केंद्रीय ग्रामीण विकास मंत्री गिरीराज सिंह ह आज संगठन से समृद्धि योजना के शुरूआत करीन। ये अभियान जम्मों पात्र गांव के माइलोगन अउ खुद सहायता समूह म लाके ओमन ल मजबूत बनाही। ए मउका म केंद्रीय मंत्री ह कहिन कि सरकार के लक्ष्य दस करोड़ माइलोगन ल खुद सहायता समूह ले जोड़े के हे।
ओमन उछाह जताइन कि मई दू हजार चौदा म ये संख्या सिरिफ दू करोड़ पैंतीस लाख रीहिस, जउन अब बाढ़के नौ करोड़ ले जादा होगे हे। ओमन कीहिन कि सरकार ह स्वयं सहायता समूह ले जुड़े हरएक माइलोगिन के आमदनी हरएक बछर एक लाख रूपिया करे के लक्ष्य राखे हे।
माओवादी विधायक हमला
बीजापुर जिला म आज कांग्रेस विधायक विक्रम मंडावी के काफिला म माओवादी मन कोति ले हमला करे के खबर हे।
जानकारी के मुताबिक माओवादी मन ह श्री मंडावी के काफिला म शामिल जिला पंचायत सदस्य पार्वती कश्यप के गाड़ी म फायिंरग करीन। श्री मंडावी गंगालूर हाट बाजार म नुक्कड़ सभा करके लहुटत रीहिन हे, तभे पद्देड़ तीर अचानक माओवादी मन ह फायरिंग शुरू कर दीन। काफिला म शामिल सबो झन सुरक्षित बताये जात हे।
माओवादी मुठभेड़
बीजापुर जिला म सुरक्षा बल अउ माओवादी मनके बीच होय मुठभेड़ म एक झिन माओवादी मारे गेहे। उंहे दू झिन ल गिरप्तार करे गेहे। पुलिस अधीक्षक अांजनेय वार्ष्णेय ह घटना के पुष्टि करीन हे। खबर के मुताबिक नैमेड़ थाना क्षेत्र के रेड्डी कैंप ले आज बीहनिया डीआरजी के टीम गश्त म निकले रीहिस। इही बेरा कचलावारी म माओवादी मन संग सुरक्षा बलके मुठभेड़ होगे। मुठभेड़ के बाद घटना के जगा ले सर्चिंग के बेरा सुरक्षा बल ह एक माओवादी के शव बरामद करे हे, उंहे दू माओवादी ल गिरप्तार करीन ह।
इही जिला म बड़े तुंगाली नाला तीर माओवादी मन कोति ले लगाये गे बम के चपेट म आय ले डीआरजी के एक सहायक आरक्षक घायल होगे हे, जउन ल इलाज बर बीजापुर अस्पताल लाये गेहे।
ओति नारायणपुर जिला के छोटे डोंगर थाना क्षेत्र के राजपुर के जंगल म सुरक्षा बल ह माओवादी कोति ले लगाये गे पांच किलो के आईईडी बरामद करे हे जउन ल मउकाच म नष्ट कर दे गीस।
राज्य पुलिस अकादमी दीक्षांत समारोह
रायपुर जिला के चंदखुरी के नेताजी सुभाष चंद्र बोस राज्य पुलिस अकादमी म आज बारहवां बैच के प्रशिक्षु उप पुलिस अधीक्षक मन बर दीक्षांत समारोह राखे गीस। ये बेरा म पच्चीस झिन प्रशिक्षण ले उप पुलिस अधीक्षक मन ह पासिंग आउट परेड म भाग लीन। मुख्यमंत्री भूपेश बघेल ह दीक्षांत समारोह म परेड के सलामी लीन।
कार्यक्रम म मुख्यमंत्री ह प्रशिक्षण के बेरा बने प्रदर्शन करइया उप पुलिस अधीक्षक मन ल सम्मानित करीन। ए बेरा म मुख्यमंत्री ह प्रशिक्षण लेके अकादमी ले जवइया पुलिस अधीकारी मन ल शुभकामना दीन अउ भरोसा जताइन कि ओमन अपन कर्त्तव्य के पालन इमानदारी ले करही।
