मतदाता.विशेष अभियान
छत्तीसगढ़ म मतदाता सूची म छूटे पात्र नागरिक अउ पहिली घांव मतदान करइया युवा मनके पंजीकरण बर बिसेस अभियान चलाये जात हे। अभियान के तहत हरएक हप्ता बुधवार अउ गुरूवार के मतदान केंद्र मन म बिसेस सिविर लगाय जात हे। छत्तीसगढ़ के मुख्य निर्वाचन पदाधिकारी यशवंत कुमार ह आज रायपुर म पत्रकार मनले चर्चा करत बताइन कि शुक्रवार अउ शनिवार के स्कूलए आईटीआईए पॉलिटेक्निक अउ दूसर शैक्षणिक संस्थान मन म युवा मतदाता मनके पंजीकरण बर शिविर लगाय जात हे। शैक्षणिक संस्था मन म शिविर लगाके सतरा बछर ले जादा उमर के युवा मनके पंजीकरण करे जात हे।
मतदाता सूची म नाव जुड़वाय बर पात्र नागरिकए फॉर्म.6 भरके आवेदन कर सकत हे। एखर बर निर्वाचन आयोग के मोबाइल एप या पोर्टल के माध्यम ले ऑनलाइन आवेदन करे जा सकत हे। ऑफलाईन आवेदन संबंधित बूथलेवल अधिकारी यानि बीएलओ करा जमा करे जा सकत हे।
राष्ट्रपति प्रवास
राष्ट्रपति दौपद्री मुर्मू बाईस अउ तेईस अक्टूबर के छत्तीसगढ़ प्रवास म आहीं। ए दउरान ओमन रायपुर म लोकभवन अउ बूढ़ापारा स्थित बलवीर सिंह जुनेजा इंडोर स्टेडियम म आयोजित कार्यक्रम म हिस्सा लीहीं। संघरा श्रीमती मुर्मू जगदलपुर के लालबाग मैदान म होवइया मुरिया दरबार अउ बस्तर दशहरा के मउका म आयोजित सार्वजनिक कारीकरम म सामिल होहीं।
राष्ट्रपति के ए प्रस्तावित दउरा के तियारी ल लेके मुख्य सचिव विकासशील के अध्यक्षता म मंत्रालय म उच्च स्तरीय समीक्षा बइठका होइस। मुख्य सचिव ह अधिकारी मन ल सुरक्षाए प्रोटोकॉलए आवासए स्वास्थ्य अउ परिवहन के व्यवस्था निर्धारित मापदंड के अनुसार सुनिश्चित करे के निरदेस दीन।
मुख्यमंत्री-बस्तर दशहरा
मुख्यमंत्री विष्णुदेव साय ले मुख्यमंत्री निवास कार्यालय म बस्तर सांसद महेश कश्यप के अगुवई म बस्तर दशहरा समिति के प्रतिनिधिमंडल ह सौजन्य भेंट करीन। जगदलपुर ले आए प्रतिनिधिमंडल ह मुख्यमंत्री ल विश्व प्रसिद्ध बस्तर दशहरा परब म सामिल होय बर न्योता दीन। ए मउका म मुख्यमंत्री ह किहीन कि बस्तर दशहरा केवल एक परब न हेए बल्कि बस्तर के सदियों पुराना आस्थाए समृद्ध जनजाति संस्कृतिए परंपरा अउ सामूहिक सहभागिता के अनुपम विरासत हे।
बतादन कि पचहत्तर दिन तक चलइया बस्तर दशहरा परब के सुभारंभ बारह अगस्त के पाटजात्रा पूजा विधान के संग होइस। काली दस अक्टूबर के काछनगादी पूजाए अठारा अक्टूबर के बेल पूजा अउ तेईस अक्टूबर के मुरिया दरबार के आयोजन करे जाही।
हाइकोर्ट-परीक्षा रोक
