राज्य अलंकरण
छत्तीसगढ़ राज्य अलंकरण सम्मान अउ पुरस्कार के घोषणा आज कर दे गीस। संस्कृति मंत्री अमरजीत भगत ह रायपुर म राखे गे पत्रकार वार्ता म तैंतीस राज्य अलंकरण सम्मान पवइया मनखे के नाव के घोषणा करीन। एसो आदिवासी अउ पिछड़ा वर्ग के उत्थान के क्षेत्र म शहीद वीर नारायण सिंह सम्मान नारायण मरकाम ल दे जाही।
त उंहें पंडित लखनलाल मिश्र सम्मान, लक्ष्मी प्रसाद मिश्रा ल, यतियतन लाल सम्मान खरसिया के मदन मोहन गौशाला ल, गुण्डाधुर सम्मान अमितेष मिश्रा, त उंहे मिनीमाता सम्मान डॅाक्टर मीरा शुक्ला ल गुरू घासीदास सम्मान हेमचंद भारती ल दे जाही। त ठाकुर प्यारेलाल सिंह सम्मान, अशोक अग्रवाल ल हाजी हसन अली सम्मान जनाब युनूस खान ल मिलही । उंहे पंडित रविशंकर शुक्ल सम्मान, सीताराम अग्रवाल अउ पंडित सुंदरलाल शर्मा सम्मान रामेश्वर वैष्णव ल दे जाही।
अइसने चक्रधर सम्मान बर वेदमणि सिंह ठाकुर ल चुने गेहे। त दाउ मंदराजी सम्मान जयंती यादव अउ पंडित राम दूनो झन ल दे जाही। डॅाक्टर खूबचंद बघेल सम्मान खेदूराम बंजारे, महाराजा अग्रसेन सम्मान इश्वर प्रसाद अग्रवाल, दानवीर भामाशाह सम्मान गंगोत्री वर्मा ल, त श्रीमती बिलासाबाई कंेवटीन मत्सय विकास पुरस्कार रूपचंद धीवर ल, संस्कृत भाषा सम्मान डॅाक्टर बालकृष्ण तिवारी, डॅाक्टर भंवर सिंह पोर्ते सम्मान टुकेश्वर कंवर ल , अउ महाराजा रामानुज प्रताप सिंह पुरस्कार एनटीपीसी सीपत अउ पालूराम साहू ल संयुक्त रूप ले दे जाही।
उंहे बिसाहूदास महंत पुरस्कार बर चार झिन लोगन मन ल चुने गेहे- जेमा आनंद देवांगन, पद्मचरण देवंागन, राजन देवंागन अउ कृष्णकुमार देवंागन ल दे जाही।
राज्य अलंकरण 02
राज राजेश्वरी करूणा माता हाथकरघा प्रोत्साहन पुरस्कार नरसिंह देवंागन अउ श्रीपति मेहेर देवंागन दूनो झन ल दे जाही। उंहे देवदास बंजारे स्मृति पुरस्कार बर द्वारिका बर्मन अउ देवदास बंजारे स्मृति पंथी नृत्य पुरस्कार मिलाप दास बंजारे ल दे जाही। किशोर साहू सम्मान बर मनुनायक अउ किशोर साहू राष्ट्रीय अलंकरण बर पलाश वासवानी ल चुने गेहे। धनवंतरी सम्मान बर डॅाक्टर मनोज चौकसे, बैरिस्टर ठाकुर छेदीलाल सम्मान डॅाक्टर प्रिया राव अउ विवेक सारस्वत ल दूनो झन ल दे जाही।
छत्तीसगढ़ अप्रवासी भारतीय सम्मान गणेशकर, लाला जगदलपुरी साहित्य पुरस्कार जीवन यदु, ल दे जाही। त उंहे प्रिंट मीडिया बर चंदूलाल चंद्राकर स्मृति पत्रकारिता पुरस्कार धनंजय वर्मा ल अउ इलेक्ट्रॅानिक मीडिया बर अमितेश पांडेय के संगेसंग डॅाक्टर वैभव शिव पांडेय दूनो झन ल दे जाही। अइसने मधुकर खेर स्मृति पत्रकारिता पुरस्कार डॅाक्टर के.एन. किशोर ल अउ पंडित माधवराव सप्रे राष्ट्रीय रचनात्मक सम्मान सुदीप ठाकुर ल दे जाही।
