निर्वाचन नामावली
छत्तीसगढ़ राज्य निर्वाचन आयोग ह ए बछर प्रदेश के कई ठिन नगरीय निकाय मन म रीता पद बर होवइया निर्वाचन खातिर फोटो वाले निर्वाचक नामावली तैयार करे के निर्णय लेहे। एखर प्रक्रिया अवइया पांच अप्रैल ले चालू होही। फेर निर्वाचन नामावली के अंतिम प्रकाशन पच्चीस मई के करे जाही। पहिलइया चरण म रजिस्ट्रिकरण अधिकारी अउ सहायक रजिस्ट्रीकरण अधिकारी के नियुक्ति पांच अप्रैल तक होही। उंहें शुरूआती प्रारूप निर्वाचक नामावली तैयार करे बर कर्मचारी मनके चुनई अउ उंखर नियुक्ति छै अप्रैल तक कर ले जाही। तहां अधिकारी मनके ट्रेनिंग आठ अप्रैल तक पूरा कर ले जाही। भारत निर्वाचन आयोग के बीते एक फरवरी के स्थिति म तैयार अद्यतन विधानसभा के निर्वाचक नामावली जिला निर्वाचन कार्यालय ले बारा अप्रैल तक मिल जाही।
डाकघर एनी टाइम एनी वेयर योजना
केंद्र सकार ह केहे हे कि डाकघर मन म कोनो भी बेरा अउ कहूं भी एनी टाईम . एनी वेयर योजना लागू करे के काम चलत हे। जेखर ले डाक खाता ले बैंक खाता म ऑनलाईन पइसा ट्रांसफर करे के सहूलियत मिलही। ए योजना ल लागू करे बर देशभर के करीबन छियानबे प्रतिशत डाकघर ल कोर बैंकिंग प्रणाली ले जोड़े गेहे। एखर ले मौजूदा डाकघर बचत बैंक के खाताधारी मन ल त मदद मिलबेच करहीए संगे नवा मनखे मन घलो डाकघर बचत खाता आसानी ले खोलना चाहहीं।
टीकाकरण
राष्ट्रव्यापी कोविड टीकाकरण अभियान के चलत अब तक एक सौ चौरासी करोड़ छियासठ लाख ले जादा टीका लगाये जा चुके हे। केंद्रीय स्वास्थ्य मंत्रालय ह बताय हे कि काली बारह लाख पचहत्तर हजार ले जादा के टीका लगाए गेहे।
एति छत्तीसगढ़ म घलो कोरोना टीकाकरण अभियान जोरदरहा चलत हे। प्रदेश म कोरोना ले बचाव बर अब तक तीन करोड़ चौरानबे लाख ले जादा टीका लगाए जा चुके हे।
इही बीच प्रदेश म कोरोना संक्रमण के रप्तार बहुत हद तक कम होगे हे। काली प्रदेश म पांच झिन नवा कोरोना संक्रमित मरीज मिले हे। ए बेरा एक सौ सात मरीज मनके इलाज प्रदेश म चलत हे ।
दुर्घटना
रायगढ़ जिला म आज एक ठिन सड़क दुर्घटना म तीन झिन जवान लईका के मउत होगे। मिले जानकारी के मुताबिक जिला के बरमकेला थाना क्षेत्र के सारंगढ़ बरमकेला रद्दा तीर कोनी मोड़ म तेज रफ्तार वाले ट्रक ह फटफटी सवार तीन झिन जवाल लईका ल अपन चपेट म ले लीस । ये हादसा म घायल तीनो झिन ल सामुदायिक स्वास्थ्य केंद्र बरमकेला ले जाये गीस। जिहां उपचार बेरा तीनो जवान लईका के मउत हो गीस। पुलिस ह ट्रक ल जब्त कर लेहे।
खैरागढ़ उपुचनाव
खैरागढ़ विधानसभा उपचुनाव बर सबो राजनीतिक पार्टी अपन चुनाव प्रचार तेज कर देहे। उंहें जिला प्रशासन घलो शांतिपूर्वक अउ निष्पक्ष वोटिंग के तियारी म जुटे हवय।
इही बीच पुलिस अधीक्षक संतोष सिंह के निर्देश ले सुरक्षा ल ध्यान म राखत जिला के सीमा म चेकपोस्ट लगाके अवइया जवइया सबो गाड़ी के जांच करे जात हे। एखर संगे जिला पुलिस बल अउ अर्धसैनिक बलके संघरा टीम कॉम्बिग गश्तए एरिया डॅामिनेशन अउ रोड पेट्रोलिंग करत हे। उंहें खैरागढ़ विधानसभा क्षेत्र म अवइया जम्मों मतदान केंद्र के जायजा घलो ले जावत हे।
