आज दिनभर के खबर ल अपन गुरतुर छत्तीसगढ़ी भाखा म पढ़व

लाॅकडाउन
कोरोना संक्रमण के बाढ़त मामला ल देखत दुर्ग, केारबा, बस्तर अउ बिलासपुर जिला म घलो आजले पूर्ण लाॅकडाउन लागू कर दे गेेहे। उंहें राजनंादगंाव शहर म आज रतिहा ले उनतीस जुलाई तक पूर्ण लाॅकडाउन रीही।
दुर्ग जिला के नगरीय निकाय क्षेत्र अउ दस ठिन ग्राम पंचायत म आज ले उनतीस जुलाई लाॅकडाउन शुरू होगे हे। जिला अउ पुलिस प्रशासन डहार ले आज बीहनिया दुर्ग अउ भिलाई म फ्लैग मार्च निकाले गीस। अइसने राजनंादगंाव म घलो लाॅकडाउन ले पहिली पुलिस प्रशासन डहार ले लोगन ल नियंत्रण बर सहयोग करे के अपील करे गीस। बिना मतलब के घर ले बाहिर निकले म कड़ा कार्रवाई के घलो निर्देश दे गीस। एक जिला ले दूसर जिला म जाये बर लोगन ल ई-पास के जरूरत पड़ही।
ओति बिलासपुर शहर म घलो लाॅकडाउन म सख्ती ले पालन बर पुलिस ह मोर्चा संभालीन।
बस्तर जिला के नगरीय निकाय क्षेत्र म घलो आजले तीस जुलाई तक लाॅकडाउन लागू करे गेहे। ए बेरा म किराना, सब्जी, मेडिकल स्टोर, पेट्रोल पंप ल छोड़के दूसर दुकान बंद रीही।
अइसने कोंडागांव जिला के विश्रामपुरी विकासखंड ल छोड़के पच्चीस जुलाई ले इकतीस जुलाई तक पूर्ण लाॅकडाउन लागू रीही। जांजगीर चंापा जिला के जम्मों नगरीय निकाय क्षेत्र म घलो काली ले तीस जुलाई तक लाॅकडाउन रीही।

गोधन न्याय योजना
प्रदेश म गोधन न्याय योजना म गोबर बेचइया मन ल पंद्रा दिन के भीतर गोबर खरीदी के राशि मिलही । मुख्यमंत्री ह आज अपन निवास कार्यालय म राखे गे वन विभाग के समीक्षा बइठका म अधिकारी मन ल ए बारे म जरूरी निर्देश दीन।
श्री बघेल ह कीहिन कि गोधन न्याय योजना के शुरूआत के संग बीस जुलाई ले गोबर खरीदी शुरू होगे हे। एखर बर पंद्रा दिन म पांच अगस्त के गोबर बेचइया मन ल उंखर पइसा सीधा बैंक खाता म देे जाही।   मुख्यमंत्री ह मुख्य सचिव ल बैंक के अधिकारी मनके बइठका आयोजित करके जम्मों तियारी ल सुनिश्चित करे बर केहे।
ओमन गौठान म गोबर खरीदे के बेरा निर्धारित करे के निर्देश के संगेसंग गौठान म वेटनरी डॅाक्टर अउ गौसेवक मनके भ्रमण कार्यक्रम तय करे के जानकारी सूचना पटल म देबर केहे हे।

अरहर दाल
मुख्यमंत्री भूपेश बघेल ह राज्य के बीपीएल राशन कार्ड धारी मन ल जून महीना म एक किलो अरहर दार देके निर्देश देहे। जउन मन ह जून महीना म अरहर दार नइ ले पाय हे ओमन ह जुलाई महीना म शासकीय उचित मूल्य के दुकान ले अरहर दार ले सकत हे।

वन नेशन वन राशन कार्ड
छत्तीसगढ़ म अवइया अगस्त महीना ले वन नेशन वन राशन कार्ड योजना शुरू करे जाही। एखर बर राज्य म चलत सबो राशन कार्ड के जम्मों सदस्य के आधार नंबर ल उखर राशन कार्ड ले लिंक करना अनिवार्य हे।
खाद्य विभाग ह राज्य के जम्मों राशन कार्ड धारी परिवार ल उंखर राशनकार्ड म दरज परिवार के जम्मों सदस्य के आधार कार्ड के फोटोकॅापी          संबंधित शासकीय उचित मूल्य के दुकान म तीस जुलाई तक जमा कराय के अपील करे हे।

ओपन स्कूल असाइनमेंट
छत्तीसगढ़ राज्य ओपन स्कूल के परीक्षा ए बछर असाइनमेंट पद्धति ले कराए जाही। जे जिला के परीक्षा केंद्र म निषेधाज्ञा नइ हे, उंहा काली पहिली दिन बाईस जुलाई के कक्षा बारहवीं के सतरा हजार ले जादा विद्यार्थी मन ल असाइनमेंट कार्य के वितरण करे गीस। पढ़ईया मन असाइनमेंट पाये के दू दिन म अपन असाइनमेंट लिखके परीक्षा कंेद्र म जमा करही।
उपसचिव ह बताइन कि जे क्षेत्र के परीक्षा केंद्र म निषेधाज्ञा लागू हो जाथे, उंहा असाइनमेंट बांटे अउ उत्तर पुस्तिका सकेले के काम निषेधाज्ञा समाप्त होय के बाद करे जाही। असाइनमेंट वितरण आठ दिन तक करे जाही। निषेधाज्ञा        होय के स्थिति म जतना दिन वितरण हो चुके होही उतना दिन आठ दिन म घटाके बांचे दिन बर निषेधाज्ञा समाप्त होय के बाद वितरण करे जाही।

