कोरोना मरीज
राजनंादगंाव के पूर्व महापौर अउ नगर निगम के नेता प्रतिपक्ष शोभा सोनी के कोरोना संक्रमण ले मउत होगे हे। दू हप्ता पहिली श्रीमती सोनी के कोरोना जंाच पाॅजीटिव आय रीहिस जेखर बाद राजनंादगंाव कोविड अस्पताल ले एम्स रायपुर म लाय गे रीहिस, जिहंा आज मंझनियंा उंखर मउत होगे। श्रीमती सोनी राजनंादगंाव के महापौर रेहे के संगेसंग भाजपा महिला मोर्चा के अध्यक्ष रहि चुके हे। उंखर मउत के खबर मिलते भाजपा अउ आने राजनीतिक दल के नेता, गणमान्य लोगन मन शोक जताइन हे। राज्यपाल अनुसूइया उइके अउ नेता प्रतिपक्ष श्री धरमलाल कौशिक ह श्रीमती सोनी के मउत म दुख जताइन हे। उंहें राज्य म कोरोना संक्रमण के आंकड़ा बाढ़े म संसो होवत हे।
उंहें सुकमा म पदस्थ केंद्रीय रिजर्व पुलिस बल के एक जवान के घलो कोरोना संक्रमण ले मउत होगे। एति संसदीय सचिव अउ महासमुंद विधायक विनोद चंद्राकर ह सोशल मीडिया म अपन कोरोना पाॅजीटिव पाय के जानकारी देहे। एखर संगेसंग रायपुर के अतिरिक्त पुलिस अधीक्षक लखन पटले घलो कोरोना संक्रमित पाय गेहे।
रायगढ़ म आज संझा तक अड़तीस झिन नवा कोरोना संक्रमित मरीज के पुष्टि होय हे। कोरबा जिला के कटघोरा म एके परिवार के छै सदस्य कोरोना पाॅजीटिव पाय गेहे।
राज्य म काली तक मिले कोरोना संक्रमित मरीज मनके संख्या अठारा सौ चैरासी हवय। उंहें दस झिन के कोरोना संक्रमण ले मउत होय हे।
कौशिक बयान
इही बीच नेता प्रतिपक्ष धरमलाल कौशिक ह राज्य म कोरोना संक्रमित मरीज मनके बाढ़त संख्या म संसो जताइन हे। ओमन आरोप लगाइन कि राज्य सरकार कोरोना महामारी ले निपटे खातिर गंभीर नइ हे।
ओमन कीहिन कि संसाधन के कमी के सेती मरीज मन ल परसानी होवत हे। श्री कौशिक ह प्रदेश म कोविड अस्पताल के संख्या बढ़ाय के बात कीहिन।
कोरोना जांच सुविधा
बिलासपुर जिला म कोरोना संक्रमित नवा मरीज के संख्या सरलग बाढ़त हे। एला देखत जिला प्रशासन कोति ले स्वास्थ्य सुविधा ल बढ़ाय के परयास करे जात हे। स्थिति ल नियंत्रण म राखे बर बिलासपुर शहर के जम्मों प्रायवेट नर्सिंग होम अउ अस्पताल ल कोविड सेंटर बनाय के तियारी शुरू कर दे गेहे। बिलासपुर के अतिरिक्त जिला दंडाधिकारी बी.एस. उइके ह बताइन कि पहिली पारी म प्रायवेट अस्पताल के करीबन दू सौ अस्सी बिस्तर ल जम्मों सुविधा वाले बनाय के निर्देश दे गेहे।
एति नवा रायपुर के इंद्रावती भवन म कोरोना संक्रमण ले एक अउ कर्मचारी के मउत होय अउ अस्सी ले जादा कर्मचारी मनके संक्रमित पाय जाय के बाद अधिकारी अउ कर्मचारी फेडरेशन ह आज आंदोलन करीन। फेडरेशन के संयोजक कमल वर्मा ह कीहिन कि सुरक्षा ल देखत इंद्रावती भवन ल कंटेनमेंट जोन घोषित करके चैदा दिन बर एला बंद राखे के मांग करीन।