छत्तीसगढ़ उच्च न्यायालय ह प्रदेस म सहायक शिक्षक अउ शिक्षक पद बर होवइया परीक्षा उपर रोक लगा देहे। हाईकोर्ट के मुख्य न्यायाधीश कृष्णराम महापात्र के डिवीजन बेंच ह ए संबंध म राज्यशासन ल नोटिस जारी करके जवाब पेस करे बर कहिन हे।
याचिकाकर्ता मन शिक्षक अउ सहायक शिक्षक पद बर राज्य शासन कोति ले जारी विज्ञापन म देगे सरत अउ आरक्षण रोस्टर उपर आपत्ति दर्ज करात हाइकोर्ट म याचिका लगाय हे। याचिकाकर्ता मन कोति ले कहे गेहे कि राज्य शासन डहार ले जारी विज्ञापन म दिव्यांगमन बर जारी आरक्षण प्रक्रिया म चूक होय हे अउ एमा पूरा तरह ले दृष्टिबाधित लोगन मन ल आरक्षण के व्यवस्था नइ करे गेहे।
सीएम फेलोशिप संवाद
मुख्यमंत्री विष्णुदेव साय ह कहिन कि युवा मनके सक्रिय भागीदारी ले विकसित छत्तीसगढ़ के निर्माण होही। ओमन आज रायपुर म मुख्यमंत्री सुशासन फेलोशिप के दूसर बैच के छत्तीस युवा प्रतिभागी मन ले गोठबात करीन। दू बछर के फेलोशिप म युवा आईआईएम रायपुर म प्रशिक्षण लीहीं अउ जिला मन म योजना के क्रियान्वयन के अनुभव लीहीं।
विशेष कार्यक्रम
आकाशवाणी केन्द्रए रायपुर डहार ले जन सेवा से देश सेवा के तहत विशेष कार्यक्रम के श्रृंखला प्रसारित करे जावत हे। इही कड़ी म आज संझा सात बजे ष्ष्सेमीकंडक्टर मिशन म उद्योग संचालनालय के उप संचालक अमय त्रिपाठी ले लेगे भेंटवार्ता के प्रसारण करे जाही। ए कार्यक्रम ल छत्तीसगढ़ स्थित आकाशवाणी के सबो केन्द्र रिले करही।
जवान घायल
सुकमा जिला म काली विस्फोटक मन ल निष्क्रिय करे के दउरान होय हादसा म सीआरपीएफ के चार झिन जवान घायल होगे हे। मिले जानकारी के अनुसार काली सुकमा जिला के भेज्जी थाना क्षेत्र के एलामडगु कैम्प करा बोदराज पदर नाला तीर एम्युनेसन टेक्नीसियन टीम अउ सीआरपीएफ जवान बारूदी सुरंग ल सुरक्षित तरीका ले निष्क्रिय करे के प्रक्रिया म लगे रिहीन। इही दउरान हादसा होगेए जेमा चार झिन जवान घायल होगे। ऐमा ले एक के हालत गंभीर हे। जम्मों घायल जवान मन ल हैदराबाद रेफर करे गेहे।
मुख्यमंत्री विष्णुदेव साय ह ए घटना उपर गहरा दुख जताइन हे। ओमन घायल जवान मनके जल्दी स्वस्थ होय के कामना करीन हे।
राज्यपाल जूडो चैंपियनशिप
राज्यपाल रमेन डेका ह आज बिलासपुर म छब्बीसवंा राज्य स्तरीय सब जूनियर अउ कैडेट जूडो चैंपियनशिप के शुभारंभ करीन। ओमन कहिन कि जूडो साहसए आत्मसंयम अउ अनुशासन विकसित करे के माध्यम हरय। प्रतियोगिता म प्रदेस के सोला जिला के दू सौ चालीस खिलाड़ी अउ प्रशिक्षक हिस्सा लेवत हे।
विश्व डाक दिवस
