संसद-बजट सत्र
संसद के बजट सत्र काली ले सुरू होही, जउन ह नौ फरवरी तक चलही। राष्ट्रपति द्रौपदी मुर्मू के अभिभाषण के संग सत्र के सुरूवात होही। उहें, केन्द्रीय वित्तमंत्री निर्मला सीतारमण एक फरवरी के अंतरिम बजट पेस करही।
संसद के बजट सत्र ले पहिली दूनों सदन म सुचारू कार्यवाही सुनिश्चित करे बर आज नई दिल्ली म सरकार डहार ले सर्वदलीय बैठक बुलाय गीस। बइठका के बाद संसदीय कार्यमंत्री प्रहलाद जोशी ह कहिन कि सरकार सबो मुद्दा म चर्चा बर तैयार हे।
महात्मा गांधी-पुण्यतिथि
देश आज राष्ट्रपिता महात्मा गांधी के उंखर छिहत्तरवां पुण्यतिथि म श्रद्धांजलि अर्पित करत हे। नई दिल्ली के महात्मा गांधी के समाधि स्थल राजघाट म आज सर्वधर्म प्रार्थना सभा के आयोजन करे गीस। आज के दिन ल सहीद दिवस के रूप म घलो मनाय जाथे। बछर उन्नीस सौ अड़तालीस म आजे के दिन महात्मा गांधी के हत्या कर दे गे रिहीस। राष्ट्रपति द्रौपदी मुर्मू, उप राष्ट्रपति जगदीप धनखड़ अउ प्रधानमंत्री नरेन्द्र मोदी ह महात्मा गांधी ल उंखर पुण्यतिथि म श्रद्धा-सुमन अर्पित करे हे।
ऐति, छत्तीसगढ़ के मुख्यमंत्री विष्णुदेव साय ह आज रईपुर म महात्मा गांधी संग देसभर के अमर सहीद मन ल श्रद्धांजलि अर्पित करत कहिन कि देस उपर प्राण न्यौछावर करने वाला वीर बलिदान मनके ऋण कभू नइ चुकाय जा सकय।
महात्मा गांधी के पुण्यतिथि म आज राजभवन म घलो स्वतंत्रता संग्राम म अपन प्राण के आहुति देवइया सहीद मन ल श्रद्धांजलि दे गीस।
संसद के बजट सत्र ले पहिली दूनों सदन म सुचारू कार्यवाही सुनिश्चित करे बर आज नई दिल्ली म सरकार डहार ले सर्वदलीय बैठक बुलाय गीस। बइठका के बाद संसदीय कार्यमंत्री प्रहलाद जोशी ह कहिन कि सरकार सबो मुद्दा म चर्चा बर तैयार हे।
महात्मा गांधी-पुण्यतिथि
देश आज राष्ट्रपिता महात्मा गांधी के उंखर छिहत्तरवां पुण्यतिथि म श्रद्धांजलि अर्पित करत हे। नई दिल्ली के महात्मा गांधी के समाधि स्थल राजघाट म आज सर्वधर्म प्रार्थना सभा के आयोजन करे गीस। आज के दिन ल सहीद दिवस के रूप म घलो मनाय जाथे। बछर उन्नीस सौ अड़तालीस म आजे के दिन महात्मा गांधी के हत्या कर दे गे रिहीस। राष्ट्रपति द्रौपदी मुर्मू, उप राष्ट्रपति जगदीप धनखड़ अउ प्रधानमंत्री नरेन्द्र मोदी ह महात्मा गांधी ल उंखर पुण्यतिथि म श्रद्धा-सुमन अर्पित करे हे।
ऐति, छत्तीसगढ़ के मुख्यमंत्री विष्णुदेव साय ह आज रईपुर म महात्मा गांधी संग देसभर के अमर सहीद मन ल श्रद्धांजलि अर्पित करत कहिन कि देस उपर प्राण न्यौछावर करने वाला वीर बलिदान मनके ऋण कभू नइ चुकाय जा सकय।
महात्मा गांधी के पुण्यतिथि म आज राजभवन म घलो स्वतंत्रता संग्राम म अपन प्राण के आहुति देवइया सहीद मन ल श्रद्धांजलि दे गीस।
माओवादी-मुठभेड़
बीजापुर-सुकमा जिला के सीमा म आज माओवादी के संग होय मुठभेड़ म चार जवान घायल होगे हे।
