डाक मतपत्र लेवइया मतदाता मनके मतदान पाय बर संबंधित पीठासीन अधिकारी विशेष मतदान दल बनाय जाही। विशेष मतदान दल डहार ले मतदाता ल उंखर घर म मतदान करे के तारीख के बारे म पहिली ले जानकारी दे जाही, ताकि मतदाता घरे म रहय। फेर ओ दिन अपन घर म नइ रीही त मतदान दल डहार ले ओला अपन दूसर दौरा के तारीख अउ समय के जानकारी देके उंखर मतदान डाक पत्र ले पाये के प्रयास करे जाही। डाक मतपत्र ले मतदान के जानकारी सबो अभ्यर्थी ल दे जाही, जेखर ले ओमन खुद या अपन प्रतिनिधि के माध्यम ले पूरा प्रकिया ल देख सकही। घर-घर जाके मतदान के ये प्रक्रिया निर्धारित मतदान तिथि सात अउ सतरा नवंबर ले कम से कम एक दिन पहिली पूरा कर ले जाही। आयोग के निर्देश के अनुसार ए प्रक्रिया के वीडियोग्राफी घलो कराय जाही।
कंाग्रेस/जकंाछ-प्रवेश
जनता कंाग्रेस छत्तीसगढ़ के विधायक प्रमोद शर्मा आज कंाग्रेस म शामिल होइन। मुख्यमंत्री भूपेश बघेल ह ओमन ल पार्टी के आने-आने पदाधिकारी मनके मौजूदगी म औपचारिक रूप ले कंाग्रेस म शामिल करवाइन। जानबा के मुताबिक प्रमोद शर्मा बछर दू हजार अठारा के विधानसभा चुनाव म जनता कंाग्रेस छत्तीसगढ़ के प्रत्याशी के रूप म विधायक चुने गे रीहिस।
ओति सरायपाली ले कंाग्रेस के वर्तमान विधायक किस्मतलाल नंद आज जनता कंाग्रेस छत्तीसगढ़ म शामिल होगे हे। पार्टी प्रमुख अमित जोगी ह ओमन ल जनता कंाग्रेस छत्तीसगढ़ डहार ले सरायपाली सीट ले विधानसभा चुनाव बर उम्मीदवार घलो घोषित कर देहे।
नामंाकन प्रक्रिया
प्रदेश म विधानसभा चुनाव के तहत दूसर चरण बर नामंाकन जमा करे के प्रकिया चलत हे। मुख्य निर्वाचन पदाधिकारी कार्यालय ले मिले जानकारी के अनुसार दूसरइया चरण बर काली सौ नामंाकन जमा होइस। ए चरण बर अब तक एक सौ चौसठ नामंाकन दाखिल करे जा चुके हे। काली रायपुर ग्रामीण विधानसभा क्षेत्र म सबले जादा छै नामंाकन पत्र जमा करे गीस।
जानबा के मुताबिक दूसरइया चरण के तहत रायपुर, बिलासपुर, दुर्ग अउ सरगुजा संभाग के सत्तर विधानसभा क्षेत्र मन म चुनाव होना हे। ए क्षेत्र म उम्मीदवार तीस अक्टूबर तक नामंाकन दाखिल कर सकत हे। नामंाकन पत्र के जांच इकतीस अक्टूबर के होही। उंहे प्रत्याशी दू नवंबर तक अपन नाव वापस ले सकही। दूसरइया चरण के तहत सतरा नवंबर के मतदान होही।
मुख्यमंत्री-बलौदाबजार
मुख्यमंत्री भूपेश बघेल ह चुनाव प्रचार करत हुए आज बलौदाबजार के जनसभा म कीहिन कि राज्य म कंाग्रेस के सरकार बने म एक घांव फेर किसान मनके कर्ज माफ करे जाही। संगेसंग साढ़े सतरा लाख आवासहीन परिवार मन ल घर घलो देवाय जाही।
भाजपा-कंाग्रेस बयान