आज विश्व डाक दिवस हरय। ए मउका म केंद्रीय संचार मंत्री ज्योतिरादित्य सिंधिया ह डाक सेवक मन ल सुभकामना दीन हे। सोसल मीडिया पोस्ट म श्री सिंधिया ह किहीन कि डाक सेवा जन सेवा हरय। ओमन किहीन कि डिजिटल संचार के ए युग म भारतीय डाक सेवा लोगन मनके आकांक्षा ल पूरा करे बर बदलाव के परयास करत हे।
छत्तीसगढ़ डाक परिमंडल म आज ले राष्ट्रीय डाक सप्ताह मनाए जात हे। ए बछर के थीम हे . वन पोस्टल नेटवर्कए इनफाइनाइट पॉसिबिलिटीजष्ष्। ए दउरान डाक विभाग डहार ले जन.जागरूकता रैलीए रक्तदान सिविरए विद्यार्थी मन बर डाक टिकट संग्रह अउ पत्र लेखन प्रतियोगिता आयोजित करे जात हे।
एनईपी सेल.गठन
प्रदेस म राष्ट्रीय शिक्षा नीति के प्रभावी क्रियान्वयन बर हरएक विश्वविद्यालय म एनईपी सेल के गठन करे जाही। संघरा संभाग अउ जिला स्तर म प्रशिक्षण अउ जागरूकता कार्यशाला आयोजित करे जाही। उच्च शिक्षा मंत्री टंकराम वर्मा ह मंत्रालय म राखे गे समीक्षा बइठका म अधिकारी मन ल ए निर्देस दीन।
किरण पिस्दा.चयन
छत्तीसगढ़ के फुटबॉलर किरण पिस्दा के भारतीय सीनियर महिला फुलबॉल टीम म चयन होय हे। किरण बालोद जिला के आदिवासी परिवार ले हवय। ओमन ग्यारह अक्टूबर के कोलकाता के किशोर भारती क्रीडांगन म रूस के खिलाफ होवइया अंतर्राष्ट्रीय फ्रेंडली मैच के सीरीज म भारतीय टीम के हिस्सा होही। ऐमा ले एक ठिन मैच आठ अक्टूबर के खेले गेहे।
गांजा बरामद
महासमुंद जिला म पुलिस अउ एंटी नारकोटिक्स टास्क फोर्स ह पांच कुंटल ले जादा गांजा जब्ती करे हे। जब्ती गांजा के कीमत लगभग दू करोड़ अस्सी लाख रूपिया बताय गेहे । राष्ट्रीय राजमार्ग तिरपन म ग्राम रेहटीखोल करा एक ठिन टरक के तलासी के दउरान कैरेट के नीचे लुकाके राखे गे सोला ठिन बोरा ले गांजा जब्ती करे गीस। पुलिस के अनुसार गांजा ओडिशा ले छत्तीसगढ़ के रद्दा ले महाराष्ट्र ले जाय जात रीहिस। मामला म महाराष्ट्र के दू आरोपी ल गिरप्तार करे हे।
बातों.बातों में
समाचार एकंाश के समसामयिक बिसय उपर आधारित साप्ताहिक कार्यक्रम बातों.बातों में ए दरी नक्सलवाद खतम होय के बाद बस्तर संभाग म आत्मसमर्पित माओवादी मनके पुनर्वास बर करे जात काम उपर केंद्रित रीही। ए कार्यक्रम म नारायणपुर जिला म आत्मसमर्पित माओेवादी मन ल दे जात कला अउ रंगमंच के प्रशिक्षण के बारे म चर्चा करे जाही। कार्यक्रम के प्रसारण काली दस अक्टूबर के आकाशवाणी केंद्र रायपुर डहार ले एफण्एमण् अउ प्रायमरी चैनल म बीहनिया नौ बजे ले करे जाही। एला छत्तीसगढ़ स्थित आकाशवाणी के जम्मों केंद्र रिले करही।