कोरोना टीकाकरण-माॅकड्रील
कोरोना टीकाकरण के तियारी करे बर छत्तीसगढ़ के ग्यारह जिला मन म आज माॅकड्रील करे गीस। एमा बालोद, बलौदाबाजार, बेमेतरा, धमतरी, गरियाबंद, जाजंगीर-चंापा, कवर्धा, कोरबा, महासमुंद, मुंगेली अउ रायगढ़ जिला सामिल हे। ये जिला मन म माॅकड्रील बीहनिया दस बजे ले मंझनियंा दू बजे तक होइस।
इही बीच टीकाकरण अभियान ल लेके आज रायपुर के पत्र सूचना कार्यालय अउ क्षेत्रीय आउटरिच ब्यूरो डहार ले एक वेबीनार के आयोजन करे गीस। ये मउका म रायपुर स्थित अखिल भारतीय आयुर्विज्ञान संस्थान-एम्स के निदेशक डॅाक्टर नीतिन एम. नागरकर ह बताइन कि भारत म जउन दू ठिन वैक्सीन ल मंजूरी मिले हे, वोहा पूरा सुरक्षित हे । ओमन कीहिन कि ए वैक्सीन ल लेके कोनो चिंता के जरूरत नइ हे।
श्री नागरकर ह यहू कीहिन हे कि टीकाकरण अभियान शुरू होय के बाद घलो कोरोना संक्रमण ल लेके चुनौती बने रीही। एखर बर जम्मों झिन ल कोरोना ले जुड़े दिशा निर्देश के पालन करत रहना हे।
स्वास्थ्य मंत्री पोलियो टीकाकरण
केंद्रीय स्वास्थ्य मंत्री डॅाक्टर हर्षवर्धन ह कीहिन हे कि देशभर म पोलियो टीकाकरण अभियान सतरह जनवरी ले शुरू होही। ओमन आज चेन्नई म संवाददाताओं मन ल जानकारी देत बताइन कि प्रधानमंत्री नरेंद्र मोदी के अगवई म सरकार ह पोलियो असन कोरोना बीमारी ल घलो खतम करही।
डॅाक्टर हर्षवर्धन ह कोविड टीकाकरण के तियारी के समीक्षा बर तमिलनाडु के दू दिन के दउरा म आज चेन्नई पहुंचीन । ओमन बताइन कि जब ले केंद्र सरकार ह कोरोना संक्रमण के फैलाव ल रोके बर कदम उठाय हे। ओखर बाद ले संक्रमण के मामला कमती होय के संगेसंग होवइया मउत म घलो कमी आय हे।
धान खरीदी
प्रदेश म चालू खरीफ विपणन बछर म समर्थन मूल्य म धान खरीदी के काम चलत हे। अब तक बैंसठ लाख मीटरिक टन ले जादा धान के खरीदी करे गेहे। ए दउरान प्रदेश के करीबन पंद्रह लाख उनचास हजार ले जादा किसान मन ह धान बेचे हे। उंहें मिलर मन डहार ले सोला लाख दस हजार मीटरिक टन ले जादा धान के उठाव करे गेहे। धान खरीदी के काम इकतीस जनवरी तक चलही।
इही बीच प्रदेश के पूर्व मुख्यमंत्री अउ भाजपा के राष्ट्रीय उपाध्यक्ष डॅाक्टर रमन सिंह ह धान खरीदी म प्रदेश कंागे्रस डहार ले चलाए जावत अभियान मेरा धान-मेरा अभिमान ल राजनीति ले पे्ररित बताइन हे।
एति राज्य के खाद्य मंत्री अमरजीत भगत ह काली अंबिकापुर म धान खरीदी बेवस्था के समीक्षा करीन। ए दउरान ओमन किसान मन ल धान खरीदी केंद्र मन म जम्मों सुविधा देके निर्देश दीन।
