आज दिनभर के खबर ल अपन गुरतुर छत्तीसगढ़ी भाखा म पढ़व

प्रधानमंत्री नरेंद्र मोदी ह काली प्रधानमंत्री किसान सम्मान निधि के तहत वित्तीय लाभ के अगला किस्त वीडियो कॅान्फे्रंस के माध्यम ले जारी करही । नौ करोड़ ले जादा किसान परिवार मनके खाता म अठारा हजार करोड़ रूपिया ले जादा के पइसा डाले जाही। प्रधानमंत्री ह ए कार्यक्रम के दउरान छै ठिन राज्य के किसान मनले घलो गोठबात करही।

मुख्यमंत्री भूपेश बघेल ह आज गोधन न्याय योजना के हितग्राही मनके खाता म गोबर खरीदी के दसवंा किश्त के पइसा ल गउ पालक मनके खाता म जमा करीन। ए योजना म प्रदेश के एक लाख चालीस हजार ले जादा पशु पालक मन फायदा उठावत हे। विधानसभा परिसर स्थित अपन कार्यालय ले वीडियो कॅान्फे्रसिंग के माध्यम ले संबोधित करत मुख्यमंत्री ह कीहिन कि गोधन न्याय योजना के तहत अब तक गउ पालक मन ल चैंसठ करोड़ बीस लाख रूपिया दे जा चुके हे। मुख्यमंत्री ह कीहिन कि गोधन न्याय योजना म गोबर बिसाय के संगेसंग हजारों गांव के माइलोगिन मन ह वर्मी कम्पोस्ट बनाय के काम घलो करत हे।

केंद्र सरकार ह प्रधानमंत्री आवास योजना – शहरी के तहत छत्तीसगढ़ के मोर जमीन मोर मकान योजना के समावेशी माॅडल के प्रशंसा करत राज्य ल पुरस्कृत करे के घोषणा करे हे। संगेसंग सबले बढ़िया प्रदर्शन करइया नगर पालिका के श्रेणी म डोंगरगढ़ ल पुरस्कार दे जाही। कार्यक्रम म बढ़िया घर बनइया छत्तीसगढ़ के हितग्राही धमतरी के अंजू साहू अउ मुमताज बेगम के संगेसंग कवर्धा के ममता वर्मा ल घलो सम्मानित करे जाही। मुख्यमंत्री अउ नगरीय प्रशासन मंत्री ह हितग्राही मन ल बधाई दे हवय।

प्रदेश म ए बेरा समर्थन मूल्य म धान बिसाय के काम चलत हे। तेईस दिसंबर तक सैंतीस लाख मीटरिक टन ले जादा धान खरीदे जा चुके हे। उंहें प्रदेश के राईस मिल के संचालक मन ल नौ लाख अड़तीस हजार मीटरिक टन ले जादा धान के डीओ जारी करे गेहे।

राईस मिलर डहार ले अब तक छै लाख तिहत्तर हजार मीटरिक टन धान के उठाव कर लेहे।

एति जांजगीर के एसडीएम ह धान खरीदी बर पीडीएस के बोरा नइ देके सेती सात ठिन दुकान ल निलंबित कर देहे। त उंहें नवापारा के पीडीएस दुकान के लाइसेंस ल निरस्त कर दे गेहे।

प्रदेश म अब गोठान मन म गोबर ले तियार गौ काष्ठ के प्रयोग जाड़ भगाय बर अलाव के रूप म करे जाही। ए बारे म निर्देश जारी कर दे गेहे। नगरीय निकाय मन म जाड़ के बेरा म आम लोगन मन बर चैक चैराहा म लकड़ी के अलाव जलाये जाथे।

नगरीय प्रशासन मंत्री डॅाक्टर शिवकुमार डहरिया ह बताइन कि सरकार के ए फैसला ले जिहंा पेड़ के कटाई रूकही त उंहें प्रदूषण उपर घलो रोकथाम होही।

छत्तीसगढ़ विधानसभा म आज पोलावरम बांध के मुद्दा जोरदरहा उठीस। जल संसाधन मंत्री रविंद्र चैबे ह मानिन कि पोलावरम बांध ले कोंटा मुख्यालय के संगेसंग नौ ठिन गांव ह बूड़ही। ओमन कीहिन कि साढ़े आठ हजार ले जादा इंहा रहइया लोगन मन प्रभावित होही। जेखर बर सरकार ह उंखर मनके हित के रक्षा बर उच्चतम न्यायालय गेहे। प्रश्नकाल म जनता कंाग्रेस छत्तीसगढ़ के विधायक रेणु जोगी ह ए मुद्दा ल उठाइन।

उंहें चर्चा के दौरान भाजपा के अजय चंद्राकर, शिवरतन शर्मा अउ जनता कंाग्रेस छत्तीसगढ़ के धरमजीत सिंह ह एला गंभीर मामला बताइन । एखर उपर मंत्री रविंद्र चैबे ह कीहिन कि प्रभावित मनके पुर्नवास बर सरकार ह नीति बनाही। उंहें सदन म आज प्रदेश म कानून बेवस्था ल लेके शोर शराबा होइस। विपक्ष ह एखर उपर स्थगन के माध्यम ले चर्चा के मांग करीन। विपक्ष के स्थगन प्रस्ताव ल अग्राह्य करे जाय के बाद हंगामा शुरू होगे। हंगामा ल देखत आसंदी ह सदन के कार्यवाही ल पांच मिनट बर स्थगित कर दीन।

