प्रदेस म आज अक्ती के परब पारंपरिक रूप ले मनाय जात हे। आज के दिन लोगन सुभ अउ मांगलिक काम करथे। घरों-घर मंडप छा के पुतरा-पुतरी बिहाव करे जाथे। अक्षय तृतीया के परब ल प्रदेस म माटी पूजन दिवस के रूप म मनाय जावत हे। मुख्यमंत्री भूपेश बघेल आज रईपुर के इंदिरा गांधी कृषि विश्वविद्यालय परिसर म राखे गे अक्ती तिहार अउ माटी पूजन दिवस कारीकरम म सामिल होइन। ए मउका म ओमन गांव के माटी, देवी-देवता अउ ठाकुर देव के पूजा करीन। संगेसंग बीज बुअई संस्कार म लौकी, तोरई अउ सेमी के बीजा बोईन। श्री बघेल ह ट्रेक्टर चलाके खेत के जोताई करीन। ए बेरा म मुख्यमंत्री ह विश्वविद्यालय परिसर म कृषक सभागार भवन, नवा बने क्लस्टर क्लास रूम भवन, महात्मा गांधी उद्यानिकी अउ वानिकी विश्वविद्यालय के कैम्प कार्यालय के उद्घाटन करीन। उहें, मुख्यमंत्री ह कृषि अभियांत्रिकी बर पृथक संचालनालय बनाय के घोसना करीन। कारीकरम म मुख्यमंत्री ह धरती दाई के रक्षा करे, जैविक खातू के उपयोग अवइया पीढ़ी बर साफ पानी शुद्ध हवा बचाय के सपथ देवईन। मुख्यमंत्री ह बतईन कि जल्दीच इंदिरा गांधी कृषि विश्वविद्यालय अउ एम्स के बीच होय समझौता के मुताबिक एम्स म मिलेट्स कैफे खुलही, जेखर ले उहां के मरीज मन ल मिलेट्स ले बने पोषक आहार दे जा सकही।
ऐति, जांजगीर-चांपा जिला के कृषि विज्ञान केन्द्र म नेता प्रतिपक्ष नारायण चंदेल बोवाई बर बीज छिड़क के कारीकरम के सुरूवात करीन। ओति, जगदलपुर म घलो अक्ती उछहा के संग मनाय जात हे। मंदिर मन म श्रद्धालु मनके भीड़भाड़ देखे गीस।
महंगाई-भत्ता
छत्तीसगढ़ स्टेट पावर ट्रांसमिशन कंपनी लिमिटेड ह अपन अधिकारी-कर्मचारी मन बर महंगाई भत्ता म चार प्रतिसत के बढ़वार करे के घोसना करे हे। एखर फायदा एक जनवरी दू हजार तेईस ले मिलही। अधिकारी-कर्मचारी मन ल अप्रैल महीना के वेतन संग बयालीस प्रतिसत महंगाई भत्ता जोड़ के दे जाही। संगेसंग तीन महीना के एरियर्स घलो अप्रैल, मई अउ जून के वेतन म जुड़ के मिलही।
ट्रेन-परिचालन
दक्षिण-पूर्व मध्य रेलवे के बिलासपुर-कटनी रेलखंड म पाछु उन्नीस अप्रैल के सिंहपुर स्टेसन म होय रेल दुर्घटना के सेती ट्रेन के अवई-जवई प्रभावित हवय। आज बिलासपुर-इंदौर नर्मदा एक्सप्रेस, कटनी-चिरमिरी अउ जबलपुर-अंबिकापुर एक्सप्रेस रद्द रइही। उहें, इही रेलखंड के एक लाइन म ट्रेन के अवई-जवई सुरू कर दे गेहे। कुछेक गाड़ी ल बदले रद्दा ले चलाय जात हे। एमा दुर्ग-निजामुद्दीन संपर्क क्रांति एक्सप्रेस, पुरी-ऋषिकेश उत्कल एक्सप्रेस अउ विशाखापट्टनम अमृतसर हीराकुंड एक्सप्रेस ल बदले रद्दा ले चलाय जात हे।