वर्चुअल वेबीनार
राज्य योजना आयोग डहार ले सतत विकास लख्य विषय उपर वर्चुअल वेबीनार के आयोजन करे गीस। ए मउका म राज्य योजना आयोग के उपाध्यक्ष अजय सिंह ह जम्मों छात्र समुदाय ले सतत विकास लक्ष्य ल पाय म अपन योगदान देबर कीहिन। ओमन कीहिन हे कि विश्वविद्यालय के कुलपति अउ छात्र प्रदेश म एसडीजी के लक्ष्य के पूर्ति म विशेष भूमिका निभा सकत हे।
एम्स रायपुर के निदेशक डॅाक्टर नीतिन नागरकर ह कीहिन हे कि अभी एम्स म सेंटर आॅफ एक्सीलेंस के स्थापना करके एसडीजी के मुताबिक राज्य के माइलोगिन मन म खून के कमी ल दूरिहा करे अउ ओमन ल सुघ्घर स्वास्थ्य सुविधा देवाय के कोसिस करे जावत हे।
रायपुर के इंदिरा गांधी कृषि विश्वविद्यालय के कुलपति डॅाक्टर संजय पाटिल ह बताइन कि विश्वविद्यालय के वैज्ञानिक मन बायोफोर्टिफाइट प्रकार के अनाज विकसित करे हे, जेखर ले कुपोषण ल कम करे म मदद मिलही।
श्रमिक-पोर्टल ऐप
राज्य सरकार प्रदेश के श्रमिक मनके आॅनलाइन पंजीयन बर जल्दीच पोर्टल अउ मोबाइल ऐप के सुविधा शुरू करत हे। ए संबंध म श्रम मंत्री डॅाक्टर शिवकुमार डहरिया ह विभागीय अधिकारी मन ल निर्देश दीन हे। ए सुविधा के चालू होय म प्रदेश के कामगार अउ श्रम ले जुड़े जानकारी हासिल करे अउ पंजीयन कराय म आसानी होही।
टीबी मुक्त अभियान/ई कार्ड
बिलासपुर जिला ल टीबी बीमारी ले मुक्त करे बर सघन खोज जांच अभियान टीबी हारेगा-देश जीतेगा के आयोजन ग्यारह जनवरी ले करे जाही। एखर बर कलेक्टर डॅाक्टर सारांश मित्तर ह आने आने अधिकारी मन ल जिम्मदारी देहे। अभियान के दउरान कोरोना ले जुड़े दिशा निर्देश के पालन करे बर केहे गेहे। ये अभियान पंद्रह फरवरी तक चलही।
एति जांजगीर-चंापा जिला के सरकारी अउ प्रायवेट अस्पताल मन म इलाज अब ई-कार्ड ले करे जाही। जिलो के जम्मों सरकारी अउ प्रायवेट अस्पताल म इलाज बर पहुंचे मरीज मन बर ई-कार्ड निशुल्क बनाये जावत हे। संगेसंग ई-कार्ड बनाये बर आधार कार्ड अउ राशन कार्ड होना जरूरी हे ।
खबर के मुताबिक ई-कार्ड धारक ल अस्पताल म इलाज बर कोनो भी आने दस्तावेज जमा करे के जरूरत नइ पड़ही।
लोकवाणी
मुख्यमंत्री भूपेश बघेल के मासिक रेडियावार्ता ‘‘लोकवाणी‘‘ के चैदहवां कड़ी के प्रसारण इतवार दस जनवरी के होही। मुख्यमंत्री लोकवाणी म ए बखत युवा मन ले गोठबात करही। ए कारीकरम के प्रसारण छत्तीसगढ़ स्थित आकाशवाणी के सबो केन्द्र अउ एफ.एम. रेडियो के अलावा क्षेत्रीय समाचार चैनल मन म बिहनिया साढ़े दस बजे ले ग्यारह बजे तक करे जाही।
मेडिकल दाखिला