उंहे गृहमंत्री ताम्रध्वज साहू ह प्रशिक्षण ले अधिकारी मन ल अपन सेवा दे खातिर पुलिस विभाग ल चुने म बधाई दीन। कार्यक्रम के बेरा मुख्यमंत्री ह राज्य पुलिस अकादमी म भारत के महान स्वतंत्रता संग्राम सेनानी नेताजी सुभाष चंद्र बोस के प्रतिमा के अनावरण करीन। एखर संगेसंग ओमन अकादमी के नवा बने बैरक के लोकार्पण करीन।
महानदी जल बटवारा निरीक्षण
महानदी जल बटवारा ल लेके छत्तीसगढ़ अउ ओडिशा के दावा के समाधान खातिर बेसिन क्षेत्र के जांच आजले शुरू होगे हे। पहिली पारी अठारा अप्रैल ले बाईस अप्रैल तक अउ दूसर चरण उनतीस अप्रैल ले तीन मई तक चलही। ये निरीक्षण म महानदी के उद्गम क्षेत्र ले छत्तीसगढ़ राज्य के सीमा अउ जिला रायगढ़ तक के क्षेत्र शामिल होही। एखर बाद ओडिशा राज्य के महानदी बेसिन क्षेत्र म अइसने महानदी जल विवाद अधिकरण के पृथक आदेश के मुताबिक निरीक्षण करे जाही।
खबर के मुताबिक छत्तीसगढ़ अउ ओडिशा के बीच महानदी के जल बटवारा ल लेके उपजे विवाद ल सुलझाये खातिर सुप्रीम कोर्ट के आदेश म तीन सदस्यीय महानदी जल विवाद अधिकरण के गठन करे गेहे। जेखर अभी तक छत्तीस सुनवाई होगे हे।
कृषि विवि दीक्षांत समारोह
रायपुर के इंदिरा गांधी कृषि विश्वविद्यालय के नौवां दीक्षांत समारोह आज राखे गीस। समारोह के अगवई राज्यपाल विश्वभूषण हरिचंदन ह करीन। उंहे माइपहुना के रूप म मुख्यमंत्री भूपेश बघेल संघरीन।
समारोह म साढ़े पांच हजार ले जादा विद्यार्थी मन ल उपाधि दे गीस। उंहे मेघावी विद्यार्थी मन ल बांसठ स्वर्ण, एक सौ चालीस रजत, अउ तेईस कांस्य पदक दे गीस।
मन की बात-विशेष श्रृंखला
आकाशवाणी के लोकप्रिय कार्यक्रम प्रधानमंत्री के मन की बात म आधारित विशेष श्रृंखला- आज के कड़ी के विषय हरय- भारत में सदियों से जारी किस्सागोई की परंपरा। लोग, आवाज और सीधा संवाद यानी आपके हम सबके मन की बात। जी हां, ऐसे ही करोड़ों लोगों से जुड़ जाते हैं हमारे प्रधानमंत्री हर महीने मन की बात प्रोग्राम के साथ। आकाशवाणी पर यह सिलसिला इस महीने यानि अप्रैल में 100वीं कड़ी के साथ जारी रहेगा। इस विशेष मौके पर मन की बात कार्यक्रम से प्रधानमंत्री के चुनिंदा संबोधनों को फिर प्रस्तुत किया जा रहा है। इस विशेष कार्यक्रम की 69वीं कड़ी में पेश है प्रधानमंत्री के लीक से हटकर के विचार, जिसमें भारत में सदियों से जारी किस्सागोई की परम्परा को याद किया। हज़ारों साल से अपने यहां सुनने और सुनाने की परम्परा रही है। वेदों के बारे में कहा जाता है कि लोक की यादों में हज़ारों साल तक वेद इसी तरह बने रहे। गांवों में चौपालों की कल्पना तो किस्सागोई के