मुख्यमंत्री भूपेश बघेल ह आज राज्य के गैर अनुसूचित क्षेत्र मन बर मुख्यमंत्री छत्तीसगढ़ी पर्व सम्मान निधि योजना के शुरूआत करीन। रायपुर स्थित अपन निवास कार्यालय म राखे गे कार्यक्रम म मुख्यमंत्री ह आदिवासी परब सम्मानि निधि योजना के तर्ज उपर छत्तीसगढ़ी पर्व सम्मान निधि योजना के शुरूआत करीन। ये योजना राज्य के इकसठ विकासखंड के छै हजार एक सौ ग्यारा ग्राम पंचायत मन म लागू करे जाही।
ए योजना के इकाई ग्राम पंचायत होही। योजना के तहत तीज-तिहार मनाये बर हर ग्राम पंचायत ल दू किस्त म दस हजार रूपिया के राशि दे जाही।
गोधन न्याय योजना-राशि अंतरण
मुख्यमंत्री भूपेश बघेल ह आज गोधन न्याय योजना के हितग्राही मनके खाता म करीबन साढ़े चार करोड़ रूपिया ऑनलाइन जमा कराए हे। अपन रायपुर स्थित निवास कार्यालय म वीडियो कॉन्फ्रेंस के माध्यम ले आयोजित कार्यक्रम म मुख्यमंत्री ह कहिन कि गर्मी के मौसम म प्रदेश के जम्मों गौठान म पशु मन बर चारा, पानी अउ छाया के बेवस्था सुनिश्चित करे जाय।
मुख्यमंत्री अपील
प्रदेश म सरलग बाढ़त गर्मी ल देखत हुए मुख्यमंत्री भूपेश बघेल ह लोगन मनले गर्मी और लू ले बांचे के अपील करे हे। ओमन गर्मी अउ लू ले बचाव बर प्रशासनिक स्तर म सबो जरूरी इंतजाम सुनिश्चित करे के निर्देश घलो देहे। मुख्यमंत्री के निर्देश के बाद राजस्व अ आपदा प्रबंधन विभाग डहार ले प्रदेश के जम्मों कलेक्टर मन ल गर्मी अउ लू ले बचाव बर जरूरी कदम उठाय के संबंध म चिट्ठी लिखे हे। राजस्व विभाग ह जम्मों जिला मन म नोडल अधिकारी नियुक्त करे के निर्देश घलो दे गेहे।
ट्रेन परिचालन
दक्षिण पूर्व मध्य रेलवे के बिलासपुर-कटनी रेलखंड म काली बीहनिया सिंहपुर स्टेशन म मालगाड़ी के पटरी ले उतरे के सेती ए रद्दा म रेल के अवई जवई प्रभावित होय हे। रेलवे अधिकारी के मुताबिक आज चिरमिरी-अनूपपुर ट्रेन के संग चिरमिरी-कटनी, बिलासपुर-शहडोल अउ शहडोल-अंबिकापुर ट्रेन ल रद्द करे गीस हे। एखरे संग जबलपुर-अंबिकापुर, इंदौर-बिलासपुर, अउ बिलासपुर-रीवा एक्सप्रेस ल घलो रद्द कर देहे। उंहे अमरकंटक एक्सप्रेस, सरनाथ एक्सप्रेस अउ नवतनवा एक्सप्रेस ल गोंदिया के रद्दा ले चलाये जावत हे।
मन की बात
अब सुनव आकाशवाणी के लोकप्रिय कार्यक्रम प्रधानमंत्री के मन की बात पर आधारित विशेष श्रृंखला। आज की कड़ी का विषय हे- प्रधानमंत्री का कोरोना वैक्सीन पर विचार।
लोग, आवाज और सीधा संवाद यानी आपके हम सबके मन की बात। जी हां, ऐसे ही करोड़ों लोगों से जुड़ जाते हैं, हमारे प्रधानमंत्री हर महीने मन की बात प्रोग्राम के साथ। आकाशवाणी पर यह सिलसिला इस महीने यानि अप्रैल में 100वीं कड़ी के साथ जारी रहेगा। इसी विशेष मौके पर मन की बात कार्यक्रम से प्रधानमंत्री के चुनिंदा संबोधनों को फिर प्रस्तुत किया जा रहा है। इस विशेष कार्यक्रम की 73वीं कड़ी में पेश है, प्रधानमंत्री का कोरोना वैक्सीन पर विचार। जिसमें उन्होंने वैक्सीन कूटनीति और भारत की कामयाबी की बात की है। एक दौर था जब भारत दवाओं और वैक्सीन के लिए विशेषकर पश्चिमी मुल्कों पर निर्भर था, लेकिन अब हालात बदल गए हैं। कोरोना की महामारी से जब दुनिया घबराई हुई थी, भारतीय वैज्ञानिकों ने इसे चुनौती की तरह लिया। इसका असर हुआ भारतीय वैज्ञानिकों ने रिकॉर्ड समय में कोरोना की वैक्सीन बना डाली। इसके बाद हमारे उत्पादकों ने कमान संभाली और वैक्सीन की इतनी खुराकें बनने लगी कि उससे देश में कोरोना टीकाकरण तो तेज हुआ ही भारत विदेशों को भी वैक्सीन का निर्यात करने लगा। भारत की इस कामयाबी को 31 जनवरी 2021 को प्रसारित मन की बात कार्यक्रम में प्रधानमंत्री ने यूं याद किया है।
