सुकमा जिला म सुरक्षा बल अउ माओवादी मनके बीच मुठभेड़ म चार ले पांच माओवादी मनके घायल होय के खबर हे। पुलिस अधीक्षक सुनील शर्मा ह बताइन कि माओवादी कमांडर कोसी अउ मंगडू के उपस्थिति के सूचना म थाना कोंटा के अंतर्गत बेलपोच्चा, नुलकातांग, गोमपाड़ क्षेत्र म केंद्रीय रिजर्व पुलिस बल अउ डीआरजी के जवान मन ल रवाना करे गे रीहिस, इही दउरान बीहनिया बंडा कन्हईगुड़ा करा सड़क म माओवादी मन गोलीबारी शुरू कर दीन। सुरक्षा बल मन कोति ले करे गे जवाबी कार्रवाई के बाद माओवादी जंगल कोति भाग गीन। सुरक्षा बल ह मुठभेड़ म चार ले पांच माओवादी मनके घायल होय के दावा करे हे।
उंहे नारायणपुर जिला म सुरक्षा बल ह पांच किलो वजनी प्रेशर कुकर आईईडी बरामद करे हे, जेला बम निरोधक दस्ता ह मउकाच म निष्क्रिय कर दीस।
इही जिला म माओवादी मन नारायणपुर ओरछा मार्ग म ग्राम कापसी म माइंस के एक वाहन म आगी लगा दीन।
ट्रेन परिचालन
दक्षिण पूर्व मध्य रेलवे के बिलासपुर-कटनी रेलखंड म पाछू उन्नीस अप्रैल के सिंहपुर स्टेशन म होय रेल दुर्घटना के सेती ए रद्दा म रेल के अवई जवई प्रभावित हे। काली देर रात ले ए रेलखंड के एक लाइन म ट्रेन के परिचालन शुरू कर देहे।
उंहे आज नर्मदा एक्सप्रेस, अउ कटनी-चिरमिरी एक्सप्रेस ट्रेन ल रद्द कर दे गेहे। एखरे संग दुर्ग-निजामुद्दीन हमसफर एक्सप्रेस अउ रायपुर-लखनउ गरीब रथ एक्सप्रेस ल गोंदिया के रास्ते चलाये जात हे। एखर अलावा बिलासपुर-शहडोल स्पेशल ट्रेन बिलासपुर-अनुपपूर बिलासपुर के बीच अउ शहडोल-अंबिकापुर स्पेशल पैसेंजर अनुपपूर अउ अंबिकापुर के बीच चलही। उंहे अंबिकापुर ले चलइया अंबिकापुर-जबलपुर एक्सप्रेस बिजुरी स्टेशन तक ही चलाये जाही ।
मन की बात
अब सुनव आकाशवाणी के लोकप्रिय कार्यक्रम प्रधानमंत्री के मन की बात पर आधारित विशेष श्रृंखला। आज के कड़ी के विषय हे- प्रधानमंत्री के किसान मनके बीच नवाचार के भावना म विचार।
लोग, आवाज और सीधा संवाद यानी आपके हम सबके मन की बात। जी हां, ऐसे ही करोड़ों लोगों से जुड़ जाते हैं, हमारे प्रधानमंत्री हर महीने मन की बात प्रोग्राम के साथ। आकाशवाणी पर यह सिलसिला इस महीने यानी अप्रैल में 100वीं कड़ी के साथ जारी रहेगा। इसी विशेष मौके पर मन की बात कार्यक्रम से प्रधानमंत्री के चुनिंदा संबोधनों को फिर प्रस्तुत किया जा रहा है। इस विशेष कार्यक्रम की 75वीं कड़ी में पेश है, प्रधानमंत्री का वो विचार जिसमें उन्होंने खेती किसानी में नवाचार को बढ़ाने पर जोर दिया है। भारत में खेती-किसानी सिर्फ अन्न उपजाने का ही जरिया नहीं है, बल्कि रोजगार का भी सबसे बड़ा साधन है। आजादी के तुरंत बाद देश की जीडीपी में इसकी 60 फीसदी से ज्यादा की हिस्सेदारी थी। लेकिन अब वह घटकर 18 प्रतिशत ही रह गई है, यानी 18 प्रतिशत पर जनसंख्या का सबसे बड़ा हिस्सा निर्भर है। प्रधानमंत्री की कोशिश है कि इस हालात में बदलाव किया जाए। प्रधानमंत्री का मानना है कि जब तक खेती में नवाचार नहीं बढेगा हालात नहीं बदलेंगे। अपने इसी विचार को उन्होंने 28 मार्च 2021 को प्रसारित मन की बात में जाहिर किया है।
भारत के कृषि जगत में – आधुनिकता, ये समय की मांग है। बहुत देर हो चुकी है। हम बहुत समय गंवां चुके हैं। एग्रीकल्चर सेक्टर में रोजगार के नए अवसर पैदा करने के लिए, किसानों की आय बढ़ाने के लिए, परंपरागत कृषि के साथ ही, नए विकल्पों को, नए-नए इनोवेशन को, अपनाना भी उतना ही जरूरी है। वाइट रेवोल्यूशन के दौरान, देश ने, इसे अनुभव किया है। अब बी फार्मिंग भी ऐसा ही एक विकल्प बन करके उभर रहा है। बी फार्मिंग देश में शहद क्रांति या स्वीट रेवोल्यूशन का आधार बना रही है। बड़ी संख्या में किसान इससे जुड़ रहे हैं, इनोवेशन कर रहे हैं।
