मंत्रिमंडल-निर्णय-01
राज्य मंत्रिपरिषद के बइठका म आज गोधन न्याय योजना, शिक्षा कर्मी के संविलियन, यात्री बस के जून महीना के मासिक कर म छूट अउ अनुकंपा नियुक्ति नियम म संसोधन के प्रस्ताव के अनुमोदन समेत कई ठिन आने महत्वपूर्ण फैसला ले गीस।
मुख्यमंत्री भूपेश बघेल के अगुवई म आज रईपुर के उंखर निवास कार्यालय म मंत्री परिषद के बइठका होईस। एमा नरवा, गरूवा, घुरवा अउ बारी के मंजूर गौठान मन ल आजीविका ले जोड़े बर गोधन न्याय योजना के मंजूरी दे गीस। राज्य म हरेली परब के दिन ले ए योजना सुरू होही। योजना म पशुपालक मन ले दू रूपिया किलो के दर ले गोबर बिसाय जाही। ए गोबर ले बनइया वर्मी कम्पोस्ट ल सहकारी समिति कोति ले आठ रूपिया किलो के दर ले होही संगेसंग लैम्पस अउ प्राथमिक कृषि साख सहकारी समिति के अल्पकालीन कृषि ऋण म जैवित खातू ल सामिल करे गेहे।
उहें, मंत्री परिषद ह दू बछर या ओखर ले जादा के सेवा पूरा करइया, सेष बचे पंचायत अउ नगरीय निकाय संवर्ग के शिक्षक मनके संविलियन अवइया एक नवंबर ले स्कूल सिक्षा विभाग म करे के मंजूरी दीन। एखर फायदा सोलह हजार ले जादा सिक्षक मन ल मिलही।
मंत्रिमंडल-निर्णय-02
उहें, कोरोना संक्रमण के सेती तालाबंदी के स्थिति ल देखत यात्री बस के जून महीना के देय कर म छूट दे गेहे। पचहत्तर लाख बाजार मूल्य तक के आवासीय मकान या फ्लैट के बिक्री म घलो पंजीयन शुल्क म छूट करे जाही। संस्कृति विभाग म छत्तीसगढ़ संस्कृति परिषद के गठन के प्रस्ताव ल मंजूरी दे गीस। महाधिवक्ता कार्यालय बिलासपुर म अतिरिक्त महाधिवक्ता के दू ठन नवा पद बनाय बर केहे गेहे।
मंत्रिपरिषद ह नगरीय क्षेत्र म सरकारी भूईंया के आवंटन, अतिक्रमित भूईंया के व्यवस्थापन, गैर रियायती अउ रियायती दर म आंवटित नजूल पट्टा ल भूईंया स्वामी के अधिकार म परिवर्तन विलेख म जउन स्टाॅम्प सुल्क लगथे, ओमा छूट देके फइसला ले गेहे।
बठइका म छत्तीसगढ़ खाद्य सुरक्षा अधिनियम म एपीएल श्रेणी के रासन कारडधारी मन ल छोड़ के आने रासन कार्ड म राष्ट्रीय खाद्य सुरक्षा अधिनियम के रासन कारड असन जुलाई ले नवंबर महीना तक हर महीना पांच किलो चाउर मनखे हिसाब ले मुफत म दे जाही। संगेसंग हरेक कारड म एक किलो चना मुफत म मिलही।
मंत्रिपरिषद ह अनुकम्पा नियुक्त के संबंध म संसोधन प्रस्ताव राखे हे, जेमा कहूं बिना बिहाव होय सरकारी करमचारी के मउत हो जथे, त अनुकम्पा नियुक्ति बर ओ बखत कहूं ओखर भाई या बहिनी कमती उमर के हवय, त अइसन स्थिति म माता-पिता ले अंतरिम अरजी लेके बड़े होय म नियुक्ति मिल सकही।
मंत्रिमंडल ह राज्य म सीधा भर्ती के सबो पद म तीन बछर के परिविक्षा अवधि म नियुक्ति करे के फइलसा लेहे। उहें, नारायणपुर के अशासकीय संस्था रामकृष्ण मिशन आश्रम के नैमित्तक अउ आकस्मिक स्थापना के करमचारी मनके नियमितीकरण के मंजूरी दे गेहे। संगेसंग छत्तीसगढ़ राज्य विधि आयोग के कार्यकाल ल आगू जारी नइ राखे गे फइसला होय हे।
संसदीय सचिव-शपथ
