गोधन न्याय योजना राशि अंतरण
मुख्यमंत्री भूपेश बघेल ह गोधन न्याय योजना के तहत हितग्राही मनके खाता म आठ करोड़ तीन लाख रूपिया के राशि ऑनलाइन भेजीन। एमा गौठान म पशुपालक, ग्रामीण, किसान अउ भूमिहीन मनले एक ले पंद्रह जनवरी के बीच खरीदे गे गोबर के बदला म चार करोड़ सत्ताईस लाख रूपिया, गौठान समिति मन ल दू करोड़ तेईस लाख रूपिया अउ महिला स्व सहायता समूह ल एक करोड़ तिरपन लाख रूपिया के लाभांश राशि शामिल हे। खबर के मुताबिक प्रदेश म बीस जुलाई दू हजार बीस ले गोधन न्याय योजना के शुरूआत करे गेहे ।
एखर पहिली घलो जिला के तीन झन लईका मन ल राष्ट्रीय वीरता पुरस्कार मिले हवय। एखर अलावा दू झन लइका मन ल राज्य वीरता पुरस्कार घलो मिले हे।
कोंडागांव मक्का प्रसंस्करणकोंडागांव जिला के कोकोड़ी म मक्का प्रसंस्करण उपर आधारित प्रदेश के पहिली इथेनॉल प्लांट अब मूर्तरूप लेवत हे। मक्का प्रसंस्करण प्लांट ल अवइया जून महीना तक पूरा करे के लक्ष्य राखे गेहे। कलेक्टर दीपक सोनी समेत जिला प्रशासन के अधिकारी-कर्मचारी, जनप्रतिनिधि अउ ग्रामीण मन ह श्रमदान करके प्लांट के निर्माण म अपन योगदान दीन। ए दउरान जम्मों लोगन ह श्रमिक मनके संग क्रांकीटीकरण अउ रेत-मूरम फिलिंग के काम घलो करीन। ए मउका म कलेक्टर ह कीहिन कि मक्का प्रसंस्करण प्लांट जिला के मक्का उत्पादक किसान मनके आर्थिक समृद्धि के द्वार खोलही, जेखर ले करीबन पैंतालिस हजार लोगन ल फायदा मिलही।
आकांक्षी जिला बैंककेंद्र सरकार ह बैंकर मनले आहवान करीन हे कि ओमन आकांक्षी जिला म आबादी वाले सबो गांव के पांच किलोमीटर के दायरा म कमती ले कमती एक ठन बैंक खुलवावंय। केंद्रीय वित्त विभाग के सचिव डॅाक्टर विवेक जोशी ह नई दिल्ली म आकांक्षी जिला के जिला प्रबंधक अउ राज्य स्तरीय बैंकर के समिति के संयोजक मन संग काली एक ठन समीक्षा बइठका के अगवई करीन। ओमन बैंक मनले यहू घलो कीहिन कि ओमन ह एक सौ बारा आकांक्षी जिला म साख बढ़ाय बर काम करय।
जिले की चिट्ठीप्रादेशिक समाचार एकांश आकाशवाणी रायपुर डहार ले जिले की चिट्ठी कार्यक्रम के प्रसारण काली संझा छै बजके पांच मिनट ले छै बजके दस मिनट तक करे जाही। ए कार्यक्रम ल छत्तीसगढ़ के जम्मों आकाशवाणी केंद्र मन ह रिले करही। ए बखत के अंक म जांजगीर-चांपा जिला के बारे म जानकारी दे जाही।
गणतंत्र दिवस दिशा-निर्देशप्रदेश म गणतंत्र दिवस म छब्बीस जनवरी के स्कूल मन म होवइया कार्यक्रम के बारे म सरकार ह निर्देश जारी करे हे कि एमा स्कूल म राज्य अउ जिला स्तर म स्कूली लइका मनके कार्यक्रम कराय जा सकही। एखर पहिली कोरोना के सेती सरकार ह सांस्कृतिक कार्यक्रम नइ कराय के फैसला करे रीहिस। फेर अभी कोरोना उपर नियंत्रण ल देखत ये निर्देश ल जारी करे गेहे।