उंहे कंाग्रेस ह भारतीय जनता पार्टी के पाछू सरकार उपर नागरिक आपूर्ति निगम के कथित घोटाला म पूर्व मुख्यमंत्री डॅाक्टर रमनसिंह के भूमिका बतात ओला ए बार के विधानसभा चुनाव म टिकट दे जाय उपर सवाल उठाय हे। प्रदेश कंाग्रेस के वरिष्ठ प्रवक्ता सुरेन्द्र वर्मा ह आरोप लगाइन कि भाजपा के पाछू के सरकार के कार्यकाल म करीब छत्तीस हजार करोड़ रूपिया के घोटाला नागरिक आपूर्ति निगम म होय रीहिस। एखर बावजूद घोटाला के जांच के नाम म सिर्फ खानापूर्ति करे गेहे। ओमन ह यहू आरोप लगाइन कि भाजपा शासनकाल म करीब इक्कीस लाख फर्जी राशनकार्ड के कथित मामला घलो चर्चा म रीहिस फेर एखर कोई जांच नइ करे गीस।
मेरी माटी-मेरा देश
आजादी के अमृत महोत्सव के चलत राजभवन म सत्ताईस अक्टूबर के ‘मेरी माटी-मेरा देश‘ अभियान के चलत राज्य स्तरीय कार्यक्रम के आयोजन करे जाही। सीआरपीएफ अउ नेहरू युवा केन्द्र के समन्वय ले आयोजित ए कारीकरम के चलत प्रदेस के 33 जिला ले 146 विकासखंड के सबो गांव ले इकट्ठा करे माटी ल राजभवन लाय जाही।
जानबा के मुताबिक आजादी के अमृत महोत्सव के तहत सबो ग्राम पंचायत ले भारत के शहीद मनके सम्मान म घर-घर जाके कलश म माटी इकट्ठा करे गेहे। ए अमृत कलश ल नई दिल्ली के कर्त्तव्य पथ म पहुंचाय जाही, जिहंा आने-आने राज्य ले लाये गे माटी ले शहीद मनके सम्मान म अमृत वाटिका के निर्माण करे जाही।
अउ अब थोरकुन समाचार सार म –
– प्रदेश म ए घांव विधानसभा चुनाव म शत-प्रतिशत मतदान सुनिश्चित कराय बर काली धमतरी जिला के रत्नाबांधा म शरद उत्सव अउ गरबा कार्यक्रम के माध्यम ले स्वीप कार्यक्रम के जिला नोडल अधिकारी रोक्तिमा यादव ह मतदाता मनले अपन मताधिकार के प्रयोग करे के अपील करीन।
– काली सूरजपुर अउ दुर्ग म पूर्व केंद्रीय कानून मंत्री रविशंकर प्रसाद दू जनसभा ल संबोधित करही। एखर तहत केंद्रीय मंत्री अर्जुन मुंडा के मनेन्द्रगढ़ अउ कोरबा म आमसभा होही। उंहे केंद्रीय मंत्री मीनाक्षी लेखी गरियाबंद म आमसभा ल संबोधित करही।
– इही बीच कंाग्रेस के पूर्व राष्ट्रीय अध्यक्ष राहुल गांधी अठाईस अक्टूबर के छत्तीसगढ़ दौरा म आवत हे। ओमन भानुप्रतापपुर, कंाकेर, अंतागढ़ अउ डौंडीलोहारा म जनसभा लीही।
– बीजापुर के कलेक्टर अउ जिला दंडाधिकारी राजेंद्र कटारा ह राज्य युवा आयोग के पूर्व सदस्य अजय सिंह ल एक बछर बर जिलाबदर करे के आदेश जारी करे हे।
अउ
– कवर्धा अउ पंडरिया विधानसभा क्षेत्र म चालीस प्रतिशत ले जादा दिव्यांग अउ अस्सी बछर ले जादा उम्र के सियान मन ल डाक मतपत्र ले घर म ही मतदान करे बर तीस अउ इकतीस अक्टूबर के तारीख तय करे गेहे। मतदान के समय बीहनिया आठ बजे ले मंझनियंा पांच बजे के बीच करे जा सकही।