मुख्यमंत्री भूपेश बघेल ह आज पन्द्रह झिन संसदीय सचिव मन ल पद अउ गोपनीयता के सपथ देवाईन।
रईपुर के मुख्यमंत्री निवास कार्यालय म आज जउन संसदीय सचिव मन शपथ लीन, ओमा द्वारिकाधीश यादव, विनोद चंद्राकर, चन्द्रदेव राय, शकुुंतला साहू, विकास उपाध्याय, अंबिका सिंहदेव, चिंतामणि महराज, यू.डी. मिंज, परसनाथ राजवाड़े, इंदर शाह मंडावी, कुंवर सिंह निषाद, गुरूदयाल सिंह बंजारे, डाॅक्टर रश्मि आशीष सिंह, शिशुपाल सोरी अउ रेखचंद जैन हे। संसदीय सचिव चिंतामणि महाराज ह संस्कृत म सपथ लीन।
स्कूल शिक्षा मंत्री डाॅक्टर प्रेमसाय सिंह टेकाम के संग द्वारिकाधीश यादव ल, पंचायत अउ ग्रामीण विकास मंत्री टी.एस. सिंहदेव संग विनोद चंद्राकर ल, परिवहन अउ आवास मंत्री मोहम्मद अकबर संग चंद्रदेव राय ल, संसदीय कार्यमंत्री रविन्द्र चैबे संग शकुंतला साहू ल अउ लोक निर्माण मंत्री ताम्रध्वज साहू संग विकास उपाध्याय ल जोड़े गेहे।
रेड/आरेंज जोन
प्रदेस म कोरोना संक्रमित मरीज मनके बाढ़त संख्या के बीच स्वास्थ्य विभाग ह रेड अउ आरेंज जोन वाले विकासखंड के नवा सूची जारी करे हे। एखर मुताबिक रईपुर सहर समेत एक सौ बारह विकासखंड ल रेड जोन म राखे गेहे। राजधानी रईपुर के पांच विकासखंड रेड जोन म हवय। उहें, राजनांदगांव के सबले जादा नौ, रायगढ़ अउ जांजगीर के आठ-आठ विकासखंड रेड जोन म हे। उहें, सूची म बत्तीस ठिन विकासखंड ल आरेंज जोन घोषित करे गेहे।
कोरोना-मरीज
पाछु चैबीस घंटा म प्रदेसभर म कोरोना ले संक्रमित एक सौ चैरासी झिन नवा मरीज मिले हे। जेमा रईपुर जिला के सत्यासी झिन मरीज के पुष्टि होय हे। राजनांदगांव म छब्बीस अउ दुरूग म पच्चीस झिन कोरोना संक्रमित मरीज मिले हे।
उहें, आज दुरूग म अब तक दस झिन नवा कोरोना संक्रमित पाय गेहे। एमा छत्तीसगढ़ सशस्त्र बल के तीन जवान सामिल हे। ओति, धमतरी म घलो दू झिन कोरोना संक्रमित मरीज मिले हे।
कोरोना-सतर्कता
स्वास्थ्य मंत्री टी.एस. सिंहदेव ह बतईन हे कि राज्य म हरेक दिन कोरोना संक्रमण के दस हजार नमूना के जांच के लक्षय राखे गेहे। एखर बर जल्दी राजनांदगांव, बिलासपुर अउ अंबिकापुर मेडिकल कालेज म तीन आरटी-पीसीआर लैब के स्थापना करे जाही। राजधानी रईपुर म राज्य कंट्रोल एंड कमांड सेंटर के अधिकारी मनके बइठका लेके स्वास्थ्य मंत्री ह प्रदेस म कोरोना संक्रमण के जांच अउ इलाज के बेवस्था के समीक्षा करीन। ओमन बतईन कि जल्दी जम्मों जिला म ट्रू-नाॅट विधि ले कोरोना संक्रमण के जांच के सुभीता सुरू हो जही।
इही बीच, जांजगीर जिला अस्पताल म कोरोना संक्रमण के नमूना के जांच के सुभीता सुरू होगे हे। अभी हरेक दिन बारह ले पन्द्रह नमूना के जांच होवत हे। इहां जांच बर एक ट्रू-नाॅट मसीन लगाय गेहे।
उहें, मरीज के बाढ़त संख्या ल देखत सरगुजा जिला म आज अउ काली दू दिन के तालाबंदी घोषित करे गेहे। जिला प्रसासन ह लोगन ले जरूरी काम होवय तभे मास्क लगा के बाहिर निकले ए अपील करीन हे। अंबिकापुर सहर म पाछु दस दिन म नौ ठिन कंटेनमेंट जोन बनाय गेहे। स्वास्थ्य विभाग के मुताबिक अभी हाल म अंबिकापुर ले जउन नवा मरीज मिले हे। उंखर मनके कोनों भी किसम के बाहिर ले आय के जानकारी नइ हे।