हमर संवाददाता ह बताय हे कि टेकलगुड़ा इलाका म माआवोदी मनके मौजूदगी के सूचना मिले म सुरक्षा बल के जवान मन ल सर्चिंग बर रवाना करे गे रिहीस। इही दउरान सिलेगर के तीर माओवादी मन ह सुरक्षा बल उपर फायरिंग सुरू कर दीस, जेमा चार जवान घायल होगे। घायल जवान मन ल अच्छा इलाज बर रईपुर रिफर करे जात हे। उहें, घटनास्थल म बड़का संख्या म सुरक्षा बल के जवान मौजूद हे।
हमर संवाददाता ह बताय हे कि टेकलगुड़ा इलाका म माआवोदी मनके मौजूदगी के सूचना मिले म सुरक्षा बल के जवान मन ल सर्चिंग बर रवाना करे गे रिहीस। इही दउरान सिलेगर के तीर माओवादी मन ह सुरक्षा बल उपर फायरिंग सुरू कर दीस, जेमा चार जवान घायल होगे। घायल जवान मन ल अच्छा इलाज बर रईपुर रिफर करे जात हे। उहें, घटनास्थल म बड़का संख्या म सुरक्षा बल के जवान मौजूद हे।
विजय शर्मा-कबीरधाम
उपमुख्यमंत्री विजय शर्मा ह कहिन कि राज्य सरकार महतारी वंदन योजना म तुरते फइसला लीही अउ मोदी के गारंटी म सामिल सबो संकल्प ल पूरा करे जाही। ए बात श्री शर्मा ह कबीरधाम जिला के केजादाह गांव म आयोजित मेला-मड़ई कार्यक्रम म कहिन। ओमन कहिन कि महतारी वंदन योजना बर बजट म प्रावधान कर ले गेहे। एखर तहत हर बछर बारह हजार रूपिया माईलोगिन मनके खाता म डाले जाही। उहें, भूमिहीन मजदूर मन ल हर बछर दस हजार रूपिया प्रोत्साहन राशि घलो दे जाही।
ए मउका म श्री शर्मा ह बड़ौदा कला म सामुदायिक भवन अउ मंच बर पन्द्रह लाख रूपिया, सिंगारपुर अउ सोनपुर गांव म सीसी सड़क बर नौ लाख रूपिया देके घोसना करीन।
ए मउका म श्री शर्मा ह बड़ौदा कला म सामुदायिक भवन अउ मंच बर पन्द्रह लाख रूपिया, सिंगारपुर अउ सोनपुर गांव म सीसी सड़क बर नौ लाख रूपिया देके घोसना करीन।
धान खरीदी
प्रदेश म अब तक करीबन एक सौ चौंतीस लाख मीटरिक टन धान के खरीदी हो चुके हे, जउन ह पाछु बछर के तुलना म लगभग सत्ताईस लाख मीटरिक टन जादा हे। एखर एवज म किसान मन ल अट्ठाईस हजार एक सौ चार करोड़ रूपिया के भुगतान करे जा चुके हे। समर्थन मूल्य म धान खरीदी काली इकतीस जनवरी आखिरी दिन हरय। ए बछर धान खरीदी के आंकड़ा एक सौ चालीस लाख मीटरिक टन के पार होय के उम्मीद हे।
मार्कफेड के महाप्रबंधक ले मिले जानकारी के मुताबिक प्रदेस के साढ़े तेईस लाख ले जादा किसान मन ह धान बेच चुके हे। समर्थन मूल्य म धान बेचे बर ए बछर 26लाख पच्यासी हजार किसान मन ह अपन पंजीयन कराय रिहीस। धान खरीदी के संगेसंग कस्टम मिलिंग घलो करे जावत हे। अब तक खरीदी केन्द्र मन ले करीबन एक सौ दू लाख मीटरिक टन धान के उठाव मिलर्स मन ह कर लेहे।
मार्कफेड के महाप्रबंधक ले मिले जानकारी के मुताबिक प्रदेस के साढ़े तेईस लाख ले जादा किसान मन ह धान बेच चुके हे। समर्थन मूल्य म धान बेचे बर ए बछर 26लाख पच्यासी हजार किसान मन ह अपन पंजीयन कराय रिहीस। धान खरीदी के संगेसंग कस्टम मिलिंग घलो करे जावत हे। अब तक खरीदी केन्द्र मन ले करीबन एक सौ दू लाख मीटरिक टन धान के उठाव मिलर्स मन ह कर लेहे।