दंतेवाड़ा जिला के तीन झिन होसियार लईका मनके डॅाक्टर बने के सपना अब पूरा हो सकही। ए तीनों लईका मन ल जयपुर के प्रायवेट मेडिकल काॅलेज म सरकारी खर्चा म दाखिला देवाय गेहे। एखर मन बर दंतेवाड़ा जिला प्रशासन डहार ले अभी एक करोड़ छत्तीस लाख रूपिया ले जादा फीस जमा करा दे गेहे
खबर के मुताबिक छात्र सुधीर कुमार रजक, जयंत कुमार अउ छात्रा ऐश्वर्या नाग के तकनीकी गलती के सेती एमबीबीएस पढ़ई म दाखिला बर राज्य म होय काउंसिलिंग म पंजीयन नइ होय के सेती ये लईका मन ल मेडिकल काॅलेज म दाखिला नइ मिल पाइस । जेखर बाद मुख्यमंत्री भूपेश बघेल ह दंतेवाड़ा जिला प्रशासन ल ए तीनों लईका मन ल प्रायवेट मेडिकल काॅलेज म सरकारी खर्चा म दाखिला देवाय के निर्देश दे रीहिन।
जेईई एडवांस्ड परीक्षा
केंद्रीय शिक्षा मंत्री रमेश पोखरियाल निशंक ह भारतीय प्रौद्योगिकी संस्थान म दाखिला बर संयुक्त प्रवेश परीक्षा जेईई एडवांस्ड दू हजार इक्कीस के तारीख अउ पात्रता के घोषणा कर देेहे। ये परीक्षा तीन जुलाई के आॅनलाईन होही। ए बछर आई.आई.टी म प्रवेश बर बारहवीं कक्षा म न्यूनतम पचहत्तर प्रतिशत अंक पाये के अनिवार्यता म छूट दे गेहे। ए बछर ये परीक्षा आई.आईटी. खडगपुर ह आयोजित करही।
हादसा
राजनंादगंाव जिला म पाछू चैबीस घंटा के दउरान होय आने आने हादसा म तीन झिन लइका के मउत हो गीस ।
मिले खबर के मुताबिक अंबागढ़ चैकी ब्लाॅक के देववाड़वी गांव म बैला के हमला म दू बछर के लइका के मउत होगे। उंहें शहर के मोहड़ वार्ड म बिजली के खंभा गिरे ले दस बछर के लईका के मउकाच म मउत हेागे। एति मालवाहक के चपेट म आय ले फटफटी म बइठे एक झिन नोनी के मउत होगे।
स्लोगन प्रतियोगिता
स्वामी विवेकानंद के जयंती राष्ट्रीय युवा दिवस के मउका म जनसंपर्क विभाग डहार ले गड़बो नवा छत्तीसगढ़‘ अउ छत्तीसगढ़ युवा‘ विसय म स्लोगन प्रतियोगिता के आयोजन करे जाही। अब तक करीबन नौ हजार पांच सौ लोगन मन आॅनलाईन पंजीयन करा डरे हे। ए स्लोगन ल खुदे लिखके ओखर भाषा छत्तीसगढ़ी, हिंदी अउ अंग्रेजी म होना चाही।
ए प्रतियोगिता म भाग लेवइया इच्छुक प्रतिभागी मन अवइया दस जनवरी तक जनसंपर्क विभाग के वेबसाइट म आॅनलाइन पंजीयन करा सकत हे।
मौसम
प्रदेस म दस जनवरी के बाद फेर ले जाड़ा बाढ़े के आसार हे। ए दउरान रतिहा के तापमान म कमी आही।
मौसम विभाग ले मिले खबर के मुताबिक पश्चिम विक्षोभ के असर खतम होय ले उत्तरी हवा प्रदेश म आही । एखर असर ले प्रदेशभर म न्यूनतम तापमान म कमी आये के संभावना हे।