सीबीएसई-दसवीं परिणाम
केन्द्रीय माध्यमिक शिक्षा बोर्ड-सीबीएसई के दसवीं कक्षा के परीक्षा के परिणाम काली घोषित करे जाही। केन्द्रीय मानव संसाधन विकास मंत्री रमेश पोखरियाल निशंक ह ट्वीट करके जम्मों विद्यार्थी मन ल अपन सुभकामना दीन। दसवीं सीबीएसई के नतीजा वेबसाइट म देखे जा सकही।
मनरेगा-रोजगार
महात्मा गांधी राष्ट्रीय ग्रामीण रोजगार गारंटी योजना-मनरेगा म प्रदेस के जम्मों जाॅब कारडधारी परिवार मन ल उंखर मांग के मुताबिक सौ दिन के रोजगार देके बात निश्चित करे जात हे।
ए संबंध म पंचायत अउ ग्रामीण विकास विभाग के मंत्री टी.एस. सिंहदेव के निरदेस म प्रमुख सचिव गौरव द्विवेदी ह जम्मों जिला कलेक्टर मन ल चिट्ठी जारी करे हे। एमा बताय गेहे कि राज्य म एसो पांच लाख पन्द्रह हजार दू सौ चालीस परिवार ल कम से कम सौ दिन के रोजगार देके लक्षय राखे गेहे। विभाग ह जनपद पंचायत अउ ग्राम पंचायत स्तर म योजना बनाके मजदूर मन ल सौ दिन के रोजगार देवाय के निरदेस देहे।
जनसंख्या स्थिरीकरण पखवाड़ा
दंतेवाड़ा जिला म जनसंख्या स्थिरीकरण पखवाड़ा म जागरूकता खातिर आज प्रचार गाड़ी ल हरियर झंडी देखाके भेजे गीस। मुख्य चिकित्सा अउ स्वास्थ्य अधिकारी डाॅक्टर एस.पी.एस. शांडिल्य ह बतईन कि चैबीस जुलाई तक ए प्रचार गाड़ी गांव-गांव पहुंच के आंगनबाड़ी कार्यकर्ता अउ मितानिन मन ल जागरूक करही।
राज्य मंत्रिपरिषद के बइठका म आज गोधन न्याय योजना, शिक्षा कर्मी के संविलियन, यात्री बस के जून महीना के मासिक कर म छूट अउ अनुकंपा नियुक्ति नियम म संसोधन के प्रस्ताव के अनुमोदन समेत कई ठिन आने महत्वपूर्ण फैसला ले गीस।
मुख्यमंत्री भूपेश बघेल के अगुवई म आज रईपुर के उंखर निवास कार्यालय म मंत्री परिषद के बइठका होईस। एमा नरवा, गरूवा, घुरवा अउ बारी के मंजूर गौठान मन ल आजीविका ले जोड़े बर गोधन न्याय योजना के मंजूरी दे गीस। राज्य म हरेली परब के दिन ले ए योजना सुरू होही। योजना म पशुपालक मन ले दू रूपिया किलो के दर ले गोबर बिसाय जाही। ए गोबर ले बनइया वर्मी कम्पोस्ट ल सहकारी समिति कोति ले आठ रूपिया किलो के दर ले होही संगेसंग लैम्पस अउ प्राथमिक कृषि साख सहकारी समिति के अल्पकालीन कृषि ऋण म जैवित खातू ल सामिल करे गेहे।
उहें, मंत्री परिषद ह दू बछर या ओखर ले जादा के सेवा पूरा करइया, सेष बचे पंचायत अउ नगरीय निकाय संवर्ग के शिक्षक मनके संविलियन अवइया एक नवंबर ले स्कूल सिक्षा विभाग म करे के मंजूरी दीन। एखर फायदा सोलह हजार ले जादा सिक्षक मन ल मिलही।
मंत्रिमंडल-निर्णय-02
उहें, कोरोना संक्रमण के सेती तालाबंदी के स्थिति ल देखत यात्री बस के जून महीना के देय कर म छूट दे गेहे। पचहत्तर लाख बाजार मूल्य तक के आवासीय मकान या फ्लैट के बिक्री म घलो पंजीयन शुल्क म छूट करे जाही। संस्कृति विभाग म छत्तीसगढ़ संस्कृति परिषद के गठन के प्रस्ताव ल मंजूरी दे गीस। महाधिवक्ता कार्यालय बिलासपुर म अतिरिक्त महाधिवक्ता के दू ठन नवा पद बनाय बर केहे गेहे।
