छत्तीसगढ़ म पहिली चरण के तहत बीस सीट मन म होवइया विधानसभा चुनाव बर नामंाकन भरे के आज आखरी दिन रीहिस। काली एक सौ चौदा नामंाकन पत्र दाखिल करे गीस। काली तक एक सौ सत्ताईस अभ्यर्थी मन ह दू सौ एक नामंाकन पत्र दाखिल करे हे। उंहे काली इक्कीस अक्टूबर के नामंाकन पत्र मनके जांच करे जाही। प्रत्याशी तेईस अक्टूबर तक अपन नाव लहुटा सकही। प्रथम चरण बर सात नवंबर के मतदान होही। उंहे मतगणना अउ परिणाम तीन दिसंबर के घोषित करे जाही।
बतादन कि पहिली चरण म सात नवंबर के बस्तर संभाग के सबो बारह सीट – अंतागढ़, भानुप्रतापपुर, कांकेर, केशकाल, कोंडागांव, नारायणपुर, बस्तर, जगदलपुर, चित्रकोट, दंतेवाड़ा, बीजापुर अउ कोंटा म वोट डारे जाही । एखर संगेसंग पंडरिया, कवर्धा, खैरागढ़, डोंगरगढ़, राजनांदगांव, डोंगरगांव, खुज्जी अउ मोहला-मानपुर म घलो पहिली चरण म वोट डारे जाही।
दूसरा चरण नामंाकन
इही बीच प्रदेश म विधानसभा चुनाव के दूसरा चरण बर काली इक्कीस अक्टूबर के अधिसूचना जारी करे जाही। एखरे संग सत्तर विधानसभा क्षेत्र मन म कालेच ले ही नामंाकन भरे के प्रक्रिया शुरू हो जाही। नामंाकन पत्र जमा करे के आखरी तारीख तीस अक्टूबर हे। उंहे इकतीस अक्टूबर के नामंाकन पत्र मनके जांच करे जाही। प्रत्याशी दू नवंबर तक नाव वापिस ले सकही। दूसरा चरण के तहत सत्तर विधानसभा क्षेत्र म सतरा नवंबर के वोट डारे जाही। उंहे मतगणना अउ परिणाम तीन दिसंबर के घोषित करे जाही।
मुख्य निर्वाचन पदाधिकारी कार्यालय ले मिले जानकारी के अनुसार सार्वज्निक अवकाश अउ महीना के चौथा शनिवार के दिन नामंाकन जमा नइ करे जाही।
अनुराग सिंह ठाकुर-प्रेसवार्ता
भाजपा के वरिष्ठ नेता अउ केंद्रीय सूचना अउ प्रसारण खेल अउ युवा मामला के मंत्री अनुराग सिंह ठाकुर ह आज छत्तीसगढ़ के आदिवासी बहुल बस्तर संभाग के बीजापुर म एक चुनावी सभा ल संबोधत करत कीहिन कि केंद्र के मोदी सरकार ह आदिवासी जन के भावना के सम्मान करत उंखर बोली हल्बी अउ गोंडी म आकाशवाणी ले समाचार शुरू करे के संगरा देश के आदिवासी अउ दुर्गम इलाका मन म एफ.एम. ट्रंासमीटर घलो लगाये जात हे।
ओमन कीहिन कि केंद्र के एनडीए सरकार ह आदिवासी जन के विकास बर करोड़ो रूपिया के राशि खर्च करे हे। ओमन कहिन कि मोदी सरकार ह छत्तीसगढ़ ल नगरनार स्टील प्लांट समेत कतकोन बड़का प्रोजेक्ट देहे। एखर अलावा धान खरीदी बर एक लाख करोड़ रूपिया ले जादा के राशि राज्य ल दे गेहे। श्री ठाकुर ह छत्तीसगढ़ के कंाग्रेस सरकार उपर भ्रष्टाचार के संगेसंग संाप्रदायिक तुष्टीकरण के घलो आरोप लगाइन। केंद्रीय मंत्री श्री ठाकुर बीजापुर म भाजपा प्रत्याशी के नामंाकन रैली म शामिल होइन।
उंहे केंद्रीय स्वास्थ्य मंत्री मनसुख मंाडविया नारायणपुर विधानसभा क्षेत्र ले भाजपा उम्मीदवार केदार कश्यप के नामंाकन रैली म शामिल होइन। ए दौरान श्री मांडविया ह राज्य के कंाग्रेस सरकार उपर वादाखिलाफी अउ छल करे के आरोप लगाइन। ओमन कीहिन कि कांग्रेस सिरिफ वादा करथे, फेर भाजपा ह विकास करथे।
ओति आज जगदलपुर म चुनावी जनसभा ल संबोधित करत मुख्यमंत्री भूपेश बघेल ह अपन सरकार के उपलब्धि बताय के संगेसंग भाजपा उपर कइ ठिन आरोप लगाइन।
जनता कंाग्रेस सूची
