कोरोना जांच शुल्क
प्रदेश म कोरोना संक्रमण के जांच बर आरटीपीसीआर, रैपिड एंटीजन अउ ट्रू-नेट टेस्ट के कीमत कम कर दे गेहे। राज्य के प्रायवेट अस्पताल अउ पैथाॅलाजी केंद्र मन म नवा कीमत तुरते लागू कर दे गेहे।
जारी आदेश के मुताबिक आरटीपीसीआर टेस्ट बर यदि सैंपल कलेक्शन सेंटर म करे जाथे त एखर बर मरीज मनले सात सौ पचास रूपिया ले जाही। सैंपल मरीज के घर जाके ले म दू सौ रूपिया उपराहा ले जाही।
अइसने ट्रू-नेट टेस्ट बर पैथाॅलाजी सेंटर म पंद्रह सौ रूपिया अउ एंटीजन टेस्ट बर चार सौ रूपिया के कीमत राखे गेहे।
कोरोना समाचार जागरूकता
प्रदेश म काली कोरोना संक्रमण के बारा सौ उनतीस मामला आइस। राज्य म कोरोना पाॅजीटिव मरीज के संख्या दू लाख सैंतालिस हजार के करीब पहुंच गेहे। उंहें प्रदेश म बीस हजार ले जादा कोरोना संक्रमित मरीज मनके इलाज आने-आने अस्पताल म चलत हे।
कोंडागांव जिला मुख्यालय स्थित सिटी कोतवाली थाना के सात झिन जवान कोरोना पाॅजीटिव पाय गेहे।
ओति बिलासपुर म कोरोना संक्रमित मनके पहिचान बर सिम्स म सरलग जांच चलत हे। पांच दिसंबर के आरटीपीसीआर जांच के आंकड़ा पचास हजार ले उपर होगे हे। एति राजनंादगंाव जिला म कोरोना संक्रमण ल रोके बर मरीज मन ल अब ई-संजीवनी टेली कंसल्टेशन के माध्यम ले सलाह दे जात हे।
उंहें छत्तीसढ़ के लोक कलाकार शिव कुमार तिवारी ह लोगन मनले कोरोना ले बचाव बर जरूरी सावधानी बरते के अपील करे हे।
पंचायत प्रतिनिधि प्रशिक्षण
मुख्यमंत्री भूपेश बघेल ह आज वीडियो कॅान्फे्रसिंग के माध्यम ले ठाकुर प्यारेलाल राज्य पंचायत अउ ग्रामीण विकास संस्थान निमोरा म नवा बने पंचायत प्रतिनिधि मनके प्रशिक्षण कार्यक्रम के शुभारंभ करीन।
मुख्यमंत्री ह कीहिन कि कोरोना संकटकाल ले निपटे बर शासन के संगेसंग पंचायत राज प्रतिनिधि मन ह गंाव-गांव म अपन बड़का भूमिका निभावत हे। कार्यक्रम के अध्यक्षता करत पंचायत अउ ग्रामीण विकास मंत्री टी.एस. सिंहदेव ह कीहिन कि पंचायत प्रतिनिधि मन उपर गांव के पूरा विकास के बड़का जिम्मेदारी हवय। ए मउका म मुख्यमंत्री ह प्रदेश के पंचायती राज संस्था मन म नवा बने करीबन एक लाख पचहत्तर हजार प्रतिनिधि मनके आधारभूत प्रशिक्षण बर पांच प्रकार के प्रशिक्षण माड्यूल पठन साहित्य के विमोचन घलो करीन।
स्वास्थ्य मंत्री मितानिन सम्मान
स्वास्थ्य अउ परिवार कल्याण मंत्री टी.एस. सिंहदेव ह कोरोना संकटकाल के दउरान बढ़िया भूमिका निभइया बिलासपुर जिला के चार सौ अड़तीस मितानिन मन ल सम्मान करे हे। ए मउका म स्वास्थ्य मंत्री ह जिला म मितानिन भवन बनाये के घोषणा घलो करे हे।प्रोफेशनल लर्निंग कम्युनिटी
प्रदेश के स्कूल मन म काम करइया शिक्षक मन ल एक-दूसर ले सीखे अउ सोशल मीडिया के माध्यम ले सरलग एक-दूसर ले जुड़े रहिके शैक्षणिक विकास के उद्देश्य ले प्रोफेशनल लर्निंग कम्यूनिटी बनाय गेहे। एखर बर पढ़ई तुंहर दुआर के वेबसाइट सीजी स्कूल डॅाट इन म एन आई सी के मदद ले वेब पेज बनाय गेहे। एमा राज्य म काम करइया प्रोफेशनल लर्निंग कम्यूनिटी ल एक हफ्ता के भीतर पंजीयन कराय बर पड़ही।
