केंद्रीय चुनाव आयोग ह राज्य के मरवाही सीट बर उपचुनाव के तारीख के घोषणा कर दीन। ए सीट बर तीन नवंबर के मतदान कराये जाही। उंहे दस नवंबर के वोट के गिनती करे जाही।
खबर के मुताबिक नौ अक्टूबर के अधिसूचना जारी करे जाही। जेखर बाद सोला अक्टूबर तक नामंाकन पत्र दाखिल करे जाही। उंहें सतरा अक्टूबर के नामंाकन पत्र मनके जांच करे जाही अउ उन्नीस अक्टूबर के नाम वापस ले जा सकही।
राज्य के पहिली मुख्यमंत्री अउ मरवाही सीट के विधायक श्री अजीत जोगी के निधन के बाद ए सीट ह खाली हे।
राज्य म रायपुर, बिलासपुर, अउ सरगुजा जिला म लगाय गे एक हफ्ता के लाॅकडाउन ल काली रतिहा खतम करे गीस। ए तीनो ठन जिला म आज जम्मों दुकान, अउ व्यापारिक संस्थान, मन ल खोले गीस। रायपुर जिला म अब नवा नियम के तहत रतिहा आठ बजे तक दुकान खोले जाही। उंहें रेस्टोरंेट, होटल, अउ होम डिलवरी के अनुमति ल रतिहा दस बजे तक करे जाही।
एखर अलावा पेट्रोल पंप अउ मेडिकल दुकान के संगेसंग जरूरी सेवा मन ल पहिली जइसन चलाये जाही। कोरोना संक्रमण के रोकथाम करे खातिर राजधानी रायपुर म जागरूकता महाअभियान म कोरोना योद्धा मनके दल ह आज शहर के कई ठन बजार म जाके सामाजिक दूरी अउ मास्क लगाय बर कीहिन।
उंहें रायपुर कलेक्टर डॅाक्टर एस.भारतीदासन अउ पुलिस अधीक्षक अजय यादव ह लोगन मनले बिना काम के अपन घर ले बाहिर नही निकले के अपील करीन। उंहे ओमन यहू कीहिन कि बिना काम के बाहिर घुमइया मनखे मन उपर कड़ा कार्रवाई करे जाही ।
ओति अंबिकापुर, बालोद अउ महासमुंद जिला म काली रतिहा ले लाॅकडाउन ल खतम होय के बाद आज जम्मों दुकान ल खोले गीस। अउ जम्मों जिला के कलेक्टर मन ह जम्मों नियम के पालन करे के अपील करीन हे।
प्रधानमंत्री नरेंद्र मोदी ह कीहिन हे कि विपक्षी दल मनके राजनीति ह सिरिफ विरोध करना हे। उत्तराखंड म नमामि गंगे मिशन के तहत छै ठिन बड़का परियोजना मनके शुरूआत करे के बाद श्री मोदी ह कीहिन कि विपक्षी पार्टी मन चाहत हे कि किसान मन ह आजाद झन होवय। ओमन यहू कीहिन कि विपक्षी लोगन मन ह मनखे मनले झूठ बोले के आदत ल छोड़ देवय। श्री मोदी ह कीहिन कि तीन ठन नवा कृषि कानून के उद्देश्य किसान मन ल देश म कोनो भी जगा अपन फसल ल बेचे के आजादी देना हे।
उंहें केंद्रीय सूचना अउ प्रसारण मंत्री प्रकाश जावडे़कर ह कीहिन हे कि कृषि उपज मंडी समिति मन ह काम करत हे अउ किसान मन ह मंडी मन म अपन फसल ल बेचत हे। श्री जावड़ेकर ह विपक्षी मनके आरोप ल खारिज करत कीहिन कि सरकार ह कई ठन अनाज के न्यूनतम समर्थन मूल्य ल पहिली ले घोषणा कर देहे।
प्रदेश ल ओडीएफ प्लस के श्रेणी म देश म दूसरइया स्थान मिले हावय। पाछू आठ अगस्त ले पंद्रा अगस्त के बीच चलाय गे गंदगी मुक्त अभियान म राज्य के बैंसठ ठन गांव ल ओडीएफ प्लस घोषित करे गे रीहिस। अवइया दू अक्टूबर के गांधी जयंती के मउका म स्वच्छ भारत दिवस म छत्तीसगढ़ ल सम्मानित करे जाही।
खबर के मुताबिक पाछू एक अप्रैल के स्वच्छ भारत मिशन ग्रामीण के दूसरइया चरण के शुरूआत करे गेहे। ए दउरान केंद्र सरकार डहार ले ओडीएफ के ठोंस अउ तरल अपशिष्ट प्रबंधन म काम करइया जम्मों गांव वाले मन बर आठ ठन मापदंड निर्धारित करे हे।