अग्निवीर भर्ती-कार्यशाला
भारतीय सेना म अग्निवीर भर्ती बर आज जगदलपुर म संभाग स्तरीय कार्यशाला के आयोजन करे गीस। कार्यशाला ल संबोधित करत कर्नल बी.एस. धामी ह कहिन कि कठिन परिस्थिति म सेना के जवान देस बर अपन बलिदान देथे। उहें, पुलिस अधीक्षक शशिमोहन सिंह ह कहिन कि सशक्त भारत के निर्माण म युवा अग्निवीर के रूप म भर्ती होके देस के सेवा करय। कार्यशाला म वायु अउ थल सेना के भर्ती गतिविधि अउ सेना डहार ले दे जाने वाला सुविधा के बारे म जानकारी दे गीस।
खबर के मुताबिक अग्निवीर भर्ती ऑनलाइन आवेदन के प्रक्रिया पाछु सत्रह जनवरी ले सुरू होगे हे, जउन ह छह फरवरी तक चलही।
खबर के मुताबिक अग्निवीर भर्ती ऑनलाइन आवेदन के प्रक्रिया पाछु सत्रह जनवरी ले सुरू होगे हे, जउन ह छह फरवरी तक चलही।
रावतपुरा सरकार विवि-आरोहण
उच्च शिक्षा मंत्री बृजमोहन अग्रवाल ह काली रईपुर के श्री रावतपुरा सरकार विश्वविद्यालय म राज्य स्तरीय खेल अउ सांस्कृतिक महोत्सव ‘आरोहण‘ के सुभारंभ करीन। ए मउका म श्री अग्रवाल ह कहिन कि खेलकूद ले विद्यार्थी मनके सारीरिक अउ मानसिक स्वास्थ्य म सुधार होथे। उहें, लइका मन म अनुसासन के संग आपसी समझ अउ टीम भावना विकसित होथे।
खबर के मुताबिक सात दिन तक चलइया आरोहण म देसभर ले करीबन चार हजार प्रतिभागी सामिल होवत हे। ए प्रतिभागी तीरंदाजी, फुटबॉल, वॉलीबॉल, बास्केबॉल संग आने-आने खेल प्रतियोगिता अउ गायन-नृत्य स्पर्धा म घलो हिस्सा लीहीं।
खबर के मुताबिक सात दिन तक चलइया आरोहण म देसभर ले करीबन चार हजार प्रतिभागी सामिल होवत हे। ए प्रतिभागी तीरंदाजी, फुटबॉल, वॉलीबॉल, बास्केबॉल संग आने-आने खेल प्रतियोगिता अउ गायन-नृत्य स्पर्धा म घलो हिस्सा लीहीं।
विद्युत उपकेन्द्र-लोकार्पण
उद्योग मंत्री लखनलाल देवांगन ह कोरबा जिला के खरमोरा म नवा बने विद्युत उपकेन्द्र के लोकार्पण करीन। ए मउका म ओमन कहिन कि खरमोरा म सब स्टेसन के सुरू होय ले कतकोन वार्ड के बिजली के समस्या खतम हो जही अउ पांच हजार उपभोक्ता ल एखर लाभ मिलही। एखर ले दादरखुर्द, खरमोरा संग आने वार्ड म निर्बाध रूप ले बिजली के आपूर्ति होही अउ लोगन ल कम वोल्टेज के समस्या ले घलो छुटकारा मिलही। ए मउका म श्री देवांगन ह वितरण विभाग के अधिकारी मन ले कहिन कि शिविर लगाकर उपभोक्ता मनके बिजली संबंधी समस्या के निराकरण करय।
संस्कृति मंत्रालय-झांकी
संस्कृति मंत्रालय के झांकी ह ए बछर के गणतंत्र दिवस परेड म प्रथम पुरस्कार हासिल करे हे। मंत्रालय के ए बखत के झांकी म भारत के समृद्ध सांस्कृतिक विरासत के झलक दिखाय गे रिहीस। संस्कृति मंत्रालय के झांकी के संदेस रिहीस- ‘‘भारत है लोकतंत्र की जननी। मंत्रालय ह एक ठन बयान म कहिन कि ओला ए उपलब्धि हासिल करे म गर्व हे। ए जीत सिरिफ रचनात्मक के पहिचान नइ हरय, भलूक भारत के सांस्कृतिक विरासत के समृद्धि के प्रमाण हरय।
समाचार सेवा प्रभाग आवेदन
