निगम मंडल नियुक्ति 01
राज्य सरकार ह आने आने आयोग निगम मंडल के अध्यक्ष, उपाध्यक्ष अउ सदस्य मनके सूची जारी कर देहे। सूची के मुताबिक देवेन्द्र बहादुर सिंह ल छत्तीसगढ़ राज्य वन विकास निगम के अध्यक्ष बनाय गेहे। अइसने कुलदीप जुनेजा ल छत्तीसगढ़ राज्य गृह निर्माण मंडल, गिरीश देवांगन ल छत्तीसगढ़ खनिज विकास निगम, रामगोपाल अग्रवाल ल राज्य खाद्य अउ नागरिक आपूर्ति निगम, शैलेष नीतिन त्रिवेदी ल छत्तीसगढ़ राज्य पाठ्य पुस्तक निगम अउ सुभाष धुप्पड़ ल रायपुर विकास प्राधिकरण के अध्यक्ष बनाय गेहे ।
उंहंे करूणा शुक्ला ल समाज कल्याण बोर्ड, किरणमयी नायक ल छत्तीसगढ़ राज्य महिला आयोग, राजेंद्र तिवारी ल छत्तीसगढ़ राज्य खादी अउ ग्रामोद्योग बोर्ड, सुरेन्द्र शर्मा ल राज्य कृषक कल्याण परिषद अउ बालकृष्ण पाठक ल छत्तीसगढ़ राज्य वनौषधि पादप बोर्ड के अध्यक्ष के जिम्मेवारी सौंपे गेहे। एखर संगेसंग शफी अहमद ल छत्तीसगढ़ श्रम कल्याण बोर्ड, गुरप्रीत बामरा ल राज्य खाद्य आयोग, महंत रामसुंदर दास ल राज्य गौ सेवा आयोग, बैजनाथ चंद्राकर ल राज्य सहकारी बैंक-अपेक्स के अध्यक्ष बनाय गेहे।
अइसने थानेश्वर साहू ल राज्य पिछड़ा वर्ग आयोग के अध्यक्ष, अरूण वोरा ल छत्तीसगढ़ राज्य भंडार गृह निगम, धनेश पाटिला ल छत्तीसगढ़ अंत्यावसायी सहकारी वित्त तथा विकास निगम, चंदन कश्यप ल छत्तीसगढ़ राज्य हस्तशिल्प विकास बोर्ड, एम.आर. निषाद ल मछुआ कल्याण बोर्ड अउ मिथलेश स्वर्णकार ल छत्तीसगढ़ राज्य अक्षय उर्जा विकास अभिकरण के अध्यक्ष के पद दे गेहे।
निगम मंडल नियुक्ति – 02
उंहें राजकुमारी दीवान ल राज्य अनुसूचित जनजाति आयोग के उपाध्यक्ष, अजय अग्रवाल ल राज्य बीस सूत्रीय कार्यक्रम क्रियान्वयन समिति के उपाध्यक्ष, नीता लोधी ल अंत्यावसायी सहकारी वित्त तथा विकास निगम के उपाध्यक्ष, छविन्द्र कर्मा ल छत्तीसगढ़ राज्य वनौषधि पादप बोर्ड के उपाध्यक्ष बनाय गेहे।
अइसने महेश शर्मा अउ सतीश अग्रवाल ल छत्तीसगढ़ राज्य भवन अउ सन्निर्माण कर्मकार कल्याण मंडल के सदस्य, नीतिन सिन्हा ल छत्तीसगढ़ राज्य पाठ्यपुस्तक निगम के सदस्य, पद्मा मनहर ल छत्तीसगढ़ राज्य अनुसूचित जाति आयोग के सदस्य, महेश चंद्रवंशी ल छत्तीसगढ़ राज्य पिछड़ा वर्ग आयोग के सदस्य, नीतिन पोटाई ल छत्तीसगढ़ राज्य अनुसूचित जनजाति आयोग के सदस्य अउ कल्पना सिंह ल छत्तीसगढ़ राज्य समाज कल्याण बोर्ड के सदस्य बनाय गेहे।
गोधन न्याय योजना