मंत्रिपरिषद ह नगरीय क्षेत्र म सरकारी भूईंया के आवंटन, अतिक्रमित भूईंया के व्यवस्थापन, गैर रियायती अउ रियायती दर म आंवटित नजूल पट्टा ल भूईंया स्वामी के अधिकार म परिवर्तन विलेख म जउन स्टाॅम्प सुल्क लगथे, ओमा छूट देके फइसला ले गेहे।
बठइका म छत्तीसगढ़ खाद्य सुरक्षा अधिनियम म एपीएल श्रेणी के रासन कारडधारी मन ल छोड़ के आने रासन कार्ड म राष्ट्रीय खाद्य सुरक्षा अधिनियम के रासन कारड असन जुलाई ले नवंबर महीना तक हर महीना पांच किलो चाउर मनखे हिसाब ले मुफत म दे जाही। संगेसंग हरेक कारड म एक किलो चना मुफत म मिलही।
मंत्रिपरिषद ह अनुकम्पा नियुक्त के संबंध म संसोधन प्रस्ताव राखे हे, जेमा कहूं बिना बिहाव होय सरकारी करमचारी के मउत हो जथे, त अनुकम्पा नियुक्ति बर ओ बखत कहूं ओखर भाई या बहिनी कमती उमर के हवय, त अइसन स्थिति म माता-पिता ले अंतरिम अरजी लेके बड़े होय म नियुक्ति मिल सकही।
मंत्रिमंडल ह राज्य म सीधा भर्ती के सबो पद म तीन बछर के परिविक्षा अवधि म नियुक्ति करे के फइलसा लेहे। उहें, नारायणपुर के अशासकीय संस्था रामकृष्ण मिशन आश्रम के नैमित्तक अउ आकस्मिक स्थापना के करमचारी मनके नियमितीकरण के मंजूरी दे गेहे। संगेसंग छत्तीसगढ़ राज्य विधि आयोग के कार्यकाल ल आगू जारी नइ राखे गे फइसला होय हे।
संसदीय सचिव-शपथ
मुख्यमंत्री भूपेश बघेल ह आज पन्द्रह झिन संसदीय सचिव मन ल पद अउ गोपनीयता के सपथ देवाईन।
रईपुर के मुख्यमंत्री निवास कार्यालय म आज जउन संसदीय सचिव मन शपथ लीन, ओमा द्वारिकाधीश यादव, विनोद चंद्राकर, चन्द्रदेव राय, शकुुंतला साहू, विकास उपाध्याय, अंबिका सिंहदेव, चिंतामणि महराज, यू.डी. मिंज, परसनाथ राजवाड़े, इंदर शाह मंडावी, कुंवर सिंह निषाद, गुरूदयाल सिंह बंजारे, डाॅक्टर रश्मि आशीष सिंह, शिशुपाल सोरी अउ रेखचंद जैन हे। संसदीय सचिव चिंतामणि महाराज ह संस्कृत म सपथ लीन।
स्कूल शिक्षा मंत्री डाॅक्टर प्रेमसाय सिंह टेकाम के संग द्वारिकाधीश यादव ल, पंचायत अउ ग्रामीण विकास मंत्री टी.एस. सिंहदेव संग विनोद चंद्राकर ल, परिवहन अउ आवास मंत्री मोहम्मद अकबर संग चंद्रदेव राय ल, संसदीय कार्यमंत्री रविन्द्र चैबे संग शकुंतला साहू ल अउ लोक निर्माण मंत्री ताम्रध्वज साहू संग विकास उपाध्याय ल जोड़े गेहे।
रेड/आरेंज जोन
प्रदेस म कोरोना संक्रमित मरीज मनके बाढ़त संख्या के बीच स्वास्थ्य विभाग ह रेड अउ आरेंज जोन वाले विकासखंड के नवा सूची जारी करे हे। एखर मुताबिक रईपुर सहर समेत एक सौ बारह विकासखंड ल रेड जोन म राखे गेहे। राजधानी रईपुर के पांच विकासखंड रेड जोन म हवय। उहें, राजनांदगांव के सबले जादा नौ, रायगढ़ अउ जांजगीर के आठ-आठ विकासखंड रेड जोन म हे। उहें, सूची म बत्तीस ठिन विकासखंड ल आरेंज जोन घोषित करे गेहे।
कोरोना-मरीज