धान खरीदी प्रदर्शन
महासमुंद जिला म बागबहरा ब्लाॅक के बसूलाडबरी धान खरीदी केंद्र म बोरा के कमी अउ अव्यवस्था के आरोप लगावत किसान मन ह प्रदर्शन करीन अउ सोसायटी म ताला लगा दीन । नोडल अधिकारी कोति ले आश्वासन मिले के बाद ताला खोले गीस।
एति नेता प्रतिपक्ष धरमलाल कौशिक ह आरोप लगाय हे कि किसान मनके नाव म सत्ता म आय कंाग्रेस सरकार ह किसान मन ल छलत हे। ओमन कीहिन कि प्रशासन कोति ले घर म बइठके गिरदावरी करे जात हे।
ओति राजनंादगंाव सांसद संतोष पांडे ह घलो राज्य सरकार उपर किसान मनके संग शडयंत्र करे के आरोप लगाय हे।
भारत- बंद
नवा कृषि कानून के विरोध म आने-आने किसान संगठन मन ह काली आठ दिसंबर के भारत बंद के आह्वान करे हे। बंद ल कंाग्रेस ह घलो समर्थन देहे। एखर अलावा राज्य के प्रमुख व्यापारी संघ चेंबर आॅफ काॅमर्स ह घलो भारत बंद ल अपन समर्थन देके फैसला लेहे। ए दउरान फल-सब्जी, दूध, पेट्रोल पंप अउ दवई के दुकान खुला रीही।
भालू हमला/हाथी उत्पात
कोरिया जिला म सोनहत विकासखंड के गांव अंगवाही के जंगल म भालू मनके हमला म चार झिन गांव के लोगन के मउत होगे। त उंहें दू झिन आने मनखे घायल होगे हे।
जानबा के मुताबिक काली गांव के लोगन मन ह हर्रा बीने बर जंगल कोति गे रीहिन, इही दउरान भालू मन ह इंखर उपर हमला कर दीन। ए हमला म दू झिन माइलोगिन के संगेसंग चार झिन लोगन मनके मउकाच म प्रान छूट गे। वन विभाग के टीम ल खबर मिले के बाद ओमन भालू ल पकड़े म लग गेहे।
एति महासमुंद जिला के सिरपुर क्षेत्र म हाथी मनले किसान मन ह परेसान हे। गांव परसाडीह के खलिहान म एक ठिन दंतैल हाथी देखे गेहे, जेला भगाये के प्रयास करे जावत हे। तीर तखार के गांव मन म घलो सावधानी बरते के अपील करे गेहे।
सशस्त्र सेना झण्डा दिवस
आज भारतीय सशस्त्र सेना झंडा दिवस हे। ए मउका म उपराष्ट्रपति, प्रधानमंत्री, अउ सूचना प्रसारण मंत्री ह लोगन मनले शहीद जवान, दिव्यांग सैनिक अउ उंखर परिवार मनके मदद बर सशस्त्र सेना झंडा दिवस फंड म सहयोग देके आह्वान करे हे।
एति छत्तीसगढ़ के राज्यपाल अउ मुख्यमंत्री ह घलो प्रदेश के लोगन मनले सशस्त्र सेना झंडा दिवस कोश म दान देके अपील करे हे। जानबा के मुताबिक सशस्त्र सेना झंडा दिवस बछर उन्नीस सौ उनचास ले हर साल सात दिसंबर के सेना, नौसेना अउ वायुसेना के जवान मनके सम्मान म मनाये जाथे।
दुर्घटना
कोरिया जिला म सोनहत विकासखंड के कटगोड़ी घाट म आज फटफटी अउ पिकअप गाड़ी के बीच होय टक्कर म एक झिन मनखे के मउत होगे अउ दू झिन आने मनखे घायल होगे हे। घटना के बाद गुस्साये भीड़ ह पिकअप गाड़ी म आगी लगा दीन।
एति राजनांदगंाव जिला के खैरागढ़ रोड़ म कलकसा चैक के तीर कार अउ टरक के बीच होय टक्कर म ग्यारा झिन मनखे घायल होगे। घायल मनखे मन ल खैरागढ़ के अस्पताल म भर्ती कराय गेहे।