आदिवासी नृत्य महोत्सव/राज्योत्सव
छत्तीसगढ़ राज्य के तेइसवंा स्थापना दिवस के मउका म काली रायपुर के साइंस कॉलेज मैदान म राष्ट्रीय आदिवासी नृत्य महोत्सव अउ राज्योत्सव के कार्यक्रम होही। तीन दिन तक चलइया ए कार्यक्रम के उद्घाटन मुख्यमंत्री भूपेश बघेल अउ विधानसभा अध्यक्ष डॅाक्टर चरणदास महंत ह करहीं। उंहें कालीच संझा सात बजे ले राज्य अलंकरण समारोह होही। कार्यक्रम के मुख्य अतिथि राज्यपाल अनुसुइया उइके होही अउ अध्यक्षता मुख्यमंत्री करही। राज्योत्सव के समापन तीन नवंबर के होही।
राष्ट्रीय आदिवासी नृत्य महोत्सव अउ राज्योत्सव के तियारी करीबन पूरा हो चुके हे। आदिवासी नृत्य महोत्सव म भाग लेबर न्यूजीलैण्ड, रशिया, टोंगो मोजांबिक, सर्बिया, मालदीव अउ ईण्डोनेशिया के नर्तक दल मन रायपुर पहुंच गेहे। ए कार्यक्रम म करीबन पंद्रह सौ कलाकार मन अपन प्रस्तुती दीहीं। राज्योत्सव वाले जगा म सरकारी विभाग के संगेसंग शिल्पग्राम, फूड जोन अउ व्यावसायिक स्टॉल घलो लगाय जाही। पुलिस कोति ले गाड़ी मन ल राखे बर पार्किंग अउ सुरक्षा के पूरा व्यवस्था करे गेहे।
उंहे जिला स्तर म घलो राज्योत्सव के आयोजन ल लेके तियारी चलत हवय। राज्य स्थापना दिवस के मउका म जम्मों सरकारी भवन अउ संस्थान मन ल विशेष ढंग ले सजाय गेहे। राज्यपाल अउ मुख्यमंत्री ह छत्तीसगढ़ राज्य स्थापना दिवस के मउका म प्रदेश के लोगन मन ल बधाई अउ शुभकामना दे हवय।
धान खरीदी
प्रदेस म समर्थन मूल्य म धान बिसाय के काम काली ले सुरू हो जही। एखर बर विभागीय स्तर म तैयारी पूरा कर ले गेहे। धान खरीदी बर प्रदेश म करीबन ढाई हजार उपार्जन कें्रद बनाय गेहे। एसो एक सौ दस लाख मीट्रिक टन धान खरीदी के लक्ष्य राखे गेहे। अभी के सीजन म करीबन पंच्यानबे हजार नवा किसान मन पंजीयन कराय हे।
एसो पंजीकृत किसान मन ल धान बेचे बर घर बइठे ऑनलाइन टोकन के सुविधा दे जात हे। एखर बर एनआईसी डहार ले एंड्रायड ऐप ‘‘टोकन तुंहर हाथ‘‘ बनाय गेहे।ये ऐप के मदद ले पंजीकृत किसान मन ह उपार्जन केंद्र म धान बेचे बर टोकन ले सकथे।
माओवादी मुठभेड़
कंाकेर जिला म आज सुरक्षा बल मनके संग होय मुठभेड़ म दू झिन इनामी माओवादी मारे गीस। एखर मन उपर आठ-आठ लाख रूपिया के इनाम राखे गे रीहिस।
जिला के पुलिस अधीक्षक शलभ सिन्हा ह घटना के पुष्टि करत बताइन कि सिकसोड़ थाना क्षेत्र म माओवादी मनके रेहे के सूचना मिले के बाद काली बीएसएफ अउ डीआरजी के टीम ल मउका बर भेजे गीस । इही दउरान कड़मे के तीर सुरक्षा बल मनके माओवादी संग मुठभेड़ होगे। घटना के जगा ले दूनो माओवादी के शव बरामद कर ले गेहे।
