आज दिनभर के खबर ल अपन गुरतुर छत्तीसगढ़ी भाखा म पढ़व

प्रधानमंत्री खाद्य सुरक्षा

प्रधानमंत्री नरेन्द्र मोदी ह केहे हे कि सरकार न्यूनतम समर्थन मूल्य अउ फसल के सरकारी खरीदी बर प्रतिबद्ध हे काबर कि ए खाद्य सुरक्षा के अभिन्न अंग हे। ओमन आज खाद्य अउ कृषि संगठन के पचहत्तरवंा स्थापना दिवस अउ विश्व खाद्य दिवस के बेरा म पचहत्तर रूपिया मूल्य के एक स्मारक सिक्का जारी करत ए बात कीहिन।
प्रधानमंत्री ह कीहिन कि  खाद्य क्रांति के दिशा म सरकार के प्रयास म देश के किसान महत्वपूर्ण स्तंभ हे। ए बेरा ओमन हालेच म विकसित आठ फसल के जादा पोषण देवइया सतरा किस्म ल राष्ट्र ल समर्पित करीन। संगेसंग ओमन किसान ल आश्वस्त करीन कि अवइया नीति निर्धारण ले किसान संगी मन ल जादा फायदा मिलही।

मरवाही उपचुनाव

मरवाही विधानसभा क्षेत्र म होवइया उप चुनाव बर नामंाकन दाखिला के आज आखरी दिन रीहिस। काली सतरा अक्टूबर के नामंाकन पत्र के जांच करे जाही।
आज कंाग्रेस प्रत्याशी डॅाक्टर के.के. ध्रुव अउ जनता कंाग्रेस छत्तीसगढ़ के उम्मीदवार अमित जोगी अउ उंखर पत्नि रिचा जोगी ह घलो नामंाकन दाखिल करीन। कांग्रेस प्रत्याशी के नामंाकन पत्र दाखिल करे के बेरा मुख्यमंत्री भूपेश बघेल सांसद ज्योत्सना महंत, राजस्व मंत्री जयंिसंह अग्रवाल, कंाग्रेस के प्रदेश  अध्यक्ष मोहन मरकाम उपस्थित रीहिन। ए सीट बर मतदान तीन नवंबर के होही।

खेल विकास

भारतीय खेल प्राधिकरण ह प्रदेश म आवासीय हाॅकी अकादमी अउ एक्सीलेंस सेंटर के प्रस्ताव ल मंजूरी दे देहे। उंहें तीरंदाजी अकादमी बर भेजे गे प्रस्ताव ल घलो स्वीकृति मिल गेहे।
मुख्यमंत्री भूपेश बघेल अउ खेलमंत्री उमेश पटेल ह ए उपलब्धि म युवा खिलाड़ी, खेल प्रशिक्षक अउ राज्य के खेल एवं युवा कल्याण विभाग ल बधाई देहे। खबर हे कि एखर बर चयन कार्यक्रम के योजना खेल अउ युवा कल्याण विभाग ह बनावत हे। ए अकादमी बर चयनित खिलाड़ी मन ल छात्रावास, विद्यालय, कीट, भोजन अउ आवासीय अकादमी ले जुड़े जम्मों सुविधा उपलब्ध कराय जाही।
उंहें बिलासपुर के बहतराई म शुरू होवइया एक्सीलेंस सेंटर बर तीन ठिन खेल एथलेटिक्स, तैराकी अउ कुश्ती के चयन करे गेहे।

स्व सहायता समूह ऋण

राज्य अंत्यावसायी सहकारी वित्त विकास निगम ह प्रदेश के स्व सहायता समूह ल कर्जा देके निर्णय लेहे। एमा पांच लाख रूपिया ले दस लाख रूपिया तक के ऋण दे जाही।
एखर अलावा यदि स्व सहायता समूह के सदस्य अनुसूचित जाति अउ जनजाति वर्ग के होही, त ओमन ल नियम के अनुसार हरएक हितग्राही ल दस हजार रूपिया अनुदान के पात्रता होही। संगेसंग ए वर्ग के छोटे व्यवसायी मन अगर बेरोजगार होही, त उंखर मन बर अंत्योदय स्व रोजगार योजना अउ आदिवासी स्वरोजगार योजना म बैंक के माध्यम ले ऋण उपलब्ध कराय के निर्देश दे गेहे। एखर बर योजना के जादा ले जादा प्रचार प्रसार करे बर निर्देश दे गेहे।