छत्तीसगढ़ संस्कृत विद्यामंडल ह एसो संस्कृत के क्षेत्र म काम करइया संस्कृत विद्धान मन ल सम्मानित करही। इही कड़ी म संस्कृत म गद्य, पद्य अउ चम्पू म नवा रचना करइया विद्धान मन ल महर्षि वाल्मिकी सम्मान, संस्कृत के प्रचार प्रसार म लगे गैर सरकारी या शैक्षिक संस्था या फेर मनखे मन ल ऋषि ़श्रृंग सम्मान, संस्कृत पाठशाला म बढ़िया काम करइया अध्यापक मन ल लोमन ऋषि अउ राज्य के संस्कृति विदुषी मन ल कौसल्या सम्मान ले सम्मानित करे जाही।

मुख्यमंत्री भूपेश बघेल ह लोकवाणी म ए दारी युवा मनले गोठबात करही। ए बारे म कोनो भी मनखे आकाशवाणी रायपुर के दूरभाष नंबर शून्य सात सात एक दू चार तीन शून्य पांच शून्य एक, पांच शून्य दू अउ पांच शून्य तीन म अठाईस, उन्तीस अउ तीस दिसंबर के मंझनियंा तीन ले चार बजे के बीच फोन करके अपन सवाल रिकार्ड करा सकत हे।

मुख्यमंत्री के मासिक रेडियो वार्ता लोकवाणी के चैदहवंा कड़ी के प्रसारण दस जनवरी दू हजार इक्कीस के होही। एखर प्रसारण छत्तीसगढ़ स्थित आकाशवाणी के जम्मों केंद्र एफ.एम. रेडियो अउ क्षेत्रीय समाचार चैनल मनले बीहनिया साढ़े दस बजे ले ग्यारा बजे तक करे जाही।

छत्तीसगढ़ स्कूल शिक्षा विभाग डहार ले लईका मनके पढ़ई चलाये बर शुरू करे गे योजना पढ़ई तुंहर दुआर के हमारे नायक कालम म आज ले ब्लाॅग लेखन राजभाषा छत्तीसढ़ी म शुरू होगे हे। छत्तीसगढ़ी भाषा म शिक्षक अउ छात्र मनके ब्लाॅग अपलोड करे गेहे।

जानबा के मुताबिक स्कूल शिक्षा विभाग के प्रमुख सचिव डहार ले पढ़ई तुंहर दुआर कार्यक्रम म प्रदेश के शिक्षक अउ लईका मन ल आगू लाये के उद्देश्य ले सीजी स्कूल पोर्टल उपर हमारे नायक कालम ल जोड़े गेहे। जेमा रोजे एक झिन शिक्षक अउ एक झिन छात्र के कहानी ल अपडेट करे जाथे।

छत्तीसगढ़ पिछड़ा वर्ग आयोग के काली राजधानी रायपुर म बइठका होइस। जेमा अन्य पिछड़ा वर्ग के आने आने जाति म मात्रा के गलती, अनुकम्पा नियुक्ति, छात्रावास खोले के मंाग, बैकलाॅग के पद म नियुक्ति के बारे म मिले अर्जी उपर विचार-विमर्श करे गीस। आयोग के अध्यक्ष ह बताइन कि बइठका म मिले शिकायत उपर गोठबात करे के बाद जरूरी कार्रवाई बर ओखर ले जुड़े विभाग म चिट्ठी भेजके जानबा लेके फैसला ले गेहे।

बिलासपुर के अतिरिक्त आयकर आयुक्त आर.के. बराल ह कीहिन हे कि आयकर विभाग के – विवाद से विश्वास – योजना म अब्बड़ फायदा हे, फेर लोगन मन टैक्स अउ पेनाल्टी के गुणा भाग म उलझे रहिथे। ओमन बताइन कि ए योजना के तहत अर्जी करइया मन बर आखरी तारीख इकतीस दिसंबर हे।

श्री बराल ह काली रायगढ़ म करदाता, वकील, सीए, आयकर विभाग म काम करइया अउ चेम्बर आॅफ कामर्स के प्रतिनिधि मन ल संबोधित करत रीहिन।

मनी लान्डिंªग केस म गिरफ्तार होय बर्खास्त आईएएस बाबूलाल अग्रवाल ल रायपुर जेल भेज दे गेहे। एखर पहिली बर्खास्त आईएएस ह रायपुर म प्रवर्तन निदेशालय के विशेष अदालत म जमानत बर याचिका दाखिल करे रीहिन, जेला खारिज कर देगे रीहिस। जेखर बाद हाइकोर्ट म याचिका लगाये गीस जिहंा वेकेशन कोर्ट के एकल पीठ म काली सुनवाई के दउरान ओखर अधिवक्ता ह याचिका ल दूसर बार पेश करे के अनुमति मांगीन, जेला वापिस ले ले गीस।

जंाजगीर चंापा जिला के अकलतरा म स्थित जैन मंदिर म चोरी के मामला म अब तक एको झन आरोपी के नइ पकड़े जाय ले गुस्साये लोगन मन ह आज धरना प्रदर्शन करीन। जैन समाज के लोगन मन केहे हे कि यदि जल्दी चोर मन ल नइ पकड़े जाही त आगू घलो आंदोलन करे जाही।

उंहें जैन समाज ह चोर मनके बारे म बतइया मन ल इंक्यावन हजार रूपिया इनाम देके घोषणा करे हे। त पुलिस अधीक्षक ह घलो पांच हजार रूपिया के इनाम राखे हे।

एति अकलतरा विधायक सौरभ सिंह ह ए मामला ल विधानसभा म घलो उठाय हे। जानबा के मुताबिक पाछू सतरा दिसंबर के रतिहा जैन मंदिर ले तीन ठिन मूर्ति, छत्र, अउ दानपेटी ले दू लाख रूपिया के चोरी होगे रीहिस।