प्रदेश म गोधन न्याय योजना बीस जुलाई हरेली परब के दिन ले शुरू होही। ए संबंध म कृषि अउ जैव प्रौद्योगिकी विभाग कोति ले दिशा निर्देश जारी करे गेहे। गोबर ल बेचे, भुगतान करे, वर्मी कम्पोस्ट तियार करे बर, स्व सहायता समूह के प्रशिक्षण, वर्मी कम्पोस्ट टाका निर्माण, गौठान म गोबर प्रसंस्करण, वर्मी कम्पोस्ट के पैकिंग अउ विपणन के संबंध म दिशा निर्देश दे गेहे । ये योजना ले बने ढंग ले चलाय के जिम्मेवारी कलेक्टर के होही।
जोगी याचिका खारिज
छत्तीसगढ़ उच्च न्यायालय ह पूर्व मुख्यमंत्री स्वर्गीय अजित जोगी के जाति ल लेके लगाए गे याचिका ल खारिज कर देहे। खबर के मुताबिक पूर्व मुख्यमंत्री अजित जोगी के मउत होय के पहिली उंखर जाति ल लेके भाजपा के बड़का नेता नंदकुमार साय अउ संतकुमार नेताम ह याचिका लगाय रीहिन। अब ये मामला म दायर याचिका ल हाईकोर्ट ह खारिज कर दीस।
कोरोना मरीज
प्रदेश म आज आने आने जिला मन म कतकोन झिन कोरोना संक्रमित मरीज मिले हे ।
दुर्ग जिला म आज सतरा झिन नवा मरीज के पुष्टि होय हे। जेमा चैदा झिन सीमा सुरक्षा बल बीएसएफ के जवान हे, जउन भिलाई के क्वारंटाइन सेंटर म रीहिन। जिला स्वास्थ्य अउ चिकित्सा अधिकारी डॅाक्टर गंभीर सिंह ठाकुर ह बताइन कि आज मिले केारोना पाॅजीटिव मरीज म एक पुलिस आरक्षक सामिल हे, जउन रायपुर म पदस्थ हवय। जिला म अब तक दू सौ उनचास कोरोना मरीज मिले हे, जेमा एक सौ अंठावन मरीज ठीक होके अपन घर लहुट गेहे, उंहें सत्यासी झिन मरीज के इलाज होवत हे।
इही बीच कलेक्टर डॅाक्टर सर्वेश्वर नरेन्द्र भुरे ह नगरीय निकाय के अधिकारी मन ल निर्देश दीन हे कि शहर म हाट बाजार तय करे गे जगा म ही लगावय।
उंहें बिलासपुर जिला म आज पंद्रा झिन नवा कोरोना मरीज के चिन्हारी होय हे। एमा सिम्स के चिकित्सा अधिकारी के घर गोसइया अउ लईका के रिपोर्ट पाॅजीटिव आय हे । ओमन ल जिला के कोविड अस्पताल म भर्ती कराय गेहे।
ओति महासमुंद जिला म ट्रू-नाॅट विधि ले तीन सौ पंच्यानबे संदिग्ध मरीज के जांच करे गीस, जेमा सबो के रिपोर्ट निगेटिव हावय। उंहें जिला के ही बसना म एसडीएम ह व्यापारी मनके बइठका लीन, जेमा दुकान ल बीहनिया सात ले संझा सात बजे तक खोले के सहमति बनीस।
एति नारायणपुर जिला म कोरोना नियंत्रण कक्ष बनाय गेहे, जेखर ले जरूरतमंद लोगन के मदद करे जात हे।
आरटीई स्कूल प्रवेश
शिक्षा के अधिकार अधिनियम – आरटीई म प्रायवेट स्कूल मन म बीपीएल परिवार के लईका मन ल मुफत म शिक्षा देवाय बर काली पहिली लाटरी निकाले गीस। एमा अठारा हजार चार सौ अठ्यासी लईका मन आने आने स्कूल म दाखिला बर चुने गीन। पहिली ले आठवी राज्य के चैदा ठिन जिला के दू हजार एक सौ नब्बे स्कूल म आरटीई म लईका मन ल भर्ती देबर निकाले गीस।