ु कार्यक्रम के मुख्य अतिथि सांसद सुनील सोनी ह पच्चीस झन उम्मीदवार मन ल अउ रायपुर के केंद्र सरकार के आने आने कार्यालय प्रमुख ह इंक्यानवे झन नवा कर्मचारी मन ल नियुक्ति पत्र दीन।
ये मउका म सांसद सोनी ह नवा नियुक्त उम्मीदवार मन ल बधाई देवत ओमन ल कर्मयोगी बने के आह्वान करीन। ओमन बताइन कि केंद्र सरकार ह युवा मन ल बने रोजगार देवाय बर प्रतिबद्ध हे।
उंहे पार्टी के प्रदेश प्रवक्ता अउ विधायक अजय चंद्राकर ह बताइन कि पाछू दिन होय राष्ट्रीय कार्यकारिणी के बइठका म प्रधानमंत्री नरेंद्र मोदी ह सेवा, सहयोग, समन्वय अउ समर्पण के मंत्र दीन हे। ओमन ह समाज के आखरी पंक्ति के आखरी मनखे तक राहत सुविधा अउ विकास पहुंचाइन हे। उंखर नेतृत्व म देश ह विकास के राजनीति कोति बढ़त हे। श्री चंद्राकर ह आरोप लगाइन कि केंद्र सरकार डहार ले उपराहा सहयोग अउ यूपीए सरकार के मुकाबला पांच गुना राशि दे जाय के बाद घलो छत्तीसगढ़ के कांग्रेस सरकार ह पाछू चार बछर ले विकास के कोनो काम नइ करे हे।
क्रिकेट मैच
नवा रायपुर के शहीद वीर नारायण सिंह अंतर्राष्ट्रीय क्रिकेट स्टेडियम म भारत अउ न्यूजीलैंड के बीच खेले जावत एक दिवसीय मैच म भारत जीत गए हावय। भारत ह 8 विकेट से जितीस।
इही बीच जिला के चिंतलनार-मोरपल्ली रद्दा म माओवादी मन ह पुल बनाये के काम म लगे दू ठन गाड़ी म आगी लगा दीन।
मिले जानकारी के अनुसार चर्चा थाना क्षेत्र के सरडी गांव म काली रतिहा करीबन साढ़े बारा बजे ट्रेलर ह फटफटी ल टक्कर मार दीस । ये हादसा म दू झनके मउकाच म मउत होगे, अउ एक झन दूसर मनखे के अस्पताल ले जावत खानी मउत होगे।
उंहे फुलपूर गांव म चारपहिया गाड़ी अउ फटफटी के बीच भिडंत होय ले दू झन लोगन के मउत होगे। ए घटना म घायल ड्रायवर ल इलाज बर बैकुंठपुर जिला अस्पताल म भर्ती कराय गे हवय।
अइसने बिसुनपूर के तीर चारपहिया गाड़ी अउ मोटर सायकिल के बीच होय टक्कर म फटफटी म बइठे एक झन मनखे के मउकाच म मउत होगे।अउ अब थोरकुन समाचार सार म-
– दुर्ग जिला के रिसाली नगर निगम के सामान्य सभा के बइठका म निगम के आर्थिक स्थिति ल मजबूत बनाय बर पार्षद मन ह बहुत अकन सुझाव दीन। उंहे बइठका म महापौर परिषद डहार ले राखे गे सबो एजेंडा ल बहुमत के आधार म पारित कर दे गीस।
– भारतीय जनता युवा मोर्चा के कार्यकर्ता मन ह भिलाई कैम्प क्षेत्र म विकास काम के सेती भिलाई नगर निगम के जोन क्रमांक तीन के आयुक्त कार्यालय के घेराव करीन।
अउ– कोरिया जिला म पहिली घांव राखे गे दू दिन के झुमका जल महोत्सव के समापन के बाद कलेक्टर विनय कुमार लंगेह के अगवई म जिला प्रशासन के टीम ह झुमका बोर्ड क्लब म स्वच्छता बर श्रमदान करीन।