बिना नहीं की जा सकती। जब संचार के आधुनिक साधन नहीं थे, तो बिस्तर पर बच्चों को नींद के झोंके में डुबाने वाली दादी-नानी की कहानियों को कौन भूल सकता है। प्रधानमंत्री ने किस्सागोई की इस परम्परा को विशेष रूप से याद किया 27 सितम्बर 2020 को प्रसारित मन की बात कार्यक्रम में, जिसमें प्रधानमंत्री ने किस्सागोई की विशेषताएं बताते हुए उसे बचाए रखने पर ज़ोर दिया है।
(साथियो, भारत में कहानी कहने की, या कहें किस्सा-गोई की, एक समृद्ध परंपरा रही है। हमें गर्व है कि हम उस देश के वासी है, जहाँ, हितोपदेश और पंचतंत्र की परंपरा रही है, जहाँ, कहानियों में पशु-पक्षियों और परियों की काल्पनिक दुनिया गढ़ी गयी, ताकि, विवेक और बुद्धिमता की बातों को आसानी से समझाया जा सके। हमारे यहाँ कथा की परंपरा रही है। यह धार्मिक कहानियां कहने की प्राचीन पद्धति है। इसमें कथाकार भी शामिल रहा है। हमारे यहां तरह-तरह की लोककथाएं प्रचलित हैं।
कोरोना समाचार
प्रदेश म कोरोना संक्रमण के बाढ़त मामला ल देखत स्वास्थ्य मंत्री टीएस सिंहदेव ह स्वास्थ्य विभाग ल एलर्ट रेहे बर केहे हे। ओमन विभागीय अधिकारी के बइठका लेके रोज दस हजार सैंपल के जांच करे के निर्देश देहे।
काली प्रदेशभर म होय पांच हजार छै सौ बीस सैंपल के जाचं म चार सौ छिहत्तर मनखे कोरोना संक्रमित पाय गीन। एला मिलाके राज्य म कोरोना के सक्रिय मरीज के संख्या बाढ़के दू हजार दू सौ बाईस होगे हे।
सेना भर्ती परीक्षा
भारतीय सेना म भर्ती बर ऑनलाईन परीक्षा काली ले शुरू होगे हे। ये परीक्षा छब्बीस अप्रैल तक चलही अउ हरएक दिन ये परीक्षा तीन पाली म होही। उम्मीदवार अपन प्रवेश पत्र भारतीय सेना के वेबसाईट ले डाउनलोड कर सकत हे। राज्य म ऑनलाइन परीक्षा बर तीन ठिन केंद्र रायपुर, भिलाई अउ बिलासपुर म बनाय गेहे।
भिलाई म सिरसाकला के पार्थिवी कॉलेज ऑफ इंजीनियरिग एंड मैनेजमेंट, बिलासपुर के बोडरी म लक्ष्मीचंद इंस्टीट्यूट ऑफ टेक्नालॉजी अउ रायपुर के सरोना म पार्थिवी प्रो प्रोवाइन कमर्शियल काम्पलेक्स ल परीक्षा केंद्र बनाय गेहे। भारतीय सेना ह उम्मीदवार मन ल केहे हे कि ओमन प्रवेश पत्र म देगे जम्मों निर्देश के पालन करत तय समय सीमा म परीक्षा केंद्र पहुंचय।
दिव्यांग खिलाड़ी सम्मान
समाज कल्याण मंत्री अनिला भेड़िया ह आज रायपुर म राखे गे एक कार्यक्रम म बने प्रदर्शन करइया राज्य के पंद्रह झिन दिव्यांग खिलाड़ी मन ल स्पोर्टस व्हील चेयर दीन। ये बेरा म ओमन कीहिन कि ये खिलाड़ी मन ह अपन शारीरिक समस्या ल भुलाके छत्तीसगढ़ राज्य के मान बढ़ाय हे। श्रीमती भेड़िया ह कीहिन कि राज्य सरकार अउ समाज कल्याण विभाग कोति ले दिव्यांग खिलाड़ी मनके मदद करे जाही।