संचालक लोक शिक्षण संचालनालय कोति ले चुने गे लईका मन ल भर्ती देवाय बर उंखर पालक मन ल एसएमएस ले सूचना दे गेहे।
बैंक जांच
दुर्ग पुलिस ह आज जिला के एक सौ साठ बैंक के औचक जांच करीन। ए बेरा म बैंक म खड़े सुरक्षा गार्ड मनले पूछताछ करे गीस। संगेसंग बैंक के तीर तखार म संदिग्ध पाये गे मनखे मनले पूछताछ करके तलाशी ले गीस। खबरके मुताबिक पुलिस अधीक्षक प्रशंात ठाकुर के अगवई म दुर्ग-भिलाई के ग्रामीण अउ शहरी क्षेत्र म बैंक ले जुड़े थाना अउ चैकी प्रभारी कोति ले ये जांच कराये गीस। जांच के बेरा बैंक के कैश चेस्ट, सीसीटीवी कैमरा के स्थिति, सुरक्षा गार्ड, मनले पूछताछ करके जउन कमी पाय गीस ओला बैंक मैनेजर ल बताके दूरिहाय बर केहे गीस।
आॅनलाईन ठगी
राजनंादगंाव म साइबर क्राइम के एक अउ मामला आगू आय हे। खबर के मुताबिक हैकर ह एक मनखे के डाटा चुराके करीबन छै लाख रूपिया के मंाग करे हे। मनखे ह पुलिस अधीक्षक ले शिकायत करके मामला के जांच करे के मांग करे हे। युवक ह बताइन कि हैकर ह उंखर ई-मेल म एक मैसेज भेजीस, मैसेज ल खोलते डाटा चोरी होगे। एखर बाद हैकर ह आने मैसेज भेजके डाटा के बदला म छै लाख रूपिया के मंाग करे हे ।
बैंक सखी
कोरोना संकट के सेती बैंक सखी ह प्रदेश के आर्थिक मजबूती म हाथ बटाके खुद ल साबित करे हे। मनरेगा मजदूर मनके भुगतान, सियान अउ निशक्त मनके पेंशन या फेर गांव के मनखे मनके खाता ले पइसा निकाले बर उंखर मदद करे म बैंक सखी आगू हवय।
प्रदेश के आने जिला असन दुर्ग जिला म घलो बैंक सखी ह अपन उपयोगिता बतावत हे। जिला म इकतालिस माइलोगिन मन बैंक सखी के रूप म काम करत हे। एमन ल पंचायत विभाग के बिहान योजना म बैंकिंग लेनदेन के संबंध म प्रशिक्षण दे गेहे। इंखर मनके सेती जिला म अब तक पांच करोड़ रूपिया तक के लेनदेन होगे हे।
ग्राम पंचायत केसरा के बारहवीं तक पढ़े बैंक सखी अंजू ह गांव के लोगन ल जिला म सबले जादा करीबन अड़तालिस लाख रूपिया के भुगतान करे हे। अइसने पाटन जनपद पंचायत के गांव खम्हरिया के गायत्री यदु ह महीना भर म लोगन ल करीबन तीस लाख रूपिया के भुगतान करीस हे। इखरं कहना हे कि बैंक सखी बने ले गांव अउ परिवार म सम्मान बाढ़े हे।
जिला पंचायत के सीईओ सचिदानंद आलोक ह बताइन हे कि बैंक सखी मनले गांव म बैंक के सुविधा देवाय म ये पहल उपयोगी हावय। हर लेनदेन म बैंक सखी मन ल बैंक कोति ले कमीशन दे जाथे।
ओति मुंगेली जनपद पंचायत म बिहान योजना ले स्व सहायता समूह के माइलोगिन मन साबुन बनाय के प्रशिक्षण लीन।