यातायात विशेष अभियान
राजधानी रायपुर म यातायात नियम के उल्लंघन करइया गाड़ी चलइया मनके खिलाफ काली ले विशेष अभियान शुरू होगे हे।
वरिष्ठ पुलिस अधीक्षक ह बताइन कि पाछू दू ले पांच दिसंबर तक शहर के चैक-चैराहा के संगेसंग आने आने जगा मन म यातायात के नियम के पालन करे के अपील करे गे रीहिस। छै दिसंबर ले यातायात नियम के उल्लंघन करइया मनके खिलाफ कार्रवाई करे जात हे।
ओमन बताइन कि बिना हेल्मेट, बिना सीटबेल्ट, नशा के हालत म गाड़ी चलइया, दूपहिया गाढ़ी म तीन ठिन सवारी मन उपर विशेष अभियान चलाये जात हे। पुलिस अधीक्षक ह बताइन कि एखर बर यातायात पुलिस के अधिकारी अउ कर्मचारी मनके तीस झिन जांच दल बनाय गेहे।
ओति गरियाबंद जिला म पुलिस अधीक्षक भोजराम पटेल ह जिला के जम्मों थाना प्रभारी मन ल जुंआ, शराब, सट्टा के संगेसंग सामाजिक अपराध उपर रोक लगाय बर गांव के कोटवार मनले मदद लेके निर्देश देहे।
अउ अब थोरकुन समाचार सार म-
– जांजगीर के बीज प्रक्रिया केंद्र ले बोनस के पइसा ह एक साल बाद घलो नइ मिले ले नाराज किसान मन ह काली आठ दिसंबर के धरना प्रदर्शन करे के चेतावनी देहे।
– कोंडागंाव जिला म सुरक्षा बलके टीम ह दस किलो वजनी टिफिन बम बरामद करे हे। जेला मउकाच म निष्क्रिय कर दे गीस।
अउ
– महासमुंद म आज छत्तीसगढ़ गा्रम रोजगार सहायक संघ ह रोजगार सहायक मनके नियमितीकरण के संगेसंग अपन चार सूत्रीय मंाग ल लेके धरना प्रदर्शन करीन।
प्रदेश म कोरोना संक्रमण के जांच बर आरटीपीसीआर, रैपिड एंटीजन अउ ट्रू-नेट टेस्ट के कीमत कम कर दे गेहे। राज्य के प्रायवेट अस्पताल अउ पैथाॅलाजी केंद्र मन म नवा कीमत तुरते लागू कर दे गेहे।
जारी आदेश के मुताबिक आरटीपीसीआर टेस्ट बर यदि सैंपल कलेक्शन सेंटर म करे जाथे त एखर बर मरीज मनले सात सौ पचास रूपिया ले जाही। सैंपल मरीज के घर जाके ले म दू सौ रूपिया उपराहा ले जाही।
अइसने ट्रू-नेट टेस्ट बर पैथाॅलाजी सेंटर म पंद्रह सौ रूपिया अउ एंटीजन टेस्ट बर चार सौ रूपिया के कीमत राखे गेहे।
कोरोना समाचार जागरूकता
प्रदेश म काली कोरोना संक्रमण के बारा सौ उनतीस मामला आइस। राज्य म कोरोना पाॅजीटिव मरीज के संख्या दू लाख सैंतालिस हजार के करीब पहुंच गेहे। उंहें प्रदेश म बीस हजार ले जादा कोरोना संक्रमित मरीज मनके इलाज आने-आने अस्पताल म चलत हे।
कोंडागांव जिला मुख्यालय स्थित सिटी कोतवाली थाना के सात झिन जवान कोरोना पाॅजीटिव पाय गेहे।
ओति बिलासपुर म कोरोना संक्रमित मनके पहिचान बर सिम्स म सरलग जांच चलत हे। पांच दिसंबर के आरटीपीसीआर जांच के आंकड़ा पचास हजार ले उपर होगे हे। एति राजनंादगंाव जिला म कोरोना संक्रमण ल रोके बर मरीज मन ल अब ई-संजीवनी टेली कंसल्टेशन के माध्यम ले सलाह दे जात हे।
उंहें छत्तीसढ़ के लोक कलाकार शिव कुमार तिवारी ह लोगन मनले कोरोना ले बचाव बर जरूरी सावधानी बरते के अपील करे हे।
पंचायत प्रतिनिधि प्रशिक्षण