ओति स्कूल शिक्षा विभाग डहार ले स्वीप कार्यक्रम के चलत मतदाता मन ल मतदान बर जागरूक करे खातिर सरलग कई ठिन कार्यक्रम राखे जात हे । काली संकुल मड़ौदा के प्रायमरी स्कूल कुलीकसाए देवारीभाटए खजरीए मीडिल स्कूल पेंड्रीकला अउ हायर सेकण्डरी स्कूल सिंघौरीए कामठा अउ भरदाकला म विद्यार्थी मन आने आने जागरूकता कार्यक्रम आयोजित करीन। हाईस्कूल दपका म घलो पढ़इया नोनी मन महेंदी प्रतियोगिता के संगे रंगोलीए चित्रकला अउ नारा लेखन के जरिया लोगन मन ल मतदान बर जागरूक रेहे के आरो दीन।
इंहा ए बतादन कि खैरागढ़ उपचुनाव बर बारह अप्रैल के वोटिंग होही।
मानस गायन प्रतियोगिता
जांजगीर.चांपा जिला के शिवरीनारायण म अवइया आठ अप्रैल ले तीन दिवसीय मानस गायन प्रतियोगिता राखे जाही। कार्यक्रम के समापन समारोह म मुख्यमंत्री भूपेश बघेल शामिल होही। कार्यक्रम म मुख्यमंत्री रामगमन पथ के तहत पहिली चरण म करीबन छै करोड़ रूपिया के कई ठिन निर्माण काम के लोकार्पण करही।
उंहे जांजगीर म काली चार अप्रैल के जिला स्तरीय रामायण मंडली प्रतियोगिता राखे जाही। कार्यक्रम के उद्घाटन छत्तीसगढ़ गौ.सेवा आयोग के अध्यक्ष महंत रामसुंदर दास करहीं।
सुपेबेड़ा मौत
गरियाबंद जिला के सुपेबेड़ा म किडनी म बीमारी ले एक झन अउ मनखे के मउत हेगे। एला मिलाके सुपेबेड़ा म अब तक अठहत्तर झिन मनखे के अइसन बीमारी ले मउत हो चुके हे। जिला के मुख्य चिकित्सा अउ स्वास्थ्य अधिकारी डॅाक्टर नवरत्न ह बताइन कि मृतक पुरेन्द्र ह किडनी के संगे आने बीमारी ले घलो पीड़ित रीहिस। जिंखर इलाज गरियाबंद सरकारी अस्पताल के संगे रायपुर के मेकाहारा अउ एम्स म घलो होय रीहिस।
रमजान
देश के कई ठिन हिस्सा म काली संझा चंदा दिखाई देहे। एखर संगे रमजान के महीना आज ले शुरू होगे। आज रोजा के पहिला दिन हरय। रमजान ह इस्लामिक कलेण्डर के नौवां महीना रथे अउ रमजान के तीस रोजा पूरा होय बाद ईद मनाये जाथे।
उपराष्ट्रपति एमण् वेंकैया नायडूए प्रधानमंत्री नरेंद्र मोदीए अउ छत्तीसगढ़ के मुख्यमंत्री भूपेश बघेल ह लोगन मन ल रमजान के बधाई दीन हे। प्रधानमंत्री ह आशा व्यक्त करीन कि रमजान के महीना ह लोगन मन ल गरीब मनखे मनके सेवा करे बर प्रेरित करहीं। संगे ए ह समाज म शांतिए सद्भाव अउ करूणा के भावना बढ़ाही।
उंहें मुख्यमंत्री श्री बघेल ह अपन शुभकामना संदेश म कीहिन कि जम्मों मानव जाति बर मयाए भाईचारा अउ इंसानियत के पैगाम लेके आने वाला ए रमजान महीना म हम सबो झिन जुरमिलके लोगन मनले स्वस्थ रहे अउ देश.प्रदेश के खुसहाली के दुआ करन।
मनरेगा लोकपाल नियुक्ति
प्रदेश म मनरेगा के चलत ग्यारा ठिन जिला म नवा लोकपाल मनके नियुक्ति करे जाही। राज्य मनरेगा कार्यालय डहार ले ए ग्यारा जिला . बेमेतराए कोंडागांवए बीजापुरए नारायणपुरए गौरेला.पेण्ड्रा.मरवाहीए बालोदए बलौदाबाजार.भाटांपाराए गरियाबंदए सुकमाए सूरजपुर अउ मुंगेली म लोकपाल के एके ठिन पद बर राज्य स्तरीय भर्ती खातिर आवेदन मंगाय गेहे। इच्छुक अभ्यर्थी बाईस अप्रैल तक आवेदन दे सकत हे। जेखर बर आवेदक के उपर नियुक्ति बेरा छैंसठ बछर ले कमती होना चाही।