प्रदेश म होवइया विधानसभा चुनाव बर जनता कंाग्रेस छत्तीसगढ़ ह आज अपन सोला प्रत्याशी मनके पहला सूची जारी कर देहे। पार्टी ह पंडरिया ले रवि चंद्रवंशी ल उम्मीदवार बनाय हे। उंहे कवर्धा ले सुनील केशरवानी, खैरागढ़ ले लक्की कुंअर नेताम, डोंगरगढ़ ले लोकनाथ भारती, राजनंादगांव ले शमशुल आलम, अउ डोंगरगांव ले मुकेश साहू ल प्रत्याशी बनाय गेहे।
अइसने खुज्जी विधानसभा क्षेत्र ले विनोद पुराम, मोहला-मानपुर ले नागेश पुराम, कोंडागंाव ले शंकर नेताम, नारायणपुर ले बलिराम कचलाम अउ बस्तर ले सोनसाय कश्यप ल चुनाव मैदान म उतारे गेहे। उंहे जगदलपुर ले नवनीत चंाद, चित्रकोट ले भरत कश्यप, दंतेवाड़ा ले बेला नेताम, बीजापुर ले रामधर जुर्री अउ कोंटा ले देवंेद्र तेलाम ल पार्टी के टिकट दे गेहे।
मतदाता जागरूकता कार्यक्रम
प्रदेश म शत-प्रतिशत मतदान सुनिश्चित कराय बर स्वीप कार्यक्रम के तहत आने-आने जागरूकता कार्यक्रम के आयोजन करे जात हे। इही कड़ी म राजनंादगंाव के महेश नगर, कमला कॉलेज अउ कौरिन्गभाठा क्षेत्र के मतदाता मन ल जागरूक करे के खातिर युवा मन ह मशाल रैली निकालिन। ए दउरान युवा मन मतदाता मन ल मतदान करे बर प्रेरित करीन अउ शपथ दिलाइन।
अइसने राजनांदगांव के शासकीय कमला देवी राठी महिला स्नातकोत्तर महाविद्यालय म मतदाता जागरूकता कार्यक्रम के तहत छात्रा मन कोति ले पोस्टकार्ड अभियान के आयोजन करे गीस। अभियान के तहत जउन छात्रा अपन घर अउ पालक मनले दूर हें ओमन अपन अभिभावक मन ल मतदान करे बर प्रेरित करत चिट्ठी लिखिन। चिट्ठी म ओमन अभिभावक मनले आग्रह करीन कि ओमन दूसर मतदाता मन ल घलो मतदान करे बर प्रेरित करय।
ओति कोंडागांव जिला म चार दिन के तेइसवंा राज्य स्तरीय शालेय क्रीडा प्रतियोगिता म शामिल होय बर आय राज्यभर के सात सौ ले जादा खिलाड़ी, अधिकारी अउ दर्शक मन ल आने आने गतिविधि के माध्यम ले मतदान करे बर प्रेरित करे गीस।
ईडी-छापा
प्रवर्तन निदेशालय-ईडी के टीम ह आज छत्तीसगढ़ के चार शहर- रायपुर, दुर्ग, कोरबा अउ राजनंादगंाव म छापामार कार्रवाई करीस। ईडी ह रायपुर जिला के तिल्दा स्थित दू ठिन राईस मिल म छापा मारीस। उंहे रायपुर म नागरिक आपूर्ति निगम अउ मार्कफेड के पूर्व प्रबंध निदेशक मनोज सोनी के घर म घलो छाप मारीस।
अइसने छत्तीसगढ़ राईस मिलर्स एसोसिएशन के अध्यक्ष कैलाश रूंगटा अउ कमल अग्रवाल के दुर्ग स्थित ठिकाना मन म घलो छापामार कार्रवाई करे गीस। एखर अलावा राजनंादगांव के जंगलपुर स्थित अन्नापूर्णा राईस मिल संचालक आशीष खंडेलवाल के इंहा घलो छापा मारे गीस। उंहे कोरबा म राईस मिल एसोसिएशन के पूर्व अध्यक्ष अउ भाजपा के जिला कोषाध्यक्ष गोपाल मोदी के ठिकाना मन म घलो ईडी के टीम ह दबिश दीस।
डीएलएड परीक्षा
छत्तीसगढ़ माध्यमिक शिक्षा मंडल ह डीएलएड प्रथम अउ द्वितीय बछर के पूरक अउ अवसर परीक्षा बर समय सारिणी जारी कर देहे। एखर अनुसार डीएलएड प्रथम वर्ष के परीक्षा नौ ले उन्नीस दिसंबर तक ले जाही। उंहे द्वितीय वर्ष के परीक्षा नौ ले पंद्रह दिसंबर तक ले जाही।
संक्षिप्त समाचार
– छत्तीसगढ़ के वरिष्ठ कलाकार, लोकरंग अर्जुन्दा के संस्थापक अउ संचालक दीपक चंद्राकर के काली दुर्ग म निधन होगे। उंखर अंतिम संस्कार अर्जुन्दा म करे गीस।
अउ
– सक्ती जिला के हसौद थाना अंतर्गत ग्राम मल्दा करा आज बीहनिया एक ट्रक ह चारपहिया वाहन ल टक्कर मार दीस। ए दुर्घटना म एक महिला के मउत होगे। उंहे दूसर मनखे घायल होगे हे जेमन ल हसौद अस्पताल म भर्ती कराय गेहे।