ओति कोरिया जिला कलेक्टर एस.एन. राठौर ह नगर पालिका परिषद शिवपुर-चर्चा के जम्मों क्षेत्र ल कंटेनमेंट जोन घोषित कर दे गेहे। ये क्षत्र म आज ले आठ तारीख तक जम्मों किसम के गतिविधि म रोक लगा दे गेहे। इही बीच कोरोना संक्रमित मरीज पाय जाय के बाद जांजगीर के जिला शिक्षा अधिकारी कार्यालय ल आज ले पांच दिन बर सील कर दे गेहे।
राजनंादगंाव जिला म कोरोना संक्रमण के बाढ़त मामला के सेती गांधी सभागार के जांच केंद्र म आज भिनसरहाच ले जांच करइया मनके लाइन देखे गीस।
माशिमं-पाठ्यक्रम कटौती
छत्तीसगढ़ माध्यमिक शिक्षा मंडल ह दसवीं अउ बारहवीं के पढ़इया लइका मन बर पाठ्यक्रम अउ मूल्यांकन ल लेके बिसेस व्यवस्था करे हे । ये व्यवस्था इही महीना ले लागू कर दे गेहे। अउ ये संबंध म जम्मों मान्यता मिले स्कूल मन ल निर्देश जारी करे गेहे। एमा बताय गेहे कि राज्य म नवा शैक्षणिक सत्र पंद्रा जून ले शुरू होवत हे। फेर केंद्र सरकार के निर्देश म तीस सितंबर तक जम्मों शैक्षणिक संस्था बंद रीही। स्कूल खुले म होवत अबेर ल देखत दसवीं अउ बारहवीं के पाठ्यक्रम म तीस ले चालीस फीसदी तक ले कटौती करे जाही। एला हरएक महीना के मुताबिक पाठ्यक्रम ल बांटे जाही। ये पाठ्यक्रम के संबंध म मंडल के वेबसाइट म काली तीन सितंबर के जम्मों जानकारी मिल जाही। उंहें कक्षा के साप्ताहिक टाईम टेबल पांच सितंबर के जारी करे जाही। तय करे गे पाठ्यक्रम के मुताबिक आॅनलाइन कक्षा होही अउ एखर प्रसारण यू ट्यूब चैनल म करे जाही। ये आॅनलाईन कक्षा ले प्रदेश भर के लईका एक संघरा पढ़ई करहीं । मंडल के वेबसाइट म असाइनमेंट घलो मिलही।
शिक्षा विभाग भर्ती
स्कूल शिक्षा विभाग ह प्रदेश म शिक्षक मनके सोझे भर्ती ल लेके एक मुख्य फैसला लेहे। एखर मुताबिक प्रदेश म चैदा हजार पांच सौ अस्सी पद म शिक्षक मनके सोझे भर्ती के मेरिट सूची के वैधता एक बछर बर बढ़ा दे गेहे। लोक शिक्षण संचालनालय ह पाछू बछर मार्च महीना म शिक्षक मनके सोझे भर्ती के संबंध म विज्ञापन जारी करे रीहिस। फेर कोरोना महामारी के सेती ये काम पूरा नइ हो पाइस, एला धियान म राखत ये फैसला ले गेहे।
पोषण माह
छत्तीसगढ़ समेत देशभर म सितंबर के महीना पोषण माह के रूप म मनाये जावत हे। ए बेरा म गंभीर रूप ले कुपोषित लईका मनके पहिचान करके उंखर पोषण स्तर ल बने बनाय के परयास करे जाही। ए बेरा म महिला अउ बाल विकास विभाग के संग स्वास्थ्य विभाग कोति ले पोषण जागरूकता खातिर कतकोन कार्यक्रम करे जाही।