बातों-बातों-में
प्रादेशिक समाचार एकांश डहार ले समसामयिक विषय म आधारित साप्ताहिक कार्यक्रम ‘‘बातों-बातों-में‘‘ ए बखत वन डिस्ट्रिक्ट-वन प्रोडक्ट योजना उपर विशेष भेंटवार्ता प्रसारित करे जाही। ए योजना के संबंध म जानकारी हासिल करे बर आकाशवाणी सामचार ह बात करीन- राज्य लघु वनोपज संघ के सलाहकार हर्ष चतुर्वेदी ले। ए भेंटवार्ता के प्रसारण आकाशवाणी के रायपुर केन्द्र डहार ले काली बिहनिया नौ बजके तीस मिनट म करे जाही। एला छत्तीसगढ़ के जम्मों आकाशवाणी केन्द्र एके संगरा रिले करही।
कौशल्या महोत्सव
रायपुर करा स्थित भगवान श्रीराम के ननिहाल अउ माता कौशल्या के मंदिर चंदखुरी म काली बाईस ले चौबीस अप्रैल तक माता कौशल्या महोत्सव के आयोजन करे जाही।
मुख्यमंत्री भूपेश बघेल काली ये महोत्सव के शुभारंभ करही। तीन दिन के ये महोत्सव म देश अउ प्रदेश के जाने माने कलाकार मानसगान, भक्ति गीत, नृत्य अउ भजन प्रस्तुत करही। महोत्सव के पहिली दिन काली वाराणसी के व्योमेश शुक्ला अउ मुंबई के कविता पौडवाल भक्तिमय गीत अउ भजन के प्रस्तुति दीही। उंहे दूसरा दिन तेईस अप्रैल के मुंबई के रमिन्दर खुराना भक्तिमय शास्त्री नृत्य वाटिका अउ भिलाई के प्रभंजय चतुर्वेदी भजन प्रस्तुत करही। महोत्सव के आखरी दिन चौबीस अप्रैल के रायगढ़ के देवेश शर्मा अउ मुंबई के तृप्ति शाक्या भक्तिमय गीत संगीत अउ भजन के प्रस्तुती दीहीं। एखरे संघरा महोत्सव के तीन दिन छत्तीसगढ़ के सुप्रसिद्ध मानस मंडली मन डहार ले मानस गान घलो करे जाही।
अक्ष्य तृतीया-माटी पूजन दिवस
प्रदेश म अक्षय तृतीया के परब काली बाईस अप्रैल के माटी पूजन दिवस अउ अक्ती तिहार के रूप म मनाये जाही। ए मउका म इंदिरा गांधी कृषि विश्वविद्याय म राज्य स्तरीय बीज पूजा अउ माटी पूजन कार्यक्रम के आयोजन करे जाही।
ए मउका म मुख्यमंत्री भूपेश बघेल विश्वविद्यालय के प्रक्षेत्र म बीजा मनके पूजा के बाद खेत म बोआई करही। मुख्यमंत्री विश्वविद्यालय परिसर म नवा बने कृषक सभागार के लोकार्पण करे के संगेसंग महात्मा गांधी उद्यानिकी अउ वानिकी विश्वविद्यालय के कैम्प कार्यालय के उद्घाटन करही। एखर अलावा श्री बघेल कृषि महाविद्यालय परिसर म नवा बने क्ल्स्टर क्लासरूम के घलो लोकार्पण करही।
कार्यक्रम के दउरान श्री बघेल विश्वविद्यालय डहार ले उत्पादित उन्नत किस्म के उच्च गुणवत्तायुक्त अउ प्रमाणीकृत बीजा मनके इंदिर बीज ब्रान्ड नेम ले लॉंच करहीं। उंहे कृषक सम्मेलन म किसान मन ल उन्नत बीज, पौध सामग्री अउ कृषि उपकरण दीही।
सेना भर्ती परीक्षा
भारतीय सेना म अग्निवीर सैनिक बने बर छत्तीसगढ़ के नौजवान मन म बड़ उत्साह दिखत हे। अग्निवीर सैनिक के भर्ती बर ऑनलाईन परीक्षा पाछू सतरा अप्रैल ले शुरू होगे हे जउन ह छब्बीस अप्रैल तक चलही। ये दउरान ए परीक्षा हर एक दिन तीन पाली म होही। उम्मीदवार अपन प्रवेश पत्र भारतीय सेना के वेबसाईट ले डाउनलोड कर सकत हे। राज्य म ऑनलाइन परीक्षा बर रायपुर, भिलाई अउ बिलासपुर म केंद्र बनाय गेहे।
रायपुर स्थित सेना भर्ती कार्यालय के प्रभार अधिकारी राधेश्याम ह बताइन कि चौबीस ले छब्बीस अप्रैल तक अग्निवीर, धर्मगुरू अउ फार्मेसी सहायक के पद म भर्ती बर परीक्षा ले जाही।
पहाड़ी कोरवा/बिरहोर नियुक्ति पत्र
जशपुर जिला के विशेष पिछड़ी जनजाति पहाड़ी कोरवा अउ बिरहोर जनजाति के एक सौ बंयालिस युवा मन ल सहायक शिक्षक के पद म नियुक्ति दे गेहे।
मुख्यमंत्री भूपेश बघेल ह आज रायपुर स्थित अपन निवास कार्यालय म आयोजित कार्यक्रम म ए युवा मन ल वर्चुअल रूप ले नियुक्ति पत्र बांटीन।