प्रधानमंत्री नरेन्द्र मोदी काली अट्ठाईस अप्रैल के बिहनिया साढ़े दस बजे वीडियो कॉन्फ्रेंसिंग के माध्यम ले सौ वॉट के इंक्यानवे एफ.एम. ट्रांसमीटर के उद्घाटन करही। एखर ले देस म एफ.एम. रेडियो प्रसारण के विस्तार होही। सबो ट्रांसमीटर देस के अट्ठारह राज्य अउ दू केन्द्रसासित प्रदेस के चौरासी जिला म स्थापित करे गेहे। एमा छत्तीसगढ़, मध्यप्रदेश, बिहार, झारखंड, असम मेघालय अउ नागलैंड के संग आने सीमावर्ती राज्य सामिल हे। छत्तीसगढ़ के दंतेवाड़ा जिला म बैलाडीला अउ बालोद जिला म दल्लीराजहरा ल एफ.एम. ट्रांसमीटर सेवा ले जोड़े जात हे। आकाशवाणी डहार ले ए बेरा म बैलाडीला अउ दल्लीराजहरा म विशेष कार्यक्रम के आयोजन करे जाही। ए कार्यक्रम म स्थानीय जनप्रतिनिधि मनके संग आने गणमान्य नागरिक घलो सामिल होही।
सरकार देस म एफ.एम. रेडियो प्रसारण के विस्तार करे बर लगातार प्रयास करत हे। ए विस्तार के मुख्य उद्देश्य आकांक्षी जिला अउ सीमावर्ती क्षेत्र म रेडियो प्रसारण ल बढ़ाना हे। जानबा के मुताबिक प्रधानमंत्री ह देस के कोना-कोना तक रेडियो के पहुंच के उपयोग करत हुए मन की बात कारीकरम बर इही माध्यम के चुनाव करीन। रेडियो के लोकप्रियता के मदद ले आज ए कारीकरम अपन सौवां कड़ी तक पहुंच गेहे।
मुख्यमंत्री-बयान
मुख्यमंत्री भूपेश बघेल ह कहिन कि यदि माओवादी देस के संविधान उपर भरोसा जतात हुए हथियार छोड़े ल तैयार हो जाथे, त उंखर से बातचीत करे बर सरकार तैयार हे। श्री बघेल ह काली दंतेवाड़ा जिला के अरनपुर म होय माओवादी घटना के संबंध म कहिन कि ए पुलिस अउ सुरक्षा बल डहार ले माओवादी मन उपर लगातार बनाय जात दबाव के परिणाम हे कि माओवादी हिंसक घटना के माध्यम ले अपन उपस्थिति बतावत हे। मुख्यमंत्री ह कहिन कि दुर्गम अउ संवेदनसील इलाका ले सुरक्षा बल के वापसी बर पैदल चलना सबले सुरक्षित विकल्प हो सकत हे। फेर, कभी-कभी रणनीति म बदलाव घलो करे जाथे। ओमन ह कहिन कि कुछ समय पहिली सुरक्षा बल के जवान मोटर सायकल ले लहुटत रिहीन, तभो माओवादी मन डहार ले करे गे विस्फोट म तीन जवान सहीद होय रिहीन।
जवान-श्रद्धांजलि
एखर पहिली, मुख्यमंत्री भूपेश बघेल ह आज दंतेवाड़ा पहुंच के अरनपुर क्षेत्र म बारूदी विस्फोट म सहीद जवान मन ल नमन करत हुए उंखर पार्थिव सरीर म पुष्पगुच्छ अर्पित कर श्रद्धांजलि दीन। जानबा के मुताबिक काली अरनपुर क्षेत्र म माओवादी मन डहार ले करे गे बारूदी विस्फोट म डीआरजी के दस जवान अउ एक वाहन चालक सहीद होगे रिहीस। मुख्यमंत्री ह सहीद जवान मनके परिजन ले मिलके अपन संवेदना प्रकट करीन। ए बेरा म प्रदेस के गृहमंत्री ताम्रध्वज साहू, बस्तर के सांसद दीपक बैज, सांसद फूलोदेवी नेताम अउ क्षेत्रीय विधायक मनके अलावा पुलिस महानिदेसक अशोक जुनेजा के संग आने-आने वरिष्ठ अधिकारी घलो उपस्थिति रिहीन।
सहीद जवान मन ल श्रद्धांजलि देके बाद मुख्यमंत्री अउ गृह मंत्री संग आने उपस्थित जनप्रतिनिधि मन ह जवान मनके अर्थी ल कांधा दीन। एखर बाद सहीद जवान मनके पार्थिव सरीर ल उंखर गृह ग्राम बर रवाना करे गीस।
उहें, भाजपा के प्रदेस प्रभारी ओम माथुर, प्रदेस संगठन महामंत्री पवन साय, प्रदेस महामंत्री केदार कश्यप अउ पूर्व मंत्री महेश गागड़ा के संग आने पदाधिकारी मन घलो आज दंतेवाड़ा पहुंच के सहीद जवान मन ल श्रद्धांजलि दीन।
इही बीच, भाजपा प्रदेश अध्यक्ष अरूण साव ह बतईन कि दंतेवाड़ा म काली के माओवादी के घटना म जवान मनके सहादत ल नमन करत हुए प्रदेस भाजपा डहार ले सबो जिला मुख्यालय मन म आज मंझनिया चार बजे ले संझा सात बजे तक श्रद्धांजलि कारीकरम आयोजित करे जाही। इही कड़ी म राजधानी रईपुर के जयस्तंभ चउक म आज संझा छह बजे सहीद जवान मन ल श्रद्धांजलि दे जाही।