राज्य के ग्रामीण अउ पंचायत विकास मंत्री टी.एस. सिंहदेव ह कीहिन हे कि राज्य म साफ सफई ल अउ जादा बढ़िया करे जाही। अउ गांव वाले मन ल इनाम खातिर बधाई दीन।
राज्य सरकार ह कोरिया जिला के खंाड़ा बंाध के फूटे के सेती गांव वाले मनके फसल ल होय नकसान म मुआवजा राशि जारी कर देहे।
जिला कलेक्र एस.एन. राठौर ह ए संबंध म राजस्व विभाग ल गांव वाले मनके फसल ल होय नुकसान के आकलन करे के निर्देश दे रीहिन, आकलन के बाद करीबन सत्तर झन गांव वाले मन ल मुआवजा राशि दे गीस ।
मुख्यमंत्री भूपेश बघेल ले काली केंद्र सरकार के आंतरिक सुरक्षा सलाहकार के. विजय कुमार के अगवई म केंद्रीय रिजर्व पुलिस बल महानिदेशालय के बड़का अधिकारी मन ह भेंट करीन।
ए दउरान प्रदेश म माओवाद समस्या के संबंध म गोठबात करे गीस। संगेसंग गृह विभाग के अपर मुख्य सचिव सुब्रत साहू,, केंद्रीय रिजर्व पुलिस बल के महानिदेशक ए.पी. महेश्वरी अउ पुलिस विभाग के बड़का अधिकारी मन मौजूद रहिन।
अंबिकापुर म पुलिस के टीम ह सट्टा ख्ेालाये के आरोप म तीन झिन सटोरिया मन ल गिरप्तार करीन।
खबर के मुताबिक ए तीन झिन आरोपी मन तीर ले करीबन पचास लाख रूपिया के सट्टा खेलाये रीहिस। बताय जात हे कि एक झन आरोपी ह हरिद्धार के हरय जउन ह किराया के मकान रहत रीहिस। उंहें दू झिन आरोपी मन ह स्थानीय हरय। पुलिस के टीम ह ये आरोपी मन तीर ले तीन लाख रूपिया नगदी, मोबाइल फोन अउ टेलीविजन के सेट जब्त करे हे। ए मामला म दू झन आरोपी मनके खोजबीन करे जात हे।
ओति कोरिया जिला म पुलिस के टीम डहार ले कुड़ेली गांव म दू झन आरोपी मन तीर ले डेढ़ लाख रूपिया के सट्टा पट्टी अउ बीस हजार रूपिया के संग गिरप्तार करीन।
महात्मा गांधी के एक सौ पचासवंा जयंती के मउका म बछर भर चलइया कार्यक्रम के कड़ी म काली आकाशवाणी केंद्र रायपुर डहार ले एक ठन विशेष कार्यक्रम प्रसारित करे जाही। ए कार्यक्रम म वरिष्ठ पत्रकार गांधीविद् अउ विश्लेषक शशंाक शर्मा ले लेगे भेंटवार्ता के प्रसारण ल काली बीहनिया साढ़े दस बजे करे जाही। छत्तीसगढ़ के जम्मों आकशवाणी केंद्र ले एखर प्रसारण करे जाही।
आज विश्व ह्दय दिवस हरय। ए कार्यक्रम के उद्देश्य ह्दय बीमारी अउ ओखर ले जुड़े समस्या मनके प्रति लोगन मन ल जागरूक बनाना हे। विश्व ह्दय परिसंघ डहार ले बछर दू हजार म ए दिन ल मनाये के शुरूआत करे गे रीहिस। जेला हरएक साल आजे के दिन उनतीस सितंबर के विश्व ह्दय दिवस मनाये जात हे।
अब पेस हे मौसम के हाल –
प्रदेश म अवइया चैबीस घंटा के दउरान कोनो कोनो जगा म गरज चमक के संग थोर बहुत पानी गिर सकत हे। मौसम विभाग ले मिले खबर के मुताबिक ए समय बंगाल के खाड़ी म एक ठन चक्रवात बने हवय। एखर प्रभाव ले राज्य म बंूदाबांदी होय के संभावना हे।
अउ अब थोरकुन समाचार सार म-
– जशपुर जिला के पूर्व विधायक लुईस बेक के निधन म मुख्यमंत्री भूपेश बघेल ह दुख प्रकट करीन। ओमन उंखर आत्मा ल शांति खातिर ईश्वर ले प्रार्थना करीन
– कोंडागांव जिला म ग्रामीण स्वास्थ्य संयोजक के पद म भर्ती खातिर प्राविण्य सूची जारी कर दे गेहे। उम्मीदवार मन ह तीस सितंबर ले सात अक्टूबर तक अपन दावा आपत्ति ल विभाग के वेबसाइट म भेज सकत हे।
– गरियाबंद पुलिस ह राजिम म आज गांजा के तस्करी करइया दू झन आरोपी मन ल गिरप्तार करीन।