तबादला
राज्य शासन ह भारतीय प्रशासनिक सेवा के दू झिन अधिकारी के तबादला करत ओमन ल नवा जिम्मेवारी दे गेहे। सारंगढ़-बिलाईगढ़ के कलेक्टर डी. राहुल वेंकट ल सामान्य प्रशासन विभाग म उप सचिव बनाय गेहे। त उंहे जांजगीर चंापा जिला के मुख्य कार्यपालन अधिकारी डॅाक्टर फरिहा आलम अब सारंगढ़-बिलाईगढ़ के कलेक्टर होही।
उंहे अखिल भारतीय वन सेवा के तीस झिन अधिकारी मनके ट्रंासफर कर देहे। एमा तीन झिन अपर प्रधान मुख्य वन संरक्षक, कार्यकारी संचालक अउ मुख्य वन संरक्षक स्तर के अधिकारी घलो सामिल हे। कंागेर घाटी राष्ट्रीय उद्यान के संचालक गणवीर धम्मशील ल इंद्रावती टाइगर रिजर्व बीजापुर के उप संचालक के उपराहा प्रभार सौंपे गेहे।
वित्त आयोग पोर्टल/ऐप
छत्तीसगढ़ राज्य वित्त आयोग ह ग्राम पंचायत मनले सरलता ले जानबा उपलब्ध कराय बर वेब पोर्टल अउ मोबाइल ऐप लॉंच करे हे। ए वेब पोर्टल अउ मोबाइल ऐप के विमोचन जशपुर म विधायक विनय भगत अउ राज्य वित्त आयोग के अध्यक्ष सरजियस मिंज ह करीन।
लोक आस्था के परब छठ आज बीहनिया उगत सूरज ल अर्घ्य देके संग सिरागे। राजधानी रायपुर के खारून नदिया म बड़ संख्या म श्रद्धालु मन ह विधि विधान के संग पूजा-पाठ करीन।
त उंहे बिलासपुर के तोरवा छठघाट म पूर्वांचल अउ बिहार जइसन माहौल देखे गीस। उपास रहइया माइलोगिन मन ह उगत सूरज ल अर्घ्य देके अपन उपास ल तोड़ीन।
वल्लभ भाई पटेल जयंती
आज देश ह आधुनिक भारत के निर्माता लौहपुरूष सरदार वल्लभ भाई पटेल ल उंखर एक सौ सैतालिसवंा जयंती के मउका म श्रद्धांजलि देवत हे। आज के दिन ल राष्ट्रीय एकता दिवस के रूप म मनाये जाथे। राष्ट्रपति, उप राष्ट्रपति अउ बड़का नेता मन ह नई दिल्ली म सरदार वल्लभ भाई के मूर्ति म पुष्पांजलि अर्पित करीन। उंहे प्रधानमंत्री ह आज गुजरात के केवड़िया म स्टेच्यू ऑफ यूनिटी म राखे गे राष्ट्रीय एकता दिवस परेड के अध्यक्षता करीन।
एति राष्ट्रीय एकता दिवस के मउका म आज राजधानी रायपुर, बिलासपुर, कोंडागांव, के संगेसंग जम्मो जिला मुख्यालय मन म एकता दौड़ राखे गीस। उंहे राजभवन सचिवालय म राज्यपाल के उप सचिव दीपक कुमार अग्रवाल ह अधिकारी अउ कर्मचारी मन ल एकता के शपथ देवइन।
मुख्यमंत्री अउ विधानसभा अध्यक्ष ह घलो सरदार वल्लभ भाई पटेल के जयंती म ओमन ल नमन करे हे।
इंदिरा गांधी पुण्यतिथि
आज पूर्व प्रधानमंत्री भारत रत्न इंदिरा गांधी के पुण्यतिथि हरय। मुख्यमंत्री भूपेश बघेल अउ विधानसभा अध्यक्ष डॅाक्टर चरणदास महंत ह स्वर्गीय इंदिरा गांधी के पुण्यतिथि म श्रद्धंाजलि दे हवय।