पीडीएस समीक्षा
छत्तीसगढ़ राज्य आयोग के अध्यक्ष गुरप्रीत सिंह बाबरा ह राष्ट्रीय सुरक्षा खाद्य अधिनियम अउ छत्तीसगढ़ खाद्य सुरक्षा अधिनियम के प्रावधान के समीक्षा करीन। रायपुर म राखे गे बइठका म श्री बाबरा ह कीहिन कि प्रदेश म सार्वजनिक वितरण प्रणाली ल मजबूत बनाय खातिर बरसा के मौसम म पहुुंच विहिन दू सौ बाइस राशन दुकान ल पहुंच क्षेत्र के भीतरी लाय के कार्य योजना बनाय जाय। ओमन बस्तर संभाग के माओवाद प्रभावित क्षेत्र के एक सौ तीस राशन दुकान ल जउन अपन मूल पंचायत म संचालित नइ हे, ओमन ल एमा बदली करे के निर्देश दीन।
कंाग्रेस भवन हाइकोर्ट रोक
राज्य के बाईस ठिन जिला म एके संघरा राजीव भवन बनाय के कंाग्रेस के तियारी म छत्तीसगढ़ उच्च न्यायालय के एक फैसला ले रोक लग गेहे। ये मामला कुरूद के हे, जिहंा के नगर पंचायत ह कंाग्रेस पार्टी ल तीस बछर बर लीज म जमीन देके प्रस्ताव पारित करे गे रीहिस। एखर विरोध म उच्च न्यायालय म जनहित याचिका दायर करे गे रीहिस। याचिका म सरकारी जमीन के आंबंटन बर शासन के मंजूरी नइ ले अउ बिना शुल्क जमीन दे ल नियम विरूद्ध बताय गीस। उच्च न्यायालय ह ये याचिका ल सुनवाई बर मंजूर करत सरकार ल ये संबंध म जवाब मंागे हे। संगेसंग नगर पंचायत कुरूद ल नोटिस जारी करके पंचायत कोति ले भुंइया आबंटन संबंधी प्रस्ताव ल अवइया सुनवाई तक स्थगित राखे के आदेश देहे।
मौसम
अवइया चैबीस घंटा म राज्य के कुछएक जगा म हल्का ले मध्यम बरसा होय या फेर गरज चमक संग छींटा पड़े के संभावना जताय गेहे।
रायपुर के मौसम विज्ञान केंद्र ले मिले जानकारी के मुताबिक पश्चिम मध्य बंगाल के खाड़ी, दक्षिण तटीय अउ उत्तर तटीय आंध्रप्रदेश के उपर एक चक्रवात घेरा बने हे। एखर असर ले बस्तर संभाग के कतकोन जगा म बरसा हो सकत हे। संगेसंग एक दू जगा म गाज गिरे के चेतावनी घलो दे गेहे।
ठगी गिरप्तार
बिलासपुर पुलिस ह सायबर ठगी के एक गिरोह के पर्दाफाश करे हे। ए माम ला म गिरप्तार दू झिन आरोपी तीर ले लाखो रूपिया बरामद होय हे। पुलिस के मुताबिक उसलापुर म रहइया डीआरडीओ के रिटायर वरिष्ठ वैज्ञानिक संग लक्की ड्रा म इनाम जीते के झंासा देके ये आरोपी मन लाखो रूपिया के ठगी करीन। मामला के सिकायत म पुलिस ह बिहार के नवादा ले ये ठग मन ल गिरप्तार करे हे।
ये आरोपी मन ह बताइन कि ओमन आॅनलाइन शापिंग के बड़े कंपनी ले लोगन के नाव पता अउ मोबाइल नंबर समेत आने जानकारी सकेल के ओमन ल इनाम के रूप म कार या फेर कोनो किसम के बड़े इनाम देके झंासा देवत ठगी करत रीहिन।