मुख्यमंत्री भूपेश बघेल ह आज वीडियो कॅान्फे्रसिंग के माध्यम ले ठाकुर प्यारेलाल राज्य पंचायत अउ ग्रामीण विकास संस्थान निमोरा म नवा बने पंचायत प्रतिनिधि मनके प्रशिक्षण कार्यक्रम के शुभारंभ करीन।
मुख्यमंत्री ह कीहिन कि कोरोना संकटकाल ले निपटे बर शासन के संगेसंग पंचायत राज प्रतिनिधि मन ह गंाव-गांव म अपन बड़का भूमिका निभावत हे। कार्यक्रम के अध्यक्षता करत पंचायत अउ ग्रामीण विकास मंत्री टी.एस. सिंहदेव ह कीहिन कि पंचायत प्रतिनिधि मन उपर गांव के पूरा विकास के बड़का जिम्मेदारी हवय। ए मउका म मुख्यमंत्री ह प्रदेश के पंचायती राज संस्था मन म नवा बने करीबन एक लाख पचहत्तर हजार प्रतिनिधि मनके आधारभूत प्रशिक्षण बर पांच प्रकार के प्रशिक्षण माड्यूल पठन साहित्य के विमोचन घलो करीन।
स्वास्थ्य मंत्री मितानिन सम्मान
स्वास्थ्य अउ परिवार कल्याण मंत्री टी.एस. सिंहदेव ह कोरोना संकटकाल के दउरान बढ़िया भूमिका निभइया बिलासपुर जिला के चार सौ अड़तीस मितानिन मन ल सम्मान करे हे। ए मउका म स्वास्थ्य मंत्री ह जिला म मितानिन भवन बनाये के घोषणा घलो करे हे।प्रोफेशनल लर्निंग कम्युनिटी
प्रदेश के स्कूल मन म काम करइया शिक्षक मन ल एक-दूसर ले सीखे अउ सोशल मीडिया के माध्यम ले सरलग एक-दूसर ले जुड़े रहिके शैक्षणिक विकास के उद्देश्य ले प्रोफेशनल लर्निंग कम्यूनिटी बनाय गेहे। एखर बर पढ़ई तुंहर दुआर के वेबसाइट सीजी स्कूल डॅाट इन म एन आई सी के मदद ले वेब पेज बनाय गेहे। एमा राज्य म काम करइया प्रोफेशनल लर्निंग कम्यूनिटी ल एक हफ्ता के भीतर पंजीयन कराय बर पड़ही।
धान खरीदी प्रदर्शन
महासमुंद जिला म बागबहरा ब्लाॅक के बसूलाडबरी धान खरीदी केंद्र म बोरा के कमी अउ अव्यवस्था के आरोप लगावत किसान मन ह प्रदर्शन करीन अउ सोसायटी म ताला लगा दीन । नोडल अधिकारी कोति ले आश्वासन मिले के बाद ताला खोले गीस।
एति नेता प्रतिपक्ष धरमलाल कौशिक ह आरोप लगाय हे कि किसान मनके नाव म सत्ता म आय कंाग्रेस सरकार ह किसान मन ल छलत हे। ओमन कीहिन कि प्रशासन कोति ले घर म बइठके गिरदावरी करे जात हे।
ओति राजनंादगंाव सांसद संतोष पांडे ह घलो राज्य सरकार उपर किसान मनके संग शडयंत्र करे के आरोप लगाय हे।
भारत- बंद
नवा कृषि कानून के विरोध म आने-आने किसान संगठन मन ह काली आठ दिसंबर के भारत बंद के आह्वान करे हे। बंद ल कंाग्रेस ह घलो समर्थन देहे। एखर अलावा राज्य के प्रमुख व्यापारी संघ चेंबर आॅफ काॅमर्स ह घलो भारत बंद ल अपन समर्थन देके फैसला लेहे। ए दउरान फल-सब्जी, दूध, पेट्रोल पंप अउ दवई के दुकान खुला रीही।
भालू हमला/हाथी उत्पात
कोरिया जिला म सोनहत विकासखंड के गांव अंगवाही के जंगल म भालू मनके हमला म चार झिन गांव के लोगन के मउत होगे। त उंहें दू झिन आने मनखे घायल होगे हे।
