करे हे। राजधानी रईपुर समेत प्रदेस के बीस जिला मन म किशोर न्याय बोर्ड के सदस्य मनके सूची जारी कर दे गेहे। उहें, बाल कल्याण समिति के अध्यक्ष समेत जम्मों सदस्य मनके नाव के घलो घोषणा करे दे गेहे।
माओवादी-वारदात
बीजापुर जिला म सुरक्षा बल मनके संग होय मुठभेड़ म एक झिन माओवादी मारे गेहे। मउका ले दू राइफल, दू पिट्ठू, विस्फोटक सामान अउ माओवादी साहित्य बरामद करे गेहे। जिला के पुलिस अधीक्षक कमलोचन कश्यप ह बतईन कि मरूडबाका अउ कमलापुर के बीच ए मुठभेड़ होईस। घटना के बाद इलाका म सर्चिंग तेज कर दे गेहे।
इही जिला म सुरक्षा बल मन ह चार झिन माओवादी मिलिशिया सदस्य मन ल गिरफ्तार करे हे। केन्द्रीय रिजर्व पुलिस बल-सीआरपीएफ के जवान मन ह जांगला थाना क्षेत्र ले ए माओवादी मन ल गिरफ्तार करे हे। एखर मन उपर विस्फोटक लगाय के अउ मत पेटी लूटे के संगेसंग जनप्रतिनिधि मनके हत्या अउ आगजनी समेत कतकोन वारदात म सामिल रेहे के आरोप हे।
उहें, सुकमा जिला के केरलापाल इकाला ले घलो एक झिन स्थायी वारंटी माओवादी ल गिरफ्तार करे गेहे।
ऐति, दंतेवाड़ा जिला म दस झिन माओवादी आत्मसमर्पण करे हे। एमा पांच झिन इनामी माओवादी सामिल हे। ए माओवादी मन मलांगीर एरिया म सक्रिय रिहीस हे। जिला म लोन वर्राटू अभियान के तहत अब तक एक सौ सत्यासी माओवादी मन ह आत्मसमर्पण करे हे।
उहें, बीजापुर जिला के गंगालूर थाना क्षेत्र म माओवादी मन डहार ले लगाए गे प्रेसर बम के चपेट म आय ले दू झिन गांव वाले मन घायल होगे।
ओति, धमतरी जिला म माओवादी मन ह करही ग्राम पंचायत म एक झिन गांव वाले हत्या कर दीन। बताय जात हे कि मउत होय मनखे ह ग्राम पंचायत के सरपंच के पति रिहीस।
कोरोना समाचार/जागरूकता
प्रदेस म कोरोना संक्रमित मरीज मनके जल्दीच पहिचान करके उंखर इलाज करे बर ‘‘स्वास्थ्य सुरक्षा अभियान‘‘ चलाय जात हे। एमा मितानिन, आंगनबाड़ी कार्यकर्ता अउ सहायिका मन ह गांव अउ सहर मन म सर्वें करके संदिग्ध मरीज मनके पहिचान करही अउ उंखर सूची स्वास्थ्य विभाग ल दीही। अवइया इकतीस दिसंबर तक चलइया ए अभियान म हरेक बुधवार अउ बिरस्पत के सर्वें करे जाही।
स्वास्थ्य विभाग ह बतईन कि ए अभियान के माध्यम ले जादा ले जादा लोगन तक पहुंचे बर राज्य म बहत्तर हजार ले जादा मितानिन अउ आने करमचारी मन ल प्रसिक्षण दे डरे हे।
इही बीच, स्वास्थ्य मंत्री टी.एस. सिंहदेव ह लोगन ले अपील करीन हे कि ओमन कोरोना ले जुड़े लक्षण के बारे म सर्वें टीम ल सही जानकारी देवय अउ अपन जांच करवाय।
उहें, योग प्रसिक्षक पुष्कल चैबे ह घलो लोगन मन ले कोरोना ले बचाव बर जरूरी सावधानी बरते के अपील करीन हे।
ऐति, कोरोना संक्रमण ले बचाव बर ए बछर अंबिकापुर म छठ परब के दउरान घाट नइ बनाय के फइसला लेहे। जिला कलेक्टर संजीव कुमार झा अउ महापौर अजय तिर्की ह छठ घाट समिति के सदस्य मन संग होय बइठका म ए फइसला लीन।
