आज दिनभर के खबर ल अपन गुरतुर छत्तीसगढ़ी भाखा म पढ़व

आईएएस तबादला
राज्य सरकार ह तीन जिला के कलेक्टर संग सोलह भारतीय प्रशासनिक सेवा के अधिकारी मनके तबादला आदेश जारी करे हे।
सामान्य प्रशासन विभाग डहार ले जारी आदेश के मुताबिक गौरेला-पेण्ड्रा – मरवाही जिला के कलेक्टर डोमनसिंह ल महासमुंद के नवा कलेक्टर नियुक्त करे गेहे। उंहें धमतरी के मुख्य कार्यपालन अधिकारी नम्रता गांधी ह गौरेला-पेण्ड्रा-  मरवाही जिला के नवा कलेक्टर होही। जबकि धर्मेश कुमार साहू ल नारायणपुर जिला के कलेक्टर बनाय गेहे।
राजेश कुमार टोप्पो ल राजस्व मंडल बिलासपुर, नीलम नामदेव एक्का ल विशेष सचिव जन-शिकायत निवारण अउ कार्तिकेय गोयल ल प्रबंध संचालक छत्तीसगढ़ मेडिकल सर्विसेस कार्पोरेशन के पद म पदस्थ करत संयुक्त सचिव लोक स्वास्थ्य अउ परिवार कल्याण विभाग के अतिरिक्त प्रभार सौंपे गेहे। उंहें नाराणपुर के कलेक्टर अभिजित सिंह ल छत्तीसगढ़ पाठ्यपुस्तक निगम के      प्रबंध संचालक के संग स्कूल शिक्षा विभाग के उप सचिव के अतिरिक्त प्रभार दे गेहे। जबकि इफत आरा ल महानिरीक्षक पंजीयक एवं मुदं्राक के संग स्वच्छ भारत मिशन ग्रामीण के मिशन संचालक के अतिरिक्त दायित्व सौंपे गेहे। एखर अजीत वसंत ल जिला पंचायत राजनंादगंाव, हरीश एच. ल  जिला पंचायत बिलासपुर, कुनाल दुदावत ल जिला पंचायत कोरिया, मयंक चतुर्वेदी ल जिला पंचायत        धमतरी अउ रोहित व्यास ल जिला पंचायत मुंगेली के मुख्य कार्यपालन अधिकारी के पद म पदस्थ करे गेहे। जबकि देवेन्द्र कुमार ध्रुव ल बीजापुर के अनुविभागीय अधिकारी राजस्व अउ नुपूर राशि पन्ना ल अपर कलेक्टर बिलासपुर के पद म पदस्थ करे गेहे। उंहें डॅाक्टर सी.आर. प्रसन्ना ल प्रबंध संचालक छत्तीसगढ़ मेडिकल सर्विसेस काॅर्पोरेशन के अतिरिक्त प्रभार ले मुक्त करे गेहे। उंखर शेष प्रभार यथावत रीही।

पदस्थापना
भारतीय पुलिस सेवा के वरिष्ठ अधिकारी, बिलासपुर रेंज के पुलिस महानिरिक्षक दीपांशु काबरा छत्तीसगढ़ के नवा अपर परिवहन आयुक्त होही। फेर अपर परिवहन आयुक्त टी.आर. पैकरा ल पुलिस मुख्यालय रायपुर म पदस्थ करे गेहे। ए संबंध म राज्य सरकार ह आदेश जारी कर देहे।
जारी आदेश के मुताबिक सरगुजा रेंज के प्रभारी पुलिस महानिरीक्षक रतनलाल डंागी ल प्रभारी पुलिस महानिरिक्षक बिलासपुर रेंज अउ उप पुलिस महानिरीक्षक छत्तीसगढ़ सशस्त्र बल सरगुजा रेंज, आर.पी.साय ल प्रभारी पुलिस महानिरिक्षक सरगुजा रेंज अंबिकापुर म नियुक्त करे गेहे। एखर अलावा कंाकेर के उप पुलिस महानिरीक्षक संजीव शुक्ला ल छत्तीसगढ़ राज्य पुलिस अकादमी चंदखुरी म उप संचालक के पद म पदस्थ करे गेहे। जबकि उप पुलिस महानिरिक्षक पुलिस मुख्यालय रायपुर विनीत खन्ना ल कंाकेर के उप पुलिस महानिरिक्षक बनाय गेहे।