आकाशवाणी के समाचार सेवा प्रभाग रायपुर समेत अपन आने-आने क्षेत्रीय समाचार इकाई मन म पूर्णकालिक अनुबंध के आधार म संपादकीय कार्यकारी अउ समाचार वाचक सह अनुवादक के रूप म नियुक्त होय खातिर अनुभवी उम्मीदवार ले आवेदन आमंत्रित करथे। एखर विवरण न्यूज ऑन एआईआर डॉट जीओवी डॉट इन/वैकेंसीज म उपलब्ध हवय। आवेदन जमा करे के आखिरी तारीख आठ फरवरी हवय।
अनुबंध दू बछर खातिर होही। आवेदक के आयु आवेदन जमा करे के आखिरी तिथि तक 58 बछर ले जादा नहीं होना चाही। आवेदन के तीर पत्रकारिता म स्नातकोत्तर उपाधि या फेर स्नातकोत्तर डिप्लोमा के संगेसंग कोनों समाचार संगठन म तीन बछर के कार्य करे के अनुभव होना जरूरी हवय।
अनुबंध दू बछर खातिर होही। आवेदक के आयु आवेदन जमा करे के आखिरी तिथि तक 58 बछर ले जादा नहीं होना चाही। आवेदन के तीर पत्रकारिता म स्नातकोत्तर उपाधि या फेर स्नातकोत्तर डिप्लोमा के संगेसंग कोनों समाचार संगठन म तीन बछर के कार्य करे के अनुभव होना जरूरी हवय।
अउ अब पेस हे मौसम के हाल…
प्रदेस म काली ले दक्षिण ले नमीयुक्त गरम हवा आय के सिलसिला सुरू होही। ए सेती एक-दू जघा मन म हल्का बरसा होय के संभावना हे। मौसम विभाग के अनुसार एक ठिन पश्चिमी विक्षोभ, द्रोणिका के रूप म उत्तर म स्थित हे। एखर सेती बंगाल के खाड़ी ले नमीयुक्त हवा आय के सेती प्रदेस के अधिकतम तापमान म वृद्धि होही। उहें, एक-दू जघा मन म हल्का बरसा होय के आसार हे।
प्रदेस म काली ले दक्षिण ले नमीयुक्त गरम हवा आय के सिलसिला सुरू होही। ए सेती एक-दू जघा मन म हल्का बरसा होय के संभावना हे। मौसम विभाग के अनुसार एक ठिन पश्चिमी विक्षोभ, द्रोणिका के रूप म उत्तर म स्थित हे। एखर सेती बंगाल के खाड़ी ले नमीयुक्त हवा आय के सेती प्रदेस के अधिकतम तापमान म वृद्धि होही। उहें, एक-दू जघा मन म हल्का बरसा होय के आसार हे।
अउ अब थोरकुन समाचार सार म –
– मुख्यमंत्री विष्णुदेव साय के अध्यक्षता म काली मंत्रालय म राज्य मंत्रिपरिषद के बइठका आयोजित करे जाही।
– मुख्यमंत्री विष्णुदेव साय के अध्यक्षता म काली मंत्रालय म राज्य मंत्रिपरिषद के बइठका आयोजित करे जाही।
– राज्य के शासकीय औद्योगिक प्रशिक्षण संस्थान म छात्रावास अधीक्षक-अधीक्षिका के पद म तीसरा चरण के दस्तावेज सत्यापन एक फरवरी के रईपुर के सड्डू स्थित औद्योगिक प्रशिक्षण संस्थान म करे जाही।
– राजधानी रईपुर म काली इकतीस जनवरी के दिव्यांगजन बर रोजगार मेला के आयोजन करे जाही।
अउ
– भारतीय जनता युवा मोर्चा डहार ले काली ले रईपुर म पांच दिन के ‘नमो कप क्रिकेट प्रतियोगिता‘‘ करे जाही। प्रतियोगिता के पोस्टर के विमोचन आज संस्कृति मंत्री बृजमोहन अग्रवाल ह करीन।
– भारतीय जनता युवा मोर्चा डहार ले काली ले रईपुर म पांच दिन के ‘नमो कप क्रिकेट प्रतियोगिता‘‘ करे जाही। प्रतियोगिता के पोस्टर के विमोचन आज संस्कृति मंत्री बृजमोहन अग्रवाल ह करीन।