विवेक चैधरी-कार्रवाई
छत्तीसगढ़ महिला आयोग के अध्यक्ष डाॅक्टर किरणमयी नायक के चिट्ठी म आयुष विश्वविद्यालय ह पंडित जवाहरलाल नेहरू मेडिकल काॅलेज के प्रोफेसर डाॅक्टर विवेक चैधरी ल परीक्षा प्रभार ले हटा देहे।
खबर के मुताबिक डाॅक्टर चैधरी के खिलाफ एक छात्रा ह आयोग म उत्पीड़न के सिकईत दर्ज कराय रिहीस, जेखर बाद आयोग के अध्यक्ष के अनुसंसा म डाॅक्टर चैधरी ल निलंबित करे गे रिहीस। ए महीना होवइया छात्रा के परीक्षा मन ल ध्यान म राखत डाॅक्टर नायक के चिट्ठी म डाॅक्टर चैधरी ल परीक्षा ले जुड़े कामकाज ले अलग कर देहे।
संक्षिप्त समाचार
अउ अब थोरकुन समाचार सार म– भारतीय जनता पार्टी, प्रदेस स्तरीय ई-बुक के विमोचन काली रईपुर के एकात्म परिसर स्थित भाजपा कार्यालय म होही। ए कारीकरम म पार्टी के राष्ट्रीय उपाध्यक्ष अउ पूर्व मुख्यमंत्री डाॅक्टर रमन सिंह, सांसद सरोज पांडेय के संग पार्टी के कतकोन बड़का नेता अउ पदाधिकारी मौजूद रइही।
मरवाही विधानसभा उपचुनाव बर आज वोट डारे गीस। निर्वाचन आयोग के मुताबिक संझा पांच बजे तक मिले सुरूवाती आंकड़ा के मुताबिक करीबन बहत्तर प्रतिसत मतदान होय हे। ए उपचुनाव बर आठ झिन उम्मीदवार मनके भाग्य ईवीएम म कैद होगे हे। मतगणना दस नवंबर के होही अउ इही दिन रिजल्ट के घोषणा करे जाही।
आज बिहनिया वोट डारे के पहिली उम्मीदवार के प्रतिनिधि मनके मौजूदगी म माॅकपोल कराय गीस। उहें, निर्वाचन आयोग के निरदेस के मुताबिक कोरोना संक्रमण ल ध्यान म राखत मतदान केन्द्र मन म बिना मास्क अउ हाथ ल सैनिटाईज करे बगैर मतदाता मन ल वोट डारन नइ दे गीस। मरवाही उपचुनाव बर आज बिहनिया आठ बजे मतदान सुरू होईस, जउन ह संझा छह बजे तक चलीस। वोटिंग के दउरान आज कई ठिन मतदान केन्द्र मनके बाहिर मतदाता मनके लंबा लाईन देखे गीस। दिनभर मतदाता मन म वोट डारे ल लेके बड़ उत्साह नजर आईस। मतदान केन्द्र मन म माईलोगिन, युवा मनके संगेसंग बड़ संख्या म सियान अउ दिव्यांग मन घलो वोट डारे बर पहुंचीस। फेर, बिहनिया मतदान सुरू होय के बाद कुछेक मतदान केन्द्र म ईवीएम खराब होय के सेती कुछेक बेरा बर वोटिंग के काम म बाधा आईस।
मरवाही विधानसभा क्षेत्र म मतदान बर दू सौ छियासी मतदान केन्द्र बनाय गे रिहीस। ए केन्द्र मन म आज वोटिंग के आखरी एक घंटा म कोरोना प्रभावित मतदाता मन ल वोट डारे के सुविधा दे गे रिहीस हे। उहें सांतिपूर्ण मतदान करवाय बर जम्मों मतदान केन्द्र मन म सुरक्षा के कड़ा बेवस्था करे गे रिहीस। मतदान केन्द्र मन म सीएएफ अउ सीआरपीएफ के जवान मनके तैनाती के संग वेबकास्टिंग के बेवस्था घलो करे गे रिहीस।
हाईकोर्ट-पीएससी जांच