मन की बात-विशेष श्रृंखला
प्रधानमंत्री के ‘मन की बात‘ कारीकरम के ए महीना सौवां कड़ी पूरा होवत हे। ए बेरा म आकाशवाणी ह प्रधानमंत्री के संबोधन के चुनिंदा अंश ल प्रसारित करत हे। इही क्रम म आज सुनथन मन की बात के इंक्यानवां कड़ी म प्रधानमंत्री के विचार। एमा ओमन ह मेला के महत्ता उपर अपन विचार साझा करीन।
लोग, आवाज और सीधा संवाद यानी आपके हम सबके मन की बात, जी हां ऐसे ही करोड़ों लोगों से जुड़ जाते हैं, हमारे प्रधानमंत्री हर महीने ’मन की बात’ प्रोग्राम के साथ। आकाशवाणी पर यह सिलसिला इस महीने यानी अप्रैल में 100वीं कड़ी के साथ जारी रहेगा। इसी विशेष मौके पर ’मन की बात’ कार्यक्रम से प्रधानमंत्री के चुनिंदा संबोधनों को फिर से प्रस्तुत किया जा रहा है। इस विशेष कार्यक्रम की 91वीं कड़ी में प्रस्तुत है, प्रधानमंत्री का मेलों की महत्ता पर दिया विचार। हमारे देश में मेलों की प्राचीन काल से ही परंपरा चली आ रही है। तीज-त्योहार से लेकर, ग्रहण, पूर्णिमा आदि के दिन भारत में मेलों की परंपरा रही है। प्राचीन काल से ही एक-दूसरे इलाकों के लोगों से मेल-मिलाप का जरिया मेले रहे हैं। किसी मेले का धार्मिक महत्व रहा है, तो किसी का सांस्कृतिक। प्राचील काल से ही मेले हमारी अर्थव्यवस्था को स्थानीय स्तर पर गति देने का भी जरिया रहे हैं। चूंकि भारत कृषि संस्कृति वाला देश है, लिहाजा ज्यादातर मेले फसल पकने के बाद के दिनों में ही लगते रहे हैं। 31 जुलाई 2022 को मन की बात कार्यक्रम में प्रधानमंत्री ने मेलों की अहमियत को इन शब्दों में याद किया-
हमारे देश में मेलों का भी बड़ा सांस्कृतिक महत्व रहा है। मेले जन-मन दोनों को जोड़ते हैं। हिमाचल में वर्षा के बाद जब खरीफ की फसलें पकती हैं, तब सितम्बर में शिमला, मण्डी, कुल्लू और सोलन में सैरी या सैर भी मनाया जाता है। सितम्बर में ही जागरा भी आने वाला है। जागरा के मेलों में महासू देवता का आह्वान करके विश्वगीत गाए जाते हैं। महासू देवता का यह जागर हिमाचल में शिमला, किन्नौर, सिरमौर के साथ-साथ उत्तराखण्ड में भी होता है।
हाईकोर्ट-न्यायाधीश
प्रदेस के वरिष्ठ अधिवक्ता संजय कुमार जायसवाल ल छत्तीसगढ़ उच्च न्यायालय म दू बछर बर अतिरिक्त न्यायाधीश बनाय गेहे। केन्द्रीय विधि अउ न्याय मंत्रालय ह ए संबंध म आज आदेस जारी कर देहे। श्री जायसवाल के नियुक्ति के बाद छत्तीसगढ़ उच्च न्यायालय म न्यायाधीश मनके संख्या बाढ़के पन्द्रह होगे हे। ओखर नियुक्ति बर उच्च न्यायालय के प्रधान न्यायाधीश अउ दू वरिष्ठ न्यायाधीश मनके कॉलेजियम ह पाछु बछर सितंबर म अपन अनुसंसा सर्वोच्च न्यायालय ल भेजे रिहीन।
हाथी हमला
कोरबा जिला के मदनपुर इलाका म जंगली हाथी ह मोटर साइकिल सवार दू मनखे उपर हमला कर दीन। हाथी के हमला ले बचे बर दूनो मनखे भाग के एक गढ्ढा म छूप गीन। एमन ल मामूली चोट आय हे। आज बिहनिया वन विभाग के कर्मचारी मन ह गढ्ढा म छूपे मनखे मन ल बाहिर निकाल के अस्पताल पहुंचइन।
भाजयुमो-घेराव
भारतीय जनता युवा मोर्चा के मुंगेली इकाई के पदाधिकारी मन ह बेरोजगारी भत्ता के मुद्दा ल लेके आज कलेक्टोरेट के घेराव करीन। ए दउरान पुलिस ह प्रदर्सनकारी मन ल रोके बर कलेक्टोरेट के आगू बैरिकेड लगा दे रिहीन। उग्र होवत प्रदर्सनकारी मन ल नियंत्रित करे बर उंखर उपर पानी के बौछार के प्रयोग घलो करे गीस। एखर बाद प्रदर्सनकारी मन ह क्षेत्रीय विधायक पुन्नूलाल मोहले के नेतृत्व म अपर कलेक्टर ल मुख्यमंत्री के नाम ज्ञापन सौंपीन।