माओवादी समाचार
बीजापुर जिला म माओवादी मन डहार ले लगाये गे प्रेशर बम के चपेट म आय ले एक झिन जवान घायल होगे हे। घायल जवान ल प्रारंभिक उपचार के पाछू राजधानी रायपुर के अस्पताल म भर्ती कराय गेहे।
जिला के पुलिस अधीक्षक कमलोचन कश्यप ह घटना के पुष्टि करत बताइन कि आज बीहनिया गंगालूर थाना ले डिस्ट्रिक्ट रिजर्व गार्ड- डीआरजी जिला पुलिस बल अउ छत्तीसगढ़ सशस्त्र बल सीएएफ के संयुक्त टीम तलाशी अभियान बर निकले रीहिस, तभे माओवादी मन डहार ले लगाये गे आईईडी के चपेट म आय ले सीएएफ के एक झिन जवान घायल होगे।
ओति सुकमा जिला के भेज्जी थाना क्षेत्र के खेत म सुते एक झिन ग्रामीण के अज्ञात लोगन मन हत्या कर दीन। पुलिस मामला के जांच करत हे।
एति राजनंादगंाव जिला के मानपुर थाना क्षेत्र म खड़गंाव, तुमड़ीकासा, टांगापानी के तीर माओवादी मन ह एक झिन ग्रामीण के गोली मारके हत्या कर दीन।

एथेनाॅल प्लांट-एमओयू
प्रदेश म पी.पी.पी. माॅडल ले स्थापित होवइया देश के पहिली एथेनाॅल संयंत्र के स्थापना बर एमओयू करे गेहे। मुख्यमंत्री भूपेश बघेल के उपस्थिति म उंखर रायपुर स्थित निवास कार्यालय म ये एमओयू भोरमदेव सहकारी शक्कर कारखाना कवर्धा अउ छत्तीसगढ़ डिस्टिलरी लिमिटेड के सहायक इकाई एन.के.जे. बायोफ्यूल के बीच तीस बछर बर करे गेहे।
ए मउका म मुख्यमंत्री भूपेश बघेल ह कीहिन कि किसान मन ल बेरा म गन्ना के कीमत के भुगतान अउ संयंत्र के स्थापना ले रोजगार के अवसर मिलही, जेखर ले आर्थिक समृद्धि के आधार मजबूत होही।
उंहें राज्य म आटोमोबाइल, स्टील अउ सोलर पावर प्लांट के स्थापना बर राज्य सरकार के उद्योग विभाग अउ ईरा ग्रुप के बीच चार एमओयू म हस्ताक्षर करे गीस।
ए मउका म मुख्यमंत्री भूपेश बघेल, पर्यावरण मंत्री मोहम्मद अकबर, उद्योग मंत्री कवासी लखमा संग वरिष्ठ अधिकारी उपस्थित रीहिन।

लघु वनोपज आवासीय परिसर भूमिपूजन
मुख्यमंत्री भूपेश बघेल ह आज अपन रायपुर स्थित निवास कार्यालय ले वीडियो काॅन्फे्रसिंग के माध्यम ले नवा रायपुर म बने राज्य निर्वाचन आयोग के नवा भवन के लोकार्पण करीन।
उंहें मुख्यमंत्री ह आज रायपुर स्थित अपन निवास कार्यालय ले वीडियो काॅन्फे्रसिंग के माध्यम ले नवा रायपुर म बनइया छत्तीसगढ़ राज्य लघु वनोपज सहकारी संघ के आवासीय परिसर के भूमिपूजन घलो करीन। ए मउका म मुख्यमंत्री ह कीहिन कि अठारा महीना म ए काॅलोनी बनके तियार हो जाही।