उच्च न्यायालय ह छत्तीसगढ़ लोक सेवा आयोग-सीजी पीएससी के प्रारंभिक परीक्षा के तीन प्रश्न के जांच करे के आदेस देहे। अदालत ह निरदेस देहे कि तीन महीना म जांच पूरा करके नवा मेरिट सूची जारी करे जाय। संगेसंग तीन महीना के भीतर मुख्य परीक्षा के आयोजन घलो करे जाय। ए मामला म पच्चीस याचिका होईकोर्ट म दायर करे गे रिहीस। याचिककर्ता मन ह केहे हे कि प्रारंभिक परीक्षा के प्रश्न पत्र म सामिल कई ठिन प्रश्न के उत्तर या प्रश्न गलत रिहीन, जेखर चलत मुख्य परीक्षा म रोक लगाय अउ गलत प्रश्न देय के मामला म कार्रवाई करे के मांग करे गेहे।
खबर के मुताबिक प्रारंभिक परीक्षा फरवरी महीना म होय रिहीस अउ एखर रिजल्ट जून म आय रिहीस। ए मामला म याचिका दायर होय के बाद कोर्ट ह पाछु अट्ठारह अक्टूबर के होवइया पीएससी के मुख्य परीक्षा म रोक लगा दे रिहीस।
धान खरीदी-विरोध प्रदर्शन
प्रदेस म समर्थन मूल्य म धान खरीदी के काम एक नवंबर ले सुरू करे के मांग ल लेके आज राजनांदगांव जिला के जम्मों ब्लाॅक मुख्यालय मन म भारतीय जनता पार्टी के पदाधिकारी अउ कार्यकर्ता मन विरोध-प्रदर्सन करीन। ए दउरान भाजपा कार्यकर्ता मन ह मुख्यमंत्री के नाव ज्ञापन जिला प्रसासन ल सौंपीन। राजनांदगांव सहर म महावीर चैक ले कलेक्ट्रेट तक भाजपा कार्यकर्ता मन ह पैदल मार्च करीन।
जिला भाजपा अध्यक्ष मधुसूदन यादव ह किहीन कि एक नवंबर ले धान खरीदी सुरू नइ करे जाही त एखर विरोध म आंदोलन करे जाही।
किशोर न्यास-समिति गठन
राज्य सरकार ह किशोर न्याय बोर्ड अउ बाल कल्याण समिति के गठन करे हे। राजधानी रईपुर समेत प्रदेस के बीस जिला मन म किशोर न्याय बोर्ड के सदस्य मनके सूची जारी कर दे गेहे। उहें, बाल कल्याण समिति के अध्यक्ष समेत जम्मों सदस्य मनके नाव के घलो घोषणा करे दे गेहे।
माओवादी-वारदात
बीजापुर जिला म सुरक्षा बल मनके संग होय मुठभेड़ म एक झिन माओवादी मारे गेहे। मउका ले दू राइफल, दू पिट्ठू, विस्फोटक सामान अउ माओवादी साहित्य बरामद करे गेहे। जिला के पुलिस अधीक्षक कमलोचन कश्यप ह बतईन कि मरूडबाका अउ कमलापुर के बीच ए मुठभेड़ होईस। घटना के बाद इलाका म सर्चिंग तेज कर दे गेहे।
इही जिला म सुरक्षा बल मन ह चार झिन माओवादी मिलिशिया सदस्य मन ल गिरफ्तार करे हे। केन्द्रीय रिजर्व पुलिस बल-सीआरपीएफ के जवान मन ह जांगला थाना क्षेत्र ले ए माओवादी मन ल गिरफ्तार करे हे। एखर मन उपर विस्फोटक लगाय के अउ मत पेटी लूटे के संगेसंग जनप्रतिनिधि मनके हत्या अउ आगजनी समेत कतकोन वारदात म सामिल रेहे के आरोप हे।
उहें, सुकमा जिला के केरलापाल इकाला ले घलो एक झिन स्थायी वारंटी माओवादी ल गिरफ्तार करे गेहे।
ऐति, दंतेवाड़ा जिला म दस झिन माओवादी आत्मसमर्पण करे हे। एमा पांच झिन इनामी माओवादी सामिल हे। ए माओवादी मन मलांगीर एरिया म सक्रिय रिहीस हे। जिला म लोन वर्राटू अभियान के तहत अब तक एक सौ सत्यासी माओवादी मन ह आत्मसमर्पण करे हे।
उहें, बीजापुर जिला के गंगालूर थाना क्षेत्र म माओवादी मन डहार ले लगाए गे प्रेसर बम के चपेट म आय ले दू झिन गांव वाले मन घायल होगे।