पाछु चैबीस घंटा म प्रदेसभर म कोरोना ले संक्रमित एक सौ चैरासी झिन नवा मरीज मिले हे। जेमा रईपुर जिला के सत्यासी झिन मरीज के पुष्टि होय हे। राजनांदगांव म छब्बीस अउ दुरूग म पच्चीस झिन कोरोना संक्रमित मरीज मिले हे।
उहें, आज दुरूग म अब तक दस झिन नवा कोरोना संक्रमित पाय गेहे। एमा छत्तीसगढ़ सशस्त्र बल के तीन जवान सामिल हे। ओति, धमतरी म घलो दू झिन कोरोना संक्रमित मरीज मिले हे।
कोरोना-सतर्कता
स्वास्थ्य मंत्री टी.एस. सिंहदेव ह बतईन हे कि राज्य म हरेक दिन कोरोना संक्रमण के दस हजार नमूना के जांच के लक्षय राखे गेहे। एखर बर जल्दी राजनांदगांव, बिलासपुर अउ अंबिकापुर मेडिकल कालेज म तीन आरटी-पीसीआर लैब के स्थापना करे जाही। राजधानी रईपुर म राज्य कंट्रोल एंड कमांड सेंटर के अधिकारी मनके बइठका लेके स्वास्थ्य मंत्री ह प्रदेस म कोरोना संक्रमण के जांच अउ इलाज के बेवस्था के समीक्षा करीन। ओमन बतईन कि जल्दी जम्मों जिला म ट्रू-नाॅट विधि ले कोरोना संक्रमण के जांच के सुभीता सुरू हो जही।
इही बीच, जांजगीर जिला अस्पताल म कोरोना संक्रमण के नमूना के जांच के सुभीता सुरू होगे हे। अभी हरेक दिन बारह ले पन्द्रह नमूना के जांच होवत हे। इहां जांच बर एक ट्रू-नाॅट मसीन लगाय गेहे।
उहें, मरीज के बाढ़त संख्या ल देखत सरगुजा जिला म आज अउ काली दू दिन के तालाबंदी घोषित करे गेहे। जिला प्रसासन ह लोगन ले जरूरी काम होवय तभे मास्क लगा के बाहिर निकले ए अपील करीन हे। अंबिकापुर सहर म पाछु दस दिन म नौ ठिन कंटेनमेंट जोन बनाय गेहे। स्वास्थ्य विभाग के मुताबिक अभी हाल म अंबिकापुर ले जउन नवा मरीज मिले हे। उंखर मनके कोनों भी किसम के बाहिर ले आय के जानकारी नइ हे।
सीबीएसई-दसवीं परिणाम
केन्द्रीय माध्यमिक शिक्षा बोर्ड-सीबीएसई के दसवीं कक्षा के परीक्षा के परिणाम काली घोषित करे जाही। केन्द्रीय मानव संसाधन विकास मंत्री रमेश पोखरियाल निशंक ह ट्वीट करके जम्मों विद्यार्थी मन ल अपन सुभकामना दीन। दसवीं सीबीएसई के नतीजा वेबसाइट म देखे जा सकही।
मनरेगा-रोजगार
महात्मा गांधी राष्ट्रीय ग्रामीण रोजगार गारंटी योजना-मनरेगा म प्रदेस के जम्मों जाॅब कारडधारी परिवार मन ल उंखर मांग के मुताबिक सौ दिन के रोजगार देके बात निश्चित करे जात हे।
ए संबंध म पंचायत अउ ग्रामीण विकास विभाग के मंत्री टी.एस. सिंहदेव के निरदेस म प्रमुख सचिव गौरव द्विवेदी ह जम्मों जिला कलेक्टर मन ल चिट्ठी जारी करे हे। एमा बताय गेहे कि राज्य म एसो पांच लाख पन्द्रह हजार दू सौ चालीस परिवार ल कम से कम सौ दिन के रोजगार देके लक्षय राखे गेहे। विभाग ह जनपद पंचायत अउ ग्राम पंचायत स्तर म योजना बनाके मजदूर मन ल सौ दिन के रोजगार देवाय के निरदेस देहे।
जनसंख्या स्थिरीकरण पखवाड़ा
दंतेवाड़ा जिला म जनसंख्या स्थिरीकरण पखवाड़ा म जागरूकता खातिर आज प्रचार गाड़ी ल हरियर झंडी देखाके भेजे गीस। मुख्य चिकित्सा अउ स्वास्थ्य अधिकारी डाॅक्टर एस.पी.एस. शांडिल्य ह बतईन कि चैबीस जुलाई तक ए प्रचार गाड़ी गांव-गांव पहुंच के आंगनबाड़ी कार्यकर्ता अउ मितानिन मन ल जागरूक करही।