जानबा के मुताबिक काली गांव के लोगन मन ह हर्रा बीने बर जंगल कोति गे रीहिन, इही दउरान भालू मन ह इंखर उपर हमला कर दीन। ए हमला म दू झिन माइलोगिन के संगेसंग चार झिन लोगन मनके मउकाच म प्रान छूट गे। वन विभाग के टीम ल खबर मिले के बाद ओमन भालू ल पकड़े म लग गेहे।
एति महासमुंद जिला के सिरपुर क्षेत्र म हाथी मनले किसान मन ह परेसान हे। गांव परसाडीह के खलिहान म एक ठिन दंतैल हाथी देखे गेहे, जेला भगाये के प्रयास करे जावत हे। तीर तखार के गांव मन म घलो सावधानी बरते के अपील करे गेहे।
सशस्त्र सेना झण्डा दिवस
आज भारतीय सशस्त्र सेना झंडा दिवस हे। ए मउका म उपराष्ट्रपति, प्रधानमंत्री, अउ सूचना प्रसारण मंत्री ह लोगन मनले शहीद जवान, दिव्यांग सैनिक अउ उंखर परिवार मनके मदद बर सशस्त्र सेना झंडा दिवस फंड म सहयोग देके आह्वान करे हे।
एति छत्तीसगढ़ के राज्यपाल अउ मुख्यमंत्री ह घलो प्रदेश के लोगन मनले सशस्त्र सेना झंडा दिवस कोश म दान देके अपील करे हे। जानबा के मुताबिक सशस्त्र सेना झंडा दिवस बछर उन्नीस सौ उनचास ले हर साल सात दिसंबर के सेना, नौसेना अउ वायुसेना के जवान मनके सम्मान म मनाये जाथे।
दुर्घटना
कोरिया जिला म सोनहत विकासखंड के कटगोड़ी घाट म आज फटफटी अउ पिकअप गाड़ी के बीच होय टक्कर म एक झिन मनखे के मउत होगे अउ दू झिन आने मनखे घायल होगे हे। घटना के बाद गुस्साये भीड़ ह पिकअप गाड़ी म आगी लगा दीन।
एति राजनांदगंाव जिला के खैरागढ़ रोड़ म कलकसा चैक के तीर कार अउ टरक के बीच होय टक्कर म ग्यारा झिन मनखे घायल होगे। घायल मनखे मन ल खैरागढ़ के अस्पताल म भर्ती कराय गेहे।
यातायात विशेष अभियान
राजधानी रायपुर म यातायात नियम के उल्लंघन करइया गाड़ी चलइया मनके खिलाफ काली ले विशेष अभियान शुरू होगे हे।
वरिष्ठ पुलिस अधीक्षक ह बताइन कि पाछू दू ले पांच दिसंबर तक शहर के चैक-चैराहा के संगेसंग आने आने जगा मन म यातायात के नियम के पालन करे के अपील करे गे रीहिस। छै दिसंबर ले यातायात नियम के उल्लंघन करइया मनके खिलाफ कार्रवाई करे जात हे।
ओमन बताइन कि बिना हेल्मेट, बिना सीटबेल्ट, नशा के हालत म गाड़ी चलइया, दूपहिया गाढ़ी म तीन ठिन सवारी मन उपर विशेष अभियान चलाये जात हे। पुलिस अधीक्षक ह बताइन कि एखर बर यातायात पुलिस के अधिकारी अउ कर्मचारी मनके तीस झिन जांच दल बनाय गेहे।
ओति गरियाबंद जिला म पुलिस अधीक्षक भोजराम पटेल ह जिला के जम्मों थाना प्रभारी मन ल जुंआ, शराब, सट्टा के संगेसंग सामाजिक अपराध उपर रोक लगाय बर गांव के कोटवार मनले मदद लेके निर्देश देहे।
अउ अब थोरकुन समाचार सार म-
– जांजगीर के बीज प्रक्रिया केंद्र ले बोनस के पइसा ह एक साल बाद घलो नइ मिले ले नाराज किसान मन ह काली आठ दिसंबर के धरना प्रदर्शन करे के चेतावनी देहे।
– कोंडागंाव जिला म सुरक्षा बलके टीम ह दस किलो वजनी टिफिन बम बरामद करे हे। जेला मउकाच म निष्क्रिय कर दे गीस।
अउ
– महासमुंद म आज छत्तीसगढ़ गा्रम रोजगार सहायक संघ ह रोजगार सहायक मनके नियमितीकरण के संगेसंग अपन चार सूत्रीय मंाग ल लेके धरना प्रदर्शन करीन।