इही बीच, दक्षिण पूर्व मध्य रेलवे के रईपुर रेलमंडल के भिलाई अउ कुम्हारी के बीच रोड अंडरब्रिज मनाय के काम काली तेईस अप्रैल के बिहनिया नौ बजे ले चौबीस तारीख के रतिहा नौ बजे तक करे जाना हे, जेखर सेती काली रईपुर-दुरूग-रईपुर मेमू पैसेंजर स्पेशल रद्द रइही। संगेसंग ए रद्दा म चलइया कतकोन गाड़ी ल तीन ले चार घंटा अबेर ले रवाना करे जाही।
कोरोना समाचार
प्रदेस म काली कोरोना संक्रमण ले तीन झिन मरीज के मउत के मामला आगू आय हे। एमा ले दू मरीज पहिली ले आने बीमारी ले पीड़ित रिहीन। उहें, एक मरीज के कोरोना संक्रमण ले मउत होय हे। मउत होय लोगन म रईपुर, जांजगीर-चांपा अउ बस्तर जिला के मरीज सामिल हे। प्रदेस म काली कोरोना संक्रमण के पांच सौ अट्ठारह नवा मामला आगू आय हे। सबले जादा रईपुर जिला म पैंसठ मरीज मिले हे।
जेल-अधीक्षक स्थानांतरण
राज्य सरकार ह जेल विभाग म जेल अधीक्षक अउ उप जेल अधीक्षक के स्थानांतरण आदेस जारी करे हे। एमा उत्तम कुमार पटेल ल केन्द्रीय जेल रईपुर के जेल अधीक्षक के प्रभार सौंपे गेहे। उहें, योगेश सिंह केन्द्रीय जेल अंबिकापुर के जेल अधीक्षक होही। एखर संगेसंग आर.आर. राय ल केन्द्रीय जेल दुरूग के प्रभार दे गेहे। उप जेल अधीक्षक एम.एन. प्रधान ल केन्द्रीय जेल महासमुंद अउ राहुल गंगराले ल उप जेल डोंगरगढ़ भेजे गेहे।
मन की बात-विशेष श्रृंखला
अब सुनव आकाशवाणी के लोकप्रिय कार्यक्रम प्रधानमंत्री के ‘‘मन की बात‘‘ म आधारित बिसेस श्रृंखला। आज के कड़ी के बिसय हरय – ‘‘गरीबों को मुफ्त राशन‘‘।
लोग आवाज और सीधा संवाद यानी आपके हम सबके मन की बात, जी हां ऐसे ही करोड़ों लोगों से जुड़ जाते हैं, हमारे प्रधानमंत्री हर महीने मन की बात प्रोग्राम के साथ। आकाशवाणी पर यह सिलसिला इस महीने यानी अप्रैल में 100वीं कड़ी के साथ जारी रहेगा। इसी विशेष मौके पर मन की बात कार्यक्रम से प्रधानमंत्री के चुनिंदा संबोधनों को फिर से प्रस्तुत किया जा रहा है। इस विशेष कार्यक्रम की 77वीं कड़ी में पेश है प्रधानमंत्री का वो विचार जिसमें उन्होंने गरीबी के लिए चलाई जा रही मुफ्त राशन व्यवस्था के लिए किसानों को बधाई दी। देश की कमान संभालते ही प्रधानमंत्री ने जिन चुनिंदा विषयों पर ध्यान दिया, उसमें खेती, किसानी प्रमुख रहा है। देश के अन्नदाता की हालत सुधारने के लिए उन्होंने कई कदम उठाए। किसानों की मेहनत का सम्मान करते हुए उन्होंने किसान सम्मान निधि योजना की शुरुआत की। मन की बात कार्यक्रम में कई बार उन्होंने किसानों का जिक्र किया है। उनके नवाचार को प्रोत्साहन दिया तो उनकी उपलब्धियों की चर्चा की है। सरकार की अहम योजना है, गरीबों को मुफ्त दिया जाने वाला राशन, 30 मई, 2021 को प्रसारित मन की बात कार्यक्रम में उन्होंने इसके लिए किसानों को धन्यवाद दिया है।