कोरोना समाचार
ब्रिटेन ले रायपुर आये दू झिन माइलोगिन कोरोना पाॅजीटिव पाय गेहे। ए  दूनो महिला ल मिलाके प्रदेश म ब्रिटेन ले अवइया कोरोना पाॅजीटिव लोगन के संख्या दस हेागे हे। स्वास्थ्य विभाग के अनुसार नौ दिसंबर के बाद ब्रिटेन ले पैंसठ लोगन मन छत्तीसगढ़ आय हे, ओमा ले तिरपन लोगन के कोरोना जांच करे गे रीहिस, जेमा ले दस लेागन कोरोना पाॅजीटिव पाय गेहे।
इही बीच एम्स के निदेश डॅाक्टर नीतिन एम. नागरकर ह बताइन कि वी.आर.डी. लैब ह सर्विलांस स्टडी बर सत्तर सैंपल नेशनल वायरोलाॅजी लेबोरेट्री पुणे भेजे गेहे। ओमन बताइन कि ब्रिटेन ले आय पाॅजीटिव लोगन ल एम्स के एक विशेष वार्ड म भर्ती कराय गेहे।
उंहें स्वास्थ्य मंत्री टी.एस. सिंहदेव ह बताइन कि विदेश ले आये मनखे मनके कोरोना पाॅजीटिव मिले म ओमन ल अलग  राखे के बेवस्था कर ले गेहे।
इही बीच प्रदेश म कोरोना संक्रमित मरीज मनके संख्या दू लाख सतहत्तर हजार के पार होगे हे। राज्य म अभी कोरोना पाॅजीटिव बारह हजार ले जादा लोगन के आने आने अस्पताल म इलाज चलत हे।

केंद्र उड़ान रोक
केंद्र सरकार ह ब्रिटेन ले अवइया अउ जवइया उड़ान उपर लगे अस्थाई रोक ल अवइया सात जनवरी तक बढ़ा देहे।
नागरिक उड्डयन मंत्री हरदीप सिंह पुरी ह कीहिन कि ए अवधि के बाद उड़ान फेर ले शुरू करे म कड़ा नियम के पालन करे जाही। ए बारे म जानकारी के घोषणा तुरते दे जाही।
केंद्रीय स्वास्थ्य सचिव ह सबो राज्य मन ल चिट्ठी लिखके कीहिन कि अइसे सबो घटना उपर कड़ा नजर राखे जाय, जेखर ले संक्रमण फैले के खतरा होही।

स्लोगन प्रतियोगिता
स्वामी विवेकानंद के जयंती राष्ट्रीय युवा दिवस के मउका म जनसंपर्क विभाग डहार ले गढ़बो नवा छत्तीसगढ़ अउ छत्तीसगढ़ युवा – विसय उपर स्लोगन प्रतियोगिता के आयोजन करे जात हे। ए प्रतियोगिता म भाग लेबर इच्छुक प्रतिभागी अवइया एक ले दस जनवरी तक जनसंपर्क विभाग के वेबसाइट म आॅनलाइन पंजीयन करा सकथे।
स्लोगन स्व लिखित होना चाहिए। नकल या कहूं ले लेगे स्लोगन म कोनो भी विवाद के मामला म प्रतिभागी जिम्मेदार होही।  भाषा छत्तीसगढ़ी, हिंदी अउ अंग्रेजी होही। ए प्रतियोगिता के माध्यम ले चयनित स्लोगन के उपयोग प्रचार प्रसार बर करे जा सकही। सबो प्रतिभागी मन  ल डिजिटल प्रमाण पत्र अउ सौ  सर्वश्रेष्ठ स्लोगन ल जनसंपर्क विभाग डहार ले एक-एक हजार रूपिया के पुरस्कार दे जाही।

हमर पुलिस हमर संग
महासमुंद जिला के दूरिहा के माओवाद प्रभावित गंाव तिलाईमाल म हमर पुलिस हमर संग – कार्यक्रम के आयोजन करे गेहे।
ए मउका म जिला के पुलिस अधीक्षक ह ग्रामवासी मन ल साइबर क्राईम, आॅनलाईन ठगी, एटीएम फ्राॅड, यूपीआई पिन ठगी, ओटीपी अउ पासवर्ड के उपयोग करत अज्ञात मनखे मन डहार ले ठगी करे के बारे म जानकारी दीन अउ उंखर मनले सावधान रेहे के सलाह दीन।
ओमन गंाव के लोगन मन ल पुलिस मित्र बनाय बर प्रोत्साहित करीन अउ गांव ल नशामुक्त राखे के समझाईश दीन। संगेसंग गांव म माओवादी  गतिविधि होय के जानकारी देबर अउ माओवादी उन्मूलन म सहयोग करे के अपील करीन।