कोरोना समाचार

बिलासपुर कलेक्टर डॅाक्टर सारांश मित्तर ह जिला के व्यावसायिक दुकान अउ प्रतिष्ठान के खोले अउ बंद करे के समय सीमा म लगे प्रतिबंध ल हटा देहे।
खबर हे कि एखर पहिली कोरोना वायरस के बाढ़त संक्रमण के सेती जिला के दुकान अउ व्यावसायिक प्रतिष्ठान ल बीहनिया छै बजे ले रतिहा आठ बजे तक खोले के अनुमति देगे रीहिस हे।
एति धमतरी कलेक्टर जयप्रकाश मौर्य ह जिला के जम्मों पेट्रोल पंप संचालक मन ल मास्क नइ पहिनइया चालक मन ल पेट्रोल अउ डीजल झन  देके निर्देश देहे।

रेखा जलक्षत्री-कोरोना सावधानी अपील
छत्तीसगढ़ के भरथरी गायिका रेखा जलक्षत्री ह लोगन मन ले कोरोना संक्रमण ले बचाव बर जरूरी सावधानी बरते के अपील करे हे।
होल्ड बाईट – रेखा जलक्षत्री
(01 मिनट 05 सेकेंड)

वेबिनार

नवीन आकलन प्रक्रिया – क्या, क्यों अउ कैसे – विसय म आज राज्य स्तरीय वेबिनार के आयोजन राजधानी रायपुर म करे गीस। स्कूल शिक्षा विभाग डहार ले आयोजित ए वेबिनार म जम्मों जिला के जिला शिक्षा अधिकारी समग्र शिक्षा के जिला मिशन समन्वयक डाईट प्रिंंिसपल , ब्लाॅक स्तर के विकासखंड शिक्षा अधिकारी के संगरा ब्लाॅक स्रोत अउ संकुल स्रोत समन्वयक मन सामिल होइन।
खबर हे कि कोरोना संक्रमण के सेती प्रदेश के स्कूल फिलहाल बंद हे अउ लईका मन ल पढ़ाय बर राज्य सरकार ह – पढ़ई तुंहर दुआर – कार्यक्रम शुरू करे हे। एमा आॅनलाइन अउ मोहल्ला कक्षा के संगरा कतकोन माध्यम ले पढ़ई कराय जात हे। ए पढ़ई ले कतना लाभ लईका मन ल मिल पाय हे, एला जाने के उद्देश्य ले नवीन आकलन प्रक्रिया तियार करे गेहे।

माओवादी मुठभेड़

बीजापुर जिला म सुरक्षा बल अउ माओवादी के बीच होय मुठभेड़ म एक झिन इनामी माओवादी मारे गीस। खबर मिले हे कि जिला पुलिस अउ सीआरपीएफ के संयुक्त दल ह बासागुड़ा थाना क्षेत्र म तलाशी अभियान बर निकले रीहिस। ए बेरा कोरसागुड़ा अउ आउटपल्ली के जंगल म एक लाख रूपिया के इनामी माओवादी ल सुरक्षा बल ह  जवाबी कार्रवाई म मार गिराइन।

शारदेय नवरात्रि

शक्ति आराधना के परब शारदेय नवरात्रि काली ले शुरू होवत हे। ए बेरा प्रदेश के कतकोन देवी मंदिर म नौ दिन तक विशेष पूजा अर्चना करे जाही। देवी मंदिर अउ शक्ति पीठ म मनोकामना ज्योति कलश के स्थापना घलो होही।
इही बीच कोरोना के बाढ़त संक्रमण ल देखत राज्य सरकार ह नवरात्रि बर कतकोन दिशा निर्देश जारी करे हे। एखर अनुसार मंा दुर्गा के मूर्ति के उंचाई छै फीट अउ चैड़ाई पांच फीट ले जादा नइ होना चाही। पंडाल के आगू कम ले कम तीन हजार वर्गफुट के खाली जगा म कोनो भी गली अउ सड़क के हिस्सा प्रभावित नइ होना चाही।

Leave a Reply