ओति, धमतरी जिला म माओवादी मन ह करही ग्राम पंचायत म एक झिन गांव वाले हत्या कर दीन। बताय जात हे कि मउत होय मनखे ह ग्राम पंचायत के सरपंच के पति रिहीस।
कोरोना समाचार/जागरूकता
प्रदेस म कोरोना संक्रमित मरीज मनके जल्दीच पहिचान करके उंखर इलाज करे बर ‘‘स्वास्थ्य सुरक्षा अभियान‘‘ चलाय जात हे। एमा मितानिन, आंगनबाड़ी कार्यकर्ता अउ सहायिका मन ह गांव अउ सहर मन म सर्वें करके संदिग्ध मरीज मनके पहिचान करही अउ उंखर सूची स्वास्थ्य विभाग ल दीही। अवइया इकतीस दिसंबर तक चलइया ए अभियान म हरेक बुधवार अउ बिरस्पत के सर्वें करे जाही।
स्वास्थ्य विभाग ह बतईन कि ए अभियान के माध्यम ले जादा ले जादा लोगन तक पहुंचे बर राज्य म बहत्तर हजार ले जादा मितानिन अउ आने करमचारी मन ल प्रसिक्षण दे डरे हे।
इही बीच, स्वास्थ्य मंत्री टी.एस. सिंहदेव ह लोगन ले अपील करीन हे कि ओमन कोरोना ले जुड़े लक्षण के बारे म सर्वें टीम ल सही जानकारी देवय अउ अपन जांच करवाय।
उहें, योग प्रसिक्षक पुष्कल चैबे ह घलो लोगन मन ले कोरोना ले बचाव बर जरूरी सावधानी बरते के अपील करीन हे।
ऐति, कोरोना संक्रमण ले बचाव बर ए बछर अंबिकापुर म छठ परब के दउरान घाट नइ बनाय के फइसला लेहे। जिला कलेक्टर संजीव कुमार झा अउ महापौर अजय तिर्की ह छठ घाट समिति के सदस्य मन संग होय बइठका म ए फइसला लीन।
विवेक चैधरी-कार्रवाई
छत्तीसगढ़ महिला आयोग के अध्यक्ष डाॅक्टर किरणमयी नायक के चिट्ठी म आयुष विश्वविद्यालय ह पंडित जवाहरलाल नेहरू मेडिकल काॅलेज के प्रोफेसर डाॅक्टर विवेक चैधरी ल परीक्षा प्रभार ले हटा देहे।
खबर के मुताबिक डाॅक्टर चैधरी के खिलाफ एक छात्रा ह आयोग म उत्पीड़न के सिकईत दर्ज कराय रिहीस, जेखर बाद आयोग के अध्यक्ष के अनुसंसा म डाॅक्टर चैधरी ल निलंबित करे गे रिहीस। ए महीना होवइया छात्रा के परीक्षा मन ल ध्यान म राखत डाॅक्टर नायक के चिट्ठी म डाॅक्टर चैधरी ल परीक्षा ले जुड़े कामकाज ले अलग कर देहे।
संक्षिप्त समाचार
अउ अब थोरकुन समाचार सार म– भारतीय जनता पार्टी, प्रदेस स्तरीय ई-बुक के विमोचन काली रईपुर के एकात्म परिसर स्थित भाजपा कार्यालय म होही। ए कारीकरम म पार्टी के राष्ट्रीय उपाध्यक्ष अउ पूर्व मुख्यमंत्री डाॅक्टर रमन सिंह, सांसद सरोज पांडेय के संग पार्टी के कतकोन बड़का नेता अउ पदाधिकारी मौजूद रइही।
– छत्तीसगढ़ सरकारी अधिकारी-कर्मचारी फेडरेशन ह अपन दस सूत्रीय मांग ल लेके आज धमतरी म रैली निकालीन अउ कलेक्ट्रेट कार्यालय के बाहिर ्रप्रदर्सन करीन।
– अंबिकापुर के भिट्ठीकला म अवैध रूप ले चलत एक ठिन पटाखा गोदाम म पुलिस के स्पेशल टीम ह कार्रवाई करे बड़ा मात्रा म विस्फोटक बनाय बर इस्तेमाल होवइया सामान बरामद करे हे।
अउ
– वन्यप्राणी पेंगोलिन के अवैध तस्करी के मामला म वन विभाग ह छत्तीसगढ़ अउ ओड़िसा के सीमा ले एक झिन आरोपी ल गिरफ्तार करे हे।