(जैसे कोरोना के खिलाफ भारत की लड़ाई एक उदाहरण बनी है, वैसे ही अब हमारा वैक्सीनेशन प्रोग्राम भी दुनिया में एक मिसाल बन रहा है। आज भारत दुनिया का सबसे बडा कोविड वैक्सीन प्रोग्राम चला रहा है। आप जानते हैं और भी ज्यादा गर्व की बात क्या है हम सबसे बड़े वैक्सीन प्रोग्राम के साथ ही, दुनिया में सबसे तेज गति से अपने नागरिकों का वैक्सीनेशन भी कर रहे हैं।)
सेना भर्ती परीक्षा
भारतीय सेना म अग्निवीर सैनिक बने बर छत्तीसगढ़ के नौजवान मन म बड़ उत्साह दिखत हे। अग्निवीर सैनिक के भर्ती बर ऑनलाईन परीक्षा पाछू सतरा अप्रैल ले शुरू होगे हे जउन ह छब्बीस अप्रैल तक चलही। ये दउरान हरएक दिन ये परीक्षा तीन पाली म होही। उम्मीदवार अपन प्रवेश पत्र भारतीय सेना के वेबसाईट ले डाउनलोड कर सकत हे। राज्य म ऑनलाइन परीक्षा बर तीन ठिन केंद्र रायपुर, भिलाई अउ बिलासपुर म बनाय गेहे।
सीआरपीएफ स्थापना दिवस
सुकमा जिला के माओवाद प्रभावित क्षेत्र म तैनात केंद्रीय रिजर्व पुलिस बल-सीआरपीएफ के दू सौ तेईसवां बटालियन के मुख्यालय म स्थापना दिवस मनाये गीस। ए मउका म विविध कार्यक्रम राखे गीस। कार्यक्रम म सीआरपीएफ के जवान मन ह देश क आने आने राज्य के लोक नृत्य पेस करे के संगेसंग ए जवान मन ह शौर्य खेल के प्रदर्शन घलो करीन। ए कार्यक्रम म स्थानीय स्कूल लईका मन ह घलो सांस्कृतिक कार्यक्रम प्रस्तुत करीन।
चिरमिरी खदान हादसा
मनेंद्रगढ़-चिरमिरी-बैकुंठपुर जिला के गढ़तर जंगल म छुई-माटी के खदान धसके ले चार मनखे मनके मउत होगे। राहत दल के कर्मचारी मन डहार ले तीन माइलोगिन अउ एक पुरूष के शव ल निकाल ले गेहे। ए शव मन ल पोस्टमार्टम बर बैकुंठपुर मुख्यालय भेजे गेहे। खदान म अभी घलो कुछएक मनखे के दबे होय के आशंका जताय जावत हे। बांचे घायल मन ल बैकुंठपुर अस्पताल म भर्ती कराय गेहे।
मुख्यमंत्री भूपेश बघेल ह बंजारीडांड खदान म हुए हादसा म मृतक गांव वाले मन बर शोक जतइन हे। मुख्यमंत्री ह जिला प्रशासन ल पीड़ित परिवार मनके हरसंभव मदद के निर्देश घलो दीन।
माओवादी समाचार
बीजापुर जिला म पुलिस ह कचलावारी के जंगल ले पांच झिन माओवादी ल गिरप्तार करे हे। पुलिस के मुताबिक जांगला थाना ले डीआरजी के जवान थोरिक बेरा पहिली होय मुठभेड़ के बाद तलाशी अभियान म निकले रीहिन, तभेच ओमन ल जंगल म माओवादी के मौजूद होय के खबर मिलिस। पुलिस ह तुरते घेराबंदी करके पांच झिन माओवादी मन ल गिरप्तार कर लीन। घटनास्थल ले पुलिस ह पांच किलो वजनी टिफिन बम अउ बिजली के तार के संग विस्फोटक बरामद करे हे।
उंहे बीजापुर जिला के नेलसनार इलाका म तलाशी अभियान म निकले सुरक्षा बलके टुकड़ी के एक जावन ह प्रेशर बम के चपेट म आय ले घायल होगे।
तेजाब हमला
बस्तर जिला के आमाबल गांव म काली रतिहा शादी समारोह के दउरान अज्ञात मनखे मन ह दूल्हा-दूल्हन अउ कुछएक आने मनखे मन उपर तेजाब छिड़क के ओमन ल घायल कर दीस। ओ बेरा शादी के रसम चलत रीहिस। ए घटना म बड़ लोगन मनके झुलसे के खबर हे।
श्रम मंत्रालय-आउटसोर्स
केंद्रीय श्रम मंत्रालय ह राज्य अउ केंद्रशासित प्रदेश मनले आग्रह करे हे कि ओमन सरकारी ऑफिस म आउटसोर्स के आधार म लगे संविदा कर्मचारी मनके अधिकार के रक्षा बर अनुबंध म वैधानिक दायित्व ल घलो शामिल करंय। केंद्रीय श्रम अउ रोजगार मंत्रालय ह हालेच म अनुबंधित श्रमिक मनके हित के रक्षा बर आउटसोर्स एजेंसी मनके माध्यम ले लोगन मन ल काम म राखे के अनुबंध म सरकारी ई-मार्केटिंग पोर्टल म छै वैधानिक दायित्व ल शामिल करे गीस।