राज्य निर्वाचन आयोग
छत्तीसगढ़ राज्य निर्वाचन आयोग ह राज्य के तीन नगर पालिक निगम एक नगर पालिका के संगरा छै ठिन नगर पंचायत म पार्षद के आम निर्वाचन अउ नगर पंचायत मगरलोड के वार्ड क्रमंाक ग्यारा म पार्षद के उपचुनाव ल लेके तियारी शुरू कर देहे।
आयोग ह आम चुनाव अउ उप चुनाव ल देखत एक जनवरी दू हजार बीस के संदर्भ तारीख के आधार म फोटोयुक्त मतदाता सूची तियार करे के संबंध म संबंधित जिला कलेक्टर अउ निर्वाचन अधिकारी मन ल विस्तृत दिशा निर्देश जारी करे हे।
अधिकारी मन बताइन कि दुर्ग जिला के नगर पालिक निगम भिलाई अउ रिसाली, रायपुर जिला के नगर पालिक निगम बीरगंाव म आम चुनाव होना हे।  अइसने कोरिया जिला के नगर पालिका परिषद शिवपुरचरचा सुकमा जिला के नगर पंचायत कोंटा, बीजापुर जिला के भैरमगढ़ अउ भोपालपट्नम, कंाकेर जिला के नरहरपुर, सूरजपुर जिला के पे्रमनगर, अउ बेमेतरा जिला के नगर पंचायत मारो म घलो पार्षद के आम निर्वाचन होही। एखर अलावा धमतरी जिला के नगर पंचायत मगरलोड के वार्ड क्रमांक ग्यारा म पार्षद के पद बर घलो उप चुनाव कराये जाही।

जेल बंदी पैरोल
बिलासपुर केंद्रीय जेल ले चालीस झिन अउ बंदी मन ल इकतीस अगस्त तक पैरोल म छोड़े जाही। कोरोना संक्रमण के सेती ये फैसला ले गेहे। स्थ्तिि अइसने रेहे म इंखर मनके पैरोल अवधि आगू बढ़ाय जा सकही। जानबा के मुताबिक पहिली घलो केंद्रीय जेल प्रशासन डहार ले ढाई सौ बंदी मन ल कोरोना संक्रमण के सेती पैरोल म छोड़े जा चुके हे।

माओवादी हत्या
दंतेवाड़ा जिला के अरनपुर थाना क्षेत्र के ग्राम पोटाली धुरूवापारा म माओवादी मन ह पाछू रतिहा दू झिन लोगन के हत्या कर दीन। एखर पहिली माओवादी मन ह ग्रामीण मन संग मारपीट घलो करीन। ए घटना म एक झिन ग्रामीण ह घलो गंभीर रूप ले घायल होगे हे। ए घटना के बाद ले क्षेत्र म सुरक्षा बल ह सर्चिंग तेज कर देहे।

राष्ट्रीय प्रसारण दिवस
आज राष्ट्रीय प्रसारण दिवस हरय। आज के दिन उन्नीस सौ सत्ताईस म मुंबई ले देश के पहिली रेडियो प्रसारण शुरू होय रीहिस। ए बेरा म केंद्रीय सूचना अउ प्रसारण मंत्री प्रकाश जावड़ेकर ह लोगन ल अपन शुभकामना दीन। एक ठिन ट्वीट म ओमन कीहिन कि रेडियो ह एक अइसे माध्यम हे जेहा देश के केाना कोना म लोगन ल समाचार अउ मनोरंजन देके काम करथे।

चंद्रशेखर लोकमान्य तिलक जयंती
लोकमान्य बाल गंगाधर तिलक अउ चंद्रशेखर आजाद के जयंती म आज कृतज्ञ राष्ट्र ह श्रद्धांजलि अर्पित करत हे। प्रधानमंत्री नरेंद्र मोदी ह दूनों महान स्वतंत्रता संग्राम सेनानी के जयंती म श्रद्धांजलि दीन। कंेद्रीय गृहमंत्री अमित शाह ह घलो उंखर जयंती म भावभीनी श्रद्धांजलि अर्पित करीन।
ओमन कीहिन कि लोकमान्य तिलक ह भारत के स्वाधीनता संग्राम ल नवा रद्दा देखाय के संगेसंग लोगन म आजादी के भावना जगाय बर स्वराज्य हमर जन्मसिद्ध अधिकार है-  के नारा दीन। केंद्रीय सूचना अउ प्रसारण मंत्री प्रकाश जावड़ेकर ह घलो दूनो महान स्वाधीनता सेनानी ल अपन श्रद्धांजलि दीन।
एति छत्तीसगढ़ के मुख्यमंत्री भूपेश बघेल ह लोकमान्य तिलक अउ चंद्रशेखर आजाद के जयंती म उंखर संघर्ष अउ योगदान ल याद करत ओमन ल श्रद्धंाजलि अर्पित करीन।
बिसाहू दास महंत पुण्यतिथि
मुख्यमंत्री भूपेश बघेल ह महान स्वतंत्रता संग्राम सेनानी स्वर्गीय बिसाहूदास महंत के पुण्यतिथि म उंखर चित्र म माल्यार्पण कर विनम्र श्रद्धंाजलि अर्पित करीन।  स्वतंत्रता संग्राम सेनानी के संगेसंग सफल राजनेता के रूप म घलो उंखर छवि रीहिस हे।
एति जांजगीर चंापा म छत्तीसगढ़ विधानसभा अध्यक्ष डॅाक्टर चरणदास महंत ह अपन पिता स्वर्गीय बिसाहू दास महंत सुरता करत उंखर प्रतिमा म माल्यार्पण कर श्रद्धंाजलि दीन।