क्या आपको पता है, इस महामारी में भी हमारे किसानों ने रिकॉर्ड उत्पादन किया है। किसानों ने रिकॉर्ड उत्पादन किया तो इस बार देश ने रिकॉर्ड फसल खरीदी भी की। इस बार कई जगहों पर तो सरसों के लिए किसानों को एम एस पी से भी ज्यादा भाव मिला है। रिकॉर्ड खाद्यान्य उत्पादन की वजह से ही हमारा देश हर देशवासी को सम्बल प्रदान कर पा रहा है। आज इस संकटकाल में 80 करोड़ गरीबों को मुफ्त राशन उपलब्ध कराया जा रहा है, ताकि गरीब के घर में भी कभी ऐसा दिन न आए, जब चूल्हा न जले।
ईद-उल-फितर
ईद-उल-फितर के तिहार आज छत्तीसगढ़ समेत देसभर म उछाह के संग मनाय जात हे। रमज़ान के एक महीना के रोजा के बाद काली रतिहा चांद देख के आज ईद के उछाह मनाय जात हे। ईदगाह अउ मस्जिद मन बिसेस नमाज अदा करे गीस।
राष्ट्रपति द्रौपदी मुर्मु, उप राष्ट्रपति जगदीप धनखड़, प्रधानमंत्री नरेन्द्र मोदी, छत्तीसगढ़ के राज्यपाल विश्वभूषण हरिचंदन, मुख्यमंत्री भूपेश बघेल अउ विधानसभा अध्यक्ष डॉक्टर चरणदास महंत ह ईद-उल-फितर के बधाई दीन हे। उहें, राज्य हज कमेटी के अध्यक्ष मोहम्मद असलम खान ह घलो प्रदेसवासी मन ल ईद के मुबारकबाद दीन।
हल्बी-साप्ताहिक समाचार बुलेटिन
काली इतवार के ‘‘हल्बी‘‘ म साप्ताहिक समाचार बुलेटिन प्रसारित करे जाही। करीबन पन्द्रह मिनट बेरा के ए साप्ताहिक समाचार बुलेटिन बिहनिया साढ़े सात बजे ले आकाशवाणी केन्द्र, जगदलपुर ले प्रसारित करे जाही। एला बस्तर संभाग म सुने जा सकही।
जिले की चिट्ठी
प्रादेशिक समाचार एकांश आकाशवाणी रायपुर डहार ले जिले की चिट्ठी कार्यक्रम के प्रसारण काली संझा छै बजके पांच मिनट ले छै बजके दस मिनट तक करे जाही। ए कार्यक्रम ल छत्तीसगढ़ के जम्मों आकाशवाणी केंद्र मन ह रिले करही। ए बखत के अंक म ‘‘मुंगेली‘‘ जिला के बारे म जानकारी दे जाही।
मौसम
प्रदेस म मौसम बदलत हे। आज राज्य के कतकोन जघा म हवा-गरेर अउ बरसा होय के समाचार मिले हे। खबर के मुताबिक महासमुंद जिला के झलप अउ जशपुर जिला म जोरदरहा बरसा होय के खबर हवय। उहें, रायगढ़ अउ धमतरी म अंधड़ संग करा गिरे हे।
मौसम विभाग के मुताबिक प्रदेस म नमी वाले हवा आय के सेती मौसम बदलत हे अउ कतकोन जघा म अंधड़, हवा-गरेर के संग बरसा होवत हे।